ទំព័រនេះនឹងធ្វើការវិភាគ អំពី ការផលិតស្រូវ ដោយការគណនាតម្លៃ ស្រូវលក់ ដក តម្លៃដើម= ផលចំណេញ។ តម្លៃដើម ដោយមិនគិត កំលាំងពលកម្ម ពេលវេលា គឺគិតតែ ថ្នាំកំចាត់ស្មៅ ថ្នាំកំចាត់សត្វល្អិតចង្រៃ ថ្នាំការពារ និងព្យាបាល ថ្នាំបង្កើនទិន្ធផល និង ជី ផ្សេងៗ ។ គ្រាន់ត្រឹមកម្រិត ទាំងខ្ញុំ ទាំងកសិករ អាចដឹងបានថា ត្រូវ ប្រើកំលាំងពលកម្ម ជាជាងចំណាយលើលុយទិញថ្នាំសម្លាប់ស្មៅ !
ដល់ពេលវេលាត្រូវប្រមូលផលស្រូវហើយ ស្រូវចុះថោក អនិច្ចារ្យអ្នកស្រែ។
- ~ស្រូវ១គីឡូ = ៧៣០៛
- ~ជី ១បេ = ១៣មុឺន៛
- ~ប្រេង១កាន = ៨មុឺន៛
- ~ថ្លៃម៉ាសុីនច្រូត ១ហិកតា = ២៣មុឺន៛
- ~ថ្លៃត្រាក់ទ័រវាយដី ១ហិកតា = ១៨មុឺន៛(២សព្វ រាស់ខ្លួនឯង)
- 👉តើអ្នកស្រែខំធ្វើស្រែដើម្បីអ្វីទៀត បើតម្លៃស្រូវចុះថោកដល់ម្លឹង?
- 👉នៅពេលកសិផលយើងច្រើនលានតោនត្រូវបានដឹកទៅព្រំដែន ហើយតម្រង់ជួរគ្នារង់ចាំដើម្បីលក់ឲ្យប្រទេសជិតខាង គឺមើលទៅដូចជាលំបាកខ្លាំងណាស់។
- 👉បងប្អូនជនរួមជាតិ សាកស្រមៃគិតបន្តិចទៅមើល កម្ពុជាយើងក៏មានរោងម៉ាស៊ីនកិនស្រូវច្រើនដែរ តើហេតុអ្វីបានជាពួកថៅកែ មិនចុះទិញស្រូវពីប្រជាកសិករ ដោយផ្ទាល់ ហើយផលិតជាអង្ករដោយខ្លួនឯង? ចំណែកយួនវិញទិញស្រូវពីខ្មែរ ហើយផលិតជាអង្ករ រួចមួយចំនួននាំអង្ករយកមកលក់ឲ្យខ្មែរវិញ។ យួនគេអាចធ្វើបាន ចុះរដ្ឋាភិបាលខ្មែរ ដែលមានក្រសួងកសិកម្ម និង ក្រសួងពាណិជ្ជកម្ម ជាម៉ែជាឪរបស់កសិករ តើហេតុអ្វីក៏ធ្វើដូចគេមិនបាន!
- 👉គិតៗទៅហាក់ដូចជាចម្លែកម្លេះ?
- 👉ឬអសមត្ថភាពម្លេះ??
ក្រុមមនុស្សមួយក្រុមជំនាញខាងប្រឆាំង ឬ រិះគន់ លើកឡើងថា ពីមុនតម្លៃស្រូវ លក់ឲ្យវៀតណាម នៅច្រកបន្ទាយចក្រី តម្លៃ ១,០៤០ រៀល/ គក ឬ ៨៨០ រៀល/ គក, ឬ ៧៣០ រៀល/ គក ឬ ៧២០ រៀល/ គក ឬ ៦៨០ រៀល/ គក..អាស្រ័យតាមស្ថានការដែលវៀតណាមកំណត់។ ពួកគេបន្ទោសថា តម្លៃ ស្រូវនៅកម្ពុជា គេឲ្យថោក ជាងតម្លៃខាងលើ ។ ហេតុអ្វីស្រូវនៅកម្ពុជាគេឲ្យតម្លៃថោក ដោយសារ គុណភាពស្រូវមិនល្អ នេះជាការលើកឡើងរបស់ ម្ចាស់រោងម៉ាស៊ីនកិនស្រូវ-- តាមការវិភាគ គេរកឃើញថាកសិករចំណេញ ៥៣% ក្នុងស្រូវ ១ គក បានន័យថា ៨០០រៀល គឺកសិករចំណេញ ៤០០ រៀល !
