ទស្សនៈពលរដ្ឋកម្ពុជា៖ ច្បាប់សត្វព្រៃកម្ពុជា ធ្វើការហាមឃាត់ការចាប់យកសត្វព្រៃមកលក់ផ្ទាល់ៗ ដូច្នេះ ពលរដ្ឋបារម្ភថាអាចមានគ្រោះថ្នាក់់ដោយការចិញ្ចឹមជ្រូកព្រៃ។ នេះទំនងជាការប្រើពាក្យ ជ្រូកកណ្តុរ ឬ ជ្រូកជនជាតិ ជំនួសពាក្យជ្រូកព្រៃ Wild Pig Feeding farm។ ពូជព្រូកនេះ មានប្រភពពី ឥណ្ឌា ។ ប្រទេសវៀតណាម ប្រទេសថៃ សុទ្ធតែជាប្រភពដែលកម្ពុជានាំចូលជ្រួកកណ្តុរនេះ ដូច្នេះ ពិបាកនិយាយថានេះជាជ្រូកជនជាតិ !!
- ការចិញ្ចឹមជ្រួកព្រៃនៅប្រទេសថៃ ฟาร์มป้อนอาหารหมูป่า ជ្រូកខ្វៃ នៅប្រទេសថៃ តម្លៃ ជ្រូកខ្វែ គឺប្រមាណ ៧ ម៉ឺន ទៅ ១០ ម៉ឺនរៀល/ក្បាល នៅប្រទេសថៃ និង សាច់ជ្រួកខ្វៃ ។
- តម្លៃជ្រូកខ្វៃ នៅកម្ពុជា ៤គក/៦៥ ម៉ឺនរៀល, ៦គក/៧៥ ម៉ឺនរៀល, ៨គក/៨០ ម៉ឺនរៀល, ១០គក/៨៥ ម៉ឺនរៀល, ១២គក/៩០ ម៉ឺនរៀល, ១៥គក/៦៥ ម៉ឺនរៀល, ១ លានរៀល ! ពេលខ្លះមានតម្លៃមាន ១៦០ ដុល្លា/១ក្បាល ថែមបន្លែ !!ការពិពណ៌នា ⭕️3.5kg-4kg ឆ្អិនហើយ តម្លៃ: 130$ ⭕️5kg-6kg ឆ្អិនហើយ តម្លៃ: 150$ ⭕️7kg-8kg ឆ្អិនហើយ តម្លៃ: 200$ ⭕️10kg-12kg ឆ្អិនហើយ តម្លៃ: 250$ 🆓 ដឹកជញ្ជូនឥតគិតថ្លៃក្នុងក្រុងភ្នំពេញ
ជ្រូកកណ្តុរ ជ្រូកពូជនេះ ជាប្រភេទពូជក្នុងស្រុក និងជាពូជអាស៊ីសុទ្ធសាធ ។ លក្ខណៈរូបរាងខាងក្រៅ៖ ជាពូជដែលមានក្បាលស្រួចដូចក្បាលកណ្តុរ មានច្រមុះត្រង់ ត្រចៀកត្រង់តូចបញ្ឈររាងស្រួច ខ្លួនខ្លីក្រាស់ ខ្នងអែន ពោះកិតដី មិនសូវមានរោម សំបុរប្រែប្រួលពីខ្មៅប្រផេះ ។
សមត្ថភាពផលិតកម្ម៖
- – ជាពូជដែលមានការលូតលាស់យឺត តែធន់នឹងជំងឺ
- – មានទម្ងន់៦០គីឡូក្រាម ក្នុងអាយុ១២ខែ
- – មេជ្រូកអាចបង្កាត់បាននៅអាយុ១០ខែ
- – រយៈពេលផើមជាមធ្យម១១៣ថ្ងៃ
- – អាចផ្តល់កូនច្រើនក្នុងមួយសារៗ តែតូចៗ ហើយជាមធ្យមមាន១៤ក្បាល តែពេលខ្លះអាចមានដល់២៤ក្បាល ។
(រៀបរៀងដោយ៖ គង់ ឧត្តម | ដកស្រង់ចេញពី សៀវភៅផលិតកម្មជ្រូកពូជ – ការជ្រើសរើសពូជ របស់អង្គការ ហេហ្វឺកម្ពុជា បោះពុម្ពឆ្នាំ ២០០៧)
