ពន្ធ នាំចូល រថយន្ត ៖ រាជរដ្ឋាភោបាលកម្ពុជា បញ្ជត្តិឲ្យ រថយន្ត ត្រូវតែប្តូរចង្កួតពីខាង ស្តាំ មកដាក់នៅខាងឆ្វេងទាំងអស់-- ប្រទេសថៃ ជាប្រទេសផលិតរថយន្តដែលប្រើចង្កួតស្តាំង ។ កម្ពុជាក៍បញ្ញត្តិផងដែរ ឲ្យរថយន្ត ស្លាកលេខ រដ្ឋ នគរបាល និង ខេមរភូមិន្ទ ត្រូវតែ បង់ពន្ធនាំចូល និង ពន្ធ គយនានា។ តើអ្វីជាមូលហេតុនៃ ការចេញបញ្ញត្តិនេះ? ប្រទេសនានានៅ អាស៊ាន ជាពិសេស វៀតណាម និង ថៃ បាន អនុញ្ញតិឲ្យ ក្រុមហ៊ុនបរទេស ដូចជា អាមេរិក ជប៉ុន អាលឺម៉ង់ មក តម្លើងរោងចក្រផលិត រថយន្តជាច្រើនប្រភេទ នៅប្រទេស របស់គេ ដើម្បី បានចំណេញ ពន្ធ ពលកម្មក្នុងស្រុក ព្រោះ អាស៊ាន ASEAN ត្រូវបានកំណត់ថា គ្មានពន្ធ នាំចូល Zero Import Tax ជាមួយគ្នានេះដែរ វៀតណាម គឺជាប្រទេសដែល ប្រើវធីការពារទីផ្សារ Protectionism របស់វៀតណាម ព្រោះ វៀតណាម ក៍ផលិតរថយន្តដើម្បីនាំចេញ ដូចថៃ ដែរ។ បើទោះជា គ្មានពន្ធនាំចូល តែ រថយន្តវៀតណាម មានតម្លៃខ្ពស់ជាង ប្រទេសនានាក្នុងតំបន់ដល់ទៅ ២-៣ ដង ដូចជា រថយន្ត Ford Ranger ផលិតនៅវៀតណាមតម្លៃ ២១, ៩៨១ ដុល្លា ក្នុងនោះពន្ធ មានដល់ទៅ ១១,៨៧០ ដុល្លា បើទោះជា 0% នាំចូលគ្រឿងបន្លាស់, ៥០% នៃ Duty ត្រូវបាន លុបសល់តែ 0% មែន តែតម្លៃ Luxiry/ Excise Tax ដល់់ទៅ ៤០% និង VAT ១០% ដូច្នេះ មិនមែន ដកពន្ធនាំចូល រថយន្តចុះថោគឡើយ !! ក្រៅពីនេះ វៀតណាម បង្កើត អង្គភាពបច្ចេកទេសមួយទៀត សម្រាប់ត្រួតពិនិត្យ ការនាំចូលរថយន្ត ដែលធ្វើតម្លៃរថយន្តនាំចូលវៀតណាម ខ្ពស់ជាងគេបង្អស់ ៕
តម្លៃខាងលើ គិតត្រឹមតែ #6 Local Dealers’ Margin For Cars In Singapore #5 Vehicular Emission Scheme (VES) Rebate Or Surcharge #4 Certificate Of Entitlement (COE) #3 Excise Duty And GST #2 Additional Registration Fee (ARF) #1 Open Market Value (OMV) នូវមិនទាន់គិតចូលពន្ធ ឬ តម្លៃ ផ្សេងៗដូចជា Car Loan, Road Tax, Insurance, Petrol, Parking, ERP, Servicing
ចុះហេតុអ្វី កម្ពុជាថា រថយន្តផលិតនៅ វៀតណាម ថោកណាស់ ថោកជាងនៅកម្ពុជាដល់ទៅ ៧០% ?ការនេះ មិនពិតឡើយ ព្រោះវៀតណាម ផលិតរថយន្តដើម្បីនាំចេញ បានពន្ធខ្ពស់ ចំណូលច្រើន ការដែល កម្ពុជាមានអ្នកលួចនាំចូល រថយន្តពីវៀតណាម គឺជា ការខុសច្បាប់ ដូច្នេះ បានជា វៀតណាម គេតាម មកចាប់ រឹបអូសយក រថយន្តគេទៅវិញ! ការនាំចេញ ក៍វៀតណាម ត្រូវ ប្រមូលពន្ធគយ ពន្ធអាករនានា ដូចជាការនាំចូលដែរ។
លោកបានលើកបង្ហាញពីអត្រាគិត ពន្ធនាំចូលរថយន្តសរុប (មានពន្ធនាំចូល អាករពិសេស និង VAT) តាមប្រទេសនៅអាស៊ានមានដូចតទៅ៖
- -កម្ពុជាយកពន្ធនាំចូលរថយន្ត ១៣០,១៧%
- -ថៃយកពន្ធនាំចូលរថយន្ត ១៨៩%
- -វៀតណាមយកពន្ធនាំចូលរថយន្ត ២៩៤%
- -ឡាវយកពន្ធនាំចូលរថយន្ត ១៩៣%
- -ឥណ្ឌូណេស៊ីយកពន្ធនាំចូលរថយន្ត ២៧១%
- -ហ្វីលីពីនយកពន្ធនាំចូលរថយន្ត ១៣១%
តាមអត្រាគិតពន្ធបូកញ្ចូលគ្នាមាន ពន្ធនាំចូល ពន្ធអាការពិសេស និង VAT បើប្រៀបធៀបប្រទេសជិតខាង គឺកម្ពុជាមានអត្រាទាបជាងប្រទេសនៅតំបន់អាស៊ានមួយចំនួន រួមមានទាំង ថៃ ឡាវ និងវៀតណាមដែលជាប់ប្រទេសកម្ពុជាផង។
- Open Market Value (OMV) តម្លៃដើមនៃរថយន្តក្នុងហាង
- Additional Registration Fee (ARF) តម្លៃចុះបញ្ជីបន្ថែម
- Car Loan ពន្ធលើកម្ចីទិញរថយន្ត
- Certificate Of Entitlement (COE) ពន្ធផ្លូវថ្នល់ លើប្រភេទរថយន្ត A, B, C. D, E, F
- Consumption Tax ពន្ធលើ កុងទ័រចម្ងាយបើកបរ ស៊ីសាំង ម៉ាស៊ូត
- Contribution to the Social Integration Program (PIS) ពន្ធជួយសង្គម/ជួយជាតិ
- Dealer Tax ពន្ធសម្រាប់អ្នកលក់រថយន្ត Customer, Dealer, Distributor, Factory, Supplier,..
- Duty Tax ពន្ធនាំចូលលើកម្លាំងម៉ាស៊ីន Import Duty (ពន្ធក្នុងស្រុកមាន Excise + Sale Tax)
- Educational ពន្ធសម្រាប់បង់លើវិស័យអប់រំ ដឹកសិស្ស ឬ ស្រាវជ្រាវបច្ចេកវិជ្ជារថយន្ត
- Environment ពន្ធលើផលបៈពាល់ បំពុល បរិស្ថាន
- Excise Duty ពន្ធកម្លាំងម៉ាស៊ីន កំម្លាំងសេះ ចំនួន ប៊ូហ្សី
- Extended Reporting Period (ERP)/Car Management System ពន្ធការគ្រប់គ្រង ថែទាំ ជួសជុល
- Formality ពន្ធលើការបំពេញ បែបបទ សំណុំឯកសារ
- GST =Goods and Services Tax ពន្ធលើ ចំនួន កង់ និង កៅអី រថយន្ត
- Import tax/ Import tariff ពន្ធលើប្រភពនៃរថយន្ត ចិន អាមេរិក ថៃ ជប៉ុន កូរ៉េ?
