ភូមិសាស្ត្រស្រុកខ្មែរ

Sunday, October 13, 2024

ការបោះបង្គោលព្រំដែន

ឯកសារយោង ពាក់ព័ទ្ធប្រធានបទរួមមាន៖

ដំណើរទស្សនកិច្ចតាមព្រំដែន ដើម្បីសរសេរឯកសារបន្ថែម រឿង ផែនទី បំលែងជា ផែនដី 🥰🥰😍🤣 ។ ស្រុកខ្មែរមាន នយោបាយ ០២ ផ្លូវ ខុសគ្នា កម្រិត ៣៦០ អង្សារ ដែលទី (១) ខាងប្រឆាំង គាត់ថា ផែនទី ជំនាន់បារាំងបោះ ១២៤ បង្គោល។ នៅសម័យរដ្ឋកម្ពុជា មានសន្ធិសញ្ញាព្រំដែន ឆ្នាំ ១៩៨៥ ដល់ ឆ្នាំ ១៩៨៦-៩៨៨ ក៍ មានការបោះបង្គោល ៧២ បង្គោល ចន្លោះ ១២៤ បង្គោលដែលបារាំង គាត់បោះហ្នឹង គាត់ថា ម៉េចមិនបោះចំកន្លែងទីតាំង បង្គោលជំនាន់បារាំង !!!? លុះឆ្នាំ ២០០៥ មានសន្ធិសញ្ញាបំពេញបន្ថែមរឿងព្រំដែន ដល់ឆ្នាំ ២០១២ មានការបោះបង្គោលព្រំដែន ទៅក្បែរៗកៀកជាមួយ បង្គោលជំនាន់ ១៩៨៦ ទៀត ដូច្នេះ បានជា ក្រុមអ្នកប្រឆាំងគាត់ ឡាំប៉ា ឡើងខ្ញើត។ ទី(២) ខាងគំាទ្រ រដ្ឋាភិបាល ដូចខ្ញំជាដើម គិតថា បង្គោលមាន ៣ ប្រភេទ គឺបង្គោល មេ, បង្គោលបំពេញបន្ថែម និង បង្គោលតម្រុយ អីចឹង សម័យ រដ្ឋកម្ពុជា គេបោះនៅ ចន្លោះបង្គោលមេចឹងហើយ មិនអាច បោះពីលើបង្គោលបារាំងបានទេ ! មួយទៀត ប្រវែងខ្សែព្រំដែន កម្ពុជាវៀតណាម ប្រមាណ ១២៧០ គម មានបង្គោលតែ ១២៤ នាំឲ្យ បងៗវៀតណាម គាត់រំកិលចូល ឬ ច្រលំ? ចឹងបានជាពូៗ អ៊ុំៗសម័យហ្នឹងគាត់ធ្វើសន្ធិសញ្ញាព្រំដែន ១៩៨៥ ដើម្បីទប់ ដល់តែ វាហៀរ ធ្លាយ គាត់ធ្វើ សន្ធិសញ្ញាបន្ថែម ឆ្នាំ ២០០៥ ដើម្បី បិទផ្ជិតកុំឲ្យ ធ្លាយ !!។

ផែនទី កម្ពុជា ឆ្នាំ ១៨៣២ និង ទំនាស់ព្រំដែន បច្ចុប្បន្ន

ជាការសន្ធិដ្ឋាន វៀតណាម ចូលដីខ្មែរខ្លះ ហើយខ្មែរក៍ចូលដីវៀតណាមខ្លះដែរ តែសម័យនេះ មេដឹកនាំមិនសាហាវព្រៃផ្សៃដូច ហ៊ីត្លែ ចាប់មនុស្សបាញ់ចោល រួចសង់របង ជញ្ជាំង. ឬ ដូចសម័យស្តេច ជូឡាឡុងកនរបស់ សៀម ដែលគៀងប្រជាជន លួច បង្ខំ គំរាម ឲ្យខ្មែរចូលសញ្ជាតិ សៀម រួច ប្រកាសប្រាប់បារាំងថា ភូមិនេះជាភូមិសៀម ដែល រដ្ឋាភិបាល ត្រូវតែ ដាក់ទ័ពការពារប្រជាជនសៀម ..ប្រជាជនសៀម នៅដល់ណា ទីនោះជាទឹកដី សៀម !!!

ការប្រៀបធៀបខ្សែព្រំដែន មុន និង ក្រោយ វត្តមាន កងទ័ពបារាំង ចូលកាន់កាប់កម្ពុជា ១៨៦៣

«ដំណើរទស្សនកិច្ចរបស់យើងមាន ៣ តម្រាយផ្លូវ ជា ដំណើរទស្សនកិច្ចនៅខេត្តទិសឦសានបែងចែកជា ៣ ទីតាំង រួមមាន៖

ទីតាំងទី១ តាមតំបន់បណ្ដោយព្រំដែនក្នុង «ខេត្តត្បូងឃ្មុំ-ក្រចេះ-មណ្ឌលគីរី» រយៈពេលមួយថ្ងៃ ចម្ងាយសរុបទាំងទៅទាំងមកជាង ៧០០ គីឡូម៉ែត្រ។ តម្រាយផ្លូវទីមួយ គឺយើងធ្វើដំណើរតាមបណ្តោយព្រំដែនពីខេត្តត្បូងឃ្មុំចូលទៅខេត្តក្រចេះ និងទៅច្រកឡាប៉ាខេខេត្តមណ្ឌលគិរី។ សរុបចម្ងាយផ្លូវពីរាជធានីភ្នំពេញទៅដល់ច្រកឡាប៉ាខេខេត្តមណ្ឌលគិរីគឺចម្ងាយ ៣៥០ គីឡូម៉ែត្រ អីចឹងទាំងទៅទាំងមកគឺ ៧០០ គីឡូម៉ែត្រ»។
ទីតាំងទី២ តាមតំបន់បណ្ដោយព្រំដែនក្នុង «ខេត្តក្រចេះ-មណ្ឌលគិរី» រយៈពេល ២ ថ្ងៃ ចម្ងាយសរុបទាំងទៅទាំងមក ១ ១១៣ គីឡូម៉ែត្រ និង
ទីតាំងទី ៣ គឺតាមតំបន់បណ្តោយព្រំដែនក្នុង «ខេត្តស្ទឹងត្រែង រតនគីរី» រយៈពេល ២ ថ្ងៃ សរុបចម្ងាយទាំងទៅទាំងមក ១ ១១២ គីឡូម៉ែត្រ។ Neth Pheaktra បង្គោលព្រំដែនខណ្ឌសីមាព្រំដែនគោករវាងកម្ពុជានិងឡាវ នៅក្នុងភូមិអូរស្វាយ ឃុំអូរស្វាយ ស្រុកបុរីអូរស្វាយ ខេត្តស្ទឹងត្រែង ដែលមានចម្ងាយត្រឹមតែ ១៤,៧៥ ម៉ែត្រពីអក្ខនៃផ្លូវថ្នល់ជាតិលេខ ៧។ បង្គោលព្រំដែននេះជាបង្គោលធំជាងគេដែលត្រូវបានបោះក្នុងសម័យអាណានិគមបារាំងនៅក្នុងឆ្នាំ ១៩៣០។ បង្គោលនេះនៅតែឈរយ៉ាងរឹងមាំការពារទឹកដីកម្ពុជា ៩៥ ឆ្នាំមកហើយ និងបន្តស្ថិតស្ថេរចីរកាលទៅមុខទៀត។

2024-10-10 09:11am Fresh News ពលរដ្ឋ៖ ព្រំដែនរំកិលទៅណារួច បើបង្គោលព្រំដែនធំៗ ចាក់គ្រឹះយ៉ាងជ្រៅ សូមអញ្ជើញមកលេងព្រំដែនទាំងអស់គ្នា និងកុំជឿលើការអុជអាលរបស់ជនខិលខូចឱ្យសោះ

