ភូមិសាស្ត្រស្រុកខ្មែរ: ចលនាទន្ទ្រានដីព្រៃ ខេត្ត ពោធិសាត់

Thursday, July 18, 2024

ចលនាទន្ទ្រានដីព្រៃ ខេត្ត ពោធិសាត់

ឯកសារពាក់ព័ន្ធ ជាមួយ ខេត្ត ពោធិសាត់ រួមមាន៖

ចលនាទន្រ្ទានដីរដ្ឋ គឺជាចលនាប្រឆាំង រដ្ឋាភិបាលកម្ពុជា ប្រឆាំងជាមួយ កងកម្លាំងប្រដាប់អាវុធកម្ពុជា ដោយសារ កងកម្លាំងប្រដាប់អាវុធ ត្រូវបានគេដឹងថា ដើម្បីការពាររាជរដ្ឋាភិបាលស្របច្បាប់។ ចុះ ចលនាប្រឆាំង ជានណា? នៅលើឆាកអន្តរជាតិ មាន រដ្ឋាភិបាលបរទេស និង មាន អង្គការក្រៅរដ្ឋាភិបាលបរទេស ដោយ បើកយុទ្ធនាការគាំពារសិទ្ធិជនជាតិដើមភាគតិច តាមបណ្តាខេត្តក្រុងនានា ដូចជា ជនជាតិនៅ ខេត្តពោធិសាត់នេះជាដើម។ បរទេសគាំទ្រជនជាតិដើម ក្នុងការការពារដីភូមិ ដីដូនតា ដីស្រែ ចំការ ដីសហគមន៍ ដីព្រៃសហគមន៍ និយាយរួម គឺជាការបង្កើតរដ្ឋក្នុងរដ្ឋ។ ជនជាតិដើម្បី ប្រឆាំងជាមួយ ក្រុមហ៊ុនសប្បទាន និងក្រុមហ៊ុននានាដែលចូលទៅរកស៊ីនៅលើទឹកដីភូមិករណ៍ពួកគេ។

ផែនទី ក្រុង ថ្មដា ខេត្ត ពោធិសាត់

ផែនទី រដ្ឋបាល ស្រុក ខេត្ត ពោធិសាត់

ក្រសួងបរិស្ថាន៖ ១ មេសា ២០២៤ រយៈពេល២១ថ្ងៃ សមត្ថកិច្ចចម្រុះឃ្លុំដីជិត ១ម៉ឺនហិកតា ឃាត់ខ្លួនមនុស្ស ៣០នាក់ និងបញ្ជូនសំណុំរឿងបញ្ជូនទៅតុលាការបាន ១៦ករណី ក្នុងប្រតិបត្តិការក្តៅទប់ស្កាត់បទល្មើសធនធានធម្មជាតិនៅខេត្តពោធិ៍សាត់

រយៈពេល២១ថ្ងៃ គឺចាប់ពីថ្ងៃទី១១ ដល់ថ្ងៃទី៣១ ខែមីនា ឆ្នាំ២០២៤ កម្លាំងចម្រុះ បានចុះប្រតិបត្តិការក្តៅដើម្បីបង្រ្កាបទប់ស្កាត់បទល្មើសធនធានធម្មជាតិនៅក្នុងភូមិសាស្រ្តខេត្តពោធិ៍សាត់ សម្រេចឃ្លុំដីបានចំនួន ៩,៨០០.៨២ហិកតា រកឃើញជនសង្ស័យចំនួន ៣០នាក់ និងបញ្ជូនសំណុំរឿងបញ្ជូនទៅតុលាការបានចំនួន ១៦ករណី។ ជាមួយគ្នានេះក្រុមការងារចម្រុះ បានអប់រំប្រជាពលរដ្ឋដែលបានជួយដាំដុះដំណាំឱ្យជនល្មើសបានចំនួន ៨៥នាក់។

លើសពីនេះក្រុមចម្រុះ បានរុះរើខ្ទមបណ្តោះអាសន្ននៅលើទីតាំងដែលបានកាប់រុករានដីព្រៃ ក្នុងតំបន់ការពារធម្មជាតិ ធ្វើជាកម្មសិទ្ធិចំនួន ៤៧៩ខ្ទម និងបានដកហូតសម្ភារមួយចំនួនទុកជាវត្ថុតាងរួមមាន៖ រណាយន្ត៣១ គ្រឿង ម៉ូតូ១៥គ្រឿង គោយន្ត១គ្រឿង ផាលត្រាក់ទ័រ ៦គ្រឿង ម៉ាស៊ីនកាត់ស្មៅ ២៥គ្រឿង ម៉ាស៊ីនបាញ់ថ្នាំស្មៅ ១៥គ្រឿង កាំភ្លើងកែច្នៃចំនួន ១១ដើម អង្គប់ចំនួន៧៥ កាំបិតចំនួន ៨៥ បង្គោលរបងចំនួន ៣,៦៥២បង្គោល និងដំណាំចម្រុះបានជាច្រើនគុម្ព និងបាច់ផងដែរ។

ជាមួយគ្នានេះ នៅថ្ងៃទី៣១ ខែមីនា ឆ្នាំ២០២៤ កម្លាំងចម្រុះបានអន្តរាគមន៍ចុះបង្រ្កាបទប់ស្កាត់បទល្មើសកាប់រុនរានដីព្រៃធ្វើជាកម្មសិទ្ធិ បានឃ្លុំដីទុកបានចំនួន ២០៧.១៣ហិកតា និងរឹបអូសបានវត្ថុតាងនៅហ្នឹងកន្លែងមានដូចជា៖ រុះរើខ្ទមចំនួន១៣។

ផែនទី ប្រជុំជន ក្រុងថ្មដា

សូមបញ្ជាក់ថា ប្រតិបត្តិការបង្រ្កាប ទប់ស្កាត់បទល្មើសធនធានធម្មជាតិ នៅខេត្តពោធិ៍សាត់ មានទ្រង់ទ្រាយធំ និងបានរៀបចំឡើងបន្ទាប់ពីមានបញ្ជារបស់សម្ដេចមហាវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ឱ្យក្រសួងបរិស្ថាន ក្រសួង ស្ថាប័ន ព្រមទាំងអាជ្ញាធរ និងសម្ថកិច្ចពាក់ព័ន្ធ ពង្រឹងការគ្រប់គ្រងធនធាធម្មជាតិទូទាំងប្រទេស និងអនុវត្តច្បាប់ឱ្យបានតឹងរឹងចំពោះអ្នកប្រព្រឹត្តបទល្មើសធនធានធម្មជាតិ៕

ង៉ូវ បូរីណា Ngauv Borina សមត្ថកិច្ចចម្រុះ រួមមានចំនួន១០ក្រុម សរុប៧៨៩នាក់ មកពីបញ្ជាការដ្ឋានកងរាជអាវុធហត្ថលើផ្ទៃប្រទេស អគ្គស្នងការនគរបាលជាតិ និងកងម្លាំងនៃបញ្ជាការកងឯកភាពខេត្ត នៅថ្ងៃទី១៧ ខែមីនា ឆ្នាំ២០២៤ បានបន្តចុះបង្ក្រាប និងទប់ស្កាត់បទល្មើសធនធានធម្មជាតិ ក្នុងភូមិសាស្រ្តខេត្តពោធិ៍សាត់។

ប្រតិបត្តិការនៃកម្លាំងចម្រុះ សម្រេចបានឃ្លុំដីបានចំនួន ៥១៥ហិកតា និងបានដកហូត ផាល ត្រាក់ទ័រ (ទុកនៅបុស្តិ៍នគរបាលរដ្ឋបាលអន្លង់រាប) ២គ្រឿង, រណារយន្ត៖ ១គ្រឿង, បានរឹបអូសវត្ថុតាងមាន តង់កៅស៊ូ៖ ១០តង់, រោងប្រក់សង្ក័សី៖ ៩ខ្នង, រោងប្រក់ស្លឹក៖១ខ្នង, ដើមដំឡូង៖ ៣៧០បាច់, ដើមចេក៖ ៧០គុម្ភ, បង្គោលរបងថ្ម៖ ២០បង្គោល, បង្គោលរបងឈើ៖ ៧០បង្គោល.

ដោយឡែកនៅក្នុងពេលចុះអន្តរាគមន៍កម្លាំងចម្រុះ បានរុះរើ សំណង់ខុសច្បាប់៖ ៣ខ្នង រោងប្រក់ស្លឹក៖ ២ខ្នង បង្គោលរបង៖ ១២២ដើម និងបានស៊ើបអង្កេតអត្តសញ្ញាណកសាងសំណុំរឿង ២ករណី (នៅចំណុចកូនភ្នំកណ្ដាល) ក្នុងស្រុកវាលវែង ខេត្តពោធិ៍សាត់៕

ប្រភពដើមអម្ពិល កម្លាំងអគ្គស្នងការដ្ឋាននគរបាលជាតិ ២៥០នាក់ បានបញ្ជូនមកដល់ស្រុកវាលវែង ហើយនៅព្រឹកនេះ! ពោធិ៍សាត់៖ លោកឧត្តមសេនីយ៍ឯក កឹង ឃន អគ្គស្នងការរង នៃ អគ្គស្នងការដ្ឋាននគរបាលជាតិ បានដឹកនាំនាយនគរបាល នាយនគរបាលរង និងពលនគរបាលចំនួន ២៥០ នាក់មកដល់ភូមិសាស្ត្រស្រុកវាលវែង ខេត្តពោធិ៍សាត់ ហើយនាព្រឹកថ្ងៃទី១៣ ខែមីនា ឆ្នាំ២០២៤នេះ ដើម្បីចូលរួមយុទ្ធនាការទប់ស្កាត់ និងបង្ក្រាបនូវបទល្មើសព្រៃឈើ ការកាប់បំផ្លាញព្រៃឈើ និង ដុតព្រៃឈើរបស់រដ្ឋរុករានទន្រ្ទាន យកដីរបស់រដ្ឋនៅក្នុងស្រុកវាលវែង និង ស្រុកភ្នំក្រវាញ ខេត្តពោធិ៍សាត់។

លោកបានមានប្រសាន៍ថា យុទ្ធនាការនេះត្រូវបែងចែកជា ៤ មុខព្រួញស្មើរ នឹង ១០ គោលដៅធំៗ ក្នងនោះមានភូមិសាស្ត្រ ឃុំក្រពើរពីរ ភូមិសាស្ត្រឃុំប្រម៉ោយ ភូមិសាស្ត្រឃុំថ្មដា និង ភូមិសាស្ត្រឃុំអន្លង់រាប ស្រុកវាលវែង ខេត្តពោធិ៍សាត់ ដែលយុទ្ធនាការនេះមានរយៈពេល ១ ខែជាលក្ខណៈទ្រង់ទ្រាយធំ ដោយបានប្រើប្រាស់កម្លាំងសរុបជាង ៧០០ នាក់។ជាមួយគ្នានោះដែរលោកខូយ រីដា អភិបាលខេត្តពោធិ៍សាត់ ក៏បានចូលរួមឧបត្ថម្ភថវិកាបន្ថែមចំនួន ១ ម៉ឺនរៀល ក្នុងម្នាក់ៗ(ក្នុង ១ ថ្ងៃ) និង ផ្គត់ផ្គង់ស្បៀងអាហារសម្រាប់យុទ្ធនាការរយៈពេល១ ខែនេះផងដែរ៕

