ការចិញ្ចឹមបង្កង ដូចជាការចិញ្ចឹមត្រី ដែរ ដែលអ្នកចិញ្ចឹមលក់ គិតត្រឹម ទិញ កូនគេ យកមកចិញ្ចឹម ងាយស្រួលគិត មិនស្មុកស្មាញ ទុកភារកិច្ចភ្ញាស់ កូន ឲ្យក្រុមហ៊ុនធំៗ គេផលិតលក់។ កូនបង្កងខ្លះតម្លៃ ២ក្បាល/៥ ដុល្លា ខ្លះ ០,៥ ដុល្លា ខ្លះ ៣០០ រៀល ប្រាកដជាអាស្រ័យលើ ពួជនិង ទំហំ ទម្ងន់។ នៅក្នុងភាសាខ្មែរ មានការពិបាកញែកពីភាពខុសគ្នារវាង
- បង្កង Prawns
- បង្គារ Shrimps
- បង្កងយក្ស Lobster
- Crawfish
- Acetes កំពឹស
- Fleshy prawn
- Giant tiger prawn បង្គងយក្ស
- Banana prawn បង្កងចេក
- Northern prawn បង្គារខាងជើង
- Southern rough shrimp បង្ការខាងត្បូង
- Whiteleg shrimp បង្គារជើង ស
- បង្កង ប៉ាក
- បង្កងអូស្រ្តាលី បង្កងខៀវ
ដូច្នេះ មុនការចាប់ផ្តើមចិញ្ចឹម បង្កង ត្រូវទិញទំហំណា ដូចខាងក្រោម៖
ទំហំលេខ ១ ចំនួនបង្កង ក្នុង ១ គីឡូក្រាម Prawns count per Kilogram
- ១-៥ បង្កង/គក
- ៦-១០ បង្កង/គក
- ១១-១៥ បង្កង/គក
- ១៦-២០ បង្កង/គក
- ២១-២៥ បង្កង/គក
- ២៦-៣០ បង្កង/គក
- ៣១-៣៥ បង្កង/គក
- ៣៦-៤០ បង្កង/គក
ទំហំលេខ ៣ ចំនួនបង្កង ក្នុង ១ គីឡូក្រាម
- ៤១-៤៥ បង្កង/គក
- ៤៦-៥០ បង្កង/គក
ទំហំលេខ ៤ ចំនួនបង្កង ក្នុង ១ គីឡូក្រាម
- ចាប់ពី ៥១ បង្កង/គក ឡើងទៅ
បច្ចុប្បន្នការចិញ្ចឹមបង្កងក្នុងស្រះ កំពុងក្លាយជារបរដ៏ពេញនិយមមួយសម្រាប់កសិកម្មនៅកម្ពុជា ដែលបានប្រែក្លាយខ្លួនពីកសិករ ដាំដុះ និងការចិញ្ចឹមធម្មតា មកជាការធ្វើកសិកម្មតាមបែបទំនើបដូចជាការចិញ្ចឹមបង្កងវិញ។ ចំពោះអ្នកចិញ្ចឹមបង្កងថ្មីថ្មោង ដែលមិនទាន់មានបទពិសោធន៍ និងមិនបានដឹងពីបច្ចេកទេសក្នុងការចិញ្ចឹមឲ្យបានល្អ ថ្ងៃនេះ WE TV Cambodia នឹងប្រាប់ពីបច្ចេកទេស ៥ចំណុច ដើម្បីចិញ្ចឹមបង្កងឲ្យបានល្អបំផុត៖