ការធ្វើស្រែបង្ហាញ គឺជាកិច្ចការរបស់អ្នកលក់ជី ! ចំណែកផ្នែកកសិកម្មរបស់រដ្ឋនៅថ្នាក់ខេត្ត ស្រុក ឃុំសង្កាត់ និង ថ្នាក់ភូមិ គាត់គ្មានលទ្ធភាព ឬ មានដឹងតិចតួចណាស់ ពីការវិវត្តន៍ផ្នែកសិកម្មដំណាំស្រូវនេះ សឹងអាចនិយាយបានថា គាត់ពិតជាចេះដឹងផ្នែកសិកម្ម តែគ្មានចំណេះផ្នែក បង្ហាញ Presentation ដូច្នេះ ទំព័រនេះ ខ្ញុំមិនសង្ឈឹមថា កសិករលោកអាចចូលអានទេ គឺមានតែ សិស្ស និស្សិត ជាកូនចៅ កសិករ និង មន្រ្តីរាជការ កងកំលាំងប្រដាប់អាវុធ អាចចូលអាន រួចផ្សព្វផ្សាយ ពេលចូលឆ្នាំ បុណ្យភ្ជំ ដែលពួកគាត់ទៅលេងស្រុកកំណើត ឧ. សព្វថ្ងៃ គេមានម៉ាស៊ីនច្រូតតូចៗ ដែលច្នៃចេញពីម៉ាស៊ីន កាត់ស្មៅ ឬ ថា គេមានម៉ាស៊ីនបូតស្រូវ តូចៗ លក្ខណៈគ្រួសារ....
ពូជស្រូវតាមបុរាណ លោកចែកជា ៣ ងាយចំណាំ មិនស្មុកស្មាញដូច អ្នកបច្ចេកទេសនិយាយទេ គឺ ស្រែប្រាំង ប្រើពេល ៣ ខែ ឬស្រូវស្រាល។ បើធ្វើស្រែរដូវវស្សា អាចចាប់ពីខែ ០៦,០៧,០៨,០៩,១០,១១,១២,០១ និង ខែ ០២ បានច្រូត ! សូមមើលប្រក្រតិទិនរដូវកាលខាងក្រោមនេះ
- ស្រូវស្រាល Short Rice ៖ ៣ ខែ
- ស្រូវកណ្តាល Medium Rice ៦ ខែ
- ស្រូវធ្ងន់ Long Rice ០៩ ខែ
ឯកឧត្តមរដ្ឋមន្ត្រីៈ ខ្ញុំសូមជម្រាបថា ពូជស្រូវដែលកសិករដាំដុះក្នុងប្រទេសកម្ពុជាចែកចេញជាពីរប្រភេទ
- (១)ពូជស្រូវស្រាល មិនប្រកាន់រដូវ
- (២)ពូជស្រូវកណ្តាល
- (៣)ពូជស្រូវធ្ងន់
- (៤) ពូជស្រូវចម្ការ និង
- (៥) ពូជស្រូវឡើងទឹក។
ពូជស្រូវទាំង១០ប្រភេទនោះរួមមានៈ
- -ពូជស្រូវស្រាលមានមិនប្រកាន់រដូវចំនួន ៣ពូជ គឺពូជសែនពិដោរ អ៊ីអ៊ែរ៦៦ និង ពូជជលសារ។
- -ពូជស្រូវកណ្តាលចំនួន ៤ ពូជគឺ ពូជផ្ការំដួល ផ្ការដេង ផ្ការមៀត និង ពូជផ្កាច័ន្ទសែនសរ។
- -ពូជស្រូវធ្ងន់ ចំនួន៣ពូជគឺពូជរាំងជ័យ ពូជខា៤ពូជខា។
ការចំណាយ សរុបទាំង ១០០ % លើស្រូវ ១ គក
- កសិករ farmer ចំណាយ ៨៣ % លើស្រូវ ១ គក
- ឈ្មួញ Trader ចំណាយ ០១ % លើស្រូវ ១ គក
- ឡសម្ងួត Drier ចំណាយ ០៣ % លើស្រូវ ១ គក
- រោងម៉ាស៊ីនកិនស្រូវ Miller/Polisher ចំណាយ ០៩ % លើស្រូវ ១ គក
- ក្រុមហ៊ុននាំចេញ Exporter ចំណាយ ០៤ % លើស្រូវ ១ គក
ផលចំណេញសរុបទាំង ១៨០ % លើស្រូវ ១ គក រួមមាន (តម្លៃស្រូវ ១,១០០ ៛/ គ.ក)
- កសិករ farmer ចំណេញ ៥៣ % លើស្រូវ ១ គក ( ៣២៤ ៛)
- ឈ្មួញ Trader ចំណេញ ០៣ % លើស្រូវ ១ គក ( ១៨ ៛)
- ឡសម្ងួត Drier ចំណេញ ០៤ % លើស្រូវ ១ គក ( ២៤ ៛)
- រោងម៉ាស៊ីនកិនស្រូវ Miller/Polisher ចំណេញ ៩០ % លើស្រូវ ១ គក ( ៥៥០ ៛)
- ក្រុមហ៊ុននាំចេញ Exporter ចំណេញ ៣០ % លើស្រូវ ១ គក ( ១៨៣ ៛)
តាមតួរលេខខាងលើ រដ្ឋាភិបាល មិនត្រូវយកពន្ធលើដីស្រែ និងពន្ធលើផលស្រូវកសិករឡើយ ព្រោះធ្វើស្រែកាន់តែច្រើន ពន្ធកាន់តែច្រើន ខំធ្វើស្រែល្អបានទិន្ធផលកាន់តែខ្ពស់ ពន្ធកាន់តែថ្លៃ បែបនេះនាំឲ្យកសិករបោះបង់ចោលដីស្រែ !
The average yield of rice (seeds) per hectare is 3 – 6 tons. In some countries like Australia and in Egypt, the yield can increase to an amazing 10 – 12 tons or more per hectare. (1 ton = 1000 kg = 2200 lbs. and 1 hectare = 2,47 acres = 10.000 square meters). Of course, such high yields can be accomplished by experienced farmers after several years of practice.
អត្ថបទខាងលើ ជាការយល់ខុស ឬ យល់មិនដល់ ឧ. ខ្មែរក្រហមសម្លាប់ប្រជាជនកម្ពុជារាប់លាននាក់ ដើម្បីតែធ្វើស្រែដោយដៃ បែបបុរាណ ឲ្យបានទិន្ធផលស្រូវ ៣ តោន/ហិចតា តែនៅ តែកម្ពុជា សព្វថ្ងៃជាទូទៅ គេធ្វើស្រែបាន ៣,៥ ទៅ ៤ តោន/ហិចតា។ នៅពេលប្រៀបធៀបជាមួយ ប្រទេសចិន វៀតណាម ថៃ ជប៉ុន អាមេរិក អូរស្រ្តាលី គឺកម្ពុជា នៅតែទាបជាងគេ ទោះជាប្រឹងអស់លទ្ធភាព-- ក្រោយមក នៅខេត្តតាកែវ ដែលជាខេត្តមានប្រព៍ន្ធធារាសាស្រ្តទំនើប មានអ្នកជំនាញបរទេសចុះជួយផង នោះ គេអាចផលិតស្រូវបានដល់ ៦ តោន/ហិចតា ដូច្នេះ បើសិនជា ធ្វើ ៣ រដូវ ដូចជាប្រទេសគេ គឺកម្ពុជាអាចបានដល់ ១៨ តោន/ហិចតា!!! ក្នុងន័យនេះ ដែលខ្ញុំថា សូម្បីបរទេស ក៍មិនយល់ពីរបៀបធ្វើស្រែដែរ។ កសិករខ្មែរ ប្រាប់ថា បើធ្វើម្តង ៧ តោន/ហិចតា គឺស្រូវនឹងគ្រប់លើគ្នាដួលពេញស្រែ !! គឺមានតែធ្វើស្រែ ២ ដង ឬ ៣ ដង ក្នុងមួយឆ្នាំ ទើបទិន្ធផលលើសពី ១០តោន/ហិចតា ៕