- Import Value តម្លៃដើមរថយន្តនៅបរទេស
- Insurance Tax ពន្ធលើការធានារាប់រង
- Luxury Tax ពន្ធលើ សេរីទំនើបៗ
- Municipal Service Tax (ISS) ពន្ធតាមភូមិសាស្រ្ត ខេត្ត ក្រុង
- Parking Tax ពន្ធលើចំណតរថយន្ត
- Part Tax ពន្ធលើគ្រឿងបន្លាស់
- Payroll Tax ពន្ធលើប្រភេទរថយន្ត ទេសចរណ៍ ដឹកជញ្ជូន? គ្រួសារ?
- Petrol Tax ពន្ធលើសាំង ប្រេងឥន្ទនៈ
- PIP =Personal Independence Payment ទិញលុយផ្ទាល់ខ្លួន? ឬ លុយកម្ចី?
- PIS =priority integration sector ពន្ធលើរថយន្តចង្កួតឆ្វេង ឬ ស្តាំ ? គ្មាន Integration
- Property taxes ពន្ធប្រចាំឆ្នាំលើកម្មសិទ្ធិ (តម្លៃរថយន្ត +ចុះបញ្ជី+ License )
- Purchase Tax ពន្ធសម្រាប់ការទិញ ស្លាកលេខបណ្តោះអាសន្ន (១ខែ) ពីក្រសួង
- Road Tax ពន្ធផ្លូវ
- Servicing /Car Care ពន្ធលើសេវាថែទាំ
- Sell Tax ពន្ធលើការតាំងលក់
- Social Contribution on Billing (COFINS) ពន្ធលើ សេវាសន្តិសុខសង្គម Social Security System
- Tax on financial operations (IOF) ពន្ធលើលំហូរ ចរាចរណ៍លុយ
- Transfer taxes ពន្ធលើ កាត់ឈ្មោះ ផ្ទេរកម្មសិទ្ធិ ប្រថាប់ត្រា
- VAT on Sales and Services (ICMS) អាករបន្ថែមលើការលក់ និង សេវាកម្ម
- VAT Value-added tax (VAT) ពន្ធបន្ថែម
- Vehicular Emission Scheme (VES)
ថ្ងៃទី១៧ ខែកុម្ភៈ ឆ្នាំ២០២១ អនុលោមតាមអនុក្រឹត្យលេខ ១៨ អនក្រ.បក ចុះថ្ងៃទី០៩ ខែកុម្ភៈ ឆ្នាំ២០២១ ស្ដីពីការកែសម្រួលអត្រាអាករពិសេសលើមុខទំនិញរថយន្តមួយចំនួន អគ្គនាយកដ្ឋានគយនិងរដ្ឋាករកម្ពុជា មានកិត្តិយស សូមជម្រាបជូនវិនិយោគិន ធុរជន និងភាគីពាក់ព័ន្ធទាំងអស់ ជ្រាបថា រាជរដ្ឋាភិបាលកម្ពុជាបានសម្រេចបញ្ចុះអត្រាអាករពិសេស លើមុខទំនិញរថយន្តមួយចំនួន ដែលនឹងចូលជាធរមានចាប់ពីថ្ងៃទី០១ ខែមីនា ឆ្នាំ២០២១ នេះតទៅ។
២១ សីហា ២០២១ សម្តេចតេជោ ហ៊ុន សែន សម្រេចឲ្យម្ចាស់យានយន្តឯកជនជ្រកក្រោមផ្លាកលេខរដ្ឋ, ខ.ម និង ន.ប មកបង់ពន្ធនាំចូល និងពន្ធផ្លូវប្រចាំឆ្នាំតាមច្បាប់2021 (ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានសម្រេចយល់ព្រម លើសំណើរបស់ក្រសួងសេដ្ឋកិច្ច និងហិរញ្ញវត្ថុ កំណត់ឲ្យយានយន្តឯកជនជ្រកក្រោម ផ្លាកលេខរដ្ឋ ផ្លាកលេខ ខ.ម និង ន.ប ដែលមានចង្កួតឆ្វេង និងពុំមានចុះបញ្ជីទ្រព្យរបស់រដ្ឋ ត្រូវបង់ពន្ធលើមធ្យោយបាយ ដឹកជញ្ជូនប្រចាំឆ្នាំ និងបង់ពន្ធនាំចូលតាមច្បាប់ជាធរមាន។ នេះបើតាមលិខិតរបស់ក្រសួងសេដ្ឋកិច្ច ដែលបណ្តាញព័ត៌មាន Fresh News ទទួលបាននៅថ្ងៃទី២២ ខែសីហា ឆ្នាំ២០២១នេះ។
លិខិតរបស់អគ្គបណ្ឌិតសភាចារ្យ អូន ព័ន្ធមុនីរ័ត្ន បានស្នើសុំការសម្រេចរបស់សម្តេចតេជោ ហ៊ុន សែន ហើយត្រូវបានសម្តេចចារយល់ព្រម លើការស្នើទាំង៥ចំណុចរួមមាន៖
១៖ ចំពោះយានយន្តឯកជន ក្រោមផ្លាកលេខរដ្ឋ ផ្លាកលេខ ខ.ម និង ន.ប ដែលមានចង្កួតឆ្វេង និងពុំមានក្នុងបញ្ជីទ្រព្យសម្បត្តិរដ្ឋ របស់អគ្គនាយកដ្ឋានទ្រព្យសម្បត្តិរដ្ឋ និងចំណូលមិនមែនសារពើពន្ធនៃក្រសួងសេដ្ឋកិច្ច និងហិរញ្ញវត្ថុ អនុគ្រោះតែមួយលើកចុងក្រោយ ដោយបន្តអនុញ្ញាឲ្យបង់ពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទ ឆ្នាំ២០២១ ដោយប្រើប្រាស់ថវិកាផ្ទាល់ខ្លួន តាមការដាក់ពាក្យស្នើសុំរបស់ម្ចាស់យានយន្តមួយឆ្នាំទៀតប៉ុណ្ណោះ។ ការបង់ពន្ធនេះ ពុំមែនមានន័យថា ម្ចាស់យានយន្តបានរួចផុតពី កាតព្វកិច្ចបង់ពន្ធ និងអាការនាំចូលយានយន្តតាមច្បាប់ និងបទប្បញ្ញត្តិជាធរមានឡើយ។
២៖ អគ្គនាយកដ្ឋានពន្ធដារ រៀបចំបញ្ជីលម្អិតយានយន្តឯកជនជ្រកក្រោមផ្លាកលេខរដ្ឋ លេខ ខម និងនប អំពីភិនភាគសម្គាល់យានយន្ត និងអំពីម្ចាស់យានយន្ត ជូនដល់អគ្គនាយកដ្ឋានគយ និងរដ្ឋាករកម្ពុជា ដើម្បីចាត់វិធានការបន្តខាងផ្នែកពន្ធ និងអាករនាំចូល។