- ១, ការរៀបចំស្រះសម្រាប់ចិញ្ចឹម៖ ការរៀបចំស្រះ យើងគិតទៅលើចំណុចធំៗមួយចំនួនរួមមាន ទីតាំង, លក្ខណៈស្រះ, គុណភាពទឹក, សម្ភារៈប្រើប្រាស់, និងការរៀបចំស្រះ ដោយត្រូវជីកស្រះនៅទីតាំងត្រឹមត្រូវ មានផ្ទៃក្រឡាធំល្មម ទឹកមានគុណភាពល្អ មានសម្ភារៈប្រើប្រាស់ល្អ និងការរៀបចំស្រះឲ្យបានស្អាតជាដើម។
- ២, ការជ្រើសរើសពូជ និងរបៀបលែង៖ អ្នកត្រូវជ្រើសរើសពូជបង្កងដែលមានគុណភាព និងទិញកូនបង្កងពូជពីកសិដ្ឋានណា ដែលមានទំនុកចិត្ត និងមានលិខិតបញ្ជាក់ពីគុណភាព។ ចំណែក ការលែងកូនបង្កង យើងត្រូវពិនិត្យមើលគុណភាបទឹកជាមុនសិន ហើយក៏ត្រូវគិតពីដង់ស៊ីតេ សម្រាប់ការចិញ្ចឹមផងដែរ។
- ៣, ចំណី និងរបៀបផ្ដល់ចំណី៖ ត្រូវផ្ដល់ចំណីគ្រប់ល្មម ចៀសវាងផ្ដល់ចំណីលើស ព្រោះចំណីដែលសល់ច្រើនក្នុងស្រះ អាចបំលែងជាធាតុពុលបង្ករឲ្យកើតមានរុក្ខជាតិប្លង់តុងច្រើន ធ្វើឲ្យបង្កងពិបាកសក និងលូតលាស់មិនល្អ។ ដូច្នេះ ការផ្ដល់ចំណីខ្វះបន្តិច ប្រសើរជាងការផ្ដល់ចំណីលើស។
- ៤, ការគ្រប់គ្រងគុណភាពទឹកស្រះ៖ បង្កងលូតលាស់ និងធំធាត់អាស្រ័យទៅលើការសករបស់វា ហើយដើម្បីឲ្យបង្កងសកបានងាយ តើងចាំបាច់ត្រូវគ្រប់គ្រងគុណភាពទឹកស្រះឲ្យបានល្អ។ ដូច្នេះ ដើម្បីគ្រប់គ្រងគុណភាពទឹកឲ្យបានល្អយើងត្រូវ ផ្លាស់ប្ដូរទឹក, កម្រិត PH និងកម្រិតខ្យល់អុកស៊ីសែនក្នុងទឹកជាដើម។
- ៥, ការប្រមូលផលបង្កង៖ ក្រោយការចិញ្ចឹមរយៈពេល ៤ ទៅ ៥ខែ បង្កងមានទម្ងន់មធ្យមពី ៣០ ទៅ ៥០ក្រាមក្នុង ១ក្បាល ពេលនោះយើងអាចប្រមូលផលបានហើយ។ ការប្រមូលផលមានពីរគឺ ការប្រមូលផលរំលោះ និងការប្រមូលផលទាំងស្រុង។
លោក សំ ពិសី បានបញ្ជាក់ឱ្យដឹងទៀតថា ការចិញ្ចឹមបង្កងមិនលំបាកប៉ុន្មានទេ ប៉ុន្តែក៏មិនមែនជាការងាយស្រួលដែរ ព្រោះយើងត្រូវការទុនជីកស្រះទុនធ្វើអាង ទុនសំរាប់ទិញចំណី ដើម្បីចិញ្ចឹមបង្កងអោយឆាប់ធាត់ធំ និងបើយើងអនុវត្តបច្ចេកទេសក្នុងការចិញ្ចឹមបង្កងនេះបានត្រឹមត្រូវនោះ គឺតែក្នុងរយះពេល៣ខែ យើងនឹងអាចចាប់បង្កងនោះលក់បាន ដែលនៅក្នុងទីផ្សារបច្ចុប្បន្ន បង្កងនេះ១គីឡូ មានតម្លៃពី ២៥ដុល្លារ ទៅ៣០ដុល្លារ ។ ម្ចាស់កសិដ្ឋានចិញ្ជឹមបង្កងរូបនោះ សូមអំពាវនាវដល់ប្រជាពលរដ្ឋដែលមានបំណងចង់ចិញ្ចឹមបង្កង អាចមករៀនសូត្រដោយផ្ទាល់នៅកសិដ្ឋានលោកបាន ដោយមិនគិតថ្លៃ ។
សម្រាប់រយៈពេលនៃការប្រមូលផល បង្កងចាប់ពីរយៈពេល ៤ ទៅ ៥ខែ បង្កងមានទម្ងន់មធ្យមចាប់ពី ៣០ ទៅ ៥០ក្រាមក្នុង ១ក្បាល។ យ៉ាងណាមិញចំណុចសំខាន់ទាំង៣ ខាងលើគ្រាន់តែជាគន្លឹះមួយចំនួន ដើម្បីជំរុញក្នុងការចិញ្ចឹមបង្កងប៉ុណ្ណោះ៕
លោកបន្ថែមទៀតថា កន្លងមកលោកក៏ធ្លាប់សាកល្បងចិញ្ចឹមបង្កងដៃវែងរបស់ខ្មែរយើងដែរប៉ុន្ដែហាក់មានការលំបាកទាំងការភ្ញាស់កូន និងការមើលថែ ទើបធ្វើឲ្យលោកងាកមករកការចិញ្ចឹមបង្កងអូស្រ្ដាលីនេះវិញដែលមានភាពងាយស្រួលក្នុងការបង្កាត់កូន និងការមើលថែពិសេសមានតម្រូវការ ទីផ្សារខ្ពស់ ពេញនិយមពីអតិថិជន។ លោក នង ណារិទ្ធ បានឲ្យដឹងទៀតថា បង្កងអូស្ត្រាលីទឹកសាបនេះ ជាមធ្យម អាច លក់បានក្នុងតម្លៃ ១គីឡូក្រាម ចន្លោះពី ២០ដុល្លារ ទៅ ៣០ដុល្លារ ទៅតាមទំហំរបស់វាតូច ឬ ធំ ប៉ុន្តែសម្រាប់កសិដ្ឋានរបស់លោកពេលនេះ គឺមិនទាន់ចិញ្ចឹមលក់ជាបង្កងសាច់នោះទេ គឺ គាត់ចិញ្ចឹមលក់ជាកូនបង្កង និងបង្កងមេពូជ ដែលកូនបង្កងក្នុង ១ក្បាលលក់បាន ២ពាន់រៀល រីឯបង្កងមេពូជក្នុង ១គូរលក់បានតម្លៃ ៥ ដុល្លារ ។
សំឡេង៖ «រាល់ថ្ងៃនេះបើនិយាយទៅបង្កង១គីឡូ ៣០ដុល្លារ ប៉ុន្ដែអត់ដែលមានលក់សាច់ទេពីព្រោះ ភ្ញៀវមកទិញកូនអស់ហើយ ១គ្រាប់បាន៤ ពាន់ ៥ពាន់ ១ម៉ឺនអញ្ចឹងណាបាទ ហើយកូនតូចៗហ្នឹង១គ្រាប់បាន២ពាន់រៀល បើគេយកច្រើនទៅនៅសល់ ១ពាន់រៀល ចំពោះមេបាដែលយើងបង្កាត់បានអញ្ចឹង១គូបាន៥ដុល្លារអញ្ចឹងទៅណាបង ពង្រីកតើបងខ្ញុំទិញដីគេបានជិតហ្នឹងទៀតហើយ កំពុងរៀបចំខែប្រាំងហ្នឹងឲ្យបាន២ស្រះបន្ថែមទៀត ។
