ឯកសារពាក់ព័ន្ធរួមមាន
- ព្រំដែន ខេត្ត កោះកុង
- តំបន់ ទេសចរណ៍នៅ កោះកុង
- ភូមិសាស្រ្ត ខេត្ត កោះកុង
ផែនទី ក្រុមជនជាតិ អំបូរភាសាខ្មែរ
ក្រុមជនជាតិនៅកម្ពុជា អំបូរភាសា ខ្មែរ រួមមាន ខ្មែរកណ្ដាល ខ្មែរក្រោម ខ្មែរសុរិន្ទ ជងខ្នងភ្នំ និង ជ្វា
ផែនទី កោះកុងក្រៅ និង កោះកុងក្នុង
កោះកុងក្រៅ ភ្ញៀវទេសចរជាតិ អន្តរជាតិទាំងអស់អាចធ្វើដំណើរទៅកាន់តំបន់នេះបានតាមរយៈផ្លូវទឹក ដោយចំណាយពេលប្រមាណ ៥០នាទី ទើបដល់កោះដ៏ធំមួយនេះ។ កោះកុងក្រៅមានផ្ទៃដីប្រមាណ ៨០ គ.ម២ និងកម្ពស់ប្រហែល ៤១០ ម ស្ថិតនៅលើផ្ទៃទឹកសមុទ្រដ៏ធំល្វឹងល្វើយ ដែលមានព៌ណខៀវស្រងាត់ ជាកោះដែលសម្បូរទៅដោយធនធានធម្មជាតិ សត្វព្រៃ មច្ឆា ផ្កាថ្ម និងជីវៈចម្រុះបាតសមុទ្រ មានឆ្នេរខ្សាច់ សម្រាប់កម្សាន្ត០៥ កន្លែង។ សព្វថ្ងៃតំបន់កោះកុងក្រៅនេះស្ថិតនៅក្រោមការគ្រប់គ្រងរបស់អង្គភាពយោធាជើងទឹកផ្នែកលំហសមុទ្រ។
តំបន់ទេសចរណ៍នៅ កោះកុង
តំបន់ទេសចរណ៍នៅ កោះកុង
តំបន់ទេសចរណ៍នៅ កោះកុង
តំបន់ទេសចរណ៍នៅ កោះកុង
តំបន់ទេសចរណ៍នៅ កោះកុង
តំបន់ទេសចរណ៍នៅ កោះកុង
តំបន់ទេសចរណ៍នៅ កោះកុង
គម្រោងនិរន្តរភាពតំបន់ទេសភាព និងទេសចរណ៍ធម្មជាតិកម្ពុជា (CSLEP) ជាគម្រោងរបស់រាជរដ្ឋាភិបាលកម្ពុជា ដែលកំពុងដឹកនាំការអនុវត្តដោយក្រសួងបរិស្ថាន និងក្រសួងអភិវឌ្ឍន៍ជនបទ ក្រោមហិរញ្ញប្បទានរបស់ធនាគារពិភពលោក។ គម្រោងនិរន្តរភាពតំបន់ទេសភាព និងទេសចរណ៍ធម្មជាតិកម្ពុជា (CSLEP) មានបំណងធ្វើឱ្យប្រសើរនូវការគ្រប់គ្រងតំបន់ការពារធម្មជាតិ និងជំរុញឱកាសសម្រាប់ការអភិវឌ្ឍទេសចរណ៍ធម្មជាតិ ដើម្បីបង្កើនច្រវ៉ាក់តម្លៃអនុផលព្រៃឈើនៅតំបន់ទេសភាពជួរភ្នំក្រវាញ និងបឹងទន្លេសាប។
នាពេលបច្ចុប្បន្ន គម្រោងនេះ បាននឹងកំពុងជួយគាំទ្រសហគមន៍ធម្មជាតិចំនួន ៣០ នៅក្នុងខេត្តគោលដៅទាំង ៧ រួមមាន ខេត្តកោះកុង ខេត្តកំពង់ស្ពឺ ខេត្តកំពង់ឆ្នាំង ខេត្តពោធិ៍សាត់ ខេត្តបាត់ដំបង ខេត្តកំពង់ធំ និងខេត្តសៀមរាប៕