៣៖ អាជ្ញាធរដែនដី និងកងកម្លាំងប្រដាប់អាវុធ ត្រូវគាំទ្រកម្លាំងរបស់គយ ក្នុងការទប់ស្កាត់ និងបង្ក្រាបការរត់ពន្ធរថយន្តចង្កួតស្តាំចូលមកកម្ពុជា។
៤៖ គ្រប់ក្រសួង និងស្ថាប័នត្រូវអនុវត្តឲ្យបានម៉ឺងម៉ាត់នូវច្បាប់ និងគោលនយោបាយហាមឃាត់ការនាំចូល និងប្រើប្រាស់រថយន្តចង្កួតស្តាំ (លើកលែងតែមានការ អនុញ្ញាតពីរាជរដ្ឋាភិបាល ជាលក្ខណៈពិសេសដូចជា រថយន្តអគ្គិភ័យ រថយន្តដឹកសំរាម ជាដើម) ដោយមិនត្រូវពាក់ព័ន្ធដោយផ្ទាល់ ឬប្រយោលក្នុងទម្រង់ណាមួយ ក្នុងការ «ទទួលស្គាល់» រថយន្តចង្កួតស្តាំ ដែលជាប្រភេទរថយន្តខុសច្បាប់។ ក្នុងករណីរកឃើញបុគ្គលដែលមានការពាក់ព័ន្ធខាងលើត្រង់ចំណុចនេះ បុគ្គលនោះត្រូវទទួលរងទោសទណ្ឌតាមច្បាប់ជាធរមាន។
៥៖ អនុញ្ញាតឲ្យបង់ពន្ធ និងអាករនាំចូលចំពោះរថយន្តចង្កួតស្តាំមានស្រាប់ក្នុងស្រុក ជាលើកចុងក្រោយ តែត្រូវកែចង្កួតពីស្តាំមកឆ្វេង ដើម្បីឲ្យស្របច្បាប់ចរាចរណ៍ផ្លូវគោករបស់កម្ពុជា។ ការអនុញ្ញាតនេះ មានឱសានវាទត្រឹមដំណាច់ខែមិថុនា ឆ្នាំ២០២២ ។ បន្ទាប់ពីនោះ រថយន្តចង្កួតស្តាំដែលត្រូវបង្ក្រាបបាននឹងតម្រូវឲ្យដោះបំបែកជាគ្រឿងបន្លាស់ ឬកំទេចចោល។
ក្រសួងសេដ្ឋកិច្ចបានឲ្យដឹងថា យានយន្តនាំចូលជាំប្រភពចំណូលយ៉ាងសំខាន់សម្រាប់ថវិកាជាតិ។ ក្នុងឆ្នាំ២០១៩ ចំណូលពីក្រុមទំនិញនេះ ដើរតួនាទីជាងពាក់កណ្តាល (៥៣%) នៃចំណូលសរុបដែលប្រមូលបានដោយអគ្គនាយកដ្ឋានគយ, ឆ្នាំ២០២០ តួលេខនេះបានធ្លាក់ចុះមកត្រឹម ៤៣% ដោយសារទីផ្សារយានយន្ត រងផលប៉ះពាល់ដោយសារកូវីដ១៩៕
July 19, 2021 ប្រសិនចង់នាំចូលឡានពីអាមេរិច តើត្រូវបង់ពន្ធសរុបប៉ុន្មាន? (មានឧទាហរណ៍) គួររំលឹកដែរថា កាលពីខែមិនាកន្លងទៅ អគ្គនាយកដ្ឋានគយ និងរដ្ឋាករកម្ពុជា បានធ្វើការកែសម្រួលអាត្រាពិសេសលើមុខទំនិញមួយចំនួន ជាក់ស្តែងក្រុមហ៊ុននាំចូលរថយន្តផ្លូវការជាច្រើនបានធ្វើការអនុវត្តតាមសេចក្តីប្រកាសនោះផងដែរ។ ស្របគ្នានេះដែរ ក្នុងពេលបច្ចប្បន្នការនាំចូលរថយន្តប្រើប្រាស់រួច ឬថ្មីពីប្រទេសផ្សេងៗ ដូចជាសហរដ្ឋអាមេរិចជាដើម មានកើនឡើងយ៉ាងខ្លាំង។ ជាថ្មីម្តងទៀត ក្រុមការងារខេមបូអូតូ សូមធ្វើការបង្ហាញជូនវីធីសាស្រ្តនៃការគណនាលើពន្ធ និងអាករលើទំនិញនាំចូល នាំចេញ មកបង្ហាញជូនបងប្អូនទាំងអស់គ្នាអោយបានដឹង ថាតើប្រសិនចង់នាំចូលរថយន្តពីក្រៅប្រទេស តើត្រូវបង់ពន្ធសរុបប៉ុន្មាន?
ចំពោះការគណនាប្រាក់ពន្ធ អាករ ត្រូវគណនាតាមលំដាប់លំដោយ ជាដំបូងត្រូវគណនាពន្ធនាំចូល អាករពិសេស (បើមាន) និងអាករលើតម្លៃបន្ថែម។
- ពន្ធនាំចូល = តម្លៃគិតពន្ធគយ x អត្រាពន្ធនាំចូល
- អាករពិសេស = (តម្លៃគិតពន្ធគយ + ពន្ធនាំចូល) x អត្រាអាករពិសេស
- អាករលើតម្លៃបន្ថែម = (តម្លៃគិតពន្ធគយ + ពន្ធនាំចូល) x ១០% (ចំពោះទំនិញទូទៅមិនជាប់អាករពិសេស)
- ឬ = (តម្លៃគិតពន្ធគយ + ពន្ធនាំចូល + អាករពិសេស) x ១០% (ចំពោះទំនិញទូទៅ)
- ប្រាក់ពន្ធ និងអាករសរុប = ពន្ធនាំចូល + អាករលើតម្លៃបន្ថែម (ចំពោះទំនិញទូទៅមិនជាប់អាករពិសេស) ឬ = ពន្ធនាំចូល + អាករពិសេស + អាករលើតម្លៃបន្ថែម (ចំពោះទំនិញទូទៅជាប់អាករពិសេស)
7/4/2021 12:00 ឆ្នាំមុន កម្ពុជានាំចូលរថយន្តក្នុងទឹកប្រាក់សរុប ១.១ពាន់លានដុល្លារ ធ្លាក់ចុះ៣៦% ការនាំចូលរថយន្តបានធ្លាក់ចុះកាលពីឆ្នាំ២០២០ កន្លងមកនេះ ដែលជាឆ្នាំកើតផ្ទុះកូវីដ-១៩ ។របាយការណ៍ប្រចាំឆ្នាំរបស់ក្រសួងពាណិជ្ជកម្ម បានបង្ហាញថា កម្ពុជាបានាំចូលរថយន្ត ដែលមានទឹកប្រាក់សរុប ១០៩៩.៥ លានដុល្លារ ថយចុះ ៣៦.៦% បើធៀបការនាំចូលឆ្នាំ២០១៩ ដែលមានតម្លៃសរុប ១ ៧៣៤ លានដុល្លារ។
ទំហំទឹកប្រាក់នាំចូលរថយន្តជាង ១ពាន់លានដុល្លារនេះ គឺស្មើនឹង ៦%នៃទំហំនាំចូលផលិតផលសរុបរបស់កម្ពុជា នៅឆ្នាំ២០២០កន្លងទៅនេះ។ គួរបញ្ជាក់ថា កាលពីឆ្នាំ២០២០ កម្ពុជានាំចេញទំនិញក្នុងទំហំទឹកប្រាក់ ១៧.២ ពាន់លានដុល្លារ កើនឡើង ១៦.៧% ខណៈការនាំចូលមកវិញមានទំហំជិត ១៨.៦ ពាន់លានដុល្លារ ថយចុះ ៧.៨% ។