លោកក៏បានបញ្ជាក់ថា «បងប្អូនដែលមានប្រាក់ត្រឹម៥០០$ ក៏អាចចាប់ផ្ដើមចិញ្ចឹមបង្កងបានដែរ គឺគ្រាន់តែទិញពូជមកបង្កាត់បន្ទាប់មកយកកូនដែលបានបង្កាត់នោះលក់ដើម្បីបង្កើតចំណូល។ បើបងប្អូនមានស្រះទឹកស្រាប់គឺមិនបាច់ចំណាយដល់៥០០$ទេ គឺត្រឹមតែ២០ម៉ឺនរៀលក៏អាចចាប់ផ្ដើមបានដែរ។ បច្ចុប្បន្ននេះលោកក៏បានបង្រៀនសិស្សជាច្រើននាក់ផងដែរពីបច្ចេកទេសចិញ្ចឹមបង្កងនេះ បើប្រជាកសិករមានចំណាប់អារម្មណ៍អាចមករៀនពីបច្ចេកទេនេះពីគាត់បាន។
ខេត្តតាកែវ៖ ម្ចាស់កសិដ្ឋាន ឃុំអង្គរបុរី ស្រុកអង្គរបុរី ខេត្តតាកែវ ទទួលបានចំណូលខ្ទង់ម៉ឺនដុល្លារបានពីការចិញ្ចឹមបង្កង ខណៈគាត់ចាប់ផ្ដើមជាង ១០ឆ្នាំហើយ ខណៈបច្ចុប្បន្នមាន ១០ស្រះ លើផ្ទៃដី ៤,៥ហិកតា ទិន្នផលទទួលបានពី ២ រហូតដល់ ៣ តោនក្នុងមួយស្រះ ដោយដាក់កូនចិញ្ចឹម ៥ម៉ឺនកូន។
លោក ព្រំ វ៉ាត ម្ចាស់កសិដ្ឋានចិញ្ចឹមបង្កង រស់នៅឃុំអង្គរបុរី ស្រុកអង្គរបុរី ខេត្តតាកែវ បានរៀបរាប់ពីដំណើរដើមទងនៃការចិញ្ចឹមបង្កងថា លោកបានចិញ្ចឹមបង្កងតាំងពីឆ្នាំ ២០០៧ បច្ចុប្បន្នមាន ១០ស្រះ លើផ្ទៃដី ៤,៥ ហិកតា ទិន្នផលទទួលបានចាប់ពី ២ ទៅ៣តោនក្នុងមួយស្រះ ដោយដាក់កូនចិញ្ចឹម ៥ម៉ឺនកូន។
លោកបន្តថា ក្រៅភ្ញាស់កូនចិញ្ចឹមបាន ៦០ម៉ឺនកូនក្នុងមួយឆ្នាំ សម្រាប់ចិញ្ចឹមក្នុងកសិដ្ឋាន និងលក់ចែកចាយឲ្យអ្នកចិញ្ចឹមនៅទូទាំងខេត្តតាកែវ ខេត្តកំពង់ស្ពឺ និងខេត្តកណ្តាល។ ជាធម្មតា បង្កងចិញ្ចឹមរយ:ពេល ៧ ឬ៨ខែ មានទម្ងង់ ១០ក្បាលក្នុងមួយគីឡូក្រាម ទំហំនេះ បង្កងមានតម្លៃ ៦ ឬ៧ម៉ឺនរៀលក្នុងមួយគីឡូក្រាម។
ក្រៅពីផលិតកម្មបង្កង លោក ព្រំ វ៉ាត បានវិនិយោគលើប្រព័ន្ធធារាសាស្រ្តខ្នាតតូច ដើម្បីផ្គត់ផ្គង់ទឹកឲ្យកសិករធ្វើស្រែបាន ៣ដងក្នុង១ឆ្នាំ ដោយគិតសេវាបូមទឹក ២៥ម៉ឺនរៀលក្នុងមួយហិកតា។ គិតរួមទាំងចំណូលសេវាកម្ម បូមទឹក និងចំណូលពីកសិដ្ឋានបង្កង លោកពូអាចរកចំណូលបានពី ៦ ទៅ៧ម៉ឺនដុល្លារក្នុងមួយឆ្នាំ។