រដ្ឋជ្រើសយកឃុំចំនួន៣ ក្នុងស្រុកវាលវែងខេត្តពោធិ៍សាត់ ដើម្បីរៀបចំជាក្រុងថ្មីមួយ

ឃុំចំនួន ០៣ក្នុងស្រុកវាលវែង ខេត្តពោធិ៍សាត់ នឹងត្រូវរៀបចំជាទីក្រុង ខណៈកំណើនប្រជាពលរដ្ឋរស់នៅក្នុងខេត្តនេះបានកើនឡើងរហូតដល់ ៥២០.៧៥២នាក់ ស្មើនឹង ១៣២, ៨៥៥គ្រួសារ។ នេះបើតាមការលើកឡើងរបស់ ឯកឧត្តម ខូយ រីដា អភិបាលខេត្តពោធិ៍សាត់ សន្និសីទសារព័ត៌មានស្ដីពី “ភាពជោគជ័យក្នុងរយៈពេល ៥ឆ្នាំកន្លងមក” របស់រដ្ឋបាលខេត្តពោធិ៍សាត់ ថ្ងៃទី០៧ ខែមីនា ឆ្នាំ២០២៣។

ឯកឧត្តមអភិបាល បានឱ្យដឹងថា ស្រុកវាលវែងនឹងត្រូវរៀបចំជា ០៣គោលដៅ ក្នុងនោះតំបន់ថ្មដា ដែលត្រូវរៀបចំជាក្រុង ដើម្បីឱ្យក្លាយជាច្រកអន្តរជាតិថ្មីមួយនៅពេលអនាគត។ (អានបន្ថែម)

ឯកឧត្តមបានបន្ថែមថា យើងត្រូវរៀបចំប្លង់គោល ការអភិវឌ្ឍ ធ្វើយ៉ាងណាឱ្យក្លាយជាក្រុងមួយ ដែលមានសោភ័ណភាព គុណភាព ប្រសិទ្ធភាព និងទាក់ទាញទាំងទេសចរណ៍ ទាំងការវិនិយោគ និងដំណើរការចេញ-ចូលរវាងប្រទេសថៃ និងកម្ពុជាបាន។

ឯកឧត្តមបន្ត ក្រុមការងារចម្រុះរបស់ថ្នាក់ខេត្ត កំពុងរៀបចំ ដោយចុះទៅសិក្សាគូសវាសប្លង់គោលនៅក្នុងភូមិសាស្ត្រឃុំថ្មដា ឃុំប្រមោយ និងឃុំអូរសោម ដែលជាឃុំមានអាទិភាពក្នុងគោលដៅដែលខេត្តគិតគូរចង់បាន។ ឯកឧត្តមអភិបាល បានពន្យល់ថា ឃុំថ្មដា ជាតំបន់អភិវឌ្ឍសេដ្ឋកិច្ចពិសេស មានទំនាក់ទំនងអន្តរជាតិ ផ្លាស់ប្តូរទំនិញ ដោយឡែក ឃុំប្រមោយ ជាតំបន់ទីប្រជុំជនរដ្ឋបាល ហើយ ឃុំអូសោម ជាតំបន់ទេសចរណ៍ធម្មជាតិ។ ឯកឧត្តម បានបញ្ជាក់ជាចុងក្រោយថា បើយើងមិនរៀបចំគិតគូរពីពេលនេះទេ នោះថ្ងៃក្រោយ តំបន់នោះ នឹងក្លាយជាទីក្រុងគ្មានសណ្តាប់ធ្នាប់ បាត់បង់សោភណភាព។

ក្រសួងសាធារណការ និងដឹកជញ្ជូន គ្រោងនឹងសាងសង់ច្រកទ្វារព្រំដែនអន្តរជាតិកម្ពុជា-ថៃ ថ្មីមួយកន្លែងទៀត នៅឃុំថ្មដា ស្រុកវាលវែង ខេត្តពោធិសាត់។

គម្រោងនេះគឺស្របពេលដែលកម្ពុជា អភិវឌ្ឍផ្លូវជាតិលេខ៥១ ពីទីរួមខេត្តពោធិ៍សាត់ទៅតំបន់ព្រំដែនថ្មដា និងផ្លូវជាតិលេខ១០តភ្ជាប់រវាងខេត្តកោះកុង និងសំឡូតបាត់ដំបង។ ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន នៅថ្ងៃទី១០ ខែកុម្ភៈ ២០២២ បានដឹកនាំកិច្ចប្រជុំក្រុមការងារបច្ចេកទេសក្រសួង ដើម្បីត្រួតពិនិត្យលើគម្រោងសាងសង់ច្រកព្រំដែនអន្តរជាតិថ្មីនេះ។

តាមផែនការ គម្រោងនេះនឹងស្ថិតនៅក្នុងឃុំថ្មដា ស្រុកវាលវែង ខេត្តពោធិ៍សាត់ ជាប់ព្រំដែនជាមួយខេត្តត្រាត នៃប្រទេសប្រទេសថៃ។ ទិសដៅនៃការសងសង់ព្រំដែនថ្មីនេះ គឺដើម្បីបង្កើនកិច្ចសហប្រតិបត្តិការពាណិជ្ជកម្ម និងទេសចរណ៍រវាងប្រទេសទាំង ២ ។

គម្រោងនេះ នឹងរួមមានការកសាង អគារអន្តោប្រវេសន៍ អគារគយ រដ្ឋាករសម្រាប់ត្រួតពិនិត្យរួម ចំណតសម្រាប់ផ្ទេរទំនិញឆ្លងកាត់ ‌‌ឃ្លាំងទីលានកុងទីន័រ អគាររដ្ឋបាល និងសំណង់អគារអន្តេវាសិកដ្ឋាន។

MMO ថ្មី

វាជាការពិត អនាគតក្រុងថ្មដា ខេត្តពោធិ៍សាត់អាចប្រហែលនឹងក្លាយជាអញ្ចឹង

#ដីលក់

ដីល្អខ្លាំង ប្រកបដោយសក្តានុពល អាចបង្កើតនូវ សេរីភាពជោគជ័យ សេរីភាពហិរញ្ញវត្ថុ សេរីភាពពេលវេលា និងសេរីភាពកិត្តិយសកេរ្តិ៍ឈ្មោះជូនលោកអ្នកតជំនាន់

ទិដ្ឋភាពជុំវិញដី

ខាងមុខ និងខាងស្តាំគឺក្រុងថ្មដា, ខាងឆ្វេងគឺសមុទ្រឈើ, រីឯផ្នែកខាងក្រោយគឺមហាសមុទ្រទឹកប្រៃ និងអូទឹកសាប

✧ទំហំ: ក្បាល 100ម៉ែត្រ x បណ្តោយ 300ម៉ែត្រ

✧តម្លៃ: $2,500 ក្នុង1ម៉ែត្រដើរ ជាតម្លៃធូរថ្លៃនៅឡើយទេ

#ទីតាំងក្នុងក្រុងថ្មដា ច្រកអន្តរជាតិខ្មែរ-ថៃ ក្បែរកាស៊ីណូ ឬ ខាងមុខទីក្រុងចិន ដែលជាតំបន់ ពាណិជ្ជកម្ម សេដ្ឋកិច្ចពិសេស ទេសចរណ៍ធម្មជាតិ និងទេសចរណ៍ទំនើប ឃុំថ្មដា ស្រុកវាលវែង ខេត្តពោធិ៍សាត់

សូមទំនាក់ទំនងទិញ :

- Smart: 010 777 055

- Metfone: 090 777 055

- បើទូរស័ព្ទមិនចូល សូមលោកអ្នកផ្ញើលេខទូរស័ព្ទលោកអ្នកចូលក្នុងប្រអប់សារ Inbox, ខាងយើងខ្ញុំនឹងទាក់ទងទៅកាន់លោកអ្នកវិញភ្លាម! សូមអរគុណចំពោះការចាប់អារម្មណ៌!

២០២០ (ពោធិ៍សាត់)៖ រាជរដ្ឋាភិបាលកម្ពុជា និងថៃ មានគម្រោងបង្កើតច្រកព្រំដែនជាមួយគ្នាមួយចំនួនទៀតទៅជាច្រកអន្តរជាតិ ដើម្បីបង្កើនកិច្ចសហប្រតិបត្តិការពាណិជ្ជកម្ម និងការដោះដូរទំនិញរវាងប្រទេសទាំងពីរ។ ក្នុងនោះច្រកព្រំដែនរវាងកម្ពុជា និងថៃ ស្ថិតនៅក្នុងឃុំថ្មដា ស្រុកវាលវែង ខេត្តពោធិ៍សាត់ ជាប់ជាមួយខេត្តត្រាត ប្រទេសថៃ ក៏ជាច្រកមួយស្ថិតក្នុងគម្រោងបង្កើតជាច្រកអន្តរជាតិរវាងប្រទេសទាំងពីរផងដែរ។

បច្ចុប្បន្នច្រកព្រំដែនមួយនេះ ជាច្រករបៀងមួយដែលបើកឱ្យប្រជាពលរដ្ឋនៃប្រទេសទាំងពីរឆ្លងចេញចូលបាន ៣ថ្ងៃក្នុងមួយសប្តាហ៍ គឺថ្ងៃចន្ទ ពុធ និងសៅរ៍។ បើទោះបីបច្ចុប្បន្នច្រកព្រំដែននេះជាច្រករបៀង ហើយបើកតែ៣ថ្ងៃក្នុងមួយសប្តាហ៍ តែគេសង្កេតឃើញថា ប្រជាពលរដ្ឋនៃប្រទេសទាំងពីរមានការឆ្លងដែនចេញចូលគួរកត់សម្គាល់។ ក្នុងនោះប្រជាពលរដ្ឋខ្មែរភាគច្រើនបានឆ្លងទៅទិញទំនិញផ្សេងៗពីផ្សាររបស់ថៃដែលស្ថិតនៅក្បែរព្រំដែនយកមកលក់ដូរ ឬប្រើប្រាស់ ដ្បិតថា ការធ្វើដំណើរចូលទៅថៃជិតជាងការធ្វើដំណើរទៅកាន់ទីផ្សារនៅទីរួមខេត្តពោធិ៍សាត់។