(រតនគិរី-ស្ទឹងត្រែង)៖ ប្រជាពលរដ្ឋ បានលើកឡើងរួមគ្នាថា ពេលមកឃើញព្រំដែនជាក់ស្តែង ទើបយល់ច្បាស់ មិនដូចគេចោទប្រកាន់ថា បាត់ដីទេ សួរថាតើខិតទៅណារួចបើបង្គោលព្រំដែន ត្រូវបានបោះមានទំហំធំៗ និងចាក់គ្រឹះយ៉ាងជ្រៅ សូមបងប្អូនទាំងអស់គ្នា អញ្ជើញមកមើលទាំងអស់គ្នា ឱ្យបានឃើញជាក់ស្តែង និងកុំជឿតាមការអុជអាលរបស់ក្រុមជនខិលខូចឱ្យសោះ។

គួរជម្រាបថា នៅក្នុងដំណើរចូលរួមទស្សនកិច្ចសិក្សាស្វែងយល់ ទិសឦសាន សម្រាប់ជើងទី៤ រយៈពេល២ថ្ងៃ គឺចាប់ពីថ្ងៃទី៥ ដល់ថ្ងៃទី៦ ខែតុលា ឆ្នាំ២០២៤ មានបងប្អូនប្រជាពលរដ្ឋជាង២០០នាក់ បានបន្តចូលរួមធ្វើទស្សនកិច្ចនៅ បង្គោលព្រំដែនលេខ៣០ ច្រកទ្វារអន្តរជាតិអូរយ៉ាដាវ-ឡេថាញ់ ខេត្តរតនគិរី និងនៅបង្គោលព្រំដែនច្រកទ្វារ អន្តរជាតិ ត្រពាំងក្រៀល-ណងណុកខៀន ដើម្បីស្វែងយល់ពីការពិតជាក់ស្វែងនៃកិច្ចការពារបូរណភាពទឹកដី និងអធិបតេយ្យភាពជាតិកម្ពុជា។

ប្រជាពលរដ្ឋក៏បានបង្ហាញក្តីរំភើបជាខ្លាំងដែលបានមកដល់ព្រំដែន ហើយកម្មវិធីនេះមិនមាននោះទេពីមុនមក បើគ្មានការរៀបចំដំណើរទស្សនកិច្ចនេះទេ ច្បាស់ណាស់ពួកគាត់ពិតជាមិនបានស្គាល់បង្គោលព្រំដែននោះទេ ពីព្រោះពួកគាត់មានស្រុកកំណើតនៅឆ្ងាយពីខេត្តជាប់ព្រំដែន។

ប្រជាពលរដ្ឋដែលបានចុះមកព្រំដែន ក៏បានលើកឡើងរួមគ្នាថា ការឃោសនាបំភ្លើសរបស់ជនខិលខូចណាមួយជុំវិញបញ្ហាព្រំដែន គឺត្រូវរួមគ្នាបដិសេធ ជាដាច់ខាត។ នៅពេលត្រឡប់មកវិញពួកគាត់នឹងប្រាប់ទៅសាច់ញាតិ បងប្អូនប្រជាពលរដ្ឋផ្សេងទៀត ដែលបានដឹងពីស្ថានភាពព្រំដែន សូមកុំជឿលើការញុះញង់របស់បុគ្គលមួយចំនួនឱ្យសោះ។

ផែនទី តំបន់ ចំពុះសេក / ចំពុះទា The Parrot Beak

បងប្អូនប្រជាពលរដ្ឋ ក៏បានបន្ថែមថា ប្រសិនបើមិនជឿជាក់ទេ សូមអញ្ជើញមកមើលព្រំដែនដោយផ្ទាល់ភ្នែកក៏បានដែរ ដើម្បីជម្រះមន្ទិលសង្ស័យពីការព្រួយបារម្ភរឿងបាត់បង់ទឹកដី។ ពួកគាត់ក៏បានថ្លែងអំណរគុណដល់សម្តេចមហាបវរធិបតី ហ៊ុន ម៉ាណែត លោកជំទាវ ពេជ ចន្ទមុន្នី ហ៊ុនម៉ាណែត រួមជាមួយក្រុមការងារទាំងអស់ ដែលបានយកចិត្តទុកដាក់គ្រប់បែបយ៉ាងរៀបចំការធ្វើដំណើរ អាហារហូបចុក ៣ពេល និងការស្នាក់នៅ ដើម្បីឱ្យប្រជាពលរដ្ឋបានមកដល់ព្រំដែនដោយសុវត្ថិភាព មើលឃើញពីស្ថានភាពពិតនៅព្រំដែន។

ដំណើរទស្សនកិច្ចទៅកាន់ប៉ែកឦសាននេះ ត្រូវបានរៀបចំ និងសម្របសម្រួលយ៉ាងរលូនដោយក្រុមការងារដែលដឹកនាំដោយលោក នេត្រ ភក្ត្រា រដ្ឋមន្ត្រីក្រសួងព័ត៌មាន, លោក ឡាំ ជា រដ្ឋមន្ត្រីទទួលបន្ទុករដ្ឋលេខាធិការដ្ឋានកិច្ចការព្រំដែន លោក ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល ព្រមទាំងថ្នាក់ដឹកនាំខេត្ត និងអាជ្ញាធរក្នុងភូមិសាស្ត្រខេត្តពាក់ព័ន្ធ ក៏ដូចជាមន្ត្រីជំនាញខាងព្រំដែនផងដែរ។

សូមរំលឹកជូនថា ដំណើរទស្សនកិច្ចនេះត្រូវបានបើកទូលាយសម្រាប់សាធារណជនទូទៅទាំងអស់ពីគ្រប់មជ្ឈដ្ឋានឱ្យចូលរួម ដោយឥតគិតថ្លៃ ដោយត្រូវបំពេញព័ត៌មានងាយៗតាមការចុះឈ្មោះអនឡាញ និងដោយអនុវត្តគោលការណ៍៖ ចុះឈ្មោះមុន បានចូលរួមមុន។ រីឯថវិកាសម្រាប់ការចំណាយ គឺជាការឧបត្ថម្ភដោយ សម្ដេចធីបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុនី ព្រមទាំងមានការចូលរួមពីសប្បុរសជន។ ថវិកានេះជាថវិកាផ្ទាល់ដោយឡែក របស់សម្តេចធិបតី និងលោកជំទាវ ដែលថវិកានេះ មិន ពាក់ព័ន្ធនឹងថវិកាជាតិ ឬមូលនិធិកសាងហេដ្ឋារចនាសម្ព័ន្ធក្រវាត់ព្រំដែនឡើយ៕

2024-10-05 07:01pm នៅថ្ងៃទី៥ និងទី៦ ខែតុលា ឆ្នាំ២០២៤

បង្គោលលេខ ៣០, លេខ ២៩ បង្គោលមេធំជំនាន់បារាំង

ពលរដ្ឋជាង២០០នាក់ បន្តចូលរួមធ្វើទស្សនកិច្ចទិសឦសានជើងទី៤ ដើម្បីស្វែងយល់ពីការពិតជាក់ស្វែងនៃកិច្ចការពារបូរណភាពទឹកដីនិងអធិបតេយ្យភាពជាតិកម្ពុជា