ពូជជ្រូកដំរី ជាប្រភេទពូជក្នុងស្រុក ។ វាមានប្រភពមកពីឥណ្ឌូចិន និងប្រទេសចិន ។ ពូជនេះជាពូជដែលមានចំណាស់ជាងគេ ក្នុងចំណោមពូជជ្រូកនៅកម្ពុជា ។ គេឱ្យឈ្មោះវាថា ជាជ្រូកដំរី ព្រោះវាមានស្បែកជ្រីវជ្រួញនៅម្តុំភ្នែក មានស្លឹកត្រចៀកធំ និងមានដំណើរដូចដំណើរដំរី ។ បច្ចុប្បន្នពូជនេះ ស្ទើរតែផុតពូជទៅហើយ ។
លក្ខណៈរូបរាងខាងក្រៅ៖ ជាពូជជ្រូកដែលមានរូបរាងភិនភាគដូចដំរី ខ្ទង់ច្រមុះផតខ្លាំង ច្រមុះត្រង់ហើយខ្លី ត្រចៀកធំ ក្បាលធំទូលាយ ថ្ងាសប៉ោងបន្តិច ខ្លួនធំក្រាស់ តែមិនសូវមានរោមទេ និងមានរោមតិចៗនៅពោះ និងកៀនភ្លៅ ខ្នងអែន ពោះធំប៉ោង ជើងខ្លីហើយធំ ។
ផលិតភាពផលិតកម្ម៖
- – ទម្ងន់៦០គីឡូក្រាម នៅពេលមានអាយុពី ៧-៨ខែ
- – មេជ្រូកផ្តល់កូនក្នុងមួយសំបុកៗ មានពី៨-១០ក្បាល ហើយជួនកាលអាចមានដល់១២-១៥ក្បាល
- – ប្រជាកសិករច្រើនក្រៀវវាក្នុងអាយុ២ខែ ដើម្បីចិញ្ចឹមយកសាច់ ។
(រៀបរៀងដោយ៖ គង់ ឧត្តម | ដកស្រង់ចេញពី សៀវភៅផលិតកម្មជ្រូកពូជ – ការជ្រើសរើសពូជ របស់អង្គការ ហេហ្វឺកម្ពុជា បោះពុម្ពឆ្នាំ ២០០៧)
ពូជជ្រូកកំពត ជាប្រភេទពូជក្នុងស្រុក ។ ពូជជ្រូកនេះ គេពុំទាន់បានដឹងពីប្រភពពិតប្រាកដរបស់វានៅឡើយទេ ប៉ុន្តែយោងទៅលើឈ្មោះរបស់វា វាហាក់ដូចជាមានដើមកំណើតក្នុងខេត្តកំពត នៃប្រទេសកម្ពុជា ។ ជាទូទៅ គេសង្កេតឃើញថា ពូជជ្រូកកំពតនេះ មាននៅតាមខេត្តជាប់ព្រំប្រទល់ប្រទេសវៀតណាម ដូចជាខេត្តតាកែវ កណ្តាល ព្រៃវែង ស្វាយរៀង កំពង់ចាម ជាដើម ។
លក្ខណៈរូបរាងខាងក្រៅ៖ មានច្រមុះវែង ខ្នងអែន សំបុកពោះធំធ្លាក់ក្រចកជើងខាងក្រោយទាំងពីរប៉ះដី រោមខ្លី ហើយច្រើនមានសំបុរខ្មៅ ជាពូជសាយកូន (ផ្តល់កូនច្រើនក្នុងមួយសារៗ) ។
សមត្ថភាពផលិតកម្ម៖
- ទម្ងន់៦០គីឡូក្រាម នៅពេលមានអាយុពី ៨-៩ខែ ហើយមានទម្ងន់១០០គីឡូក្រាម ក្នុងអាយុពី១៣-១៦ខែ ។
- មេជ្រូកកំពត ជាមេសាយកូន និងជាមេល្អ ព្រោះវាពូកែខាងចិញ្ចឹម និងថែកូន ។
- កូនក្នុងមួយសំបុកៗ មានចំនួនពី១០ – ១២ក្បាល ។
(រៀបរៀងដោយ៖ គង់ ឧត្តម | ដកស្រង់ចេញពី សៀវភៅផលិតកម្មជ្រូកពូជ – ការជ្រើសរើសពូជ របស់អង្គការ ហេហ្វឺកម្ពុជា បោះពុម្ពឆ្នាំ ២០០៧)
តើគេនិយាយបែបណាអំពីជ្រូកកណ្តុរនេះ?