វស្សាដល់ហើយ កសិករកុំជើយ ស្វែងរកពូជសុទ្ធល្អ លោក ង៉ែត សំបឿន អនុប្រធានការិយាល័យ ក្សេត្រសាស្ត្រនិងផលិតភាពកសិកម្មនៃមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ សូមជូនអត្ថបទខ្លី ជាមូលដ្ឋានសម្រាប់បងប្អូនប្រជាកសិករ ធ្វើការសម្រេច ចិត្តដ៏ត្រឹមត្រូវ ក្នុងការប្រើពូជស្រូវ ដែលផ្តល់ផល ចំណេញច្រើន ដូចតទៅ ៖
ពូជស្រូវសុទ្ធល្អ គឺមានប្រភពពីអង្គភាពផលិតគ្រាប់ពូជស្រូវ ដូចជា ស្ថានីយ៍ផលិតពូជស្រូវ ក្រុមហ៊ុន អង្គការ សហគមន៍កសិកម្ម ក្រុមកសិករផលិតគ្រាប់ពូជស្រូវ។ បច្ចុប្បន្ន កសិករក្នុងខេត្តត្បូងឃ្មុំ ប្រើប្រាស់គ្រាប់ពូជស្រូវផលិតចេញពីអង្គភាពទាំងនេះ ប្រមាណ ៤០% និងប្រមាណ ៦០% កសិករបានរក្សាទុកស្រូវចំណី ធ្វើជាគ្រាប់ពូជ សម្រាប់ដាំដុះនៅរដូវបន្ទាប់ដោយខ្លួនឯង ដែលការបក់សម្អាត សម្ងួត ទុកដាក់ វេចខ្ចប់ថែទាំ នៅមិនទាន់បានត្រឹមត្រូវតាមបច្ចេកទេស បណ្តាលឲ្យគ្រាប់ពូជស្រូវរងការបំផ្លាញពីសត្វខ្មូត កណ្តុរ ជាដើម ដែលជាហេតុធ្វើឲ្យគ្រាប់ពូជបាត់បង់ទាំងបរិមាណនិងគុណភាព។
គុណវិបត្តិនៃការប្រើប្រាស់គ្រាប់ពូជស្រូវមិនសុទ្ធ ឬ គ្រាប់ពូជស្រូវចំណីដែលរក្សា ទុក ធ្វើឲ្យស្រូវលូតលាស់មិនស្មើគ្នា ទុំមិនស្រុះគ្នា ពិបាកប្រមូលផល គុណភាពអង្ករខ្ទេច ច្រើន លក់បានតម្លៃទាប និងទិន្នផលថយចុះ។ គុណសម្បត្តិនៃការប្រើប្រាស់គ្រាប់ពូជសុទ្ធល្អ ឬ គ្រាប់ពូជដែលសុទ្ធល្អត្រឹមត្រូវ ធ្វើឲ្យដើមស្រូវមានសុខភាពល្អ លូតលាស់លឿន ទុំស្រុះគ្នា គុណភាពអង្កររក្សាបាននូវ គុណភាពដើម ទាំងរស់ជាតិនិងក្លិន ងាយស្រួលរកទីផ្សារ តម្លៃខ្ពស់ និងជួយបង្កើនទិន្នផលពី ១៥-២០%។
+++ គ្រាប់ពូជមានគុណភាពល្អ ត្រូវមានលក្ខណៈដូចជា ៖
- ភាពសុទ្ធ ៖ មិនទាបជាង ៩៥%
- ដំណុះគ្រាប់ ៖ មិនទាបជាង ៨០%
- សំណើមគ្រាប់ ៖ មិនខ្ពស់ជាង ១៤%
- គ្រាប់ស្មៅចង្រៃនិងដំណាំផ្សេងៗ ៖ ០.១%
- គ្រាប់ពូជស្រូវផ្សេង ៖ ១០គ្រាប់/៥០០ក្រាម។
€==£ តាមបទដ្ឋានបច្ចេកទេស ការព្រោះគ្រាប់ពូជស្រូវ ទាំងគ្រាប់ស្រូវស្ងួត គ្រាប់ស្រូវសើម អាស្រ័យតាមប្រភេទស្រូវ ៖
- ស្រូវស្រាល ១២០គក្រ-១៥០គក្រ/ហ.ត (ស្រូវសែនពិដោរ សែនក្រអូប០១ OM5451....)