(ភូមិភាគឦសាន)៖ ពលរដ្ឋជាង២០០នាក់ បន្តចូលរួមធ្វើទស្សនកិច្ចទិសឦសានជើងទី៤ ដើម្បីស្វែងយល់ពីការពិតជាក់ស្វែងនៃកិច្ចការពារបូរណភាពទឹកដីនិងអធិបតេយ្យភាពជាតិកម្ពុជាត្រូវបានរៀបចំឡើង នៅថ្ងៃទី៥ និងទី៦ ខែតុលា ឆ្នាំ២០២៤។ ក្បួនរថយន្តនៃដំណើរទស្សនកិច្ចបានចេញដំណើរពីរាជធានីភ្នំពេញ នៅម៉ោង៤កន្លះព្រឹកថ្ងៃសៅរ៍ ទី៥ ខែតុលា ឆ្នាំ២០២៤ ក្នុងតម្រាយផ្លូវដែលបានកំណត់រួច គឺឆ្ពោះទៅកាន់ខេត្តរតនគិរី និងខេត្តស្ទឹងត្រែង ដោយប្រើរយៈពេល២ថ្ងៃ គឺចាប់ពីថ្ងៃទី៥ ដល់ថ្ងៃទី៦ ខែតុលា។

ប្រជាពលរដ្ឋកម្ពុជាបានធ្វើដំណើរទស្សនកិច្ចទៅកាន់ប៉ែកឦសាន តាមការរៀបចំ និងសម្របសម្រួលយ៉ាងរលូនដោយក្រុមការងារដែលដឹកនាំដោយលោក នេត្រ ភក្ត្រា រដ្ឋមន្ត្រីក្រសួងព័ត៌មាន, លោក ឡាំ ជា រដ្ឋមន្ត្រីទទួលបន្ទុករដ្ឋលេខាធិការដ្ឋានកិច្ចការព្រំដែន លោក ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល ព្រមទាំងថ្នាក់ដឹកនាំខេត្ត និងអាជ្ញាធរក្នុងភូមិសាស្ត្រខេត្តពាក់ព័ន្ធ ក៏ដូចជាមន្ត្រីជំនាញខាងព្រំដែនផងដែរ។

ដំណើរទស្សនកិច្ចនេះ គឺបានពិនិត្យមើលឃើញដោយផ្ទាល់អំពីជីវភាពរស់នៅល្អប្រសើររបស់ប្រជាជនក្នុងមូលដ្ឋាន ស្ថានភាពភូមិសាស្ត្រពិតជាក់ស្តែងក្នុងមូលដ្ឋាន ជាពិសេសគឺទីតាំងបង្គោលព្រំដែនរវាងកម្ពុជា-វៀតណាមនៅក្នុងតំបន់ភូមិសាស្ត្រនេះ អមដោយការអត្ថាធិប្បាយពន្យល់យ៉ាងលម្អិតដោយថ្នាក់ដឹកនាំនិងមន្ត្រីជំនាញ ពាក់ព័ន្ធនឹងការងារព្រំដែន ការងារបោះ បង្គោល ខណ្ឌសីមាព្រំដែនគោក និងការថែរក្សាការពារអធិបតេយ្យភាពជាតិ បូរណភាពទឹកដីកម្ពុជា។

មិនតែប៉ុណ្ណោះ ប្រជាពលរដ្ឋដែលបានធ្វើដំណើរទស្សនកិច្ច ក៏បានស្វែងយល់ផងដែរអំពីស្ថានភាពពិតនៃសង្គម-សេដ្ឋកិច្ច និងវិស័យហេដ្ឋារចនាសម្ព័ន្ធក្នុងមូលដ្ឋានដែលមានការអភិវឌ្ឍជាក់ស្តែងយ៉ាងច្រើន និងជាបន្តបន្ទាប់។

ក្នុងតម្រាយផ្លូវទស្សនកិច្ចក្នុងភូមិសាស្ត្រខេត្តទាំងពីរនេះ អ្នកចូលរួមទាំងអស់មានឱកាសអញ្ជើញទៅពិនិត្យមើលដោយផ្ទាល់នូវបង្គោលព្រំដែននៅក្នុងទីតាំងដែលជាទីតាំងបង្គោលមេ ព្រមទាំងអញ្ជើញទៅពិនិត្យមើលដោយផ្ទាល់នូវទីតាំងបង្គោលសំខាន់ៗផ្សេងៗទៀត ដែលជាទីតាំងបង្គោលបំពេញបន្ថែម និងទីតាំងបង្គោលតម្រុយព្រំដែន។

ដំណើរទស្សនកិច្ចប៉ែកឦសាននេះ គឺជាសាក្សីរស់ដោយប្រជាពលរដ្ឋ ស្តីពីការពិតនិងស្ថានភាពជាក់ស្តែងនៃការងារព្រំដែន ការគ្រប់គ្រងនិងការពារទឹកដី របស់រាជរដ្ឋាភិបាលកម្ពុជា។ ប្រជាពលរដ្ឋកម្ពុជាច្រើនឡើងៗ ជាពិសេសអ្នកដែលបានទៅដល់តំបន់ក្រវាត់ព្រំដែនដោយផ្ទាល់រួចហើយ បានចែករំលែកបទពិសោធន៍ល្អអំពីដំណើរទស្សនកិច្ចនេះដែលពោរពេញដោយការផ្តល់នូវចំណេះដឹង និងភាពសប្បាយរីករាយ ជាពិសេសការបង្កឱកាសបង្កើនសាមគ្គីភាពជាតិកម្ពុជាឱ្យកាន់តែរឹងមាំ សម្រាប់ចូលរួមថែរក្សាបូរណភាពទឹកដីឱ្យស្ថិតនៅគង់វង្សជាដរាបមិនឱ្យបាត់សូម្បី ១មីលីម៉ែត្រឡើយ។

ជាងនេះទៀត សកម្មភាពនៃដំណើរទស្សនកិច្ចដែលទទួលបានការសាទរពីប្រជាពលរដ្ឋ និងយុវជនទាំងអស់ដែលបានចូលរួម ត្រូវបានផ្សព្វផ្សាយយ៉ាងទូលំទូលាយទាំងក្នុងនិងក្រៅប្រទេសកម្ពុជា ហើយត្រូវបានចាត់ទុកជាដំណើរទស្សនកិច្ចកម្រ ព្រោះជាទស្សកិច្ចពលរដ្ឋលើកដំបូងបង្អស់សម្រាប់កម្ពុជា ឬអាចថាក្នុងតំបន់ទាំងមូលក៏ថាបាន។

ដំណើរទស្សនកិច្ចពលរដ្ឋនេះបានក្លាយជាទឡ្ហីករណ៍រស់ដ៏សំខាន់បញ្ជាក់ពីភាពច្បាស់លាស់ប្រាកដប្រជា និងឆន្ទៈមុះមុតរបស់រាជរដ្ឋាភិបាលកម្ពុជាក្នុងការបន្តបេសកកម្ម ដើម្បីការពារអធិបតេយ្យភាពជាតិ បូរណភាពទឹកដី និងបន្តធានាសុខសន្តិភាព និងស្ថិរភាពសង្គម-សេដ្ឋកិច្ចសម្រាប់ជាប្រយោជន៍ដល់ជាតិ និងប្រជាជនកម្ពុជាទាំងអស់។

ផែនទី ប្រៀបធៀប រវាង ផែនទី បោន របស់បារាំង ជាមួយ ផែនទី UTM របស់ អាមេរិក

ផែនទី ដំណើរទស្សនកិច្ចសិក្សា ប្រព័ន្ធសេដ្ឋកិច្ច ប្រជាសាស្រ្ត រដ្ឋបាលយោធា តាមព្រំដែនកម្ពុជា

គំនូសបំព្រួញ វដ្តនៃការស្រាវជ្រាវ និង ការខ្វះខាត (ចំនុចខ្សោយ) នៃការផ្សព្វផ្សាយពត៍មានស្រាវជ្រាវ បោះបង្គោល -- បញ្ហាដែលកើតឡើង ដោយសារកត្តាមួយចំនួនដូចជា៖

គណបក្សប្រឆាំង និយាយតែពីរឿង ព្រំដែន ទិសខាងកើត ជាមួយវៀតណាម ដើម្បីកេងចំណេញ យកប្រជាប្រិយភាព
គណបក្សរដ្ឋាភិបាល ( បក្សស្រប) និយាយតែពី រឿង ព្រំដែន ទិសខាងលិច ជាមួយ ថៃ (ប្រាសាទ ព្រះវិហារ) ដើម្បី យកប្រជាប្រិយភាពខាងនយោបាយ
ខាង ក្រុមប្រឆាំង លើកយកតែ បញ្ហា ផែនទី ដែលតំកល់នៅ អង្គការសហប្រជាជាតិ ឆ្នាំ ១៩៦៤ ដោយការប្តឹងរឿងព្រំដែន ទៅតុលាការអន្តរជាតិ និង រៀបចំឲ្យមានការ វាស់ខ្សែព្រំដែន បោះបង្គោលព្រំដែនឡើងវិញ សារជាថ្មី ។
ខាងរដ្ឋាភិបាល ឬ គណបក្សប្រជាជនកម្ពុជា កំណត់យកនយោបាយ ជាក់ស្តែង គឺប្រជាជនរស់នៅកន្លែងណា បោះបង្គោលព្រំដែនតាមហ្នឹង ( ផែនទីថ្មីទៅជាមានសភាព ធ្មេញរណា ដូចជា ករណី ដូរភូមិ សម្តេច ហេង សំរិន គឺយកដីនោះ មកចូលក្នុង ដែនដីកម្ពុជា តែ គូសខ្សែផែនទី ថ្មី ) ដោយសារ យើងមិនអាចបណ្តេញប្រជាជនរស់នៅ មានជា ភូមិ ស្រុកឲ្យចាកចេញពី ទឹកដីប្រទេសណាមួយបានទេ គឺមានតែការដោះដូរដីគ្នា ។

គំនូសបំព្រួញ វដ្តនៃការស្រាវជ្រាវ និង ការខ្វះខាត (ចំនុចខ្សោយ)

ក្នុងកិច្ចសម្ភាសពិសេសមួយ នៅយប់ថ្ងៃទី៣១ ខែសីហា ឆ្នាំ២០២៤ លោក ឡាំ ជា បានថ្លែងថា កិច្ចការងារបោះបង្គោលព្រំដែន បានចំណាយពេលរាប់ឆ្នាំ នៅក្នុងការចរចា កំណត់និយាមការ ជជែកគ្នា ទាំងនៅលើផែនទី និងនៅលើដីជាក់ស្តែង ហើយមានចំណុចនិយាមការ ជាង ៣០០០ រវាងកម្ពុជា និងវៀតណាម នៅលើខ្សែព្រំដែន ប្រមាណ ១២៧០គីឡូម៉ែត្រនេះ។ ក្នុងចំណោមប្រវែងនេះ ភាគីទាំងពីរបោះបង្គោលសម្រេចបាន ៨៤ភាគរយ ទាំងខ្សែឯកភាពគ្នានៅលើព្រំដែន និងទាំងការបោះបង្គោល ហើយបានបោះបង្គោលចំនួន ២០៤៧បង្គោល រួមមានបង្គោល ៣ ប្រភេទសំខាន់ គឺបង្គោលមេ, បង្គោលបំពេញបំពេញបន្ថែម និងបង្គោលតម្រុយព្រំដែន។

អំពី រចនាសម្ព័ន្ធលេខាធិការដ្ឋានទទួលបន្ទុកកិច្ចការព្រំដែន

ប្រភេទបង្គោលព្រំដែនមានចំនួន ៣ប្រភេទសំខាន់ៗ មានដូចជា៖

១. បង្គោលមេ

២. បង្គោលបំពេញបន្ថែម

៣. បង្គោលតម្រុយព្រំដែន

សម្តេចធិបតីបានមានប្រសាសន៍នៅមុនឆ្នាំ២០០៧ ខេត្តទាំង៤របស់កម្ពុជា មិនទាន់មានបង្គោលព្រំដែនជាមួយវៀតណាមនោះ ដោយមានត្រឹមតែពីខេត្តកំពតទៅកំពង់ចាមប៉ុណ្ណោះ ហើយចាប់ពីកំពង់ចាមទៅដល់កន្ទុយនាគ ក្នុងខេត្តមណ្ឌលគិរី មិនទាន់មានបង្គោលព្រំដែនឡើយ។ យ៉ាងនេះក្តីដើម្បីបង្ហាញពីឆន្ទៈការពារបូរណភាពទឹកដី ចាប់តាំងពីឆ្នាំ២០០៧ មក កម្ពុជាបានចាប់ផ្តើមបោះបង្គោលព្រំដែន ដើម្បីកំណត់ព្រំដែនរវាងប្រទេស និង ប្រទេស។

ប្រព័ន្ធផលិត និង ប្រព័ន្ធបោះបង្គោលព្រំដែន ដើម្បីរក្សា ការពារទីតាំង (ការលួច រំកិល សែង លី ស្ទច)

សម្តេចបានគូសបញ្ជាក់ថា នៅក្នុងរយៈពេល២៥ឆ្នាំនេះ ការបោះបង្គោលព្រំដែននៅខេត្តក្រចេះ ពី២០០៦ ដល់ ២០១៨ មានចំនួនជាង១៥០ បង្គោល ក្នុងបានបោះបាន បង្គោលមេចំនួន១១ និង បង្គោលព្រំដែនបំពេញ បន្ថែមចំនួន១៤៤ បង្គោល។ រីឯនៅខេត្តមណ្ឌលគិរី ការបោះបង្គោលព្រំដែន ពី២០០៧ ដល់២០១៨ បោះបង្គោលមេបានចំនួន ៣៥ និងបោះបង្គោលបំពេញបន្ថែមចំនួន ៣៧៥ បង្គោល និងបោះបង្គោល តម្រុយចំនួន១១បង្គោល។ ចំណែកនៅខេត្តរតនគិរីវិញ បានបោះបង្គោលមេចំនួន៤០ បង្គោលបំពេញបន្ថែម ចំនួន១៥៣ និងបោះបង្គោលតម្រុយចំនួន៤។

សម្តេចធិបតីបានមានប្រសាសន៍យ៉ាងដូច្នេះថា «បង្គោលរាប់រយដែលបានបោះនេះ គឺបានបញ្ជាក់អំពីសុឆន្ទៈរបស់យើង និងការបញ្ជាក់ច្បាស់ណាស់ថា យើងចង់បញ្ជាក់ថាព្រំដែនរបស់ប្រទេសយើងនៅទីណា មិនមែនដូចគេគិតថាយើងចង់លើកខេត្តនេះទៅឱ្យប្រទេសជិតខាងនោះទេ សូមបញ្ជាក់ឱ្យច្បាស់ សូមបងប្អូនជឿទុកចិត្តចុះ យើងធ្វើនេះដើម្បីអនាគតវែងឆ្ងាយនៃការកំណត់ព្រំដែនដីរបស់យើង ដើម្បីយើងស្រួលការពារដីរបស់យើងនៅកន្លែងណា»។

សម្តេចធិបតីបានបញ្ជាក់ទៀតថា ដើម្បីការពារបូរណភាពទឹកដី និងព្រំដែនដ៏រឹងមាំរវាងកម្ពុជា និងប្រទេសជិតខាង រាជរដ្ឋាភិបាលមិនត្រឹមតែបោះបង្គោលព្រំដែននោះទេ រាជរដ្ឋាភិបាលក៏មានគោលនយោបាយជំរុញការអភិវឌ្ឍន៍នៅតាមតំបន់ព្រំដែន ដើម្បីការពារព្រំដែនឱ្យមានចីរភាពផងដែរ។