តំបន់ទេសចរណ៍នៅ កោះកុង ទឹងអារ៉ែង ស្ថិតក្នុងឧទ្យានជាតិជួរភ្នំក្រវាញថ្ងៃ អង្គារ, 24 មករា, 2023
តំបន់ទេសចរណ៍នៅ កោះកុង សហគមន៍អេកូទេសចរណ៍ជីផាត
សហគមន៍អេកូទេសចរណ៍ជីផាត ស្ថិតនៅក្នុងឃុំជីផាតក្នុងស្រុកថ្មបាំងខេត្តកោះកុង។ ឃុំនេះមានភូមិ ០៤ ចំណុះ មានភូមិកំលត ភូមិទឹកល្អក់ ភូមិជាំស្លា និងភូមិជីផាត មានចម្ងាយ ១២៤ គីឡូម៉ែត្រពីទីរួមស្រុកថ្មបាំង ដោយមានព្រំប្រទល់៖-ខាងជើងទល់នឹងឃុំថ្មដូនពៅ-ខាងត្បូងទល់នឹងស្រុកបូទុមសាគរ-ខាងលិចទល់នឹងឃុំត្រពាំងរូងស្រុកកោះកុង-ខាងកើតទល់នឹងឃុំជខីលើក្នុងស្រុកស្រែអំបិល
ឃុំទេសចរណ៍នេះគ្របដណ្តប់លើផ្ទៃដីសរុប ៥៣០០០ ហិកតា មានប្រជាជនរស់នៅចំនួន ៦៣៩ គ្រួសារស្មើ ២៦៦១ នាក់។ ប្រជាជនភាគច្រើនប្រកបមុខរបរធ្វើស្រែចម្ការ រកផលអនុផលព្រៃឈើដូចជា ជ័រចុង ជ័ររុង ផ្តៅ នេសាទ និងមានមុខរបរបន្ទាប់បន្សំជាអាជីវករលក់ដូរនិងជាកម្មករជាដើម។ សក្តានុពលទេសចរណ៍ ជីផាតត្រូវបានក្រសួងទេសចរណ៍វាយតម្លៃថា ជាតំបន់អេកូទេសចរណ៍ដ៏ទាក់ទាញបំផុតនៅក្នុងប្រទេសកម្ពុជាបន្ទាប់ពីអារ៉ែង។ បើតាមប្រធានសហគមន៍ទេសចរណ៍ជីផាតបានឲ្យដឹងថា តំបន់អេកូទេសចរណ៍នេះស័ក្ដិសមបំផុតសម្រាប់អ្នកចូលចិត្តទេសចរណ៍បែបផ្សងព្រេង Adventure trip ទាំងការកម្សាន្តបែបជិះទូក ជិះកង់ ជិះម៉ូតូ ដើរព្រៃ មើលទឹកធ្លាក់ ជាពិសេសការបោះតង់សម្រាកក្នុងព្រៃ។
នៅជីផាតមានទឹកធ្លាក់ជាច្រើនកន្លែងដូចជា ទឹកធ្លាក់ឆាយអូរម្លូ ទឹកធ្លាក់ឆាយទឹកវេត ទឹកធ្លាក់ឆាយខ្ពស់ ទឹកធ្លាក់ល្អាងប្រជៀវអូរស្ពាត់ ទឹកធ្លាក់ឆាយជ្រៃ រួមទាំងតំបន់ពាងបុរាណ និងម្ឈូបុរាណនៅភ្នំប៉ែលជាដើម។ដោយឡែកកន្លែងស្នាក់នៅវិញមានបឹងហ្គាឡូ ផ្ទះសំណាក់ រួមទាំងផ្ទះ Homestay របស់ប្រជាជនដែលតម្លៃមានចាប់ពី ៥ ដុល្លារឡើងទៅ។ គួរបញ្ជាក់ថា ថ្មីៗនេះតាមរយៈគម្រោងរេដបូកដែលគាំទ្រដោយក្រសួងបរិស្ថាននិងអង្គការសម្ព័ន្ធមិត្តសត្វព្រៃ Wildlife Alliance បានសម្ពោធអណ្តូងទឹកខ្នាតធំមួយកន្លែងនៅភូមិកំលតដើរដោយថាមពលព្រះអាទិត្យ រួមទាំងផ្លូវចំនួន ០៣ ខ្សែ ដែលបានបម្រើប្រយោជន៍ដល់ពលរដ្ឋរាប់រយគ្រួសារនៅក្នុងសហគមន៍តំបន់ទេសចរណ៍ជីផាត៕