ក្រៅពីបម្រើដល់ការឆ្លងចេញសម្រាប់ការដោះដូរទំនិញបន្តិចបន្តួចហើយនោះ ប្រជាពលរដ្ឋរស់នៅជាប់ព្រំដែនក្នុងឃុំថ្មដា ឬក៏មកពីតំបន់ផ្សេងៗទៀតនៅក្នុងខេត្តពោធិ៍សាត់ ក៏បានប្រើច្រកព្រំដែនមួយនេះ សម្រាប់ទៅស្វែងរកសេវាសុខាភិបាលពីខេត្តត្រាតប្រទេសថៃផងដែរ។ មន្ត្រីយោធា ក៏ដូចជាមន្ត្រីនគរបាលការពារព្រំដែនដែលឈរជើងនៅនឹងច្រកព្រំដែននេះ បានឱ្យដឹងថា សម្រាប់ប្រជាពលរដ្ឋខ្មែរ និងថៃ ដែលចង់ឆ្លងចេញចូលប្រទេសទាំងពីរ ដើម្បីទេសចរណ៍ ឬដោះដូរទំនិញ គឺអនុញ្ញាតឱ្យចេញចូល៣ថ្ងៃក្នុងមួយសប្តាហ៍ គឺថ្ងៃចន្ទ ពុធ និងសៅរ៍។ ប៉ុន្តែបើក្នុងករណីប្រជាពលរដ្ឋមានជំងឺតម្កាត់ផ្សេងៗ ឬជំងឺត្រូវសង្គ្រោះបន្ទាន់ជាដើម ត្រូវបានអនុញ្ញាតឱ្យចេញចូលភ្លាមៗដោយគ្មានថ្ងៃកំណត់នោះឡើយ។

បច្ចុប្បន្នក្រៅពីអនុញ្ញាតឱ្យប្រជាពលរដ្ឋជាប់ព្រំដែនចេញចូលដោះដូរទំនិញ ស្វែងរកសេវាសុខាភិបាល និងការប្រាស្រ័យទាក់ទងផ្សេងៗនោះ ប្រជាពលរដ្ឋខ្មែរដែលទៅលេងកម្សាន្តនៅតំបន់រមណីយដ្ឋានថ្មដាជាដើម ក៏បានប្រើច្រកនេះ ដើម្បីបង្ហួសទៅលេងខេត្តត្រាតប្រទេសថៃផងដែរ។

ទោះបីមានការអនុញ្ញាតឱ្យប្រើប្រាស់ច្រកព្រំដែនមួយនេះ ដើម្បីប្រាស្រ័យទាក់ទង ការដោះដូរទំនិញប្រើប្រាស់តិចតួចយ៉ាងណាក្តី តែការប្រើប្រាស់ច្រកមួយនេះនៅមានកម្រិតនៅឡើយនាពេលបច្ចុប្បន្ន ព្រោះថាវាស្ថិតជាច្រករបៀងនៅឡើយ។ ដំណឹងស្តីពីការបង្កើតច្រកព្រំដែនថ្មដាទៅច្រកទ្វារអន្តរជាតិ បាននាំឱ្យប្រជាពលរដ្ឋនៅក្នុងឃុំថ្មដា ស្រុកវាលវែង អ្នកវិនិយោគដែលកំពុងអភិវឌ្ឍន៍នៅជាប់ព្រំដែន រួមទាំងអាជ្ញាធរផងដែរ សម្តែងក្តីរីករាយ និងចង់ឃើញការបង្កើតច្រកនេះទៅជាច្រកអន្តរជាតិឱ្យបានឆាប់៕

២០២៤ កងរាជអាជអាវុធហត្ថលើផ្ទៃប្រទេស និងក្រសួងបរិស្ថាន បានដាក់កម្លាំងប្រមាណ ៥០០នាក់ ក្នុងយុទ្ធនាការទ្រង់ទ្រាយធំ ដើម្បីទប់ស្កាត់ និងបង្រ្កាបបទល្មើសធនធានធម្មជាតិ ក្នុងភូមិសាស្ត្រស្រុកវាលវែង និងស្រុកភ្នំក្រវាញ នៃខេត្តពោធិ៍សាត់។

អ្នកនាំពាក្យក្រសួងបរិស្ថាន លោក ខ្វៃ អាទិត្យា បានឱ្យដឹងនៅថ្ងៃទី១១ ខែមីនា ឆ្នាំ២០២៤ថា ក្នុងកិច្ចប្រជុំមួយ កាលពីរសៀលថ្ងៃអាទិត្យ រវាងថ្នាក់ដឹកនាំក្រសួងបរិស្ថាន លោករដ្ឋមន្ត្រី អ៊ាង សុផល្លែត និងនាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណ:កម្មការជាតិ ដើម្បីបង្ការ ទប់ស្កាត់ និងបង្ក្រាបបទល្មើសធនធានធម្មជាតិនោះ ក្រុមការងារទាំង២ស្ថាប័ន បានសម្រេចដាក់ពង្រាយកម្លាំងរួមគ្នាប្រមាណ ៥០០នាក់ ដើម្បីទប់ស្កាត់បទល្មើស និងការការពារព្រៃឈើនៅក្នុងភូមិសាស្រ្តខេត្តពោធិ៍សាត់ ដែលជាផ្នែកមួយនៃការប្រែក្លាយកម្ពុជាឱ្យក្លាយទៅជាប្រទេសអព្យាក្រឹត្យកាបូន។

លោកមានប្រសាសន៍ថា៖ «នេះជាការប្រតិបត្តិការនៃយុទ្ធនាការបង្រ្កាបបទល្មើសធនធានធម្មជាតិដ៏សំខាន់មួយ បន្ទាប់ពីក្រសួងបរិស្ថានបានដាក់ចេញនូវវិធានការការពារកន្លងមក […] យើងត្រូវលុបបំបាត់វប្បធម៌អប់រំ ចុះកិច្ចសន្យា ហើយដោះលែង អ្នកដែលបានចាប់ខ្លួនត្រូវតែបញ្ជូនទៅតុលាការ»។

លោកបន្ថែមថា៖ «ដើម្បីធានានូវការទប់ស្កាត់មិនឱ្យមានការបំផ្លាញធនធានធម្មជាតិ យើងត្រូវមានវិធានការដោះស្រាយ និងទប់ស្កាត់ជាបន្ទាន់ ដែលនៅក្នុងនោះយើងបានគាំទ្រទាំងកម្លាំងកាយ កម្លាំងចិត្ត កម្លាំងមធ្យោបាយ ដើម្បីឱ្យគណៈបញ្ជាការខេត្តអនុវត្តលើបទល្មើសកាប់ទន្រ្ទានដី និងព្រៃឈើ […] ការរៀបចំកងអន្តរាគមន៍ថ្នាក់ជាតិនេះ គឺដើម្បីជួយដល់កម្លាំងថ្នាក់ខេត្ត ដើម្បីចូលរួមបន្ថែមទៀត ឱ្យប្រព្រឹត្តិទៅដោយរលូន ហើយទទួលបានសមិទ្ធផលដែលថែរក្សាដល់ធនធានធម្មជាតិសម្រាប់កូនចៅជំនាន់តទៅទៀត»។

អ្នកនាំពាក្យរូបនេះ បានគូសបញ្ជាក់ដែរថា នេះគឺជាការប្រើប្រាស់កម្លាំងសរុបមួយ ដែលបង្ហាញពីការប្រតិបត្តិការរួមគ្នា និងជាយុទ្ធនាការមួយដែលបំផុសស្មារតី និងបង្ហាញអំពីការយកចិត្តទុកដាក់របស់រាជរដ្ឋាភិបាលទៅលើការគ្រប់គ្រងវិស័យបរិស្ថាន។

លោកថា៖ «នៅក្នុងអង្គប្រជុំក៏បានលើកឡើង ហើយក៏បានណែនាំឱ្យអ្នកប្រព្រឹត្តបទល្មើសបញ្ឈប់ជាបន្ទាន់ បើសិនជាប្រតិបត្តិការអន្តរាគមន៍រកឃើញ នឹងមានការទទួលទោសទណ្ឌ ហើយបើសិនជាមានមន្ត្រីរាជការ និងអ្នកពាក់ព័ន្ធឱ្យដកខ្លួន បើមិនដូច្នោះទេនឹងប្រឈមនឹងផ្លូវច្បាប់ […] យើងអន្តរាគមន៍សំខាន់នៅខេត្តពោធិ៍សាត់ ដោយសារយើងចង់ទប់ស្កាត់កុំឱ្យមានការទន្រ្ទាន ទប់ស្កាត់ឱ្យទាន់ពេលវេលាកុំមានការបំផ្លាញព្រៃឈើ។ ក្រុមការងារយើងបន្តយកចិត្តទុកដាក់ដូចគ្នា ទប់ស្កាយ់មិនឱ្យបទល្មើស កើតឡើង និងប៉ះពាល់ដល់ធនធានធម្មជាតិ ជីវៈចម្រុះ នៅកន្លែងនានា»។

លោក ខ្វៃ អាទិត្យា ក៏បានអំពាវនាវដល់ប្រជាពលរដ្ឋដែលកំពុងប្រកបរបរដែលធ្វើឱ្យប៉ះពាល់ដល់ធនធានធម្មជាតិ ត្រូវបញ្ឈប់សកម្មភាពរបស់ខ្លួនជាបន្ទាន់ និងបែរមករកមុខរបរផ្សេង ដែលមិនបង្កការរំខានដល់ធនធានធម្មជាតិ ព្រមទាំងចូលរួមទាំងអស់គ្នាក្នុងការដាំដើមឈើឡើងវិញ។

អ្នកនាំពាក្យកងរាជអាវុធហត្ថនៅលើផ្ទៃប្រទេស លោក អេង ហ៊ី បានបដិសេធមិនផ្តល់បទសម្ភាសន៍ ដោយថា លោកមិនបានចូលរួមកិច្ចប្រជុំ ខណៈអភិបាលខេត្តពោធិ៍សាត់ លោក ខូយ រីដា ប្រាប់ថា ជាប់រវល់។

ចំណែក ប្រធានមន្ទីរបរិស្ថានខេត្តពោធិ៍សាត់ លោក គង់ ពុទ្ធីរ៉ា បានឱ្យដឹងថា ការដាក់ពង្រាយកម្លាំងថ្នាក់ជាតិនៅក្នុងកិច្ចអន្តរាគមន៍នេះ ធ្វើឡើងក្នុងជំហានទីមួយ ដោយដាក់ពង្រាយរយៈពេលមួយខែ ទៅតាមគោលដៅនៃការលួចទន្ទ្រានព្រៃខុសច្បាប់។ បើសិនជាស្ថានភាពមិនទាន់ប្រសើរឡើងទេ លោកថា កងកម្លាំងនឹងត្រូវបន្តឈរជើងតទៅទៀត។

លោកបានថ្លែងថា៖ «ឥលូវនេះ យើងអនុវត្តនៅស្រុកវាលវែងជាគោលដៅសំខាន ហើយមួយផ្នែកនៃការអន្តរាគមន៍ទៀតនោះ គឺជាស្រុកភ្នំក្រវាញ […] ពេលនេះ តាមការចង្អុលរបស់នាយឧត្តមសេនីយ៍ ឯកភាពគ្នាថាដាក់ពង្រាយមួយខែសិន បើស្ថានភាពមិនទាន់ល្អប្រសើរទេ នឹងបន្តទៀត»។

លោកបានបញ្ជាក់ថា ករណីបទល្មើសធនធានធម្មជាតិមានច្រើន ហើយមិនមែនទើបតែពេលនេះទេ គឺកើតមានតាំងពីឆ្នាំ២០១៩មកម្ល៉េះ។ លោកបន្ថែមថា អ្នកដែលចូលកាប់ព្រៃខុសច្បាប់ទាំងនោះ គឺមានទាំងអ្នកនៅខាងក្នុងតំបន់ និងអ្នកមកពីខាងក្រៅ។