ផែនទី ផ្លូវទស្សនកិច្ចតំបន់ព្រំដែន ថ្ងៃទី ៥ និង ៦ តុលា ២០២៤ ( ដេក ១ យប់)

លោកបន្ថែមថា នៅក្នុងរយៈពេល២៥ឆ្នាំ ក្រោយពេលដែលកម្ពុជាបានបោះបង្គោលព្រំដែនជាមួយប្រទេសជិតខាង មិនត្រឹមតែធ្វើផ្លូវជាតិតភ្ជាប់ទៅខេត្តរតនគិរី មណ្ឌលគិរីនោះទេ តែក៏បានធ្វើផ្លូវក្រវ៉ាត់តាមព្រំដែនទាំងអស់ ដែលមានប្រវែងរាប់រយគីឡូម៉ែត្រ ហើយរដ្ឋាភិបាលបានដាក់ផែនការរួចហើយនឹងបន្តធ្វើរហូតដល់កន្ទុយនាគ។

គួរជម្រាបថា កម្ពុជា-វៀតណាម មានព្រំដែនគោកជាមួយគ្នាប្រមាណជា ១,២៧០គីឡូម៉ែត្រ ដែលរហូតមកដល់ពេលនេះ ប្រទេសទាំងពីរបានបោះបង្គោលព្រំដែនសម្រេចបានចំនួន ៨៤ភាគរយហើយ នៅសល់តែ១៦%ទៀតតែប៉ុណ្ណោះ។ ចំណែកព្រំដែនជាមួយប្រទេសឡាវមានប្រមាណ៥៤០គីឡូម៉ែត្រ ក្នុងនោះការបោះបង្គោលព្រំដែនសម្រេចបាន៨៦% នៅសល់១៤%ទៀត៕

ឯកឧត្តម អស្នារិទ្ធ អនុរដ្ឋលេខាធិការ និងជា អ្នកនាំពាក្យក្រសួងព័ត៌មាន៖

ដំណើរទស្សនកិច្ចប៉ែកឦសាន៖ នៅថ្ងៃទី២១ ខែកញ្ញា ឆ្នាំ២០២៤នេះ ប្រជាពលរដ្ឋកម្ពុជាបានធ្វើដំណើរទស្សនកិច្ចទៅកាន់ប៉ែកឦសាន តាមការរៀបចំនិងសម្របសម្រួលយ៉ាងរលូនដោយក្រុមការងារដែលដឹកនាំដោយ ឯកឧត្តម នេត្រ ភ ក្ត្រា រដ្ឋមន្ត្រីក្រសួង ព័ត៌មាន ព្រមទាំងមានការចូលរួមពីថ្នាក់ដឹកនាំនៃអង្គភាពអ្នកនាំពាក្យរាជរដ្ឋាភិបាល រដ្ឋលេខាធិការដ្ឋានទទួលបន្ទុកកិច្ចការព្រំដែន ថ្នាក់ដឹកនាំខេត្តនិងអាជ្ញាធរក្នុងភូមិសាស្ត្រខេត្តពាក់ព័ន្ធ ក៏ដូចជាមន្ត្រីជំនាញខាងព្រំដែនផងដែរ។ ក្បួនរថយន្តនៃដំណើរទស្សនកិច្ចបានចេញដំណើរពីរាជធានីភ្នំពេញនៅម៉ោង ៥ព្រឹក ថ្ងៃសៅរ៍ទី២១កញ្ញានេះ ក្នុងតម្រាយផ្លូវដែលបានកំណត់រួចគឺ៖ ឆ្ពោះទៅកាន់ខេត្តត្បូងឃ្មុំ ខេត្តក្រចេះ និងខេត្តមណ្ឌលគិរី។

ប្រព័ន្ធខ្សែក្រវ៉ាត់ព្រំដែន គំរូ ច្រក ប៉ោយប៉ែត ប្រទេសថៃ

ដូចដំណើរទស្សនកិច្ចមុនៗដែរ ជាដំបូងដំណើរទស្សនកិច្ចជើងទីបីនេះបានអញ្ជើញទៅដល់ទីតាំងទី១នៅវេលាម៉ោង៨ព្រឹក គឺទីតាំងភូមិអភិវឌ្ឍន៍អន្លង់ជ្រៃ ក្នុងស្រុកពញាក្រែក ខេត្តត្បូងឃ្មុំ។ នៅទីនោះ ដំណើរទស្សនកិច្ចបានពិនិត្យមើលឃើញដោយផ្ទាល់អំពីជីវភាពរស់នៅល្អប្រសើររបស់ប្រជាជនក្នុងមូលដ្ឋាន ស្ថានភាពភូមិសាស្ត្រពិតជាក់ស្តែងក្នុងមូលដ្ឋាន ជាពិសេសគឺទីតាំងបង្គោលព្រំដែនរវាងកម្ពុជា-វៀតណាមនៅក្នុងតំបន់ភូមិសាស្ត្រនេះ អមដោយការអត្ថាធិប្បាយពន្យល់យ៉ាងលម្អិតដោយថ្នាក់ដឹកនាំនិងមន្ត្រីជំនាញ ពាក់ព័ន្ធនឹងការងារព្រំដែន ការងារបោះ បង្គោល ខណ្ឌសីមាព្រំដែនគោក និងការថែរក្សាការពារអធិបតេយ្យភាពជាតិ បូរណភាពទឹកដីកម្ពុជា។ មិនតែប៉ុណ្ណោះ ប្រជាពលរដ្ឋដែលបានធ្វើដំណើរទស្សនកិច្ច ក៏បានស្វែងយល់ផងដែរអំពីស្ថានភាពពិតនៃសង្គម-សេដ្ឋកិច្ច និងវិស័យហេដ្ឋារចនាសម្ព័ន្ធក្នុងមូលដ្ឋានដែលមានការអភិវឌ្ឍជាក់ស្តែងយ៉ាងច្រើន និងជាបន្តបន្ទាប់។

ក្រោយពីបានចុះពិនិត្យនិងបានទទួលព័ត៌មានពីស្ថានភាពពិតក្នុងតំបន់ភូមិសាស្ត្រខាងលើរួច ក្រុមទស្សនកិច្ចយើងបានបន្តដំណើរទៅកាន់ទីតាំងសំខាន់ៗផ្សេងៗទៀតតាមផែនការដែលបានគ្រោងទុក ក្នុងភូមិសាស្ត្រខេត្តក្រចេះ និងខេត្តមណ្ឌលគិរីជាបន្តបន្ទាប់។ ដំណើរទស្សនកិច្ចនឹងវិលត្រលប់មកកាន់រាជធានីភ្នំពេញវិញនាល្ងាចនៃសៅរ៍ដដែលនេះ។ ក្នុងតម្រាយផ្លូវទស្សនកិច្ចក្នុងភូមិសាស្ត្រខេត្តត្បូងឃ្មុំ ខេត្តក្រចេះ និងខេត្តមណ្ឌលគិរី នេះ អ្នកចូលរួមទាំងអស់មានឱកាសអញ្ជើញទៅពិនិត្យមើលដោយផ្ទាល់នូវបង្គោលព្រំដែននៅក្នុងទីតាំងចំនួន ៧ ទីតាំង ដែលជាទីតាំង បង្គោលមេ ព្រមទាំងអញ្ជើញទៅពិនិត្យមើលដោយផ្ទាល់នូវទីតាំងបង្គោលសំខាន់ៗផ្សេងៗទៀត ដែលជា ទីតាំងបង្គោលបំពេញបន្ថែម និងទីតាំងបង្គោលតម្រុយព្រំដែន។