តំបន់ទេសចរណ៍នៅ កោះកុង កោះកុងក្រៅ ថ្ងៃទី11 ខែវិច្ឆិកា 2023
កោះកុងក្រៅស្ថិតក្នុង ឃុំជ្រោយប្រស់ ស្រុកកោះកុង ខេត្តកោះកុង ដែលមានចម្ងាយប្រមាណ ៣០ គ.ម ពីក្រុងខេមរភូមិន្ទ។ តំបន់នេះ មានសក្តានុពលផ្នែកធនធានធម្មជាតិ ជីវៈចម្រុះ និងមានឆ្នេរខ្សាច់ល្អស្រស់ស្អាត ស្ថិតនៅលើផ្ទៃទឹកសមុទ្រដ៏ធំល្វឹងល្វើយ ដែលមានពណ៌ខៀវស្រងាត់។
កោះកុងក្រៅជាតំបន់កោះ ស្ថិតក្នុង ឃុំជ្រោយប្រស់ ស្រុកកោះកុង ខេត្តកោះកុង។ ឆ្នេរកោះកុងក្រៅ មាន៦ឆ្នេរ ដែលឆ្នេរនីមួយៗមានខ្សាច់សស្អាត ទឹកសមុទ្រថ្លាអាចមេីលឃេីញដល់បាតសមុទ្រ និងព្រមទាំងមានព្រែកខាងក្រោយឆ្នេរ ដែលអាចអោយយេីងគយគន់ទេសភាពយ៉ាងស្រស់ស្អាត។ សម្រាប់ឆ្នេរដែលភ្ញៀវទេសចរណ៍និយមទៅលេង និងមានទឹកប្រេីប្រាស់គ្រប់គ្រាន់ គឺឆ្នេរទី៣ និងទី៤។ នៅទីនោះយេីងអាចអង្គុយលេងស្ទូចត្រី ងូតទឹក ជិះទូកលេង ទស្សនាទឹកធ្លាក់ និងគយគយមេីលទិដ្ឋភាពថ្ងៃរៀបលិច។
ការធ្វេីដំណេីរ: ដេីម្បីទៅកាន់ទីនោះ គឺយេីងត្រូវធ្វេីដំណេីរ ដោយយាន្ត ឬម៉ូតូទៅកាន់ខេត្តកោះកុង (បេីមកពីភ្នំពេញ ហួសផ្លូវបត់តារាសាគរប្រមាណ ២០គីឡូ នៅខាងឆ្វេង យេីងនឹងឃេីញផ្លូវដីក្រហមមួយ។ បត់តាមផ្លូវក្រហម ជិះប្រកាន់ផ្លូវបត់ឆ្វេង ប្រមាណជា១០គីឡូ យេីងនឹងទៅដល់ភូមិនេសាទមួយ ដែលអាចឡេីងទូកនៅទីនោះ) និងបន្ទាប់មកគឺធ្វេីដំណេីរដោយទូកប្រមាណ ១ម៉ោងកន្លះ-២ម៉ោង ពីផែទូក ដេីម្បីទៅដល់ឆ្នេរកោះកុងក្រៅ។
ការស្នាក់នៅ: ដោយសារទីនោះជាទីតាំងធម្មជាតិ មិនទាន់មានការអភិវឌ្ឍន៍ ភ្ញៀវទេសចរណ៍អាចស្នាក់នៅដោយការបោះជំរុំតង់លេីឆ្នេរខ្សាច់ ដោយខ្លួនឯង។
ការរៀបចំម្ហូបអាហារ: យេីងអាចត្រៀម អង្ករ និងម្ហូបផ្សេងៗ ដូចជាត្រី សាច់ ឬគឿងសមុទ្រ និងគ្រឿងទេសម្រាប់ធ្វេីម្ហូបញាំនៅទីនោះ (ម្ចាស់ទូកអាចជួយដាំបាយ និងធ្វេីម្ហូបបាន)។
សូមចូលរួមរក្សាសម្រាមអោយមានសណ្តាប់ធ្នាប់ ដេីម្បីឆ្នេរស្អាតសម្រាប់ភ្ញៀវទេសចរទាំងអស់គ្នា!