ទាក់ទងនឹងការនាំចូលរថយន្តនេះដែរគួររំលឹកថា នៅខែកុម្ភៈឆ្នាំ២០២១ រដ្ឋាភិបាលបានចេញអនុក្រឹត្យបន្ថយអត្រាអាករពិសេសចំពោះការនាំចូលយានយន្ត ដើម្បីស្ដារទីផ្សារ និងប្រមូលចំណូលពន្ធ ឱ្យប្រសើរឡើងវិញដោយឆ្នាំ២០២០ កន្លងទៅនេះ ចំណូលពន្ធគយលើរថយន្ត បានធ្លាក់ចុះ ៤០% ។
ក្នុងនោះរដ្ឋាភិបាលបាន៖ -បញ្ចុះអត្រាអាករពិសេស ១០ ពិន្ទុភាគរយ ចំពោះរថយន្តគ្រួសារដែលមានទំហំស៊ីឡាំងមិនលើស ៣ ០០០cc (ពី ៣០ មក ២០% និងពី ៦០ មក ៥០%)ព្រមទាំងបញ្ចុះអត្រាអាករពិសេស ១៥ ពិន្ទុភាគរយចំពោះប្រភេទទំហំស៊ីឡាំងលើស ៣ ០០០cc (ពី ៦៥ មក ៥០ % និងពី ៧០ មក ៥៥%)។
- - ចំពោះរថយន្តប្រើអគ្គិសនីសុទ្ធ(រថយន្តគ្រួសារ និងរថយន្តដឹកអ្នកដំណើរ) ត្រូវបានបញ្ចុះអាករពិសេស ២០ពិន្ទុភាគរយ (ពី ៣០ មក ១០%) ដើម្បីកាត់បន្ថយចំណាយនិងជួយការពារបរិស្ថាន។
- - រថយន្តដឹកទំនិញ ត្រូវបញ្ចុះអត្រាអាករពិសេស១៥ ពិន្ទុភាគរយ (ពី ៤០ មក ២៥%)ចំពោះរថយន្តសណ្តោងសឺមីរ៉ឺម៉ក ព្រមទាំងបញ្ចុះអត្រាអាករពិសេស ១០ ពិន្ទុភាគរយ (ពី ៤០ មក ៣០%)សម្រាប់រថយន្តដឹកទំនិញប្រភេទដែលមានទម្ងន់ (ទម្ងន់រថយន្តនិងទម្ងន់ផ្ទុក) លើសពី ៥ តោន។
- - រថយន្តបែនរថយន្តស្ទូច និងរថយន្តឯកទេសផ្សេងទៀត បញ្ចុះអត្រាអាករពិសេស ១០ពិន្ទុភាគរយ (ពី ៤០ មក ៣០%) ៕
- ប្រសិនបើបងប្អូន ចង់មើលលម្អិតអាចចុចទៅកាន់ទំព័រដើមរបស់អគ្គនាយកដ្ឋានគយ និងរដ្ឋាករកម្ពុជា ដោយចុចទីនេះ!
ឧទាហរណ៍៖ យើងទិញឡានពីអាមេរិច Prius 2012 តម្លៃ $11,600 (មិនទាន់បូកថ្លៃដឹកជញ្ជូន និងសេវាកម្មផ្សេងៗរបស់ភ្នាក់ងារ) ចឹងសម្រាប់ពន្ធនាំចូលគឺ 35% អត្រាអករពិសេសថ្មីបន្ទាប់ពីការកែសម្រួលសម្រាប់ Hybrid 50% (Prius ម៉ាស៊ីន 1.8L ប្រហែល 1,798cc)។
ការគណនាពន្ធ ឬយើងហៅថា ប្រាក់ពន្ធ និងអាករសរុប = ពន្ធនាំចូល + អាករពិសេស + អាករលើតម្លៃបន្ថែម ប៉ុន្តែដើម្បីបានពន្ធនីមួយៗមានរូបមន្ត៖
ពន្ធនាំចូល = តម្លៃគិតពន្ធគយ x អត្រាពន្ធនាំចូល
អាករពិសេស = (តម្លៃគិតពន្ធគយ + ពន្ធនាំចូល) x អត្រាអាករពិសេស
អាករលើតម្លៃបន្ថែម = (តម្លៃគិតពន្ធគយ + ពន្ធនាំចូល + អាករពិសេស) x ១០% (ចំពោះទំនិញទូទៅ)
ចឹងយើងអាចធ្វើការគណនា៖
ពន្ធនាំចូល = 11,600 x 35% = 4,060
អាករពិសេស = (11,600 + 4,060) x 50% = 7,830
អាករលើតម្លៃបន្ថែម = (11,600 + 4,060 +7,830) x 10% = 2,349
ប្រាក់ពន្ធ និងអាករសរុប = 4,060 + 7,830 + 2,349 = $14,239
ហេតុនេះ យើងត្រូវបង់ពន្ធសរុប = $14,239
មានកន្លែងណាមិនយល់អាចសួរខ្ញុំបាន អរគុណ!
ទាំងនេះគ្រាន់តែជាគណនាពន្ធតែប៉ុណ្ណោះ ដូច្នេះដើម្បីបានតម្លៃឡានចេញលក់លើទីផ្សារ គឺត្រូវមានការគណនាលើការដឹកជញ្ជូន សេវាផ្សេងៗ និងប្រាក់ចំនេញរបស់ក្រុមហ៊ុននាំចូលមួយទៀត។
១៥ ខែ កុម្ភៈ ឆ្នាំ ២០២១ ម៉ោង ១៥:១៧ តើការបន្ថយពន្ធនាំចូល រថយន្តនៅកម្ពុជាចុះថោក ឬអត់ ?រាចធាំនីភ្នំពេញ ៖ រដ្ឋាភិបាលបានសម្រេចបន្ថយអត្រាពន្ធអាករពិសេសលើរថយន្ត ដែលនាំចូលមកប្រទេសកម្ពុជា។ ការបន្ថយអត្រពន្ធនេះ ជាផ្នែកមួយដើម្បីស្ដារសេដ្ឋកិច្ចជាតិ ពិសេសការប្រមូលចំណូលពន្ធ ឱ្យបានប្រសើរឡើងវិញ។ ឆ្នាំ២០២០ ដែលសេដ្ឋកិច្ចជួបវិបត្តិដោយសារកូវីដ១៩ ចំណូលពន្ធគយលើរថយន្ត ត្រូវគេដឹងបានធ្លាក់ចុះប្រមាណ ៤០%។ សម្តេចនាយករដ្ឋមន្រ្តី បានចេញអនុក្រិតបន្ថយពន្ធអាករពិសេសសម្រាប់ការនាំចូលទំនិញរថយន្ត កាលពីថ្ងៃទី៩កុម្ភៈឆ្នាំ២០២១ តាមសំណើររបស់រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ លោក អូន ព័ន្ធមុនីរ័ត្ន។ អនុក្រិត្យរបស់ប្រមុខរដ្ឋាភិបាល បានបន្ថយអត្រាអាករពិសេសលើរថយន្តគ្រួសារ មួយចំនួន នៅក្នុងនោះពី៣០%មក២០% លើទំនិញរថយន្តប្រើថាមពលប្រេងសំាង ឬហ្គាស និងរយយន្តប្រភេទ ហាយព្រីត ចំនួន៤៦បន្ទាត់ពន្ធ នៃតារាងពន្ធគយកម្ពុជាឆ្នាំ២០១៧ ។