លោកថា៖ «ករណីនេះ វាមាន មានច្រើន តែមិនមែនទើបតែពេលនេះទេ ពីមុនៗមក តាំងពី២០១៩មក តែអ្វីដែលជាការខ្លាំងគឺនៅឆ្នាំ២០២៣ និង២០២៤នេះ ដោយសារតែតម្រូវការបងប្អូនយើងមានច្រើន ហើយជនខិលខូចចេះតែចូលទៅរញ៉េរញ៉ៃ ហេតុដូច្នេះហើយបានឯកឧត្តមរដ្ឋមន្ត្រីក្រសួង[បរិស្ថាន] រដ្ឋបាលខេត្តមានការជួយយកចិត្តទុកដាក់ពាក់ព័ន្ធទៅនឹងធនធានធម្មជាតិនេះ ហើយដាក់កម្លាំងថ្នាក់ជាតិចូលដើម្បីជួយគាំទ្រ […] អ្នកខាងក្នុងក៏គាត់នៅតែចូល អ្នកខាងក្រៅក៏គាត់នៅតែមក មកពីខេត្តផ្សេងៗ ពេលខ្លះក៏មកស៊ីឈ្នួលកាប់ឱ្យគេ ពួកគេភាគច្រើនមកកាប់តែពេលយប់ទេ អ៊ីចឹងយើងពិបាករកអត្តសញ្ញាណមែនទែន»។

បើតាមប្រធានមន្ទីរបរិស្ថានរូបនេះ កន្លងមក អាជ្ញាធរមានសមត្ថកិច្ច ក៏បានចាប់បានបទល្មើសជាក់ស្តែងមួយចំនួន ដោយបានឃាត់ខ្លួនជនល្មើស សួរនាំទៅតាមនីតិវធី និងបញ្ជូនសំណុំរឿងទៅតុលាការ។

អភិបាលស្រុកភ្នំក្រវាញ លោក ហេង សុភាណា ក៏បានឱ្យដឹងដែរថា ក្រុមកការងារទាំងថ្នាក់ខេត្ត និងថ្នាក់ជាតិ បានចុះទៅអន្តរាគមន៍ករណីនេះ ដោយដកហូតយកដីជាច្រើនរយហិកតាដែលជនល្មើសបានទន្ទ្រាន យកមកធ្វើជាកម្មសិទ្ធរដ្ឋវិញផងដែរ។

លោកថា៖ «យើងបានចាត់វិធានការបានច្រើនហើយ ហើយអ្នកដែលមិនរាងចាល គឺយើងចាត់វិធានការច្បាប់ ដោយមិនលើកលែងទេ»។

នាយកប្រតិបត្តិអង្គការបណ្តាញយុវជនកម្ពុជា លោក ហេង គីមហុង យល់ថា ការទប់ស្កាត់បទល្មើសធនធានធម្មជាតិនេះ ត្រូវតែធ្វើឡើងជាប្រចាំ និងញឹកញាប់ ដោយមិនមានការលើកលែងទាំងអ្នកប្រព្រឹត្តបទល្មើស និងបុគ្គល ឬក្រុមណាដែលនៅពីខាងក្រោយសកម្មភាពបំផ្លិចបំផ្លាញធនធានធម្មជាតិនេះ។

លោកថា៖ «ខ្ញុំយល់ថា ដល់ពេលហើយដែលរាជរដ្ឋាភិបាលអាណត្តិទី៧នេះ ត្រូវចាត់វិធានការយ៉ាងមុតមាំ ចំពោះក្រុមអ្នកប្រព្រឹត្តិបទល្មើសធនធានធម្មជាតិនៅក្នុងប្រទេសកម្ពុជា។ ច្រើនឆ្នាំមកនេះបញ្ហាធនធានធម្មជាតិក្លាយជាប្រធានបទដ៏គួរឱ្យចាប់អារម្មណ៍ ដោយសារតែវាកើតឡើងដដែលៗនៅក្នុងរយៈពេលវែង ហើយព្រៃឈើចេះតែបន្តបាត់បង់បន្តិចម្តងៗជារៀងរាល់ថ្ងៃ»។

លោកក៏បានជំរុញឱ្យអាជ្ញាធរមូលដ្ឋានបើកចិត្តទូលាយ នៅក្នុងការទទួលយកការរាយការណ៍ពីសំណាក់ប្រជាពលរដ្ឋ ក៏ដូចជាប្រភពផ្សេងៗ រួមទាំងការស្វាគមន៍នូវការចូលរួមពីសំណាក់សង្គមស៊ីវិល និងយុវជនស្ម័គ្រចិត្ត ដើម្បីឈានទៅរកការអនុវត្តការការពារមួយដែលមានប្រសិទ្ធិភាព។

លោកបានមានប្រសាសន៍ថា៖ «បើសិនជាការចាត់វិធានការមិនមានប្រសិទ្ធិភាព និងមិនគ្រប់ជ្រុងជ្រោយ វានឹងធ្វើឱ្យមានការរំខានខ្លាំងទៅដល់សកម្មភាពអភិរក្ស ហើយបាត់បង់ធនធានធម្មជាតិឥតអំពើ […] ជាមួយគ្នានេះដែរ ការលើកទឹកចិត្តឱ្យមានការអភិរក្ស ពីសំណាក់ថ្នាក់ជាតិទៅថ្នាក់សហគមន៍មូលដ្ឋានក៏ជារឿងមួយសំខាន់ដែរ ហើយការលើកទឹកចិត្តឱ្យប្រជាពលរដ្ឋគាត់ចូលរួមការពារធនធានធម្មជាតិ ក៏ជារឿងសំខាន់ដែរ។ ទន្ទឹមនឹងគ្នាហ្នឹង ដើម្បីឱ្យការអនុវត្តមានប្រសិទ្ធិភាព លុះត្រាតែអាជ្ញាធរគាត់បើកចិត្តទូលាយ នៅក្នុងការស្វាគមន៍ប្រភពព័ត៌មានដែលបានផ្តល់មក»៕

ពោធិ៍សាត់ : ទោះបីជាក្រុមការងារទាំង ៩ ក្រុម នៃ អនុគណ:កម្មការទប់ស្កាត់ និង បង្រ្កាបបទល្មើសធនធានធម្មជាតិ នៅស្រុកវាលវែង និង ស្រុកភ្នំក្រវាញ ធ្លាប់បានចុះបង្រ្កាបឃ្លុំទុក និង ដកហូតផ្ទៃដី ដែលជនល្មើសបានលួចកាប់ទន្រ្ទាន បានប្រមាណជិត ២ មុឺនហិចតា កន្លងមកយ៉ាងណាក្តី ក៍សកម្មភាពកាប់រានទន្រ្ទានយកដីព្រៃ របស់រដ្ឋធ្វើជាកម្មសិទ្ធិនៅតែបន្តកើតឡើងដដែល ទាំងនៅលើទីតាំងចាស់ និង នៅលើទីតាំងថ្មី ពិសេសនៅក្នុងរដូវប្រាំងនេះ ។

ជាក់ស្តែងនៅថ្ងៃទី ៨ ខែ មីនា ឆ្នាំ ២០២៤នេះ លោកខូយ រីដា អភិបាលខេត្តពោធិ៍សាត់ និង ជាប្រធានគណ:បញ្ជាការឯកភាពរដ្ឋបាលខេត្ត បានចុះត្រួតពិនិត្យ ដោយផ្ទាល់ទៅលើទីតាំងមួយចំនួន ដែលជាចំនុចក្តៅក្នុងស្រុកវាលវែង និង បានព្រមានចាត់វិធានការច្បាប់ ចំពោះជនល្មើស និង មន្ត្រីពាក់ព័ន្ធដោយគ្មានការលើកលែង ។

លោកខូយ រីដា ក៍ធ្លាប់បានមានប្រសាសន៍ នៅក្នុងកិច្ចប្រជុំបន្ទាន់មួយ ជាមួយគណ:កម្មាធិការថ្នាក់ខេត្ត និង អនុគណ:កម្មការទាំង ៩ ក្រុមកាលពីថ្ងៃទី ៥ ខែ មីនា ឆ្នាំ ២០២៤នោះថា លោកនឹងកាត់សាច់ស្អុយចោល ចំពោះមន្ត្រីថ្នាក់ណាក៍ដោយ ដែលបានឃុបឃឹត ជាមួយនឹងជនល្មើសបំផ្លិចបំផ្លាញ ធនធានធម្មជាតិក្នុងដែនសមត្ថកិច្ច ដែលខ្លួនគ្រប់គ្រងដោយលោក នឹង គោរពស្នើរសុំគោលការណ៍ ពីប្រមុខរាជរដ្ឋាភិបាលកម្ពុជា ក្នុងការអនុវត្តន៍អភិក្រមទី ៥ គឺការវះកាត់តែម្តង ។

លោកអភិបាលខេត្ត ក៍បានសង្កត់ធ្ងន់បន្ថែមថា ស្រុកវាលវែង គឺជាស្រុកដែលប្រឈមខ្ពស់ និង ជាចំនុចក្តៅនៃមហន្តរាយ ធនធានធម្មជាតិ តាមរយះការកាប់ទន្រ្ទានដីព្រៃ និង ដុតបំផ្លាញព្រៃឈើដើម្បីរានយកដីព្រៃ របស់រដ្ឋមកធ្វើជាកម្មសិទ្ធិរបស់ខ្លួនពីសំណាក់ជនល្មើស ជាមួយគ្នានោះក៍មានមន្ត្រី គ្រាប់ល្ពៅមួយចំនួនតូច ដែលកំពុងឃុបឃឹតគ្នា ជាលក្ខណះប្រព័ន្ធផងដែរ ។

លោកអភិបាលខេត្ត និង ជាប្រធានគណះបញ្ជាការ ឯកភាពរដ្ឋបាលខេត្ត ក៍សូមស្នើរដល់អនុគណះគណះកម្មការទាំង ៩ ក្រុមត្រូវបន្តចុះត្រួតពិនិត្យ លើទីតាំងចាស់ ដែលបានដកហូតផ្ទៃដី និង ឃ្មុំទុកកន្លងមកព្រមទាំងឡើងផែនទី និង ធ្វើរបាយការណ៍អោយបានជាក់លាក់ ក្នុងការពិនិត្យ ករណី ការកាប់រុករានថ្មី ដោយកំនត់មុខសញ្ញាស្រាវជ្រាវចាប់ខ្លួន ជនប្រព្រឹត្តិ និង អ្នកពាក់ព័ន្ធដើម្បីយកមកផ្តន្ទាទោស អោយខាងតែបាន ។ បន្ថែមពីនោះត្រូវដាក់ទីតាំងឈរជើង និង ត្រៀមកូនឈើគ្រប់ប្រភេទ ដើម្បីដាំដុះឡើងវិញ៕