- កោះសន្តិភាព ខេត្តមណ្ឌលគិរី ៖ សាច់«ជ្រូកកណ្តុរ» ឬត្រូវបានគេហៅតាមអ្នកស្រុកថា «ជ្រូកជនជាតិ» កំពុងទទួលបានការចាប់អារម្មណ៍ពីអ្នកបរិភោគ ជាពិសេសអ្នកមានជំនឿលើអរូបិយ ដែលរស់នៅតំបន់មណ្ឌលគិរីនិយមបញ្ជាទិញយកទៅខ្វៃថ្វាយជាសំណែនដល់អ្នកតាភ្នំដោះក្រមុំ។អាជីវករ ចាន់ ម៉ារី អ្នកធ្វើជ្រូកខ្វៃលក់ប្រចាំក្រុងសែនមនោរម្យបានឱ្យកោះសន្តិភាពដឹងថា ជារៀងរាល់ថ្ងៃគាត់តែងទទួលការបញ្ជាទិញពីអតិថិជននូវជ្រូកកណ្តុរខ្វៃប្រមាណ២ទៅ៥ក្បាលមិនលោះថ្ងៃឡើយ។ អ្នកជំនាញខ្វៃជ្រូករូបនេះបន្តថា ជាមធ្យមជ្រូកខ្វៃធម្មជាតិនេះមានតម្លៃចាប់២០ម៉ឺនរៀល ទៅ៤០ម៉ឺនរៀល អាស្រ័យទំហំជាក់ស្តែង ដែលអ្នកទិញត្រូវការ ។សព្វថ្ងៃមិនទាន់មានប្រភពផ្គត់ផ្គង់ជ្រូករស់បានគ្រប់គ្រាន់នៅឡើយ ដោយសារជ្រូកប្រភេទនេះ មិនមានអ្នកចិញ្ជឹមច្រើនទេ ពោលគឺគេចិញ្ចឹមបែបយថាកម្ម ចិញ្ចឹមប្រលែងចោលរត់ពេញភូមិ ស៊ីចំនីពាសវាលពាសកាលដាក់បាយឲ្យវាស៊ីម្តងម្កាលប៉ុនណោះ ។ ជារៀងរាល់ថ្ងៃ គេតែងសង្កេតឃើញនៅអាស្រមអ្នកតាមភ្នំដោះក្រមុំ ត្រូវបានប្រជាពលរដ្ឋយកជ្រូកខ្វៃទៅសែនមិនដាច់ ដែលស្ទើរ១០០%សុទ្ធសឹងជាប្រភេទជ្រូកកណ្តុរឬជ្រូកជនជាតិនេះតែម្តង។ចំណែកអ្នកយាមនៅលើភ្នំដោះក្រមុំបានឲ្យដឹងថា ក្រោយមានសកម្មភាពផ្ទុះរឿងទិញលក់ដីធ្លីនៅខេត្តមណ្ឌលគិរី មានអ្នកបន់ស្រន់សែនជ្រូកខ្វៃកាន់តែច្រើន រហូតថ្ងៃខ្លះមានជ្រូកខ្វៃរហូតដល់ជាង១០ក្បាល ត្រូវបានគេយកទៅថ្វាយអ្នកតាក្រោយជោគជ័យលក់ដីដាច់។លោក វុធ សារុំ នាយកដែនជម្រកការពារសត្វព្រៃណាំលៀរ ដែលសព្វថ្ងៃកំពុងសាកល្បងចិញ្ចឹមជ្រូកកណ្តុរធ្វើពូជជាង៥០ក្បាលបានឲ្យដឹងថា ការចិញ្ចឹមជ្រូកប្រភេទនេះងាយស្រួលជាងចិញ្ចឹមជ្រូកធម្មតាឆ្ងាយណាស់ដោយសារវាមិនរើសចំណី ធន់ជំងឺ ប៉ុន្តែវាមានរយៈពេលប្រមូលផលយូរជាងជ្រូកពួជធម្មតា ព្រោះវាស៊ីចំណីបែបធម្មជាតិសុទ្ធសាធ ដូចជាទំពាំង ដើមចេក ឬសឈើ មើមឈើ ស្លឹកឈើ ជាដើម…ដែលនេះមូលហេតុធ្វើឲ្យវាមានការលូតលាស់យឺតជាងជ្រូកស៊ីចំណីកសិកម្ម ។