បង្គោលព្រំដែន ប្រភេទ A

ដំណើរទស្សនកិច្ចប៉ែកឦសាននេះ គឺជាសក្ខីកម្មរស់ដោយប្រជាពលរដ្ឋ ស្តីពីការពិតនិងស្ថានភាពជាក់ស្តែងនៃការងារព្រំដែន ការគ្រប់គ្រងនិងការពារទឹកដី របស់រាជរដ្ឋាភិបាលកម្ពុជា។ ប្រជាពលរដ្ឋកម្ពុជាច្រើនឡើងៗ ជាពិសេសអ្នកដែលបានទៅដល់តំបន់ក្រវាត់ព្រំដែនដោយផ្ទាល់រួចហើយ បានចែករំលែកបទពិសោធន៍ល្អអំពីដំណើរទស្សនកិច្ចនេះដែលពោរពេញដោយការផ្តល់នូវចំណេះដឹង និងភាពសប្បាយរីករាយ ជាពិសេសការបង្កឱកាសបង្កើនសាមគ្គីភាពជាតិកម្ពុជាឱ្យកាន់តែរឹងមាំ សម្រាប់ចូលរួមថែរក្សាបូរណភាពទឹកដីឱ្យស្ថិតនៅគង់វង្សជាដរាបមិនឱ្យបាត់សូម្បី ១មីលីម៉ែត្រឡើយ។ ជាងនេះទៀត សកម្មភាពនៃដំណើរទស្សនកិច្ចដែលទទួលបានការសាទរពីប្រជាពលរដ្ឋ និងយុវជនទាំងអស់ដែលបានចូលរួម ត្រូវបានផ្សព្វផ្សាយយ៉ាងទូលំទូលាយទាំងក្នុងនិងក្រៅប្រទេសកម្ពុជា ហើយត្រូវបានចាត់ទុកជាដំណើរទស្សនកិច្ចកម្រ ព្រោះជាទស្សកិច្ចពលរដ្ឋលើក ដំបូងបង្អស់សម្រាប់កម្ពុជា ឬអាចថាក្នុងតំបន់ទាំងមូលក៏ថាបាន។ ដំណើរទស្សនកិច្ចពលរដ្ឋនេះបានក្លាយជាទឡ្ហីករណ៍រស់ដ៏សំខាន់បញ្ជាក់ពីភាពច្បាស់លាស់ប្រាកដប្រជា និងឆន្ទៈមុះមុតរបស់រាជរដ្ឋាភិបាលកម្ពុជាក្នុងការបន្តបេសកកម្ម ដើម្បីការពារអធិបតេយ្យភាពជាតិ បូរណភាពទឹកដី និងបន្តធានាសុខសន្តិភាព និងស្ថិរភាពសង្គម-សេដ្ឋកិច្ចសម្រាប់ជាប្រយោជន៍ដល់ជាតិ និងប្រជាជនកម្ពុជាទាំងអស់។

បង្គោលព្រំដែន ប្រភេទ B

លម្អិតបន្ថែម បង្គោលព្រំដែនកម្ពុជាវៀតណាម មាន ៣ ប្រភេទ បោះខុសគ្នាតាមភូមិសាស្រ្តជាក់ស្តែង

បង្គោលព្រំដែនកម្ពុជាវៀតណាមបែងចែកជា ៣ ប្រភេទ ដែលត្រូវបានបោះនៅលើខ្សែបន្ទាត់ព្រំដែនជាប់គ្នាប្រវែងជាង ១ ២៧០ គីឡូម៉ែត្រ។

បង្គោលព្រំដែន ប្រភេទ C

នៅក្នុងឱកាសធ្វើបទបង្ហាញស្តីពី “របៀបរបបនៃដំណើរទស្សនកិច្ច និងកម្មវិធីទស្សនកិច្ចនៅខេត្តទិសឦសាន” នារសៀលថ្ងៃទី ០៦ ខែកញ្ញា ឆ្នាំ២០២៤ លោក ឡាំ ជា រដ្ឋមន្ត្រីទទួលបន្ទុករដ្ឋលេខាធិការដ្ឋានកិច្ចការព្រំដែន បានពន្យល់ពីបច្ចេកទេសនៃការបោះបង្គោលព្រំដែនរវាងកម្ពុជានិងវៀតណាម គឺអាស្រ័យទៅតាមភូមិសាស្រ្តតំបន់។

លោកពន្យល់ពីបង្គោលព្រំដែនដែលបោះរវាងកម្ពុជានិងវៀតណាម បែងចែកជា ៣ ប្រភេទ គឺមានប្រភេទបង្គោលមេ បង្គោលបំពេញបន្ថែម និងបង្គោលតម្រុយព្រំដែន។ បង្គោលមេក៏បែងចែកជា ៣ ប្រភេទទៀត មានបង្គោលមេ «ទោល» បង្គោលមេ «ភ្លោះ» និងបង្គោលមេ «ត្រី»។

លោកពន្យល់ថា បង្គោលមេ «ទោល» បោះនៅលើខ្សែព្រំដែន។ បង្គោលមេ «ភ្លោះ» បោះនៅសងខាងខ្សែព្រំដែនដើរតាមផ្លូវទឹកមានដូចជាព្រែក អូរ ស្ទឹង ទន្លេជាដើម និង បង្គោលមេ «ត្រី» បោះនៅចំកន្លែងមុខទឹកបែងជាពីរ។

ពាក់ព័ន្ធបង្គោលមេ «ភ្លោះ» នេះ លោក ឡាំ ជា បញ្ជាក់ថា មិនអាចបោះនៅកណ្ដាលទន្លេ ឬស្ទឹងបាននោះទេ ដោយសារត្រូវចំណាយខ្ពស់ និងក៏ប៉ះពាល់ដល់ការធ្វើនាវាចរណ៍។

បើតាមលោក ឡាំ ជា បង្គោលមេ ក៏បែងចែកមានប្រភេទកម្រិត A, B និង C។ បង្គោលមេកម្រិត A ធ្វើពីថ្មក្រានីតសម្រាប់បោះនៅច្រកទ្វារអន្តរជាតិ។ បង្គោលមេកម្រិត B ធ្វើពីបេតុងអាមេសរសែដែក បោះនៅភូមិសាស្ត្រមិនលិចទឹក និងបង្គោលមេកម្រិត C សម្រាប់បោះនៅភូមិសាស្ត្រលិចទឹក។

ដោយឡែកសម្រាប់បង្គោលបំពេញបន្ថែម គឺមានខ្នាតតូចជាងបង្គោលមេ និងត្រូវបានបោះនៅចន្លោះបង្គោលមេ។ បង្គោលបំពេញបន្ថែមក៏បែងចែកជា ៣ ប្រភេទដែរ មានបង្គោលបំពេញបន្ថែម «ទោល», បង្គោលបំពេញបន្ថែម «ភ្លោះ» និងបង្គោលបំពេញបន្ថែម «ត្រី» សម្រាប់បោះនៅផ្លូវទឹកបែកជាពីរជាបីជាដើម។

សម្រាប់បង្គោលតម្រុយព្រំដែនវិញ មានតែមួយប្រភេទគឺបង្គោលតម្រុយព្រំដែន «ទោល» ដែលបោះនៅលើខ្សែព្រំដែន នៅចំណុចដែលខ្សែព្រំដែនមានការបត់បែន។

បើតាមរដ្ឋមន្ត្រីរដ្ឋលេខាធិការដ្ឋានកិច្ចការព្រំដែន កម្ពុជាមានខ្សែព្រំដែនជាប់ជាមួយប្រទេសវៀតណាមសរុប ១ ២៧០ គីឡូម៉ែត្រ។ ក្នុងនោះខ្សែព្រំដែនដើរតាមផ្លូវទឹកមានប្រវែង ៦០៩ គីឡូម៉ែត្រ និងខ្សែព្រំដែនដើរតាមដីគោកមានប្រវែងប្រមាណ ៦៦១។