បន្ថយអត្រាពន្ធពី ៦០% មកន ៥០% លើមុខទំនិញជារថយន្តប្រើថាមពលប្រេងសំាង ឬហ្គាស ឬប្រេងម៉ាស៊ូត និងរថយន្តប្រភេទហាយព្រីត ចំនួន២៣១បន្ទាត់ពន្ធ នៃតារាងពន្ធគយកម្ពុជាឆ្នាំ ២០១៧ ជាធរមាន ។ បន្ថយអត្រាពន្ធអាករពី ៧០% មក ៥០% លើមុខទំនិញរថយន្តប្រភេទហាយព្រីត ចំនួន២០បន្ទាត់នៃតារាងបង់ពន្ធគយឆ្នាំ ២០១៧ ជាដើម ។
នៅក្នុងលិខិតរបស់ក្រសួងសេដ្ឋកិច្ចផ្ញើជូនប្រមុខរដ្ឋាភិបាលដើម្បីសូមបន្ថយពន្ធអាករនាំចូលរថយន្តនេះ បានបញ្ជាក់ថា កាលពីឆ្នាំ២០២០ ចំណូលគយទទួលបាន ២ ៤១៩លានដុល្លារ ត្រូវជា ៨៣.៥% នៃផែនការប្រចាំឆ្នាំ ហើយធ្លាក់ចុះជិត ២៥% ធៀបនឹងចំណូលក្នុងឆ្នាំ ២០១៩ ។ ទំនិញរថយន្ត ជាប្រភពចំណូលគយសំខាន់មួយនោះ បានថយចុះ ៤០% ។
តើការបន្ថយពន្ធនាំចូលនេះអាចធ្វើឲ្យតម្លៃរថយន្តនៅកម្ពុជាថយចុះដែលឬទេ។ កន្លងមកមកមានការលើកឡើងថារថយន្តនៅកម្ពុជាលក់ថ្លៃខ្លំាង។ រថយន្តមួយទឹកដែលនាំចូលពីសហរដ្ឋអាមេរិក បានបង់ពន្ធខ្ពស់ ធ្វើតម្លៃរថយន្តនិងថ្លៃបង់ពន្ធស្មើរគ្នាមានន័យថាបើរថយន្តគេលក់តម្លៃមួយម៉ឺនដុល្លារថរយន្តនោះបាន បង់ពន្ធ៥ពាន់ដុល្លារហើយ។ មានការកត់សម្គាលមួយទៀតថា ពលរដ្ឋខ្មែរមួយចំនួនបានងាកទៅប្រើរថយន្តថ្មីពីរោងចក្រតែម្តង ៕
April 30th 2019PrintShare The ASEAN automotive race The recent imposition of automotive import barriers in Indonesia and Vietnam reflects grand plans by the governments of both of those countries for their motor vehicle sectors. Among Association of South-East Asian Nations (ASEAN) countries, Thailand has the most to lose from increased protectionism and competition in the region. Although a change in the structure of regional supply chains will be slow to evolve, there is a risk that Vietnam and Indonesia, and even Malaysia, will introduce further protectionist measures in the near term as they seek to develop their manufacturing capacities.
មកស្គាល់ពីស្លាកលេខយានយន្តរបស់ស្ថាប័នរដ្ឋសម្រាប់នីតិកាលទី ៦ ប្រជាពលរដ្ឋខ្មែស្ទើរតែគ្រប់គ្នាសុទ្ធតែស្គាល់នូវយានយន្តរបស់រដ្ឋ តាមរយៈពណ៌របស់ស្លាកលេខនៃយានយន្តទាំងនោះ គឺពណ៌បៃតង។ ប៉ុន្តែពួកគាត់ភាគច្រើនពុំបានស្គាល់តើស្លាកលេខប្រភេទណា ជាស្លាកលេខរបស់ស្ថាប័នណា គឺមានតិចតួចណាស់។
ថ្ងៃនេះ ខ្មែរប៉ុស្តិ៍ សូមនាំលោកអ្នកមកស្គាល់ពីស្លាកលេខរបស់យានយន្តស្ថាប័នរដ្ឋ ដូចខាងក្រោម៖
- រដ្ឋ-01 ព្រឹទ្ធសភា
- រដ្ឋ-02 រដ្ឋសភា
- រដ្ឋ-03 រាជរដ្ឋាភិបាល
- រដ្ឋ-04 ក្រុមប្រឹក្សាធម្មនុញ្ញ
- រដ្ឋ-05 ទីស្តីការគណរដ្ឋមន្រ្តី
- រដ្ឋ-06 ក្រសួងការពារជាតិ
- រដ្ឋ-07 ក្រសួងមហាផ្ទៃ
- រដ្ឋ-08 ក្រសួងទំនាក់ទំនងរដ្ឋសភា-ព្រឹទ្ធសភា និងអធិការកិច្ច
- រដ្ឋ-09 ក្រសួងការបរទេស និងសហប្រតិបត្តិការ
- រដ្ឋ-10 ក្រសួងសេដ្ឋកិច្ច និងហិរញ្ញវត្ថុ
- រដ្ឋ-11 ក្រសួងពត៌មាន
- រដ្ឋ-12 ក្រសួងសុខាភិបាល
- រដ្ឋ-13 ក្រសួងរ៉ែ និងថាមពល
- រដ្ឋ-14 ក្រសួងផែនការ
- រដ្ឋ-15 ក្រសួងពាណិជ្ជកម្ម
- រដ្ឋ-16 ក្រសួងអប់រំ យុវជន និងកីឡា
- រដ្ឋ-17 ក្រសួងកសិកម្ម រុក្ខាប្រមាញ់ និងនេសាទ
- រដ្ឋ-18 ក្រសួងវប្បធម៌ និងវិចិត្រសិល្បៈ
- រដ្ឋ-19 ក្រសួងបរិស្ថាន
- រដ្ឋ-20 ក្រសួងអភិវឌ្ឍន៍ជនបទ
- រដ្ឋ-21 ក្រសួងសង្គមកិច្ច អតីតយុទ្ធជន និងយុវនីតិសម្បទា
- រដ្ឋ-22 ក្រសួងប្រៃសណីយ៍ និងទូរគមនាគមន៍
- រដ្ឋ-23 ក្រសួងធម្មការ និងសាសនា
- រដ្ឋ-24 ក្រសួងកិច្ចការនារី
- រដ្ឋ-25 ក្រសួងសាធារណការ និងដឹកជញ្ជូន
- រដ្ឋ-26 ក្រសួងយុត្តិធម៌
- រដ្ឋ-27 ក្រសួងទេសចរណ៍
- រដ្ឋ-28 ក្រសួងរៀបចំដែនដី នគរូបនីយកម្ម និងសំណង់
- រដ្ឋ-29 ក្រសួងធនធានទឹក និងឧត្តុនិយម
- រដ្ឋ-30 ក្រសួងព្រះបរមរាជវាំង
- រដ្ឋ-31 ក្រសួងមុខងារសាធារណៈ
- រដ្ឋ-32 រដ្ឋលេធិការដ្ឋានអាការចរស៊ីវិល
- រដ្ឋ-33 ឧត្តមក្រុមប្រឹក្សាចៅក្រម
- រដ្ឋ-34 អគ្គលេខាដ្ឋានរដ្ឋសភា-ព្រឹទ្ធសភា