- ចេញផ្សាយ ថ្ងៃទី ១៧ ខែ កុម្ភៈ ឆ្នាំ ២០២១ AKP សៀមរាប ថ្ងៃទី១៧ ខែកុម្ភៈ ឆ្នាំ២០២១--បទយកការណ៍៖ ជ្រូកកណ្តុរ និងជ្រូកព្រៃចិញ្ចឹម កំពុងមានទីផ្សារល្អ ដោយសារតែការរាតត្បាត នៃមេរោគកូវីដ-១៩ បានធ្វើឱ្យចំនួនភ្ញៀវទេសចរមកកម្សាន្ត នៅខេត្តសៀមរាបមានការថយចុះ និងធ្វើឱ្យប៉ះពាល់យ៉ាងខ្លាំងដល់អ្នកប្រកបមុខរបរពាក់ព័ន្ធនឹងវិស័យទេសចរណ៍នេះ។ លោក ឡែម ផៅ អតីតជាអ្នកដឹកភ្ញៀវទេសចរម្នាក់ នៅខេត្តសៀមរាប បានឱ្យដឹងថា បន្ទាប់ពីលោកបានបាត់បង់ការងារដោយសារគ្មានភ្ញៀវទេសចរមកកម្សាន្តនៅសៀមរាប លោកបានងាកមកប្រកបរបរកសិកម្មវិញ គឺលោកបានចាប់យករបរចិញ្ចឹមជ្រូកកណ្តុរ ជ្រូកព្រៃ ឬជ្រូកជនជាតិ រួមជាមួយក្ងាន ទាកាប៉ា មាន់ និងពពែ ដែលការចិញ្ចឹមនេះលោកបានដំណើរការបានចំនួន ៣ខែមកហើយ នៅភូមិកណ្តឹងឈូកសរ ស្រុកបន្ទាយស្រី ខេត្តសៀមរាប ។ លោកបានបន្តថា បច្ចុប្បន្ន ជ្រូកកណ្តុរ និងជ្រូកព្រៃចិញ្ចឹមនេះ មានទីផ្សារល្អគ្រាន់តែលោកចាប់ផ្តើមចិញ្ចឹមបានរយៈពេលតែ ៣ខែ ប៉ុណ្ណោះ មានអ្នកកុម្ម៉ង់ច្រើន តែយើងមិនមានជ្រូកគ្រប់គ្រាន់អាចផ្តល់ឱ្យគេបាននោះទេ។ ឥឡូវនេះលោកទើបតែមានជ្រូកប្រមាណតែ ០៥ក្បាលប៉ុណ្ណោះ ដែលអាចលក់ចេញ ក្នុងនោះជ្រូក១ក្បាលមានទម្ងន់ ១២គីឡូក្រាម អាចលក់បានក្នុងតម្លៃ ៦០ម៉ឺនរៀល ហើយជ្រូកដែលលក់នេះ គឺសុទ្ធតែជាជ្រូកឈ្មោល ដោយជ្រូកញីទុកធ្វើពូជឱ្យបានច្រើនសិន។ លោក ឡែម ផៅ បានបង្ហាញថា មូលហេតុដែលគេចូលចិត្តហូបសាច់ជ្រូកកណ្តុរ និងជ្រូកព្រៃចិញ្ចឹមនេះ ដោយសារតែវាមានសាច់លក្ខណៈធម្មជាតិ ព្រោះជ្រូកកណ្តុរ និងជ្រូកព្រៃចិញ្ចឹមនេះស៊ីតែស្លឹកឈើ ដំឡូង និងដើមចេកជាដើម ហើយកន្លែងដែលវារស់នៅក៏ជាលក្ខណៈព្រៃដែរ។ ទៅថ្ងៃអនាគត លោកមានគម្រោងចង់ធ្វើឱ្យកន្លែងនេះក្លាយនេះកន្លែងដែលភ្ញៀវទេសចរមកស្នាក់នៅ ទទួលទានអាហារ ដែលមានសាច់ជ្រូកកណ្តុរ ជ្រូកព្រៃចិញ្ចឹម រួមជាមួយក្ងាន ទាកាប៉ា មាន់ និងពពែ សម្រាប់ផ្គត់ផ្គង់នៅទីនេះស្រាប់។ លោករំពឹងថា របរចិញ្ចឹមសត្វនេះនឹងជួយធ្វើឱ្យជីវភាពគ្រួសាររបស់លោកមានភាពល្អប្រសើរ ក្រោយពីរងផលប៉ះពាល់ដោយសារការរីករាលដាល នៃមេរោគកូវីដ-១៩។ លោក ឃឹម ហ្វីណង់ អភិបាលស្រុកបន្ទាយស្រី ខេត្តសៀមរាប ធ្លាប់បានលើកឡើងថា ការងារចិញ្ចឹមសត្វនេះ គឺជាច្រកចេញមួយដែលធ្វើឱ្យប្រជាពលរដ្ឋរួចផុតពីភាពក្រីក្រ។ ដោយ សារតែនៅស្រុកបន្ទាយស្រីនេះ ជាតំបន់ភ្នំ លោកអភិបាលស្រុកបានគាំទ្រ និងលើកទឹកចិត្តប្រជាពលរដ្ឋឱ្យងាកមកចាប់យករបរចិញ្ចឹមសត្វឱ្យបានច្រើន ក្នុងគោលដៅឱ្យមានសាច់ប្រចាំតំបន់ នាំយកទៅផ្គត់ផ្គង់ដល់ទីផ្សារ ដូចជា សាច់ពពែ សាច់ជ្រូកកណ្តុរ និងជ្រូកព្រៃចិញ្ចឹម ដែលនាំចេញពីស្រុកបន្ទាយស្រីនេះ៕
- ជ្រូកកណ្ដុរខ្វៃសហគមន៍ ខេត្តសៀមរាប តូចតែឆ្ងាញ់មានទីផ្សារមិនធម្មតា តម្លៃថ្លៃ សៀមរាប ៖ មិនចាញ់មាន់អាំងតំបន់បាគងប៉ុន្មាននោះទេ ជ្រូកខ្វៃសហគមន៍ភ្នំគូលែនក៏កំពុងទទួលបានប្រជាប្រិយភាពខ្លាំង មានការគាំទ្រខ្ពស់ រហូតជំរុញឱ្យសហគមន៍នៅលើភ្នំគូលែនបង្កើនការចិញ្ចឹមជ្រូកប្រភេទនេះយ៉ាងច្រើនគួរឱ្យកត់សម្គាល់។មានមនុស្សមិនតិចនាក់នោះទេ រាប់ទាំងអ្នកដែលរស់នៅក្នុងស្រុក ក្នុងខេត្ត ក៏ដូចជាទេសចរណ៍ជាតិ អន្តរជាតិដែលមានលើកឡើងពីរសជាតិដ៏ទាក់ទាញបំផុតរបស់មុខម្ហូបប្រចាំតំបន់ភ្នំគូលែនជ្រូកខ្វៃតូច ដែលកាន់តែមានភាពល្បីល្បាញទៅដល់តំបន់ផ្សេងៗ និងពង្រីកទីផ្សារបានយ៉ាងទូលាយ រហូតបានជួយសម្រួលដល់ជីវភាពរបស់អ្នកចិញ្ចឹម អ្នកប្រកបអាជីពអាំង និងខ្វៃជ្រូកនៅសហគមន៍ភ្នំគូលែនថែមទៀតផង។លក្ខណៈពិសេសនៃភាពល្បីល្បាញរបស់ ជ្រូកខ្វៃកណ្ដុរភ្នំគូលែន ខេត្តសៀមរាប នេះ ត្រូវបានគេលើកឡើងចំនួន ៤ចំណុចសំខាន់ៗ គឺទី១. កូនជ្រូកតូចមិនសូវមានខ្លាញ់ ទី២. ប្រភេទពូជកូនជ្រូកក្នុងស្រុកកាត់ជ្រូកព្រៃ ទី៣. ចិញ្ចឹមជាលក្ខណៈគ្រួសារព្រលែងនៅក្នុងព្រៃក្រោយផ្ទះ និងចំការស្វាយចន្ទីមិនប្រើចំណីគីមី ហើយចុងក្រោយទី៤. គឺផ្តល់ចំណីបែបធម្មជាតិដែលអ្នកចិញ្ចឹមអាចរកបានដូចជាបន្លែ ផ្លែឈើក្នុងព្រៃធម្មជាតិ។ជាមួយនឹងភាពល្បីល្បាញនៃជ្រូកកណ្តុរខ្វៃនៅក្នុងខេត្តសៀមរាប បច្ចុប្បន្ននេះ ម្ចាស់អាជីវកម្មខ្វៃជ្រូកបែបប្រពៃណីនៅតាមបណ្តាខេត្តមួយចំនួន រាប់ទាំងរាជធានីភ្នំពេញផងដែរនោះ បានបញ្ជាទិញកូនជ្រូកកណ្តុរ ពីសហគមន៍ខេត្តសៀម ដើម្បីយកមកខ្វៃសម្រាប់ដាក់លក់នៅលើទីផ្សារជាមួយនឹងការទទួលតម្លៃខ្ពស់ខុសពីជ្រូកខ្វៃធម្មតាដែលលក់នៅលើទីផ្សារនាពេលបច្ចុប្បន្ន។អ្នកនាងបានប្រាប់ថា ប្រភេទជ្រូកកណ្ដុរនេះមិនសូវមានខ្លាញ់ដូចជ្រូកធម្មតា