ពលរដ្ឋមានជម្លោះដីនៅពោធិ៍សាត់ចង់ឲ្យមានការឆ្វៀលដីប៉ះពាល់ចេញពីដីក្រុមហ៊ុនទ្រីភាព

ដោយ ជិន ជេដ្ឋា

2017.05.06

ពលរដ្ឋមានទំនាស់ដីធ្លីក្នុងស្រុកវាលវែង ខេត្តពោធិ៍សាត់ នាំគ្នាតវ៉ានៅក្នុងវេទិកាមួយកាលពីថ្ងៃទី១៦ ខែធ្នូ ឆ្នាំ២០១៤ សុំឲ្យអាជ្ញាធរដោះស្រាយជម្លោះដីដែលពួកគាត់ចោទថា ក្រុមហ៊ុន ទ្រី ភាព បានរំលោភឈូសឆាយយក។

RFA/Chin Chetha

ស្ដាប់ ឬ ទាញយកសំឡេង

អ្នកភូមិនៃឃុំថ្មដា ស្រុកវាលវែង ខេត្តពោធិ៍សាត់ ដែលមានជម្លោះដីធ្លីជាមួយក្រុមហ៊ុន អឹម.ឌី.អេស (MDS) របស់លោកឧកញ៉ា ទ្រី ភាព អស់ជំនឿលើអាជ្ញាធរខេត្តក្នុងការដោះស្រាយជម្លោះនេះ។ អាជ្ញាធរខេត្តពោធិ៍សាត់ អះអាងថា កំពុងប្រឹងប្រែងដោះស្រាយបញ្ហានេះ ហើយអ្នកភូមិភាគច្រើនទទួលយកដីដោះដូរកន្លែងថ្មីតាមការដោះស្រាយរបស់អាជ្ញាធរហើយ។

អ្នកភូមិមានជម្លោះដីធ្លីនៅថ្ងៃទី៥ ខែឧសភា បានអះអាងផ្ទុយពីអាជ្ញាធរ ហើយថា តំណាងអាជ្ញាធរខេត្ត ស្រុក និងឃុំ ព្រមទាំងអ្នកពាក់ព័ន្ធនៅមូលដ្ឋាន បានជួបពលរដ្ឋញឹកញាប់ដែរ ប៉ុន្តែពុំមានលទ្ធផលអ្វីក្រៅពីជំរុញឲ្យពលរដ្ឋទទួលយកដីដោះដូរនៅកន្លែងថ្មី។ ពួកគេងាកទៅសុំអន្តរាគមន៍ពីរដ្ឋសភា ដោយសង្ឃឹមថា អាជ្ញាធរថ្នាក់ជាតិជួយជំរុញឲ្យមានការឆ្វៀលដីប៉ះពាល់ចេញពីដីក្រុមហ៊ុន។

ពលរដ្ឋម្នាក់ក្នុងចំណោមពលរដ្ឋមានបញ្ហាចំនួន ១៧គ្រួសារ លោកស្រី ផាន់ ចាន់ណា ឲ្យដឹងថា ដីជម្លោះនៅចំណុច អូរដើមគ និងចំណុចផ្លូវកណ្ដាល នៃភូមិសង្គមថ្មី កំពុងមានហាងឆេង ហើយឋិតនៅក្បែរក្រុមហ៊ុន ទ្រី ភាព ទើបពលរដ្ឋមានបញ្ហាភាគច្រើនមិនព្រមទៅកន្លែងថ្មី។

លោកស្រីថា អ្នកភូមិនៅសល់ក្ដីសង្ឃឹមតិចតួចលើចំណាត់ការរបស់អាជ្ញាធរថ្នាក់ជាតិជុំវិញរឿងដីធ្លីរ៉ាំរ៉ៃនេះ៖ «ស្រុក ខាងខេត្តហ្នឹងចុះមកភររហូតថា ដោះស្រាយៗ ប៉ុន្តែអត់មានដំណោះដោះស្រាយផង ចេះតែនិយាយបំភ្លៃទៅ។ សំណូមពរថា ជួយដោះស្រាយដីហ្នឹងឲ្យបានឲ្យគាត់វិញឆាប់បានដាំដុះ និងធ្វើផ្ទះនៅ ព្រោះគាត់អត់មានទីកន្លែងនៅផ្សេង»។

លិខិតរបស់គណៈកម្មការជំនាញនៃរដ្ឋសភា ចុះហត្ថលេខាដោយប្រធានរដ្ឋសភាលោក ហេង សំរិន កាលពីថ្ងៃទី២៤ ខែមេសា ផ្ញើជូនរដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បង្ហាញថា រដ្ឋសភាបានស្នើសុំឲ្យក្រសួងជួយពន្លឿនដោះស្រាយកាត់ឆ្វៀលដីជូនពលរដ្ឋ១៦គ្រួសារចេញពីក្រុមហ៊ុន អឹម.ឌី.អេស ថ្មដា អេស.អ៊ី.ហ្ស៊ិត ដោយយោងលើពាក្យសុំអន្តរាគមន៍របស់តំណាងពលរដ្ឋ។

អាស៊ីសេរី មិនអាចទាក់ទងអ្នកនាំពាក្យក្រសួងរៀបចំដែនដី នគរូបនីយកម្ម និងសំណង់ លោក សេង ឡូត ដើម្បីឆ្លើយតបនឹងលិខិតនេះបានទេ នៅថ្ងៃទី៥ ខែឧសភា ដោយលោកប្រាប់ថា កំពុងរវល់។

ចំណែកអភិបាលរងខេត្តពោធិ៍សាត់ និងជាអតីតប្រធានមន្ទីររៀបចំដែនដីនគរូបនីយកម្ម និងសំណង់ លោក ចេង ឡៃ ថាលោកមិនទាន់ទទួលបានការណែនាំ ឬសហការការងារនេះ ជាមួយអាជ្ញាធរថ្នាក់ជាតិនៅឡើយទេ។ ប៉ុន្តែលោកថា អាជ្ញាធរកំពុងរៀបចំដីដោះដូរនៅកន្លែងថ្មីសម្រាប់ពលរដ្ឋ នៅគ្រាដែលពួកគេភាគច្រើន បានយល់ព្រមទទួលយកតាមការសម្របសម្រួលរបស់អាជ្ញាធរហើយ៖ «ពលរដ្ឋភាគច្រើនទទួលយកហើយទៅតាមដំណោះស្រាយ សល់តែមួយចំនួនតូចទេដែលមិនទទួលយកការដោះស្រាយ។ តំបន់ហ្នឹងមិនឋិតនៅក្នុងចំណុះរបស់អាជ្ញាធរទេ ហើយរឿងឆ្វៀល ឬមិនឆ្វៀលរឿងរបស់ថ្នាក់លើ ថ្នាក់ជាតិដែលគ្រប់គ្រងតំបន់សេដ្ឋកិច្ចពិសេសហ្នឹង»។

លោក ចេង ឡៃ បញ្ជាក់ថា ទីតាំងដីដែលកំពុងមានជម្លោះ គឺឋិតនៅក្រោមការគ្រប់គ្រងរបស់ក្រសួងបរិស្ថាន ដូច្នេះអាជ្ញាធរពុំមានសិទ្ធិអ្វីក្រៅពីសម្របសម្រួលដោះស្រាយដើម្បីរកច្រកចេញប៉ុណ្ណោះ។

អ្នកភូមិកណ្ដាល ភូមិឯកភាព និងភូមិសង្គមថ្មី នៃ ឃុំថ្មដា បានទាមទារដោះស្រាយកាត់ឆ្វៀលដីមានជម្លោះទំហំជាង ១៧១ហិកតារ (១៧១.៦២១)។ ពួកគេមានជម្លោះជាមួយក្រុមហ៊ុន តាំងពីឆ្នាំ២០១០ គ្រាដែលក្រុមហ៊ុនចូលសង់កាស៊ីណូ និងដាំដំណាំកសិ-ឧស្សាហកម្មនៅតំបន់នោះ។ ក្រុមហ៊ុនធ្លាប់បញ្ជាក់ថា ការកាត់ឆ្វៀលដី ឬត្រូវដោះស្រាយយ៉ាងណានោះ គឺអាស្រ័យលើអាជ្ញាធរមានសមត្ថកិច្ច៕

2013.12.16 ដោយ ជិន ជេដ្ឋា RFA/Chin Chetha

ពលរដ្ឋមានទំនាស់ដីនៅពោធិ៍សាត់ប៉ះទង្គិចជាមួយសមត្ថកិច្ច

ប្រជាពលរដ្ឋមានបញ្ហាដីធ្លីជាមួយនឹងក្រុមហ៊ុន អឹម.ឌី.អេស (MDS) របស់លោកឧកញ៉ា ទ្រី ភាព មកពីឃុំថ្មដា និងឃុំអន្លង់រាប ស្រុកវាលវែង ខេត្តពោធិ៍សាត់ ប្រមាណជា ១០០នាក់ បានប៉ះទង្គិចជាមួយនឹងកម្លាំងសមត្ថកិច្ចមួយប្រាវ បណ្ដាលឲ្យស្ត្រីម្នាក់ថ្លោះកជើងខាងឆ្វេង នៅព្រឹកថ្ងៃទី១៦ ខែធ្នូ។

ទំនាស់ដី ពោធិ៍សាត់ ៦១០ ពលរដ្ឋមានទំនាស់ដីធ្លីក្នុងស្រុកវាលវែង ខេត្តពោធិ៍សាត់ នាំគ្នាតវ៉ានៅក្នុងវេទិកាមួយកាលពីថ្ងៃទី១៦ ខែធ្នូ ឆ្នាំ២០១៤ សុំឲ្យអាជ្ញាធរដោះស្រាយជម្លោះដីដែលពួកគាត់ចោទថា ក្រុមហ៊ុន ទ្រី ភាព បានរំលោភឈូសឆាយយក។

មន្ត្រីអង្គការសិទ្ធិមនុស្សបានចាត់ទុកសកម្មភាពរារាំងរបស់អាជ្ញាធរ និងកម្លាំងសមត្ថកិច្ចមិនឲ្យពលរដ្ឋមានបញ្ហាពិតប្រាកដចូលទៅស្ដាប់ ឬបង្ហាញពីទុក្ខកង្វល់របស់ខ្លួននៅក្នុងអង្គវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តនៅពេលនេះ គឺជាការបំបិទសិទ្ធិបញ្ចេញមតិ ហើយអាជ្ញាធរមិនហ៊ានយកការពិតមកដោះស្រាយ។

ការប៉ះទង្គិចគ្នានេះ បានកើតឡើងចំពេលដែលប្រធានក្រុមប្រឹក្សាខេត្ត លោក ឆាយ សារ៉េត ជួបពិគ្រោះយោបល់ជាមួយនឹងមន្ត្រីក្រុមប្រឹក្សាស្រុក និងឃុំ ព្រមទាំងមេភូមិជាច្រើននាក់ នៅក្នុងទីធ្លាវត្តអារាមមួយក្បែរសាលាស្រុកវាលវែង ខេត្តពោធិ៍សាត់។ វេទិកានេះមិនត្រូវបានអនុញ្ញាតឲ្យអង្គការក្រៅរដ្ឋាភិបាល អ្នកសារព័ត៌មានអន្តរជាតិ និងប្រជាពលរដ្ឋដែលមានទំនាស់ដីធ្លី ចូលរួមស្ដាប់និងពិគ្រោះយោបល់ឡើយ។