- ស្រូវកណ្តាល ១០០គក្រ-១២០គក្រ/ហ.ត (ស្រូវផ្ការំដួល ផ្កាមាលតី ផ្ការមៀត....)
- ស្រូវធ្ងន់ ៨០គក្រ-១០០គក្រ/ហ.ត (ស្រូវខា៤ ខា៦ រាំងជ័យ...)។
៚៚៚ មុនពេលយកគ្រាប់ស្រូវទៅញ្រះ កសិករគប្បី ធ្វើដំណុះសាកគ្រាប់ពូជស្រូវ ដើម្បីកុំឲ្យខាតគ្រាប់ពូជ និង ខាតថវិកាក្នុងការរៀបចំដី។
@@@@@ របៀបធ្វើដំណុះសាកគ្រាប់ពូជ គឺកសិករ ត្រូវយកគ្រាប់ពូជពីក្នុងបាវ ដែលត្រូវ យកទៅព្រោះនោះចំនួន ៣កន្លែងផ្សេងៗគ្នា មកដាក់បញ្ចូល ហើយរើសយកគ្រាប់ស្រូវ ១០០គ្រាប់ ដើម្បីធ្វើដំណុះសាក។ ក្នុងការធ្វើដំណុះសាកនេះ ត្រូវយកថាស ឬ ចាន ក្រាលក្រដាសជូតមាត់ ចំនួន ៥ស្រទាប់ បន្ទាប់ចាក់ទឹកឲ្យសើម ហើយតម្រាបគ្រាប់ស្រូវទាំង១០០ គ្រាប់ ជាជួរ រួចចាក់ទឹកឲ្យសើមរយៈពេល ៣-៥ថ្ងៃ យើងនឹងឃើញដំណុះពន្លកគ្រាប់ស្រូវ។ ប្រសិនបើគ្រាប់ស្រូវ ដុះបាន ៨០គ្រាប់ឡើង មានន័យ គ្រាប់ពូជស្រូវមានគុណភាពល្អ អាចយកទៅព្រោះបាន។ ក្នុងករណី គ្រាប់ពូជដុះក្រោម ៥០គ្រាប់ គួរប្តូរគ្រាប់ពូជថ្មី។ បើគ្រាប់ពូជដុះចាប់ពី ៥០-៧៥គ្រាប់ កសិករ ត្រូវពិចារណគួរព្រោះ ឬ ធ្វើការប្តូរពូជថ្មី។
*** តែតាមការពិនិត្យ ស្រាវជ្រាវជាក់ស្តែង ប្រជាកសិករ បានប្រើប្រាស់គ្រាប់ពូជស្រូវ លើសពីការកំណត់នៃបទដ្ឋានបច្ចេកទេសទៅទៀត ដែលជាការខ្ជះខ្ជាយប្រាក់កាសរបស់ បងប្អូនកសិករយើង។
ដូច្នេះ ជាសំណូមពររបស់មន្ត្រីបច្ចេកទេស នៃមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ សូម ៖
- ប្រជាកសិករ ប្រើប្រាស់គ្រាប់ពូជដែលមានគុណភាពល្អ ដែលមានប្រភពពីស្ថានីយ៍ផលិតគ្រាប់ពូជស្រូវ ក្រុមហ៊ុន អង្គការ សហគមន៍កសិកម្ម ក្រុមផលិតពូជ ច្បាស់លាស់
- ប្រជាកសិករ ផលិតគ្រាប់ពូជស្រូវដោយខ្លួនឯង ដោយប្រើចំណែកផ្ទៃដីតូចមួយនៃផ្ទៃដី ដាំដុះដំណាំស្រូវ(៥-១០%) ធ្វើជាស្រែពូជ ដោយត្រូវយកគ្រាប់ពូជសុទ្ធគ្រឹះ ឬ គ្រាប់ពូជសុទ្ធទទួលស្គាល់ មកផលិតជាគ្រាប់ពូជសុទ្ធល្អ សម្រាប់ប្រើប្រាស់ឆ្នាំបន្ទាប់ ដែលកសិករចំណេញទាំងការចំណាយលើការទិញពូជ និងទទួលបានទិន្នផលខ្ពស់