សូមកុំប្រេីប្រាស់ឧបករណ៍បំពងសម្លេងខ្លាំងៗ នាំរំខានដល់អារម្មណ៍ភ្ញៀវទេសចរណ៍ផ្សេងទៀត។
សូមអរគុណ និងរីករាយដំណេីរកម្សាន្តមួយនេះ!!!
តំបន់ទេសចរណ៍នៅ កោះកុង ឆ្នេរនេសាទ
ទិដ្ឋភាពទូទៅ ឆ្នេរនេសាទ មានទឹកសមុទ្រខៀវស្រងាត់ ឆ្នេរខ្សាច់សក្បុស ក្រោមម្លប់ដើមដូងត្រជាក់ ជាទីកន្លែងស្រូបយកខ្យល់អាកាស និងមុជទឹកកម្សាន្តរីករាយ។ ឆ្នេរនេសាទ ស្ថិតក្នុងភូមិនេសាទ ឃុំជ្រោយស្វាយ ស្រុកស្រែអំបិល ចម្ងាយប្រហែល ២៥ គីឡូម៉ែត្រ (គ្រួសក្រហម) ពីចំណុចផ្លូវបំបែកស្រែអំបិលពីក្រុងខេមរភូមិន្ទប្រហែល ១៦៥ គីឡូម៉ែត្រ ប្រហែល ១៧០ គីឡូម៉ែត្រ ពីរាជធានីភ្នំពេញ។
ឆ្នេរនេសាទក្នុងខេត្តកោះកុងមានទឹកសមុទ្រខៀវស្រងាត់ និងមានឆ្នេរខ្សាច់សក្បុស ដែលស័ក្តិសមសម្រាប់ភ្ញៀវទេសចរ គ្រប់វ័យមុជទឹកលេងកម្សាន្តនៅក្រោមម្លប់ដើមដូងដ៏ត្រជាក់ និង ស្រូបយកខ្យល់អាកាសបរិសុទ្ធ ។
លោក សាគុណ ភក្តី អនុប្រធានការិយាល័យព័ត៌មានទេសចរណ៍នៃមន្ទីរទេសចរណ៍ខេត្តកោះកុង បានមានប្រាប់ឱ្យដឹងថា ឆ្នេរនេសាទនេះសម្បូរទៅដោយដើមដូងខ្ពស់ៗដែលរំលេចនូវទេសភាពដ៏ស្រស់ត្រកាល ជាពិសេសនៅពេលព្រះអាទិត្យ រៀបលិច ដែលធ្វើឱ្យសម្រស់ឆ្នេរកាន់តែមានភាពទាក់ទាញខ្លាំងដូចពណ៌មាស ដែលស័ក្ដិសមជាទីកន្លែងដ៏ល្អ សម្រាប់ ភ្ញៀវទេសចរមករំសាយរាល់ទុក្ខកង្វល់ទាំងឡាយនាថ្ងៃឈប់សម្រាក ។ លោកបន្តថា ភ្ញៀវទេសចរដែលមកកម្សាន្តនៅទីនោះ ភាគច្រើនជាភ្ញៀវមកពីរាជធានីភ្នំពេញ ដោយសារតំបន់ឆ្នេរនេះមានចម្ងាយជិតជាងគេពីរាជធានីភ្នំពេញ ។ ក្រៅពីនេះ ឆ្នេរនេសាទ ក៏មានកន្លែងកុម្មង់ម្ហូបអាហារនិងផ្ទះស្នាក់នៅសម្រាប់ភ្ញៀវ ដែលធានាបាននូវសុខសុវត្ថិភាព សម្រាប់ភ្ញៀវទេសចរ ថែមទៀតផង ។