ទេដែលធ្វើឱ្យវាមានរសជាតិឆ្ងាញ់ មិនឆាប់ទ្រលាន់ ហើយវាមានទំហំតូចតែមានតម្លៃថ្លៃ។ ជាទូទៅ សាច់ជ្រូកស្រស់មានទម្ងន់ 5-6គីឡូក្រាម ហើយពេលខ្វៃហើយមានទម្ងន់ប្រមាណ 3-4 គីឡូក្រាមតែប៉ុណ្ណោះ ប៉ុន្តែអាចលក់បានក្នុងតម្លៃចាប់ពី ៦០ម៉ឺនរៀលឡើងទៅ។ទាក់ទងទៅនឹងការទិញជ្រូកសាច់ទុកសម្រាប់ខ្វៃត្រូវបានអ្នកនាងបញ្ជាក់ប្រាប់ឲ្យដឹងថា ត្រូវប្រមូលទិញជ្រូកកណ្ដុរនេះនៅតាមសហគមន៍ចិញ្ចឹមជ្រូកកណ្តុរនៅខេត្តសៀមរាប ដែលក្រៅពីសហគមន៍គូលែន នៅមានសហគមន៍ផ្សេងទៀត ប្រៀបដូចជាការជួយគាំទ្រ ជ្រោមជ្រែងសេដ្ឋកិច្ចសហគមន៍ជាប្រចាំបានមួយផ្នែកដែរ ព្រោះត្រូវបញ្ជាទិញជាបន្តបន្ទាប់។អ្នកនាងបញ្ជាក់ថា បច្ចុប្បន្ននេះចំនួនជ្រូកកណ្ដុរនៅមានកម្រិតនៅឡើយដោយសាររគេចិញ្ចឹមតាមផ្ទះ ដែលត្រូវប្រមូលទិញយកមកស្តុកទុកទើបបាន។តំបន់ដែលចិញ្ចឹមជ្រូកប្រភេទនេះមានមិនច្រើនប៉ុន្មាននោះទេ ពោលគឺមានចិញ្ចឹមនៅតែសហគមន៍ព្រៃភ្នំពពេល សហគមន៍ខ្នងភ្នំ និងសហគមន៍គូលែននៅខេត្តសៀមរាបប៉ុណ្ណោះ។ ទោះជាយ៉ាងណាក៏ដោយ ការនិយមចិញ្ចឹមជ្រូកកណ្តុរតូចៗតាមរបៀបធម្មជាតិ ដើម្បីបំពេញតម្រូវការទីផ្សារជ្រូកខ្វៃនេះនៅតែមានកម្រិត មិនទាន់ទូលំទូលាយនោះទេ។ ដោយមើលឃើញពីតម្រូវការទីផ្សារជាក់ស្ដែង ដែលអាចជួយលើកកម្ពស់ដល់កម្រិតជីវភាពរបស់អ្នកចិញ្ចឹម ក៏ដូចជាអាជីវករដែលជាអ្នកប្រកបមុខរបរអាំង-ខ្វៃជ្រូកកណ្តុរនេះ និងជាជំនួយដល់សហគមន៍ចិញ្ចឹមជ្រូកខាងលើ ក្រសួងបរិស្ថានក៏បានចែកពូជជ្រូកឦសានដែលយកមកពីខេត្តមណ្ឌលគិរី ដល់អ្នកចិញ្ចឹមក្នុងសហគមន៍ដើម្បីលើកកម្ពស់ការចិញ្ចឹមឲ្យកាន់តែទទួលបានផលខ្ពស់ ដោយតម្រូវឲ្យមានកិច្ចសហការជាមួយការិយាល័យផលិតកម្ម និងបសុព្យាបាលខេត្តសៀមរាបក្នុងការថែទាំសុខភាពសត្វផងដែរ៕
- កម្ពុជាថ្មី ២០២១៖ ជ្រូកកណ្តុរកំពុងពេញនិយម លួចនាំចូលពីថៃ ត្រូវមន្ត្រីជំនាញបង្រ្កាបសត្វជ្រូកបង្កក (ជ្រូកកណ្តុរ) មានទម្ងន់ ៤២០ គីឡូក្រាម ស្មើនឹង ៦៥ ក្បាលនិងគ្រឿងក្នុង៣០គីឡូក្រាមត្រូវបានមន្ត្រីជំនាញស្ទាក់ចាប់បាននៅចំនុចភូមិអូររូង ឃុំឈូកស ស្រុកកំពង់ត្រឡាច ខេត្តកំពង់ឆ្នាំង នៅវេលាម៉ោង០៥ និង៥០នាទីព្រឹក ថ្ងៃទី១៥ ខែសីហា ឆ្នាំ២០២១។ ប្រតិបត្តិការស្ទាក់បង្រ្កាបនេះ ធ្វើឡើងដោយក្រុមការងារអន្តរាគមន៍បង្ក្រាបបទល្មើសចរាចរសត្វ និងផលិតផលមានដើមកំណើតពីសត្វ សហការជាមួយក្រុមការងារអន្តរាគមន៍បង្ក្រាបបទល្មើសចរាចរសត្វរបស់ការិយាល័យផលិតកម្ម និងបសុព្យាបាល នៃមន្ទីរកសិកម្ម រុក្ខាប្រមាញ់ និងនេសាទ ខេត្តកំពង់ឆ្នាំង។លោក ក្រឹង សំអាត ប្រធានការិយាល័យផលិតកម្ម និងបសុព្យាបាល នៃមន្ទីរកសិកម្ម រុក្ខាប្រមាញ់ និងនេសាទ ខេត្តកំពង់ឆ្នាំង បានឱ្យដឹងថា តាមការឆ្លើយបញ្ជាក់ពីម្ចាស់ដឹកសាច់ សត្វជ្រូកបង្កកដែលឃាត់បាននេះ គឺនាំចូលមក ពីប្រទេសថៃ ចូលមកកម្ពុជាតាមច្រករបៀង ស្រុកវាលវែង ខេត្តពោធិ៍សាត់ ឆ្ពោះទៅចែកចាយនៅរាជធានីភ្នំពេញ ដោយពុំមានលិខិតអនុញ្ញាតអ្វីទាំងអស់។
- ជ្រូកកណ្តុរ ថៃ in Phnom Penh, Cambodia on Khmer24.comhttps://www.khmer24.com › ជរកកណតរ-ថ-...Jul 21, 2021 — ជ្រូកកណ្តុរ ថៃ Price $130 sell by ជ្រូកកណ្តុ Thai in Phnom Penh, Cambodia on Khmer24.com. តូចមាន ៤គ ទៅ ៥គ ...
- កោះសន្តិភាព ៖ បន្ទាយមានជ័យ ៖ ជ្រូកកណ្តុរជាង១០០ក្បាល ឈ្មួញនាំចូលពីថៃ សម្រាប់ខ្វៃក្នុងឱកាសបុណ្យត្រូវបានមន្ត្រីជំនាញឃាត់ គ្មានជម្ងឺប៉េស្តជ្រូកអាព្រិច ត្រូវធ្វើការផាកវិន័យតាមច្បាប់ប្រគល់ជូនម្ចាស់វិញកាលថ្មីៗនេះ ។លោក ហ៊ុយ ទូច ប្រធានការិយាល័យផលិតកម្ម និងបសុព្យាបាលខេត្តបន្ទាយមានជ័យបានប្រាប់ថា អគ្គនាយកនៃអគ្គនាយកដ្ឋានសុខភាពសត្វ និងផលិតកម្មសត្វ ដើម្បីដាក់វិធានការទប់ស្កាត់ការលួចនាំចូលសត្វពីប្រទេសជិតខាងជ្រូកការពារជម្ងឺឆ្លងបេស្តជ្រូកអាព្រិច និងលើកកម្ពស់ការចិញ្ចឹមសត្វក្នុងស្រុក ក្រុមអន្តរាគមន៍បង្ក្រាបបទល្មើសវិស័យសុខភាពសត្វ និងផលិតកម្មសត្វនៃមន្ទីកសិកម្ម និងរុក្ខាប្រម៉ាញ និងនេសាទខេត្តបន្ទាយមានជ័យ បានស្រាវជ្រាវឃាត់រថយន្តតួរីសសាំយ៉ុង១គ្រឿង ពាក់ផ្លាក់លេខភ្នំពេញ2AP.2535 បានលួចដឹកជ្រូកកណ្តុររស់ចំនួន១០៩ក្បាល ដែលឈ្មួញលួចនាំចូលតាមច្រករបៀងភូមិព្រៃចាន់ ឃុំអូរបីជាន់ ស្រុកអូរជ្រៅ។លោកបានបញ្ជាក់ថា ក្រោយពេលមន្ត្រីជំនាញឃាត់បាននាំយកមកការិយាល័យផលិតកម្ម និងបសុព្យាបាលខេត្តបន្ទាយមានជ័យ ដើម្បីយកសំណាក់ទៅវិភាគរកជម្ងឺបេស្តជ្រូកអាព្រិចដែលចេញលទ្ធអវិជ្ជមានត្រូវមន្ត្រីជំនាញធ្វើកិច្ចសន្យាណែនាំ និងធ្វើការផាកវិន័យតាមច្បាប់ហើយប្រគល់ជូនម្ចាស់វិញ ។