លោកសន្យាខិតខំប្រឹងប្រែងទទួលបានជោគជ័យនៅពេលនេះ គិតទាំងចំណូល ចំណេះដឹងចិញ្ចឹមបង្កងបែបធម្មជាតិ ភ្ញាស់កូន សេវាផ្គត់ផ្គង់ទឹក ទាំងអស់នេះបង្ហាញថា សេដ្ឋកិច្ចគ្រួសារមាននិរន្តរភាព ហើយចំណូលលោកខ្ទង់ម៉ឺនដុល្លារក្នុងមួយខែៗ។
លោកថា លោកចង់ធ្វើការចែករំលែកចំណេះ ដឹង និងបទពិសោធន៍ចិញ្ចឹមដល់ដៃគូចិញ្ចឹមគឺជា មធ្យោបាយដ៏ល្អប្រសើរសម្រាប់ធ្វើការពង្រីកអាជីវកម្មចិញ្ចឹមបង្កងឲ្យមានការរីកដុះដាលទូទាំងខេត្តតាកែវ និងក្រៅតំបន់ ដើម្បីចូលរួមធានាបរិមាណផ្គត់ផ្គង់បង្កងឲ្យទីផ្សារក្នុងស្រុកដែលកំពុងពេញនិយមនាពេលបច្ចុប្បន្ន។
លោកចង់ឲ្យមានការគាំទ្រ និងលើកទឹកចិត្តឲ្យពង្រីកផលិតកម្មបន្ថែម ជាពិសេសបរិមាណកូនបង្កងដើម្បីបំរើឲ្យសេចក្តីត្រូវការរបស់អ្នកចិញ្ចឹម និងសូមជួយចែករំលែកបទពិសោធន៍ល្អៗដល់អ្នកទើបចាប់ផ្តើមចិញ្ចឹម ដើម្បីឲ្យពួកគាត់សម្រេចទទួលបានផលល្អបន្ថែមទៀត៕
តាកែវ៖ កសិដ្ឋានវារីវប្បកម្មមួយកន្លែងនៅខេត្តតាកែវ កំពុងបំប៉នកូនបង្កងទឹកសាប ប្រមាណ ១លានកូន ដើម្បីលក់ផ្គត់ផ្គង់ទៅឱ្យកសិករជាអ្នកចិញ្ចឹមបង្កងសាច់ ដែលឆ្លើយតបទៅនឹងតម្រូវការ ទីផ្សារ។
លោក ហង់ ហៀង ជាម្ចាស់កសិដ្ឋានវារីវប្បកម្មចិញ្ចឹមបង្កង ដែលមានទីតាំងនៅក្នុងភូមិចក សង្កាត់រកាក្នុង ក្រុងដូនកែវ ខេត្តតាកែវ បានប្រាប់វិទ្យុជាតិកម្ពុជាថា កសិដ្ឋានរបស់លោក បានបង្កើតឡើងតាំងពីឆ្នាំ២០០៧ មានផ្ទៃដីជិត៣ហិកតា ដែលផ្ដោតទៅលើការបង្កាត់ ភ្ញាស់ពូជត្រី កង្កែបជាដើម ហើយដែលធ្វើឱ្យជីវភាពរបស់លោកមានភាព ល្អប្រសើរ ។ លោកបានបន្ដថា នៅពេលថ្មីៗនេះ លោក បានធ្វើការបង្កាត់ ភ្ញាស់បង្កងទឹកសាប ហើយកំពុងតែផ្សាំ បំប៉នកូនបង្កង ទឹកសាប ដែលបានញាស់ ប្រមាណ ១លានកូន ឱ្យទៅជាកូនបង្កងពូជសម្រាប់លក់ទៅឱ្យកសិករជាអ្នកចិញ្ចឹមបង្កងសាច់ ដោយលក់ចេញទៅតាមប្រភេទទំហំ ដោយក្នុង១ក្បាលតម្លៃចន្លោះពី ២រយរៀល ទៅ១ពាន់រៀល ។ លោកក៏បានឱ្យដឹងទៀតថា ការផ្សាំកូនបង្កង មាន២ប្រភេទ គឺផ្សាំក្នុងស្រះ និងផ្សាំនៅក្នុងរូង ជាពិសេស ការផ្សាំកូនបង្កងនេះ ត្រូវការដូរទឹក ទើបបង្កងធំលឿន។