របៀបអានលេខកូដ បង្គោលព្រំដែន

ពាក់ព័ន្ធលទ្ធផលសម្រេចបានលើការងារខណ្ឌសីមា និងបោះបង្គោលព្រំដែនគោក កម្ពុជា-វៀតណាម ចាប់ពីឆ្នាំ២០០៦-២០១៩ ភាគីទាំងពីរបានចុះអនុវត្តលើដីជាក់ស្ដែង និងធ្វើការខណ្ឌសីមាបានប្រវែង ១ ០៤៥ គីឡូម៉ែត្រ (ដែលក្នុងនោះខ្សែព្រំដែនដើរតាមដីគោកសម្រេចបានប្រវែង ៤៨៨ គីឡូម៉ែត្រ និងខ្សែព្រំដែនដើរតាមផ្លូវទឹកសម្រេចបានប្រវែង ៥៥៧ គីឡូម៉ែត្រ) ដែលស្មើនឹង ៨៤% នៃប្រវែងខ្សែព្រំដែនសរុប។

ជាមួយគ្នានេះ ភាគីទាំងពីរក៏បានឯកភាពបោះបង្គោលព្រំដែនលើដីជាក់ស្តែងបានចំនួន ២ ០៤៧ បង្គោល (ក្នុងនោះបង្គោលព្រំដែនមេសរុបចំនួន ៣១៥ បង្គោល, បង្គោលព្រំដែនបំពេញបន្ថែមចំនួន ១ ៥១១ បង្គោល និងបង្គោលតម្រុយព្រំដែនចំនួន ២២១ បង្គោល)។

ក្រៅពីការសម្រេចបានការងារខណ្ឌសីមា និងបោះបង្គោលព្រំដែន រាជរដ្ឋាភិបាលក៏បានស្ថាបនាផ្លូវក្រវាត់ព្រំដែនបានប្រវែងជាង ៦៨៥,៣១៤ គីឡូម៉ែត្រ៕

បញ្ហាយួនធ្វើផ្លូវរំលោភចូលជ្រៅក្នុងដែនដីកម្ពុជា

បក្សប្រឆាំងនិងបក្សកាន់អំណាចយល់ស្របគ្នាថាវៀតណាមកំពុងធ្វើផ្លូវរំលោភយកដីខ្មែរនៅខេត្តមណ្ឌលគិរី

សំគាល់៖ រឿងនេះវាស្តែងពេក ហើយយួនយកច្រើនពេក ដែលពួកស៊ីភីភីមិនអាចប្រកែកបាន ដូច្នេះមានតែ យល់ស្រប។

ថ្ងៃសុក្រ ទី17 តុលា 2014, 02:35 PM

តំណាងរាស្ត្របក្សប្រឆាំងនិងបក្សកាន់អំណាច អះអាងប្រហាក់ប្រហែលគ្នា ថាវៀតណាម កំពុងធ្វើផ្លូវ មួយកន្លែងចម្ងាយប្រហែល៤០ គីឡូម៉ែត្រ រំលោភចូលដីខ្មែរនៅខេត្តមណ្ឌលគិរី បំពានលើសន្ធិសញ្ញា បំពេញបន្ថែមឆ្នាំ២០០៥។ តំណាងរាស្ត្រគណបក្សសង្គ្រោះជាតិ លោក ម៉ៅ មុនីវណ្ណ បានធ្វើលិខិតផ្លូវការ ទៅប្រធានរដ្ឋសភាលោកហេង សំរិន ឲ្យកោះហៅនាយករដ្ឋមន្ត្រីចូលបំភ្លឺក្នុងសភា ដើម្បីសួរ ដេញដោលពី បូរណភាពទឹកដីរវាងប្រទេសកម្ពុជា និងវៀតណាម។

លោក ម៉ៅ មុនីវណ្ណ ឲ្យVODដឹងនៅថ្ងៃសុក្រនេះថា នៅពេលថ្មីៗនេះ លោកបានចុះទៅពិនិត្យតំបន់មួយ កន្លែងនៅខេត្តមណ្ឌលគិរី បានរកឃើញថា វៀតណាមបានធ្វើផ្លូវកៅស៊ូរំលោភចូលទឹកដីខ្មែរត្រង់ចំណុច ដាក់ដាំក្នុងស្រុកអូររាំង ខេត្តមណ្ឌលគិរីចម្ងាយ ប្រមាណ៤០គីឡូម៉ែត្រ ។មន្ត្រីបក្សប្រឆាំងរូបនោះ ឲ្យដឹង ទៀតថា ក្រោមហេតុផលនេះ តំណាងរាស្ត្រគណបក្សសង្គ្រោះជាតិ បាន សម្រេចកោះអញ្ជើញនាយករដ្ឋ មន្ត្រីមកសួរដេញដោលក្នុងសភា។

ប្រធានគណៈកម្មការព្រំដែនកម្ពុជា លោក វ៉ា គឹមហុង ទទួលស្គាល់ថា វៀតណាមពិតជាកំពុងធ្វើផ្លូវនៅ តំបន់នេះដោយមិនទទួលយក ការស្នើសុំរបស់កម្ពុជាទេ។ មន្ត្រីរដ្ឋាភិបាលរូបនោះឲ្យទៀតថាទង្វើនេះ វៀតណាមហាក់បំពាន លើស្មារតីនៃសន្ធិសញ្ញាបំពេញបន្ថែមឆ្នាំ២០០៥ ដែលបញ្ជាក់ច្បាស់ថា បន្ទាត់ព្រំ ដែនមិនទាន់ឯកភាពគ្នាត្រូវរក្សាឲ្យនៅដដែល។

លោកវ៉ា គឹមហុង ឲ្យដឹងទៀតថា មួយវិញទៀត ការធ្វើផ្លូវនេះ វៀតណាមក៏មិនគោរពនូវ សេចក្តីថ្លែងការណ៍ រួមឆ្នាំ១៩៩៧ ដែលចុះ ហត្ថលេខាដោយនាយករដ្ឋមន្ត្រីកម្ពុជា និងនាយករដ្ឋមន្ត្រីវៀតណាមដែលហាមធ្វើ អ្វីទាំងអស់ ធ្វើឲ្យខូចបរិស្ថាននៅតាមបណ្តេយ ព្រំដែនក្នុងករណីមិនឯកភាពគ្នា។

តាមលោក វ៉ា គឹមហុង បញ្ជាក់ថាចំណុចដាក់ដាំ ជាចំណុចខ្វែងគំនិតគ្នារវាងរដ្ឋាភិបាលវៀតណាម និង កម្ពុជា ដោយលោកបញ្ជាក់ថា កម្ពុជាសំអាងលើសេចក្តីសម្រេច របស់អគ្គទេសាភិបាលបារាំង ឆ្នាំ១៩១៤ ថាចំណុចដាក់ដាំនៅក្នុងទឹកដីកម្ពុជា ប៉ុន្តែវៀតណាមបាន សំអាងយក គំនូសផែនទីរបស់ក្រុមភូមិសាស្ត្រ ឥណ្ឌូចិន ទៅវិញដូចនេះទើបប្រទេសទាំងពីរបានព្រមព្រៀងគ្នារក្សា តំបន់នោះឲ្យ នៅដដែលសិន មិនឲ្យ ភាគីណាធ្វើអ្វីទាំងអស់(តំបន់ស)។