«ឆ្នេរនេសាទកំពុងតែទាក់ទាញភ្ញៀវទេសចរច្រើនណាស់ ភាគច្រើនគឺភ្ញៀវទេសចរពីភ្នំពេញមក គឺគាត់បុកមកឆ្នេរ ច្រើនមែនទែន ហើយសម្រាប់សក្តានុពលឆ្នេរនេះ បើសិនជាតំបន់ឆ្នេរយើងគិតពីភ្នំពេញមកវិញ សម្រាប់តំបន់ឆ្នេរនេះ គឺជិតជាងគេគឺមកដល់ឆ្នេរមុនគេទើបមកដល់ខេត្ត អញ្ចឹងនៅខេត្តកណ្តាលផ្លូវជាតិពីខេត្តកោះកុង ប្រហែលជាពីភ្នំពេញមក គឺប្រហែល១៧០គីឡូម៉ែត្រ ឬ ១៧៥គីឡូម៉ែត្រតែប៉ុណ្ណោះដល់កន្លែងឆ្នេរនេះតែម្ដង ទីនេះបានមានកន្លែងស្នាក់នៅ មានផ្ទះ សំណាក់ មានអាហារដ្ឋាន ដោយកាលពីមុនគឺមានភ្ញៀវគាត់រអ៊ូច្រើនដែរ ដោយសារអត់មានកន្លែងគេង ប៉ុន្តែក្រោយមកឥឡូវ នេះ គឺសម្បូរកន្លែងញ៉ាំនិងសម្បូរកន្លែងគេង» ។
លោក គីម បូណា រស់នៅរាជធានីភ្នំពេញដែលបានទៅកម្សាន្តនៅឆ្នេរនេសាទ បានឱ្យដឹងថា ឆ្នេរនេសាទមានភាពស្រស់ស្អាត មិនចាញ់ឆ្នេរដទៃនោះឡើយ ដែលធ្វើឱ្យលោកទៅលេងកម្សាន្តម្តងហើយចង់ទៅម្តងទៀតមិនចេះជិនណាយ ហើយអ្វីដែល ពិសេសនោះ គឺមានដើមដូងដុះជាជួរយ៉ាងច្រើនដែលបង្កើតបានជាទេសភាពដ៏ស្រស់ស្អាត ។
« ឆ្នេរនេសាទនេះគឺខ្ញុំចូលចិត្តទៅ ហើយខ្ញុំក៏ឧស្សាហ៍ទៅដែរ ដោយសារតែពីធ្លាវាស្អាត ស្រឡះ ខ្សាច់សស្អាត ទេសភាពវានិយាយទៅ ពេលល្ងាចថ្ងៃរៀបលិចនោះគឺល្អមែនទែន ហើយចំពោះអាហារហូបចុកនៅទីនោះគឺស្រួលរកមែនទែន នៅទីនោះគេមានលក់គ្រឿងសមុទ្រស្រស់ៗនៅរស់តែម្ដង ហើយនៅពេលស្មុគពីការងារអីគឺឧស្សាហ៍ទៅលេង ចូលចិត្តទៅលេង យើងចង់បោះតង់លេងក៏បានចង់វិលល្ងាចក៏បាន ណាមួយជិតភ្នំពេញផង យើងអាចទៅមកពេលល្ងាចបាន យ៉ាងងាយស្រួល» ។
សូមបញ្ជាក់ថា ឆ្នេរនេសាទមានទីតាំងស្ថិតក្នុងភូមិនេសាទ ឃុំជ្រោយស្វាយ ស្រុកស្រែអំបិល ខេត្តកោះកុង មានចម្ងាយ ប្រហែល ២៥គីឡូម៉ែត្រពីចំណុចផ្លូវបំបែកស្រែអំបិលតាមផ្លូវក្រួសក្រហម និងមានចម្ងាយប្រហែល១៧០គីឡូម៉ែត្រពីរាជធានី ភ្នំពេញ ៕