តំណាងប្រជាពលរដ្ឋម្នាក់មកពីឃុំថ្មដា អ្នកស្រី គុយ ស្រីម៉ៅ មានប្រសាសន៍ថា អធិការរងស្រុកវាលវែង លោក សូ សែម បានច្រានអ្នកស្រីទាំងកម្រោលបណ្ដាលឲ្យថ្លោះកជើងខាងឆ្វេង នៅពេលដែលអ្នកស្រីកំពុងតែឈរតវ៉ា និងចង់ចូលទៅជួបគណៈអធិបតីនៃវេទិកា។ អ្នកស្រីបន្តថា អាជ្ញាធរនិងកម្លាំងសមត្ថកិច្ចមិនត្រូវហាមឃាត់ក្រុមប្រជាពលរដ្ឋមិនឲ្យចូលទៅស្ដាប់ ឬបង្ហាញពីទុក្ខកង្វល់របស់ខ្លួនឡើយ ពីព្រោះថា ពួកគាត់ខំធ្វើដំណើរចម្ងាយរាប់រយគីឡូដី ដើម្បីមកជួបអាជ្ញាធរជួយដោះស្រាយ។

អ្នកស្រី គុយ ស្រីម៉ៅ៖ «សូមរដ្ឋាភិបាលជួយដោះស្រាយភូមិសង្គមថ្មីនៅស្រុកថ្មដា ស្រុកវាលវែង ខេត្តពោធិ៍សាត់ ផង។ អាប៉ូលិសឆ្កួតអស់ហ្នឹងវារុញឡើងថ្លោះកជើង ប៉ូលិសពុករលួយ ខ្ញុំមកនេះចង់ទាមទារយកយុត្តិធម៌របស់បងប្អូនប្រជាពលរដ្ឋឃុំថ្មដាវិញ»។

ក្រុមប្រជាពលរដ្ឋដែលប្រដាប់ដោយបដាពាក្យស្លោក និងឧបករណ៍បំពងសំឡេង បានស្រែកព្រមៗគ្នាឲ្យក្រុមហ៊ុនប្រគល់ដីជូនប្រជាពលរដ្ឋវិញដោយគ្មានលក្ខខណ្ឌ និងបានស្រែកចំអកឲ្យរាជរដ្ឋាភិបាលថា មានសិទ្ធិអំណាចតូចជាងក្រុមហ៊ុន ទើបដំណោះស្រាយដីធ្លីរបស់ពួកគាត់នៅតែបន្តអូសបន្លាយរហូតមកដល់ពេលបច្ចុប្បន្ន។

ឆ្លើយតបនឹងបញ្ហានេះ នាយករដ្ឋបាលសាលាស្រុកវាលវែង លោក អ៊ុំ ស៊ីម មានប្រសាសន៍បញ្ជាក់ថា ដីសម្បទានសេដ្ឋកិច្ចរបស់ក្រុមហ៊ុន អឹម.ឌី.អេស បានធ្វើឲ្យប៉ះពាល់ដល់ដីប្រជាពលរដ្ឋចំនួន ៣ឃុំ គឺឃុំអូរសោម អន្លង់រាប និងឃុំថ្មដា ក៏ប៉ុន្តែរហូតមកដល់បច្ចុប្បន្ន ក្រុមហ៊ុនបានធ្វើការដោះស្រាយជូនប្រជាពលរដ្ឋបានជិត ៩០ភាគរយ ហើយផ្ទៃដីដែលនៅមានទំនាស់សល់មិនលើសពី ៥០ហិកតារឡើយ។ លោកបន្តថា ការដោះស្រាយបញ្ហាដីធ្លីត្រូវតែធ្វើឡើងតាមដំណាក់កាល គឺមិនអាចលើកគ្នារាប់រយនាក់មកសុំការដោះស្រាយភ្លាមៗដូច្នេះបាននោះទេ។

មន្ត្រីសម្របសម្រួលសមាគមអាដហុក (Adhoc) ប្រចាំខេត្តពោធិ៍សាត់ លោក ភួង សុធា ថ្លែងថា វេទិកាដែលរៀបចំឡើងដោយក្រុមប្រឹក្សាខេត្តនេះ គួរតែត្រូវបានអនុញ្ញាតឲ្យអង្គការក្រៅរដ្ឋាភិបាល និងប្រជាពលរដ្ឋចូលស្ដាប់ ឬលើកឡើងនូវបញ្ហារបស់ខ្លួនទើបប្រសើរ៖ «បាទ! វេទិកាសាធារណៈនេះយើងឃើញថា គ្រាន់តែជាការរៀបចំមួយរបស់ក្រុមប្រឹក្សាខេត្តដែលវាពុំទទួលបានដំណោះស្រាយអ្វីទាំងអស់ ព្រោះអីយើងឃើញថា សមាជិកក្រុមប្រឹក្សាបានចេញទៅផ្លូវក្រោយទៅវិញខណៈដែលប្រជាពលរដ្ឋបានធ្វើការតវ៉ា»។

វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តពោធិ៍សាត់ ត្រូវបានបញ្ចប់ដោយតក់ក្រហល់នៅម៉ោងប្រហែលជា ១០កន្លះ បន្ទាប់ពីមានក្រុមប្រជាពលរដ្ឋជាច្រើននាក់ឈរស្រែកតវ៉ារឿងដីធ្លីនៅផ្នែកខាងក្រៅនៃអង្គវេទិកា។ យ៉ាងណាក្រុមប្រជាពលរដ្ឋ បានស្នើសុំឲ្យតំណាងរបស់ខ្លួនចំនួន ៥នាក់ បានចូលទៅអង្គុយស្ដាប់ និងលើកបញ្ហាផ្សេងៗជូនអង្គវេទិកា ក៏ប៉ុន្តែកម្លាំងសមត្ថកិច្ចនៅតែមិនអនុញ្ញាតឲ្យចូលដោយបង្វែរឲ្យពួកគាត់ធ្វើដំណើរទៅកាន់សាលាស្រុក ដើម្បីជួបដោះស្រាយបញ្ហាជាមួយនឹងអភិបាលស្រុកវាលវែង លោក ឆេ ឈីវ។

(ពោធិ៍សាត់)៖ អាជ្ញាធរខេត្តពោធិ៍សាត់ បានចេញសេចក្តីជូនដំណឹងថា នឹងបោសសម្អាតទីតាំងលំនៅមិនស្របច្បាប់ នៅក្នុងតំបន់ការពារធម្មជាតិ ដែនជម្រកសត្វព្រៃភ្នំសំកុស ដោយទុករយៈពេល ៧ថ្ងៃ ឲ្យប្រជាពលរដ្ឋដែលតាំងទីលំនៅខុសច្បាប់នៅទីតាំងនោះ រុះរើចេញជាបន្ទាន់។

យោងតាមតាមសេចក្តីជូនដំណឹង របស់ឯកឧត្តម ម៉ៅ ធនិន អភិបាលខេត្តពោធិ៍សាត់ ដែលទទួលបាននៅយប់ថ្ងៃទី០៤ ខែកញ្ញា ឆ្នាំ២០២០នេះ បានជូនដំណឹងដល់ប្រជាពលរដ្ឋ ២១គ្រួសារ ដែលកំពុងមកតាំងទីលំនៅ និងកាប់រុករានដីព្រៃក្នុងតំបន់ការពារធម្មជាតិ ឲ្យដឹងថា នៅពេលបច្ចុប្បន្ននេះផ្ទៃដីតំបន់ ការពារធម្មជាតិដែនជម្រកសត្វព្រៃភ្នំសំកុស កំពុងត្រូវបានជនខិលខូចមួយចំនួនមករំលោភកាប់ទន្ទ្រានព្រៃ កាន់កាប់ដីយ៉ាងអាណាធិបតេយ្យ ទោះជាមានការណែនាំទប់ស្កាត់ ពីអាជ្ញាធរគ្រប់លំដាប់ថ្នាក់ និងមន្ត្រី ជំនាញយ៉ាងណាក៏ដោយ ក៏នៅតែមានការកាប់ទន្ទ្រានព្រៃកើតមានឡើងដដែល។

ដើម្បីថែរក្សាព្រៃ និងដីតំបន់ការពារធម្មជាតិ ដែលជាប្រភពធនធានធម្មជាតិដ៏សំខាន់បំផុតសម្រាប់ជីវភាពប្រជាពលរដ្ឋ ដែលកំពុងរស់នៅក្នុងខេត្តពោធិ៍សាត់ទាំងមូល រដ្ឋបាលសាលាខេត្តពោធិ៍សាត់ នឹងចាត់វិធានការរដ្ឋបាលបោសសម្អាត ទីតាំងរស់នៅនៅមិនស្របច្បាប់ នៅក្នុងតំបន់ការពារធម្មជាតិដែនជម្រកសត្វព្រៃភ្នំសំកុស ចាប់ពីចំណុចស្ពានអូរ ១៧ រហូតដល់លើភ្នំ១៥០០ ភូមិដីក្រហម ឃុំអន្លង់រាប ស្រុកវាលវែង ខេត្តពោធិ៍សាត់ ដោយរដ្ឋបាលខេត្ត ទុករយៈពេលមួយសប្តាហ៍ (០៧ថ្ងៃ) គិតចាប់ពីថ្ងៃជូនដំណឹងនេះទៅ សម្រាប់រយៈពេលឱ្យប្រជាពលរដ្ឋ ចំនួន ២១គ្រួសារ ធ្វើការរុះរើផ្ទះ និងខ្ទមទាំង៤៣ ខ្នងដែលបានសាងសង់នៅមិនស្របច្បាប់ ចេញពីចំណុចខាងលើដោយខ្លួនឯង ហើយបញ្ឈប់រាល់សកម្មភាពកាប់រុករានដីព្រៃ នៅក្នុងតំបន់ការពារធម្មជាតិ។

«ដល់ថ្ងៃផុតកំណត់នៃសេចក្ដីជូនដំណឹងនេះ រដ្ឋបាលខេត្តនឹងចាត់វិធានការការរុះរើ ដោយមិនទទួលខុសត្រូវរាល់ ការខូចខាតនោះទេ ក្នុងករណីនេះប្រជាពលរដ្ឋណាដែលរឹងរូស ឬប្រឆាំងតបតដោយហិង្សាត្រូវទទួល ទោសតាមច្បាប់ជាធរមាន»។ នេះបើតាមសេចក្តីជូនដំណឹង របស់រដ្ឋបាលខេត្តពោធិ៍សាត់ បានបញ្ជាក់បន្ថែម។

ឯកឧត្តម ម៉ៅ ធនិន ក៏បានបញ្ជាដល់គណៈបញ្ជាការឯកភាពស្រុក និងមន្ត្រីឧទ្យានុរក្ស ត្រូវធ្វើការតាមដានសកម្មភាព ប្រជាពលរដ្ឋតាមសេចក្ដីជូនដំណឹងនេះ ហើយបន្ទាប់ពីដល់ថ្ងៃកំណត់ នៃសេចក្ដីជូនដំណឹងត្រូវចុះរុះរើផ្ទះ ឬខ្ទមដែលនៅមិនទាន់មានការរុះរើទាំងអស់ចេញ ពីតំបន់ការពារធម្មជាតិ។ អាជ្ញាធរមូលដ្ឋានត្រូវតាមដាន និងធ្វើការគ្រប់គ្រងជនចំណូលស្រុក ដោយមិនត្រូវចេញលិខិតបញ្ជាក់ទីលំនៅ ឬលិខិតបញ្ជាក់កម្មសិទ្ធិដីធ្លី ជូនប្រជាពលរដ្ឋនៅតំបន់ការពារធម្មជាតិឡើយ៕