- តូចតែសម្បូរអ្នកហូប! ជ្រូកកណ្តុរកំពុងមានតម្រូវការ ខណៈនៅក្នុងទីផ្សារ១ក្បាលលក់បាន៥០-៨០ម៉ឺនរៀល តូចតែសម្បូរអ្នកហូប! ជ្រូកកណ្តុរកំពុងមានតម្រូវការ ខណៈនៅក្នុងទីផ្សារ១ក្បាលលក់បាន៥០-៨០ម៉ឺនរៀល ជ្រូកកណ្ដុរជាប្រភេទជ្រូកពុំសូវមានខ្លាញ់ដែលជនជាតិភាគតិចពេញនិយមចិញ្ចឹម ព្រោះវាមានសន្ទុះទីផ្សារច្រើនតាំងពីឆ្នាំ២០២០ ពិសេសសម្រាប់យកទៅខ្វៃ វាមានរសជាតិឆ្ងាញ់មិនរងាន់ដូចជ្រូកសាច់ធំៗឡើយ។ នេះបើយោងតាមការចេញផ្សាយរបស់ក្រសួងព័ត៍មានកាលពីថ្ងៃទី ៣១ ខែកក្កដា ឆ្នាំ២០២១។ ជាក់ស្ដែង អ្នកស្រី មាស ថេរ៉ា ជាអាជីវករលក់ និងអ្នកខ្វៃជ្រូកប្រភេទនោះនៅរាជធានីភ្នំពេញ បានឱ្យដឹងថា ជាពូជជ្រូករបស់ក្រុមជនជាតិដើមភាគតិចចិញ្ចឹមជាលក្ខណៈគ្រួសារព្រលែងនៅក្នុងព្រៃក្រោយផ្ទះ ផ្តល់ចំណីបែបធម្មជាតិ មិនប្រើចំណីគីមី កំពុងទទួលបានការពេញនិយមយកទៅទទួលទានជាខ្លាំងណាស់។ អ្នកស្រី បន្តថា បច្ចុប្បន្ននេះគេនិយមចូលចិត្តទិញជ្រូកកណ្តុរខ្វៃទៅបរិភោគជាងជ្រូកធម្មតា ព្រោះជ្រូកប្រភេទនេះ សាច់វាឥតមានខ្លាញ់ និងមានឱជារសឆ្ងាញ់ សាច់វារសជាតិបែបធម្មជាតិ ។ «ជ្រូកកណ្តុរវាខុសនឹងជ្រូកខ្មែរ ដោយសារជ្រូកខ្មែរវាអត់ឆ្ងាញ់ វាមានខ្លាញ់ច្រើន ហើយជ្រូកកណ្តុរវាអត់មានខ្លាញ់នោះទេ ប្រជាពលរដ្ឋតែងតែចូលចិត្តញ៉ាំវាខ្លាំង ។ជ្រូកយើងអាចហៅថាជាជ្រូកធម្មជាតិក៏បានដែរ ខាងក្រុមជនជាតិដើមភាគតិច គាត់ចិញ្ចឹមមិនសូវប្រើថ្នាំនោះទេ គេព្រលែងវាចោលឲ្យស៊ីបន្លែ អ៊ីចឹងការចិញ្ចឹមជ្រូកបែបធម្មជាតិ វាតែងតែមានរសជាតិឆ្ងាញ់ជាងជ្រូក ដែលចិញ្ចឹមស៊ីចំណីហើយ»។ គួរបញ្ជាក់ផងដែរថា សព្វថ្ងៃអ្នកស្រី មាស ថេរ៉ា ជ្រូកកណ្ដុរបានលក់ដាច់ជាខ្លាំងចាប់តាំងពីឆ្នាំ ២០២០ រហូតមកដល់ឆ្នាំ២០២១នេះ ហើយ១ថ្ងៃអាចលក់បាន ចំនួន១០ក្បាលទៅ២០ក្បាល ក្នុងតម្លៃចន្លោះពីជាង ៥០ម៉ឺនទៅជិត៨០ម៉ឺនរៀល តាមតូចឬធំនិងជាតម្លៃដែលខ្វៃរួចហើយ។ ជាមធ្យមអ្នកស្រីអាចរកចំណូលប្រចាំថ្ងៃបានជិត១០លានរៀន/១ថ្ងៃ៕