- ប្រជាកសិករ បង្កើតក្រុមផលិតគ្រាប់ពូជស្រូវ សម្រាប់ប្រើប្រាស់ក្នុងមូលដ្ឋានរបស់ខ្លួន សហគមន៍ខ្លួន និងសម្រាប់លក់ចែកចាយកសិករដទៃទៀត
- ក្រុមផលិតនិងសហគមន៍កសិកកម្ម ផលិតគ្រាប់ពូជស្រូវ ដោយបង្កើន និងពង្រឹងការងារ ផលិតគ្រាប់ពូជស្រូវ ស្វែងរកដៃគូសហការផលិតគ្រាប់ពូជស្រូវ ដែលមានគុណភាពល្អ សម្រាប់បំពេញតម្រូវការ ក្នុងមូលដ្ឋាន សហគមន៍កសិកម្ម ផលិតស្រូវចំណី អង្គការ ក្រុមហ៊ុន ទីផ្សារ ដែលមានតម្រូវការ
- ស្ថានីយ៍ អង្គការ ក្រុមហ៊ុនផលិតគ្រាប់ពូជស្រូវ ផលិតគ្រាប់ពូជស្រូវ ប្រកបដោយគុណភាពខ្ពស់និងលក់ជូនប្រជាកសិករក្នុងតម្លៃសមរម្យ។
សូមបញ្ជាក់ថា ស្រូវសើមប្រភេទ៥៤ មានតម្លៃ៥៤០០បាត (លុយថៃ) ក្នុង១តោន, ស្រូវសើមប្រភេទសែនក្រអូប មានតម្លៃ ៧៥០០បាត (លុយថៃ)ក្នុង១តោន, ខុសគ្នាកាលពីឆ្នាំទៅ គឺស្រូវសើមប្រភេទ៥៤ មានតម្លៃ ៦២០០បាតក្នុង១តោន, ស្រូវសើមប្រភេទសែនក្រអូប មានតម្លៃ ៨២០០បាតក្នុង១តោន៕ រក្សាសិទ្ធិដោយ៖ពិសិដ្ឋ CEN
សិករនៅខេត្តឧត្តរមានជ័យ ដាំពូជស្រូវជប៉ុន ម៉ាតសូរី ជាលើកដំបូង ដែលអាចតម្លៃខ្ពស់ជាងស្រូវផ្សេងទៀតជាង២ដង លោកបន្តថា ការដាំស្រូវនេះមានការសម្រួបសម្រួលមន្ទីរកសិកម្មខេត្ត មជ្ឈមណ្ឌលស្រាវជ្រាវកសិកម្មកម្ពុជា-ជប៉ុន និងក្រុមហ៊ុនAgrion ជាអ្នកផ្តល់ជី ទុន ពូជ និងប្រមូលទិញ។ លោកបន្តថា ពូជស្រូវម៉ាតសូរីនេះមានគុណភាពល្អ និងលក់បានតម្លៃខ្ពស់ ដោយមានតម្លៃ១៨០០រៀលក្នុងគីឡូក្រាម ខណៈពូជស្រូវខ្មែរមានតម្លៃត្រឹម៧០០ រៀលប៉ុណ្ណោះក្នុង១គីឡូក្រាម ហើយក្រុមហ៊ុន Agrion ចាំទទួលទិញទាំងអស់ ហើយនាំចេញទៅប្រទេស ដែលមានជនជាតិជប៉ុនរស់នៅ។ កសិករចំនួន៣គ្រួសារនៅខេត្តឧត្តរមានជ័យ បានចាប់ផ្តើមដាំពូជស្រូវជប៉ុនម៉ាតសូរី(MATSURI) លើផ្ទៃចំនួន៨ហិកតា ព្រោះស្រូវនេះមានទីផ្សារខ្ពស់ នាំចេញទៅក្រៅប្រទេស និងប្រើរយៈពេល៩០ថ្ងៃ អាចប្រមូលផលបាន។
ដំណាំ ចេក
ដំណាំធុរេន
ដំណាំស្វាយ
ដំណាំដំឡូងមី
ដំណាំ ស្រការនាគ
ដំណាំផ្លែទាប/ផ្លែទៀប
ការដាំបន្លៃលើទឹក Hydroponic Vegetable Cultivation