- រដ្ឋ-35 ធនាគារជាតិនៃកម្ពុជា
- រដ្ឋ-36 អង្គការជាតិ
- រដ្ឋ-37 រាជធានីភ្នំពេញ
- រដ្ឋ-38 ខេត្តកណ្តាល
- រដ្ឋ-39 ខេត្តកំពង់ធំ
- រដ្ឋ-40 ខេត្តកំពង់ឆ្នាំង
- រដ្ឋ-41 ខេត្តកំពង់ស្ពឺ
- រដ្ឋ-42 ខេត្តកំពង់ចាម
- រដ្ឋ-43 ខេត្តកំពត
- រដ្ឋ-44 ខេត្តកោះកុង
- រដ្ឋ-45 ខេត្តកែប
- រដ្ឋ-46 ខេត្តក្រចេះ
- រដ្ឋ-47 ខេត្តតាកែវ
- រដ្ឋ-48 ខេត្តបន្ទាយមានជ័យ
- រដ្ឋ-49 ខេត្តបាត់ដំបង
- រដ្ឋ-50 ខេត្តប៉ៃលិន
- រដ្ឋ-51 ខេត្តពោធិ៍សាត់
- រដ្ឋ-52 ខេត្តព្រះសីហនុ
- រដ្ឋ-53 ខេត្តព្រះវិហារ
- រដ្ឋ-54 ខេត្តព្រៃវែង
- រដ្ឋ-55 ខេត្តមណ្ឌលគិរី
- រដ្ឋ-56 ខេត្តរតនគិរី
- រដ្ឋ-57 ខេត្តសៀមរាប
- រដ្ឋ-58 ខេត្តស្វាយរៀង
- រដ្ឋ-59 ខេត្តស្ទឹងត្រែង
- រដ្ឋ-60 ខេត្តឧត្តរមានជ័យ
- រដ្ឋ-61 ក្រសួងការងារ និងបណ្តុះបណ្តាលវិជ្ជាជីវៈ
- នគរបាល អគ្គស្នងការនគរបាលជាតិ-មហាផ្ទៃ
- ខេមរភូមិន្ទ 01 បញ្ជាការដ្ឋាននៃក្រសួងការពារជាតិ
- ខេមរភូមិន្ទ 09 កងរាជអាវុធហត្ថ (PM)
រកឃើញ រថយន្តពាក់ស្លាកលេខ ខ.ម និងន.ប គេចពន្ធ និងខុសច្បាប់ ជាច្រើនគ្រឿងកំពុងចរាចរណ៍នៅកម្ពុជា រថយន្តស៊េរីទំនើបគ្មានពន្ធ ពាក់ស្លាកលេខ ខ.ម និង ន.ប ដែលគ្មានចុះក្នុងបញ្ជីទ្រព្យរដ្ឋជាង២០គ្រឿង ត្រូវកម្លាំងគយចល័ត ដែលដឹកនាំដោយលោក ព្រាប គារ៉ាត បើកប្រតិបត្តិការបង្រ្កាប និងចាប់ក្នុងរយៈពេល២ថ្ងៃ គឺថ្ងៃទី១៨និង១៩ខែធ្នូ ឆ្នាំ២០១៨ ដែលប្រព្រឹត្តិឡើងនៅក្នុងមូលដ្ឋាន ខណ្ឌសែនសុខ និង ខណ្ឌទួលគោក រាជធានីភ្នំពេញ ។យោងតាមប្រភពពីកម្លាំងនាយកដ្ឋានស្រាវជ្រាវបង្ការ និងបង្ក្រាបបទល្មើសគយ សហការជាមួយកម្លាំងនគរបាលនិងកម្លាំងកងរាជអាវុធហត្ថ ចុះប្រតិបត្តិការ នៅកណ្ដាលរាជធានីភ្នំពេញឃាត់រថយន្តស្លាកលេខ ខ.មនិងន.ប ជាបន្តបន្ទាប់ក្រោយសមត្ថកិច្ចរកឃើញថាគ្មានចុះក្នុងបញ្ជីទ្រព្យរដ្ឋ ។តាមប្រភពពីសមត្ថកិច្ចចុះក្នុងប្រតិបត្តិការនេះ បានឲ្យដឹងថា រថយន្តដែលត្រូវបានកម្លាំងនាយកដ្ឋានស្រាវជ្រាវបង្ការ និងបង្ក្រាបបទល្មើសគយ សហការជាមួយកម្លាំងនគរបាលនិងកម្លាំងកងរាជអាវុធហត្ថ ឃាត់បានជាច្រើនគ្រឿង ទី១, ររថយន្តម៉ាក FORTUNER ពាក់ខ្មៅ ចង្កូតស្ដាំ ពាក់ស្លាកលេខ ខ.ម02 2-3799 គ្មានពន្ធ និងគ្មានឯកសារត្រឹមត្រូវ ជារបស់លោក ឧត្តមសេនីយ៍ទោ ស៉ី យាង មុខរបរ យោធិន នៅអគ្គបញ្ជាការ ;ទី២ម៉ាកឡិចស៊ីសNX200 ពណ៍ស ពាក់ស្លាកលេខ ខ.ម02 2.0341 ; ទី៣ រថយន្តឡង់គ្រឺស័រ ពណ៍ខ្មៅ ពាក់ស្លាកលេខ ខ.ម01 2.3659 ;ទី៤រថយន្តម៉ាកឡិចស៊ីស350 ពណ៍ត្រេអី ពាក់ស្លាកលេខ ខ.ម01 2.1226 និងរថយន្តស៊េរីទំនើបជាច្រើនគ្រឿងទៀត ។ លោក ព្រាប គារ៉ាត បានលើកឡើងថា កម្លាំងរបស់លោកនិងបន្តសកម្មភាពទប់ស្កាត់រាល់ បទល្មើសជាក់ស្តែង ជាពិសេសទំនិញគេចពន្ធ និងរថយន្តគេចពន្ធទាំងអស់នោះដែលកំពុងចរាចរក្នុងប្រទេសកម្ពុជា ។ បច្ចុប្បន្ន រថយន្តគ្មានពន្ធ ពាក់ស្លាកលេខ ខ.ម និង ន.ប គ្មានចុះ ក្នុងបញ្ជីទ្រព្យរដ្ឋជាង២០គ្រឿងនោះ ត្រូវបានរក្សាទុកនៅទីស្នាក់ការគយ និងរដ្ឋាករ ដើម្បីរង់ចាំម្ចាស់ចូលខ្លួន ដោះស្រាយតាមនីតិវិធីច្បាប់ ៕
February 10, 2021 ឈឺចិត្តនឹងគយចល័តចាប់ឡានចង្គុតស្តាំមន្ត្រីយោធាការពារព្រំដែន៥០៣ ម្នាក់(ចង កអត្តឃាត) បន្ទាយមានជ័យ ៖ មន្ត្រីយោធាការពារព្រំដែន៥០៣ ខេត្តបន្ទាយមានជ័យ ម្នាក់បានចង កអត្តឃាត នឹងឈឺចិត្តនឹងគយចល័តចាប់ឡានចង្គុតស្តាំ ? ឬក៏ជារឿងផ្សេង ឬដោយសារប្រើរថយន្តចង្កូតស្តាំថ្មីបន្តបន្ទាប់ ដោយយកស្លាកលេខខេមរភូមិន្ទតែ១ដដែល ? ឬជាឈ្នួញនាំចូលរថយន្តចង្កូតស្តាំ ដែលបែកការណ៍ ហើយខូចចិត្ត ។
យោងលោកឧត្តមសេនីយ៍ទោសេង ធារិន (មេបញ្ជាការរងយោធភូមិភាគ៥ ) ក៏ដូចលោកអ៊ុក ម៉ារ៉ាឌី (Ouk Marady ) មន្ត្រីយោធាកងពលតូចថ្មើរជើងលេខ៥១ ក៏មន្ត្រិយោធាកងវរសេនាតូចការពារព្រំដែន៥០៣ និងសមត្ថកិច្ចនគរបាលរដ្ឋបាលឃុំបានអោយដឹងថ្ងៃទី១០ែខកុម្ភៈថា៖ លោកអនុសេនីយ៍ត្រី នាង រិទ្ធិឆ័យ (អាយុ៣៣ឆ្នាំ លំនៅនៅផ្លូវឡើងវិទ្យាល័យអូរអំបិល ភូមិ/សង្កាត់អូរអំបិលក្រុងសិរីសោភ័ណខេត្តបន្ទាយមានជ័យ) បានចង ក អត្តឃាតកាលពីព្រឹកថ្ងៃទី១០ខែកុម្ភៈឆ្នាំ២០២១ ។