តំបន់ទេសចរណ៍នៅ កោះកុង៖ ឆ្នេរសមុទ្រតារាសាគរ គឺជាទីកន្លែងកម្សាន្តដ៏មនោរម្យរបស់អ្នកទេសចរជាតិ និងអន្តរជាតិ ដែលចង់ស្រូបយកខ្សល់អាកាសបរិសុទ្ធ ងូតទឹកសមុទ្រខៀវស្រងាត់ គេងហាលថ្ងៃលើឆ្នេរខ្សាច់សក្បុស និងសម្រាកលម្ហែបណ្តែតអារម្មណ៍ជាមួយធម្មជាតិ។ លើសពីនេះ ទេសភាពភ្នំពណ៌បៃតងខ្ចីនៅក្បែរឆ្នេរ ក៏បានក្លាយជាចំណីអារម្មណ៍ប្លែកបន្ថែមទៀត សម្រាប់អ្នកទេសចរដែលបានមកដល់រមណីយដ្ឋានមាត់សមុទ្រមួយនេះ។
ឆ្នេរសមុទ្រតារាសាគរ គឺជាទីកន្លែងកម្សាន្តដ៏មនោរម្យរបស់អ្នកទេសចរជាតិ និងអន្តរជាតិ ដែលចង់ស្រូបយកខ្សល់អាកាសបរិសុទ្ធ ងូតទឹកសមុទ្រខៀវស្រងាត់ គេងហាលថ្ងៃលើឆ្នេរខ្សាច់សក្បុស និងសម្រាកលម្ហែបណ្តែតអារម្មណ៍ជាមួយធម្មជាតិ។ លើសពីនេះ ទេសភាពភ្នំពណ៌បៃតងខ្ចីនៅក្បែរឆ្នេរ ក៏បានក្លាយជាចំណីអារម្មណ៍ប្លែកបន្ថែមទៀត សម្រាប់អ្នកទេសចរដែលបានមកដល់រមណីយដ្ឋានមាត់សមុទ្រមួយនេះ។
តំបន់ទេសចរណ៏ តារាសាគរ ឬក៏គេច្រើនហៅថា តំបន់វិស្សមកាលទេសចរណ៏ តារាសាគរកម្ពុជា, វិស្សមកាល តារាសាគរ, សមុទ្រ តារាសាគរ, តារាសាគរ មានទីតាំងស្ថិតនៅ ឃុំកោះស្ដេច ស្រុកគិរីសាគរ ខេត្តកោះកុង និងមានចម្ងាយប្រហែល ~154km ពីរង្វង់មូល ខេត្តកោះកុង។
តំបន់ទេសចរណ៏ តារាសាគរស្ថិតនៅក្នុងប្រភេទរមណីយដ្ឋាន ទេសចរណ៍កែច្នៃឬរមណីយដ្ឋានកែច្នៃ, កន្លែងញុំអី, កន្លែងស្នាក់នៅ និងឆ្នេរសមុទ្យ។ សម្រាប់ចំណុចសំខាន់ៗ ក៏ដូចជាភាពទាក់ទាញនៃរមណីយដ្ឋានតំបន់ទេសចរណ៏ តារាសាគរដែលអាចធ្វើអោយភ្ញៀវទេសចរមានចំណាំអារម្មណ៏នោះ មានដូចជា៖ ឆ្នេរសមុទ្រ, ជិះទូក, បោះជំរុំឬបោះតង់, ជិះទាទឹក, ស្ទូចត្រី, ខ្យូសញុំអី, លេងទឹកឬហែលទឹក និងចំណុចផ្សេងៗទៀត។