« ផ្សាំក្នុងស្រះក៏គេរៀបចំស្រះកុំឱ្យមានត្រីកាចឬក៏សត្វកាចដូចអន្ទង់កង្កែប។ ហើយគេផ្សាំគេធ្វើស្រះហើយរលីងហើយគេបាំងជុំវិញកុំឱ្យមានសត្វអីចូល។ ហើយអាចដាក់សំបុក ៥០ភាគរយ ហើយយើងមានប្រព័ន្ធទឹកវិល និងប្រើខ្យល់អុកស៊ីសែននៅក្នុងស្រះ ដើម្បីផ្សាំនេះគឺផ្សាំកូនពូជ។ ហើយបើផ្សាំដូចនេះរាល់ថ្ងៃគឺយើងផ្សាំនៅក្នុងរូងមួយដែលមានលក្ខណៈបិទជិត ហើយមានសីតុណ្ហភាពគ្រប់គ្រាន់កុំឱ្យអាម៉ូញាក់ឬគុណភាពទឹកថយចុះត្រូវតាមដានវាជារៀងរាល់ថ្ងៃដោយវាស់ និងដូរទឹកនេះជាការផ្សាំប្រភេទទី២។ហើយអ្នកខ្លះគេខ្ជិលផ្សាំដូចខ្ញុំចេញពីកូនពូជចេញពីក្នុងរូងទៅគេហៅថាឡាវី១៥ថ្ងៃ បានន័យថាបង្កងហែលក្រឡាប់គេរៀបចំស្រះហើយ គេយកទៅដាក់ចិញ្ចឹមតែម្ដង។ យើងគ្រាន់តែដឹងថាចិញ្ចឹមពួកអស់នេះបើបានផ្ទៃស្រះធំទូលាយល្អចាប់ពីកន្លះហិកតាឬក៏មួយហិកតាទៅឱ្យមានលំនឹងទាំងអុកស៊ីសែននិងគុណភាពទឹក គឺមួយហិកតាគឺល្អហើយគេប្រើមួយការ៉េ ១០ក្បាលកូនបង្កងឬ១៥ក្បាល ។ បើមានទឹកដូរទើបបង្កងធំលឿន កាលណាដូរទឹកវា សក ហើយបើវាអត់សកវាអត់ធំ និងពាក់ព័ន្ធបង្កងពិបាករឿងទឹក បើតំបន់ណាមានទឹកដូរគឺមិនអីទេ»។
សូមបញ្ជាក់ថា នៅខេត្តតាកែវមានកសិដ្ឋានចិញ្ចឹមបង្កងជាច្រើនកន្លែង ហើយត្រូវបានគេចាត់ទុក ជាខេត្តមួយដែលល្បីលើបច្ចេកទេសចិញ្ចឹមបង្កងទឹកសាបមានរស់ជាតិឆ្ងាញ់ មិនចាញ់បង្កងធម្មជាតិឡើយ៕
តាមអ្វីដែលអ្នកបច្ចេកទេសចិញ្ចឹម បានជម្រាបជូនរដ្ឋមន្រ្តី ឱ្យដឹងថា កសិដ្ឋានបានចាប់ ផ្តើមដំណើរការតាំងពីឆ្នាំ២០១៦ ដោយធ្វើការអភិវឌ្ឍជាបណ្តើរៗ មានជីកស្រះច្រើនប្រភេទ (ស្រះចិញ្ចឹមមេ បាពូជ កូន និងបង្កងសាច់) អាងភ្ញាស់ និងហេដ្ឋរចនាសម្ព័ន្ធក្នុងកសិដ្ឋាន។ល។ បច្ចុប្បន្នកំពុងធ្វើការសាកពិសោធន៍ភ្ញាស់ និងចិញ្ចឹមកូនពូជឱ្យស្របតាមក្សេត្របរិស្ថាននៅតំបន់នេះ ក្នុងទិសដៅដើម្បីសម្រេចតាមផែនការផលិតកម្ម ផលិតបង្កងសាច់ឱ្យបាន ១តោន/ថ្ងៃ និងកើនឡើងជាបន្តបន្ទាប់។ បច្ចុប្បន្នមានកូនពូជប្រមាណ ៦០ម៉ឺន ដែលអាចផ្តល់ផលប្រមាណ ៥០ តោននៅរយៈពេល ៦ខែ។
បង្កងប្រភេទនេះមានតម្លៃ ២៥ដុល្លារ/គ.ក នៅកសិដ្ឋាន ឈ្មួញយកទៅលក់បន្តតម្លៃ ៣០-៣៥ដុល្លារ/គ.ក។ ផ្ទៃដីដែលបាននឹងកំពុងចិញ្ចឹមមានចំនួន ២៥ហិចតា នឹងធ្វើការពង្រីកដល់ ១០០ហិចតា នៅពេលឆាប់ៗខាងមុខ ដែលក្នុងនោះ ៧០ហិចតា សម្រាប់ផលិតបង្កងសាច់ ៣០ហិចតា សម្រាប់ផលិតមេ បា និងកូនពូជ។ ការចិញ្ចឹមជាលក្ខណ:ធម្មជាតិ (លែងក្នុងស្រះ) ផ្តល់ចំណីផ្សំមានពោត ដំឡូងមី និងសណ្តែកសៀង ដែលជាវត្ថុធាតុដើមផលិតក្នុងស្រុក។
«រាល់ថ្ងៃហ្នឹងខ្ញុំផលិតកូនលក់មិនទាន់ទេ និយាយទៅអត់គ្រប់ទីផ្សារ។ អ្នកចិញ្ចឹមច្រើន ហើយបង្កងខ្ញុំលក់ឱ្យកសិករតម្លៃតែ៥០០រៀលទេ ក្នុងមួយក្បាល ដោយពួកគាត់យកទៅចិញ្ចឹមតែ៣ខែជាងទៅ៤ខែអាចលក់បានហើយ។ និយាយទៅខ្ញុំលក់ធូរថ្លៃ ដើម្បីឱ្យកសិករ ស្រួលទិញយកទៅចិញ្ចឹម។ ពេលទិញទៅខ្ញុំក៏ ផ្ដល់បច្ចេកទេសចិញ្ចឹមឱ្យគាត់ដែរ»។ នេះជាការលើកឡើងរបស់លោក តាន់ នរវិន្ទ។
លោក តាន់ នរវិន្ទ គ្រោងនឹងពង្រីកកសិដ្ឋានចិញ្ចឹមបង្កង និងពូជបន្ថែម ដោយបច្ចុប្បន្នលោក កំពុងស្វែងរកជំនួយគាំទ្រទាំងថវិកា និងទីផ្សារនាំចេញទៅបរទេស។ ម្ចាស់កសិដ្ឋានរូបនេះ រំពឹងចង់បង្កាត់ពូជបង្កងប្រមាណ១-២លានកូនក្នុងមួយខែ ដើម្បីផ្គត់ផ្គង់ទីផ្សារ និងជួយបង្កើនជីវភាពដល់កសិករក្នុងស្រុក។ លោក អះអាងថា នៅពេលកសិដ្ឋានរបស់លោក មានលទ្ធភាពគ្រប់គ្រាន់ លោក នឹងទម្លាក់តម្លៃកូនបង្កងឱ្យកាន់តែថោក ២០០-៣០០រៀល ប៉ុណ្ណោះក្នុងមួយក្បាល ដើម្បីឱ្យកសិករមានលទ្ធភាពចិញ្ចឹម សម្រាប់ធ្វើអាជីវកម្ម និងចិញ្ចឹមលក្ខណៈគ្រួសារផងដែរ៕