មន្ត្រីខាងលើបានអោយដឹងកាលពីថ្ងៃទី១០ខែកុម្ភៈថា ៖ ពិតជាអាណិតសោកដល់គ្រួសាររងគ្រោះណាស់ ។យោធិនដែលមានសមត្ថភាពដែរ ក៍មិនលើកទឹកចិត្តអោយកងកម្លាំងប្រើរថយន្ត(ចង្កូតស្តាំ) អត់ពន្ធដែរ លោកមេគយចលត័តំបន់៥(គយចល័តនៃអគ្គនាយកដ្ឋានគយនិងរដ្ឋាករ ប្រចាំខេត្តបន្ទាយមានជ័យ លោកធ្លាប់មានបញ្ហាអីខ្លះ ខ្លួនលោកផ្ទាល់(មន្ត្រីគយ)ដឹងហើយ ។
លោកឧត្តមសេនិយ៍សេង ធារិន បានបង្ហោះក្នុងហ្វេសប៊ុកលោក ថា៖ ខ្ញុំគិតថាការប្រមូលពន្ធជារឿងចាំបាច់ណាស់ដែលគួរលើកទឹកចិត្តដល់មន្ត្រីគយ ដើម្បីធានាប្រាក់ចំណូលជាតិ ។
តែក្នុងករណីនេះលោកគយប្រើដៃក្តៅពេកទេដឹង រថយន្តនេះចាស់ពេកហើយ មិនគួរដុតអោយខ្លោចរោយអោយឆៅទេ ។ រថយន្តចាស់មួយ តើជាកំហុសយោធិនកងការពារព្រំដែនគោកលេខ៥០៣ ឬជាកំហុសគយចលត័តំបន់៥ ។
លោកបានបន្តថា ៖ លោកអនុសេនីយ៍ត្រី នាង រិទ្ធិឆ័យ ក្រោយគ្រោះថ្នាក់ចរាចរណ៍មួយ គាត់បានដោះស្រាយរួចយករថយន្តទៅជួសជុល ដោយគ្មានលុយគាត់បានខ្ចីលុយគេដោះស្រាយ ។
លុះជួសជុលរថយន្តហើយ មកអង្គភាពវិញ (មិនបានពាក់ស្លាកលេខព្រោះទើបចេញពីជាង) ក៍ត្រូវគយចលត័តំបន់៥ចាប់ ។ សូមបញ្ជាក់ថារថយន្តនោះ ម៉ាកតូយ៉ូតាវីគោ ឆ្នាំផលិត២០១៣ ជារថយន្តមានស្លាកលេខប្រើប្រាស់ច្រើនឆ្នាំហើយ ។
លោកមេបញ្ជាការកងការពារព្រំដែន៥០៣ រត់ការយ៉ាងណាក៍ដោះស្រាយមិនចេញ ដោយសារការរឿងនេះ នេះបានបំរើអង្គភាពមិនតិចទេ ។ ប៉ុន្តែប្រភពផ្សេងទៀត បានប្រាប់នាថ្ងៃទី១០ខែកុម្ភៈថា៖ លោកអនុសេនីយ៍ត្រី នាង រិទ្ធិឆ័យ មន្ត្រីយោធាកងការពារព្រំដែនលេខ៥០៣ ជាមនុស្សជំនិតនិងជាអ្នកធ្វើសេដ្ឋកិច្ចអោយលោកឧត្តមសេនីយ៍ត្រីឃួន ជឿន មេបញ្ជការកង៥០៣នេះ។ក៏ជាឈ្មួញឡានក្តៅផងដែរ។
ប្រភពបន្តថា ៖ ករណីនេះ អាចជារឿងផ្សេង ឬដោយសារប្រើរថយន្តចង្កូតស្តាំថ្មីបន្តបន្ទាប់ ដោយយកស្លាកលេខខេមរភូមិន្ទតែ១ដដែល ដាក់ប្រើ ហើយខាងសមត្ថកិច្ចគយបានកត់សម្គាល់ ហើយតាមដានរហូត ។ ម្យ៉ាង បុគ្គលរូបនេះក៏ជាឈ្មួញឬជាឈ្នួញនាំចូលរថយន្តចង្កូតស្តាំឬហៅថាឡានក្តីរហូតមក ។
លុះដល់មានសម្ពាធ ហើយពេលនេះបែកការណ៍ ហើយដោះស្រាយមិនបានហើយមេៗ រលាស់ដៃចេញ ក៏ខូចចិត្ត ហើយឈានទៅសម្រេចចិត្តផ្តេសផ្តាសយ៉ាងនេះ ?
លោក ឈុន សុវណ្ណារី នៃគយចល័តអគ្គនាយកដ្ឋានប្រចាំតំបន់៥(គយចល័តក្រសួងប្រចាំខេត្តបន្ទាយមានជ័យ) ប្រាប់អ្នយកព័តមានតាមទូរស័ព្ទថ្ងៃទី១០ថា ៖ ករណីរថយន្តចង្កូតស្តាំ(របស់លោកនាង រិទ្ធិឆ័យ ) នោះ ត្រូវបានកម្លាំងគយចល័តចាប់ ហើយរក្សាទុកនៅស្នាក់ការគយចល័ត៣-៤ខែមកហើយ ។ មិនមែនទើបចាប់កាលពីថ្មីៗនេះទេ ៕
11:07 pm 23 វិច្ឆិកា 2017 កម្លាំងនគរបាលឃាត់រថយន្តមួយគ្រឿង ពាក់ស្លាកលេខជាន់ជាមួយស្លាកលេខក្លែងក្លាយ បន្ទាយមានជ័យ ៖ កម្លាំងនគរបាលឃាត់រថយន្តម៉ាក់អ៊ីស៊ុយស៊ុយ មួយគ្រឿង ពណ៌ត្រីអ៊ី ពាក់ស្លាកលេខជាន់ជាមួយស្លាកលេខក្លែងក្លាយរថយន្ត ហ្វតគេចពន្ធដែលត្រូវឃាត់នៅវេលាម៉ោង១១រសៀលថ្ងៃទី២៣ ខែវិច្ឆិកា ឆ្នាំ២០១៧ នៅលើផ្លូវជាតិទល់មុខផ្លូវចូលវត្តតាហីស្ថិតក្នុងសង្កាត់កំពង់ស្វាយ ក្រុងសិរីសោភ័ណ។
កម្លាំងនគរបាលប្រឆាំងបទល្មើសសេដ្ឋកិច្ចខេត្តបន្ទាយមានជ័យបានឃាត់រថយន្ត មួយគ្រឿង ២បាំង ពណ៌ត្រីអ៊ី ដែលពាក់ស្លាក់ ខេមរភូមិន្ទ០៧ ២.៩១១០ ដែលស្លាកលេខជាន់ជាមួយរថយន្តហ្វត ពណ៌ស មួយគ្រឿង សេរី ឆ្នាំ២០១៦ ដែលពាក់ស្លាក ខេមរភូមិន្ទ០៧ ២.៩១១០ ក្លែងក្លាយដែលរថយន្តគេចពន្ធជនល្មើសនាំចូលតាមច្រករបៀងខុសច្បាប់។