ក្រោយពីជួបពិភាក្សា និងដោះស្រាយបញ្ហាដីធ្លីជាមួយលោកអភិបាលស្រុកវាលវែង ក្រុមប្រជាពលរដ្ឋបានដាក់ឱសានវាទរយៈពេល ១០ថ្ងៃ ប្រសិនបើមិនឃើញដំណោះស្រាយអ្វីនោះទេ ពួកគាត់នឹងកៀរគរមនុស្សកាន់តែច្រើនឡើងដើម្បីធ្វើការតវ៉ាបន្តទៀត៕

November 15, 2022 ពោធិសាត់ៈ កំនើនតម្លៃដីធ្លី និងការកើនឡើងតម្លៃដីបានធ្វើឲ្យបាតុភាពទំនាស់ដីធ្លីកើនឡើង នៅក្នុងមូលដ្ឋានជាច្រើនក្នុងស្រុកវាលវែង ខណៈពេលប្រជាពលរដ្ឋស្នើសុំអន្តរាគមន៍ពីអភិបាលខេត្ត និងសម្តចតេជោហ៊ុន សែននាយករដ្ឋមន្រ្តីនៃកម្ពុជា។

ប្រជាពលរដ្ឋប្រមាណ៨០គ្រួសារ រស់នៅភូមិក្រាំងរងៀង ភូមិចំការជ្រៃខាងជើង និងភូមិកណ្តាល ឃុំអន្លង់រាប ស្រុកវាលវែង ខេត្តពោធិសាត់ បានមានប្រសាសន៍ឲ្យដឹង តាមបណ្តាញតេឡេក្រាមនៅព្រឹកថ្ងៃទី១៥ វិច្ឆិកានេះថា មន្រ្តីយោធា មន្រ្តីនគរបាលមូលដ្ឋាន និងបុគ្គលមួយចំនួនទៀត ដែលបានកំពុងធ្វើការងារឲ្យក្រុមហ៊ុនមួយ បានគំរាមកំហែងប្រជាពលរដ្ឋ និងបានបំពានយកដីរបស់ពួកគាត់ ដែលបានកាន់កាប់ជាង១០ឆ្នាំមកហើយ ដោយពួកមន្រ្តីទាំងនោះ បានយកឈ្មោះថ្នាក់ដឹកនាំជាច្រើន ដើម្បីធ្វើជាខ្នងបង្អែកនិងគំរាមប្រជាពលរដ្ឋ។

តំណាងប្រជាពលរដ្ឋដែលរស់នៅមូលដ្ឋានខាងលើ បាននិយាយដោយមិនហ៊ានបញ្ចេញឈ្មោះថា “ពួកគេបានយកថ្នាំបាញ់ និងបោះបង្គោលទៅលើដីរបស់ពួកគាត់ទាំងកំរោល ដោយគំរាមថាបើសិនជាមិនលក់ឬបង្កបញ្ហាអ្វី ក៏ដីរបស់ពួកគាត់នឹងត្រូវរឹបអូសយក ដោយគ្មានសំណងនោះឡើយ”។

មន្រ្តីយោធា និងនគរបាលដែលបាន និងកំពុងគំរាមប្រជាពលរដ្ឋ ត្រូវបានតំណាងប្រជាពលរដ្ឋបង្ហាញអន្តសញ្ញាណ ដូចជា លោកហោ គឹមភាព (ហៅណាក់)ជាមន្រ្តីនគរបាលឃុំអន្លង់រាប លោកស៊ិន ឡននិងភរិយាឈ្មោះហៀង សុធីតា និងឈ្មួញដីម្នាក់ទៀតមានឈ្មោះឆេង។

ការទាក់ទងសុំការបំភ្លឺពីមន្រ្តីទាំងនោះ មិនបានជោគជ័យនៅឡើយទេ ប៉ុន្តែយើងនឹងរង់ចាំការឆ្លើយតប ឬបកស្រាយបំភ្លឺទាក់ទងនឹងការចោទប្រកាន់នេះ។តំណាងប្រជាពលរដ្ឋដដែលបានឲ្យដឹងទៀតថា មេភូមិក្រាំងងៀង ដែលបានរងគ្រោះដោយសារការរំលោភដី ក៏បានរងគំរាមកំហែងពីថ្នាក់ដឹកនាំស្រុកមួយចំនួនផងដែរ ហើយគេហទំព័រ Propertyarea.aia បានទំនាក់ទំនងទូរស័ព្ទទៅមេភូមិ និងសាកសួរព៌តមានតាមបណ្តាញតេឡេក្រាម ប៉ុន្តែមេភូមិរូបនោះមិនហ៊ានឆ្លងឆ្លើយ និងលើកទូរស័ព្ទឡើយ ដោយតំណាងប្រជាពលរដ្ឋអះអាងថា គាត់មិនហ៊ានលើកទូរស័ព្ទដោយសារ គាត់ត្រូវរងការគំរាមកំហែង។លោកសោម សារី និងសមាជិកគ្រួសាររបស់គាត់ទាំងអស់ បានរងគ្រោះពីការរំលោភបំពាន ដីពីសំណាក់ក្រុមមន្រ្តីខាងលើ មិនលើកទូរស័ព្ទនោះទេ ទោះបីជាមានការខលចូលជាច្រើនដងក្តី។ជាមួយគ្នានេះ ប្រជាពលរដ្ឋស្នើឲ្យអាជ្ញាធរ ជួយការពារទីលានចាក់សំរាមដែលមានទំហំប្រមាណ២០ហិកតានៅក្នុងតំបន់នេះផងដែរ។តំណាងប្រជាពលរដ្ឋបានអះអាងថា ប្រជាពលរដ្ឋនឹងនាំយកពាក្យបណ្តឹងទាក់ទងនឹងទំនាស់នេះ មកកាន់ក្រសួងមហាផ្ទៃនៅសប្តាហ៍ក្រោយនេះ ប្រសិនបើអាជ្ញាធរមូលដ្ឋាន និងមន្រ្តីពាក់ព័ន្ឋ មិនគិតគូដោះស្រាយបាតុភាពទំនាស់នេះ។

លោកទូច ឈុំមេឃុំអន្លង់រាប ស្រុកវាលវែង ខេត្តពោធិសាត់បានមានប្រសាសន៍ឲ្យដឹងតាមទូរស័ព្ទ នាព្រឹកថ្ងៃដដែលនេះថា ដីនៅក្នុងមូលដ្ឋាននេះ ប្រជាពលរដ្ឋភាគច្រើន បានកាន់កាប់តាំងពីក្រោយសមាហរណកម្មមកម្លេះ ប៉ុន្តែមានប្រជាពលរដ្ឋមួយប្រមាណ៦០ភាគរយប៉ុណ្ណោះ មានប្លង់កាន់កាប់ជាប្រភេទប្លង់ទន់។ លោកបន្តថា ជាមួយនឹងបាតុភាពនេះ អាជ្ញាធរឃុំ បានជួយសម្របសម្រួលការងារមួយចំនួនហើយ ប៉ុន្តែមួយចំនួនទៀតមិនទាន់បានដោះស្រាយនៅឡើយ។លោកសោម សារី និងសមាជិកគ្រួសាររបស់គាត់ទាំងអស់ បានរងគ្រោះពីការរំលោភបំពាន ដីពីសំណាក់ក្រុមមន្រ្តីខាងលើ មិនលើកទូរស័ព្ទនោះទេ ទោះបីជាមានការខលចូលជាច្រើនដងក្តី។ជាមួយគ្នានេះ ប្រជាពលរដ្ឋស្នើឲ្យអាជ្ញាធរ ជួយការពារទីលានចាក់សំរាម ដែលមានទំហំប្រមាណ២០ហិកតានៅក្នុងតំបន់នេះផងដែរ។តំណាងប្រជាពលរដ្ឋបានអះអាងថា ប្រជាពលរដ្ឋនឹងនាំយកពាក្យបណ្តឹងទាក់ទងនឹងទំនាស់នេះ មកកាន់ក្រសួងមហាផ្ទៃនៅសប្តាហ៍ក្រោយនេះ ប្រសិនបើអាជ្ញាធរមូលដ្ឋាន និងមន្រ្តីពាក់ព័ន្ឋ មិនគិតគូដោះស្រាយបាតុភាពទំនាស់នេះ។

Post Khmer
ក្រុមអង្គការអភិរក្សសត្វព្រៃ បានឱ្យដឹងថា ឆ្កែព្រៃបង្ហាញវត្តមានរស់នៅតំបន់ទេសភាពជួរភ្នំក្រវាញកណ្តាល ខណៈប្រភេទសត្វនេះ ត្រូវបានចាត់ថ្នាក់ជាសត្វជិតផុតពូជ ហើយបច្ចុប្បន្ននេះចំនួនឆ្កែព្រៃ មិន មានការប៉ាន់ប្រមាណក្នុងប្រទេសណាមួយនោះទេ រួមទាំងប្រទេសកម្ពុជាផងដែរ។

ចលនាទន្ទ្រានដីព្រៃ ខេត្ត ពោធិសាត់

ទិដ្ឋភាពទូទៅ ភ្នំ ១៥០០ គឺបង្ហាញសម្រស់នៅលើផ្លូវជាតិលេខ ៥៥ ក្នុងស្រុកវាលវែង ខេត្តពោធិ៍សាត់ដែលមានសម្រស់ស្រស់ត្រកាល ត្រូវបានសម្ពោធដាក់ឱ្យប្រើប្រាស់កាលពីថ្ងៃទី០៩ ខែមីនា ឆ្នាំ២០២០ ក្រោមអធិបតីភាពដ៏ខ្ពង់ខ្ពស់ សម្តេចតេជោ ហ៊ុន សែន។

ទីតាំង ភ្នំ១៥០០ ផ្លូវជាតិលេខ ៥៥ ប្រវែងសរុប ១៨២,១៦ គ.ម ចាប់ពីខេត្តពោធិ៍សាត់ (ផ្លូវជាតិលេខ ៥ គីឡូម៉ែត្រលេខ ១៩១) ទៅដល់ វាលវែង-ថ្មដា (ព្រំដែនកម្ពុជា-ថៃ) ដែលសម្ពោធបើកឱ្យប្រើប្រាស់ជាផ្លូវការ ស្របជាមួយការបើកការដ្ឋានសាងសង់ ផ្លូវជាតិលេខ ១០ ប្រវែងសរុប ១៩៨,៧១ គ.ម ចាប់ពី ខេត្តបាត់ដំបង (សំឡូត) កាត់ខេត្តពោធិ៍សាត់ (វាលវែង) ទៅដល់ខេត្តកោះកុង(ក្រុងខេមរភូមិន្ទ) កាលពីថ្ងៃទី០៩ ខែមីនា ឆ្នាំ២០២០ ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា៕