តារាសាគររីសត ជាទីកន្លែងកម្សាន្តដ៏មនោរម្យរបស់ភ្ញៀវទេសចរជាតិ និងអន្តរជាតិ ដែលចង់ស្រូបយកខ្សល់អាកាសបរិសុទ្ធ ងូតទឹកសមុទ្រខៀវស្រងាត់ គេងហាលថ្ងៃលើឆ្នេរខ្សាច់ និងសម្រាកលម្ហែបណ្តែតអារម្មណ៍ជាមួយនឹងធម្មជាតិ។
លើសពីនេះ ទេសភាពភ្នំពណ៌បៃតងខ្ចីនៅក្បែរឆ្នេរ ក៏បានក្លាយជាចំណីអារម្មណ៍ប្លែកបន្ថែមទៀត សម្រាប់ភ្ញៀវទេសចរដែលបានមកដល់រមណីយដ្ឋានមាត់សមុទ្រមួយនេះ។ សម្រាប់ការធ្វើដំណើរដើម្បីទៅដល់ទីតាំងនៃរមណីយដ្ឋានតំបន់ទេសចរណ៏ តារាសាគរ ភ្ញៀវទេសចរមានភាពងាយស្រួល ពីព្រោះមិនមានការធ្វើដំណើរថ្មើរជើង និងធ្វើដំណើរឆ្លងទឹក រឺក៏ជិះទូកឡើយ។ ចំពោះចំណតរថយន្តវិញ ភ្ញៀវទេសចរអាចធ្វើការចតដោយផ្ទាល់នៅរមណីយដ្ឋានបានថែមទៀតផង។សម្រាប់កន្លែងអង្គុយលំហែរកាយវិញ រមណីយដ្ឋានតំបន់ទេសចរណ៏ តារាសាគរ គឺពុំទាន់មានខ្យូសអង្គុយ រឺក៏តូបអង្គុយសម្រាប់ទទួលភ្ញៀវទេសចរនោះទេ។ ក្រៅពីនេះ រមណីយដ្ឋានតំបន់ទេសចរណ៏ តារាសាគរមានភោជនីយដ្ឋាន ប៉ុន្តែសម្រាប់កន្លែងកម្មង់អាហារ រឺកន្លែងលក់អាហារ និងអាហារដ្ឋានពុំទាន់មាននៅឡើយទេ។ សម្រាប់កន្លែងស្នាក់នៅ រមណីយដ្ឋានតំបន់ទេសចរណ៏ តារាសាគរមានសណ្ឋាគារ ប៉ុន្តែសម្រាប់បឹងហ្គាឡូ និងផ្ទះសំណាក់ពុំទាន់មាននៅឡើយទេ៕
ផែនទី តំបន់ ឧទ្យាន្តជាតិ កោះរុង
ផែនទី តំបន់ការពារធម្មជាតិ
ផែនទី ដីសម្បទាន និងសញ្ជាតិ ក្រុមហ៊ុន
ផែនទី ការកាប់ព្រៃឈើ និង ផលពី ដីសម្បទាន
ផែនទី ការកាប់ព្រៃឈើ និង ផលពី ដីសម្បទាន
ផែនទី អភិរក្សចម្រុះ
ផែនទី តំបន់ដីសម្បទានសេដ្ឋកិច្ច
ផែនទី បណ្តុំជនជាតិ ៥ នៅប្រទេស ថៃ
ផែនទី អំបូរ ខ្មែរ និង ខ្មែរ មន
តំបន់ទេសចរណ៍នៅ កោះកុង
តំបន់ទេសចរណ៍នៅ កោះកុង ( តំបន់ ព្រៃឈើសហគមន៏)
តំបន់ទេសចរណ៍នៅ កោះកុង
តំបន់ទេសចរណ៍នៅ កោះកុង