គួររំលឹកថា៖កាលពីថ្ងៃទី១៧ ខែវិច្ឆិកា ឆ្នាំ២០១៧កន្លងទៅថ្មីនេះកម្លាំងនគរបាលប្រឆាំងបទល្មើសសេដ្ឋកិច្ចខេត្តបន្ទាយមានជ័យសហការជាមួយកម្លាំងនគរបាលស្រុកថ្មពួកបានឃាត់រថយន្តហ្វត មួយគ្រឿង ពណ៌ស សេរី ឆ្នាំ២០១៦ ដែលពាក់ស្លាកលេខ ខេមរភូមិន្ទ០៧ ២.៩១១០ ក្លែងក្លាយដែលឈ្មួញឃុបឃឹត ជាមួយកម្លាំងឈរជើងតាមបន្ទាត់ព្រំដែនលួចនាំចូលរថយន្តគេចពន្ធល្មើសនិងច្បាប់និងផ្ទុយប្រសាសន៍សម្តេចក្រឡាហោម ស ខេង ឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃបានដាក់វិធានការលុបបំបាត់ច្រករបៀងល្មើសច្បាប់និងទប់ស្កាត់បទល្មើសតាមបន្ទាត់ព្រំដែន។
ក្រោយពេលឃាត់រថយន្តសេរីទំនើបគេចពន្ធដែលពាក់ស្លាកលេខខេមរភូមិន្ទ០៧ ២.៩១១០ ក្លែងក្លាយកម្លាំងនគរបាលប្រឆាំងបទល្មើសសេដ្ឋកិច្ចខេត្តបន្ទាយមានជ័យកំពុងស្រាវជ្រាវមុខសញ្ញាជនល្មើសដែលគេចខ្លួនហើយប្រទះឃើញរថយន្តម៉ាក់អ៊ីស៊ុយស៊ុយ ពាក់ស្លាក់ខេមរភូមិន្ទ០៧ ២.៩១១០ ដូចគ្នាសង្ស័យបានឃាត់យកមកសាកសួរនៅស្នងការនគរបាលខេត្តដើម្បីសាកសួរម្ចាស់រថយន្ត។
រថយន្តម៉ាក់អ៊ីស៊ុយស៊ុយ ពាក់ស្លាកខេមរភូមិន្ទ០៧ ២.៩១១០ គឺជាកម្មសិទ្ធរបស់ខ្លួនតែស្លាកលេខខេមរភូមិន្ទ០៧ ២.៩១១០ ជារបស់ឪពុកមា ធ្វើអោយស្របច្បាប់មានកាតគ្រី តែស្លាកលេខ ខាងមុខជារបស់ពិតតែស្លាកលេខ ខាងក្រោយជ្រុះបាត់ចាប់ស្លាកលេខក្លែងក្លាយដាក់បណ្តោះអាសន្នសិន ៕ ដោយៈ ចន្ត្រា
ដឹងទេថា ក្រៅពីផ្លាកលេខយានយន្ត ខ.ម និង ន.ប នៅមាន៧ប្រភេទផ្សេងទៀត តើមានអ្វីខ្លះ?ដូចដែលយើងបានដឹងហើយថាផ្លាក ខ.ម មានន័យពេញថា ខេមរភូមិន្ទ ចំណែកឯ ន.ប គឺនគរបាល ចុះលើសពីនេះទៀតមានអ្វីខ្លះ? យោងតាមអនុក្រឹត្យ លេខ73 អនក្រ.បក ស្តីពី ការចុះបញ្ជីផ្តល់ប័ណ្ណសម្គាល់យានជំនិះ និងបំពាក់ផ្លាកលេខសម្គាល់យានយន្ត បានបញ្ជាក់ត្រង់មាត្រា6 ដែលបានបែងចែកជា 9 ក្រុម មានដូចជា៖
- (1) ព្រះបរមរាជវាំង [រាជវាំង]
- (2) ស្ថាប័នកំពូល [ក.ប.ធម្មនុញ្ញ/ព្រឹទ្ធសភា/រដ្ឋសភា/ឧ.ក.អង្គចៅក្រម/រាជរដ្ឋាភិបាល]
- (3) ក្រសួងស្ថាប័នរដ្ឋ [រដ្ឋ]
- (4) កងយោធពលខេមរភូមិន្ទ [ខេមរភូមិន្ទ]
- (5) កងកម្លាំងនគរបាលជាតិ [នគរបាល]
- (6) គណៈកម្មការរៀបចំការបោះឆ្នោត [គជប]
- (7) ស្ថានទូត អង្គការសហប្រជាជាតិ អង្គការអន្តរជាតិ អង្គការមិនមែនរដ្ឋាភិបាលបរទេដ និង ក្នុងស្រុក [CMD/CD/ONU/OI/ONG1/ONG2]
- (8) ម្ចាស់កម្មសិទ្ធជារូបវន្តបុគ្គល នីតិបុគ្គល រឺសហកម្មសិទ្ធយានជំនិះ (ពលរដ្ឋទូទៅ) [ឈ្មោះដើមរាជធានីខេត្ត/កម្ពុជា]
- (9) រូបវន្តបុគ្គល រឺ នីតិបុគ្គល តាមរបបព្យួរពន្ធ រឺក្រោមរបបគយនាំចូលបណ្តោះអាសន្ន [AT]
មាត្រា24 ចែងថា ក្រសួងសាធារណៈការនិងដឹកជញ្ជូន មានសមត្ថកិច្ចគ្រប់គ្រង ការចុះបញ្ជីផ្តល់ប័ណ្ណសម្គាល់យានជំនិះ និងបំពាក់ផ្លាកលេខសម្គាល់យានយន្ត សម្រាប់ក្រុម ទី 1,2,3,6,7,8,9 ចំណែកក្រុមទី 4 គឺក្រោមសមត្ថកិច្ច ក្រសួងការពារជាតិ ដែលសម្រាប់ប្រើប្រាស់ក្នុងកិច្ចការការពារជាតិ និងទី 5 ក្រោមក្រសួងមហាផ្ទៃ សម្រាប់ការការពារសន្តិសុខជាតិ និង សណ្តាប់ធ្នាប់សង្គម។
សម្រាប់ស្វែងរកព័ត៌មានបន្ថែមអាចរកបានតាមរយៈ ប្រកាសស្តីពីការចេញប័ណ្ណនិង ផ្លាកលេខសម្គាល់យានជំនិះក្នុងកងយោធពលខេមរភូមិន្ទ និង ប្រកាសលេខ៣៥៥៩ ប្រ.ក ចុះថ្ងៃទី០៧ ខែវិច្ឆិកា ឆ្នាំ២០១៥ របស់ក្រសួងមហាផ្ទៃស្ដីពីការចុះបញ្ជី ការចេញបណ្ណសម្គាល់ និងស្លាកលេខយានយន្តគ្រប់គ្រងដោយក្រសួងមហាផ្ទៃ។
ក៏មានការលើកឡើងផងដែរ អំពីករណីក្លែងបន្លំប្រើប្រាស់ផ្លាកលេខ ខេមរភូមិន្ទរឺ នគរបាល ហើយបើសិនជាការឡើកឡើងនេះពិតមែន អ្នកដែលក្លែងបន្លំផ្លាកលេខ និងទទួលទោសតាមច្បាប់ជាធរមាន។ ដោយឡែកប្រការ5 នៃ ប្រកាសស្តីពីការចេញប័ណ្ណនិង ផ្លាកលេខសម្គាល់យានជំនិះក្នុងកងយោធពលខេមរភូមិន្ទ ប្រគល់ភារៈកិច្ចសម្រាប់ កងរាជអាវុធហត្ថ តែមួយគត់ក្នុងការត្រួតពិនិត្យផ្លាកលេខ ខេមរភូមិន្ទ ដូច្នេះដើម្បីអនុវត្តនូវ គតិយុត្តិខាងលើអោយបានជោគជ័យ និង កាត់បន្ថយការក្លែងបន្លំនានា ត្រូវពឹងផ្អែកលើក្រសួងសាមីក្នុងការគ្រប់គ្រងផ្លាកលេខនេះ ជាពិសេស កងរាជអាវុធហត្ថ សម្រាប់ផ្លាកខេមរភូមិន្ទ និង នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ សម្រាប់នគរបាលជាតិ។