Freshnews Cambodia 2024-04-05 12:45pm ដីប្រមាណ ១ម៉ឺនហិកតា ត្រូវបានឃ្លុំទុកជាសម្បត្តិរដ្ឋដើម្បីដាំស្តារព្រៃឡើងវិញ ឃាត់ខ្លួនមនុស្ស ៣២នាក់ ក្នុងប្រតិបត្តិការក្តៅទប់ស្កាត់បទល្មើសធនធានធម្មជាតិនៅខេត្តពោធិ៍សាត់

(ពោធិ៍សាត់)៖ លោក ខ្វៃ អាទិត្យា អ្នកនាំពាក្យក្រសួងបរិស្ថាន បានបញ្ជាក់នៅថ្ងៃទី០៥ ខែមេសា ឆ្នាំ២០២៤នេះថា រយៈពេល២៥ថ្ងៃ គឺចាប់ពីថ្ងៃទី១១ ដល់ថ្ងៃទី០៤ ខែមេសា ឆ្នាំ២០២៤ កម្លាំងចម្រុះបានចុះប្រតិបត្តិការក្តៅដើម្បីបង្រ្កាបទប់ស្កាត់បទល្មើសធនធានធម្មជាតិនៅក្នុងភូមិសាស្រ្តខេត្តពោធិ៍សាត់ សម្រេចឃ្លុំដីបានចំនួន ៩,៩៤៤.៤៤ហិកតា រកឃើញជនសង្ស័យចំនួន ៣២នាក់ និងបញ្ជូនសំណុំរឿងបញ្ជូនទៅតុលាការបានចំនួន ១៦ករណី។ ជាមួយគ្នានេះក្រុមការងារចម្រុះបានអប់រំប្រជាពលរដ្ឋដែលបានជួយដាំដុះដំណាំឱ្យជនល្មើសបានចំនួន ៩០នាក់។

លើសពីនេះក្រុមចម្រុះ បានរុះរើខ្ទមបណ្តោះអាសន្ននៅលើទីតាំងដែលបានកាប់រុករានដីព្រៃ ក្នុងតំបន់ការពារធម្មជាតិ ធ្វើជាកម្មសិទ្ធិចំនួន ៥២០ខ្ទម និងបានដកហូតសម្ភារមួយចំនួនទុកជាវត្ថុតាងរួមមាន៖ រណាយន្ត៣៥ គ្រឿង ម៉ូតូ១៦គ្រឿង គោយន្ត១គ្រឿង ផាលត្រាក់ទ័រ ៦គ្រឿង ម៉ាស៊ីនកាត់ស្មៅ ២៣គ្រឿង ម៉ាស៊ីនបាញ់ថ្នាំស្មៅ ០៩គ្រឿង កាំភ្លើងកែច្នៃចំនួន១១ដើម អង្គប់ចំនួន៧៥ កាំបិតចំនួន២៨ បង្គោលរបងចំនួន ៣,៦៥២បង្គោល និងដំណាំចម្រុះបានជាច្រើនគុម្ព និងបាច់ផងដែរ។

ដោយឡែកប្រតិបត្តិការ នៅថ្ងៃទី០៤ ខែមេសា ឆ្នាំ២០២៤ កម្លាំងចម្រុះបានអន្តរាគមន៍ចុះបង្រ្កាបទប់ស្កាត់បទល្មើសកាប់រុនរានដីព្រៃធ្វើជាកម្មសិទ្ធិ បានឃ្លុំដីទុកបានចំនួន ១២,៦២ហិកតា ឃាត់ខ្លួនមនុស្សចំនួន២នាក់ អប់រំប្រជាពលរដ្ឋចំនួន ៥នាក់ និងរឹបអូសបានវត្ថុតាងនៅហ្នឹងកន្លែងមានដូចជា៖ ដកហូតម៉ូតូ ១គ្រឿង និងដើមដំឡូវមីចំនួន ១បាច់។

អ្នកនាំពាក្យក្រសួងបរិស្ថាន បានបញ្ជាក់ថា ប្រតិបត្តិការបង្រ្កាប ទប់ស្កាត់បទល្មើសធនធានធម្មជាតិ នៅខេត្តពោធិ៍សាត់ មានទ្រង់ទ្រាយធំ និងបានរៀបចំឡើងបន្ទាប់ពីមានបញ្ជារបស់សម្ដេចមហាវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ឱ្យក្រសួងបរិស្ថាន ក្រសួង ស្ថាប័ន ព្រមទាំងអាជ្ញាធរ និងសម្ថកិច្ចពាក់ព័ន្ធ ពង្រឹងការគ្រប់គ្រងធនធាធម្មជាតិទូទាំងប្រទេស និងអនុវត្តច្បាប់ឱ្យបានតឹងរឹងចំពោះអ្នកប្រព្រឹត្តបទល្មើសធនធានធម្មជាតិ។

នៅក្នុងភូមិសាស្រ្តខេត្តពោធិ៍សាត់ បច្ចុប្បន្នក្រុមកម្លាំងចម្រុះ ដែលរួមមានកងរាជអាវុធហត្ថលើផ្ទៃប្រទេស កងកម្លាំងនគរបាលជាតិ កងកម្លាំងនៃបញ្ជាការកងឯកភាពខេត្ត រួមជាមួយអាជ្ញាធរមូលដ្ឋានពាក់ព័ន្ធ និងមន្រ្តីឧទ្យានុរក្សចំនួន ៧៨៩នាក់ ចែកគ្នាជា១០ក្រុម បានប្រតិបត្តិការយ៉ាងក្តៅដើម្បីបង្រ្កាបទប់ស្កាត់បទល្មើសកាប់គាស់ រុករាន ដុតឆ្ការ ដីព្រៃក្នុងតំបន់ការពារធម្មជាតិ យកមកធ្វើជាកម្មសិទ្ធិក្នុងភូមិសាស្រ្តស្រុកភ្នំក្រវាញ និងស្រុកវាលវែង ខេត្តពោធិ៍សាត់។

ដើម្បីធានាការគ្រប់គ្រងធនធានធម្មជាតិឱ្យមានប្រសិទ្ធភាព លោករដ្ឋមន្រ្តីក្រសួងបរិស្ថាន បានអនុវត្តតាមបទបញ្ជាសម្តេចធិបតី ហ៊ុន ម៉ាណែត និងបានដាក់ចេញវិធានការចំនួន៤ ក្នុងនោះជំរុញការអនុវត្តច្បាប់ ១០០% មិនមានការលើកលែងជាដាច់ខាត និងបញ្ចប់នូវវប្បធម៌ចុះកិច្ចសន្យា ហើយដោះលែងអ្នកប្រព្រឹត្តបទល្មើស។ ការសហការយ៉ាងជិតស្និតជាមួយគណៈបញ្ជាការឯកភាពរដ្ឋបាលរាជធានី ខេត្ត នោះគឺអាជ្ញាធរមូលដ្ឋានរាជធានី ខេត្ត ដែលមានតួនាទី ភារកិច្ចគ្រប់គ្រងធនធានធម្មជាតិ។ ពង្រឹងកិច្ចសហការជាមួយគណៈបញ្ជាការដ្ឋានកងរាជអាវុធហត្ថលើផ្ទៃប្រទេស និងអង្គភាពប្រឆាំងអំពើពុករលួយ បន្ថែមលើកិច្ចសហការជាមួយអាជ្ញាធរមូលដ្ឋាន ដែលបានអនុវត្តកន្លងមក និងជំរុញការដាំស្តារព្រៃឈើ និងឈើហូបផ្លែឱ្យសំដៅឱ្យមានការដាំដើមឈើច្រើន ដើម្បីបង្កើនការដាំដុះគម្របព្រៃឈើ ឱ្យបានជាង ៦០% ក្នុងឆ្នាំ២០៥០៕

បញ្ជីឈ្មោះ ភ្នំ ៣០ ដែលមិនស្គាល់ តំបន់រួមមាន

Phnum Chrang Kraham 3,819 ft / 1,164 m elevation • Unknown prominence • 0 summits • Cambodia
Phnum Ta Det 3,654 ft / 1,113 m elevation • Unknown prominence • 0 summits • Cambodia
Phnum Ta Det 3,556 ft / 1,083 m elevation • Unknown prominence • 0 summits • Cambodia
Phnum Ta Tech 3,251 ft / 991 m elevation • Unknown prominence • 0 summits • Cambodia
Phnum Puk 3,159 ft / 962 m elevation • Unknown prominence • 0 summits • Cambodia
Phnom Chivit 2,924 ft / 891 m elevation • Unknown prominence • 0 summits • Cambodia
Phnum Kol 2,820 ft / 859 m elevation • Unknown prominence • 0 summits • Cambodia
Phnum Krapeu 2,495 ft / 760 m elevation • Unknown prominence • 0 summits • Cambodia
Phnum Bantoat 2,438 ft / 743 m elevation • Unknown prominence • 0 summits • Trat, Thailand
Phnum Bantoat 2,415 ft / 736 m elevation • Unknown prominence • 0 summits • Trat, Thailand
Phnum Chivit 2,361 ft / 719 m elevation • Unknown prominence • 0 summits • Cambodia
Phnum Damnak Dambok 2,361 ft / 719 m elevation • Unknown prominence • 0 summits • Cambodia
Phnum Talieng 2,300 ft / 701 m elevation • Unknown prominence • 0 summits • Cambodia
Phnum Pong Tea 2,184 ft / 665 m elevation • Unknown prominence • 0 summits • Cambodia
Phnum Dei Khsach 2,166 ft / 660 m elevation • Unknown prominence • 0 summits • Cambodia
Phnum San Youk 2,121 ft / 646 m elevation • Unknown prominence • 0 summits • Cambodia
Phnum Don Ao 2,119 ft / 646 m elevation • Unknown prominence • 0 summits • Cambodia
Phnum Bach 2,055 ft / 626 m elevation • Unknown prominence • 0 summits • Cambodia
Phnum Klong Same 1,806 ft / 550 m elevation • Unknown prominence • 0 summits • Cambodia
Phnum Tonsaong 1,695 ft / 516 m elevation • Unknown prominence • 0 summits • Cambodia
Chuor Phnom Dangrek 1,653 ft / 503 m elevation • Unknown prominence • 0 summits • Si Sa Ket, Thailand
Phnum Svay 1,618 ft / 493 m elevation • Unknown prominence • 0 summits • Chanthaburi, Thailand
Phnum Pech Nil 1,568 ft / 477 m elevation • Unknown prominence • 0 summits • Cambodia
Phnum Krachhoem 1,463 ft / 445 m elevation • Unknown prominence • 0 summits • Cambodia
Phnum Thum 1,276 ft / 388 m elevation • Unknown prominence • 0 summits • Cambodia
Phnum Ngot 1,155 ft / 352 m elevation • Unknown prominence • 0 summits • Cambodia
Phnum Dong 1,132 ft / 345 m elevation • Unknown prominence • 0 summits • Cambodia
Phnum Veang 988 ft / 301 m elevation • Unknown prominence • 0 summits • Cambodia
Phnum Choum Poung 978 ft / 298 m elevation • Unknown prominence • 0 summits • Cambodia
Phnum Mai Ruk 917 ft / 279 m elevation • Unknown prominence • 0 summits • Cambodia