ប្រធានផ្នែកទំនាក់ទំនងនយោបាយ និងសន្តិភាពនៃវិទ្យាស្ថានទំនាក់ទំនងអន្តរជាតិ លោក ឯម សុវណ្ណារា មានប្រសាសន៍ថា បញ្ហា ព្រំដែនជាអាយុជីវិតជាតិ ដូចនេះរដ្ឋាភិបាលត្រូវបង្កើនធនធានមនុស្សផ្នែកជំនាញ ព្រំដែនចុះពិនិត្យជាទៀងទាត់ និងបើកទូលាយ ឲ្យពលរដ្ឋ សង្គមស៊ីវិល ព្រមទាំងបក្សប្រឆាំងបានចូលរួម ចុះពិនិត្យទាំងអស់គ្នា និងបង្ហាញជំហរទៅអង្គការសហប្រជាជាតិ ដើម្បីសហការទប់ស្កាត់ បើពិនិត្យ ឃើញថា មានការរំលោភបំពានពីប្រទេសជិតខាង។ លោកព្រមានថាបើពុំនោះទេកម្ពុជា នឹងបាត់បង់ទឹក ដីបន្ថែមទៀតទៅប្រទេសវៀតណាម ក៏ដូចជាប្រទេសថៃ។

ផែនទី ច្រកព្រំដែន កម្ពុជា

កម្ពុជានិងវៀតណាម មានព្រំដែនជាប់គ្នាចម្ងាយជាង១២០០គីឡូម៉ែត្រ ហើយភាគីទាំងពីរគ្រោងបោះ បង្គោលព្រំដែននេះ ឲ្យចប់ក្នុង អាណត្តិទី៥នេះទាំងភាពចម្រូងចម្រាស ដោយរងការរិះគន់ពីបក្សប្រឆាំង និង សង្គមស៊ីវិល ។ប៉ុន្តែមកដល់ពេលនេះ លោកវ៉ា គឹមហុងអះអាងថា ដំណើរការបោះបង្គោល ព្រំដែននោះ សម្រេចបាន ប្រមាណជា៨០ភាគរយទៅហើយ៕

រូបភាព ការបំបែក លេខកូដ ដើម្បី អានចារិកលើបង្គោលព្រំដែន

រូបភាពឯកសារនៃការ ប្រឆាំង ជំទាស់ លើបញ្ហា ការបោះបង្គោលព្រំដែន ករណី គំលាតពី បង្គោលព្រំដែន មក ខ្សែផ្លូវចល័តទ័ព

រូបភាពឯកសារនៃការ ប្រឆាំង ជំទាស់ លើបញ្ហា ការបោះបង្គោលព្រំដែន ដោយមេបក្សប្រឆាំង ឈ្មោះរ៉ុង ឈុន ដែលថា កម្ពុជាបាត់បង់ទឹកដី តាមព្រំដែន ឬ ថា បង្គោលព្រំដែនចេះដើរ ឬថា វៀតណាម លួចបោះបង្គោលព្រំដែន-- ជាលក្ខណៈវិទ្យាសាស្រ្ត ដោយសារប្រជាជនកើតមក ត ជំនាន់ នៅទីកន្លែងនោះ ប៉ុន្តែ មានការផ្លាស់ប្តូរ របបគ្រប់គ្រងដោយ ចម្ប៉ា, វៀតណាម, សៀម, បារាំង, អណ្ណាម បារាំង ជប៉ុន អាមេរិកកាំង ដូច្នេះ មានការផ្លាស់ប្តូរ ផែនទី ពី ផែនទី បោន ទៅជា ផែនទី UTM របស់អាមេរិក តាមរបៀបគេ ដូរផែនទី រួច ដូររដ្ឋបាលដែនដី ខ្សែព្រំដែនរដ្ឋ ទៅតាមផែនទី មហាអំណាច ។

រូបភាពឯកសារនៃការ ប្រឆាំង ជំទាស់ លើបញ្ហា ការបោះបង្គោលព្រំដែន( ផែនទី បោន ផលិតឆ្នាំ ១៩៣៣)

រូបភាពឯកសារនៃការ ប្រឆាំង ជំទាស់ លើបញ្ហា ការបោះបង្គោលព្រំដែន គំរូ ប្រព័ន្ធខ្សែក្រវ៉ាត់ព្រំដែន ប្រទេស ថៃ ស្ថិតនៅ ច្រកទ្វារអន្តរជាតិ ប់ោយប៉ែត

រូបភាពឯកសារនៃការ ប្រឆាំង ជំទាស់ លើបញ្ហា ការបោះបង្គោលព្រំដែន( ផែនទី បង្គោលព្រំដែន ខេត្ត ត្បូងឃ្មុំ)

រូបភាពឯកសារនៃការ ប្រឆាំង ជំទាស់ លើបញ្ហា ការបោះបង្គោលព្រំដែន ផែនទីអតីត ខេត្ត ស្រកាត្រី

រូបភាពឯកសារនៃការ ប្រឆាំង ជំទាស់ លើបញ្ហា ការបោះបង្គោលព្រំដែន ( រយៈពេល ៩៦ ឆ្នាំ កម្ពុជា នូវរក្សាបាន ខ្សែព្រំដែន ឆ្នាំ ១៩២៨ តាមផែនទី បោន BONNE CARTE ដោយគ្មានការបាត់បង់)

រូបភាពឯកសារនៃការ ប្រឆាំង ជំទាស់ លើបញ្ហា ការបោះបង្គោលព្រំដែនទឹក Water Boundary

រូបភាពឯកសារនៃការ ប្រឆាំង ជំទាស់ លើបញ្ហា ការបោះបង្គោលព្រំដែន

ការប្រៀធៀបខ្សែព្រំដែន ទីតាំងឈជើង របស់ កងទ័ពខ្មែរ ឆ្នាំ -១៩៧៩ ដល់ ១៩៨៩ ដែល ១០ ឆ្នាំ បាត់បង់ទឹកដី ៣០ គម និង ការប្រឆាំង កិច្ចព្រមព្រៀងខ្សែព្រំដែន ឆ្នាំ ១៩៨២ , ១៩៨៥ , ឆ្នាំ ២០២៥ ព្រោះភាគី រដ្ឋកម្ពុជា ទាមទារកុំឲ្យ វៀតណាម រុលចូលថែមទៀត ចំណែក ភាគី បក្សប្រឆាំង ចង់បាន ការឈជើង កងទ៍ពខ្មែរ នៅ ចម្ងាយ ៣០ គម នៅ ឡុក និញ ព្រោះជា អតីតទឹកដី ប្រទេសចម្ប៉ា!!

គោលការណ៍ខ្សែព្រំដែនមិនកែប្រែ (Uti Possidetis)

រូបភាពឯកសារនៃការ ប្រឆាំង ជំទាស់ លើបញ្ហា ការបោះបង្គោលព្រំដែន -- មេរៀន គំរូសង្រ្គាម រុស្សី អ៊ុយក្រែន ឆ្នាំ ២០២២ _ ២០២៤ (គោលការណ៍ខ្សែព្រំដែនមិនកែប្រែ (Uti Possidetis)

រូបភាពឯកសារនៃការ ប្រឆាំង ជំទាស់ លើបញ្ហា ការបោះបង្គោលព្រំដែន

គោលការណ៍ខ្សែព្រំដែនមិនកែប្រែ (Uti Possidetis)

ផែនទី ប្រទេស កម្ពុជា មុនវត្តមាន អាណាព្យាបាលបារាំង និង អាណានិគមបារាំង ឆ្នាំ ១៨៦៣

មូលហេតុនៃ គោលការណ៍ខ្សែព្រំដែនមិនកែប្រែ (Uti Possidetis)

ផែនទី រដ្ឋសាកាលីន SAKHALINE ត្រូវ សូវៀត ផ្តាច់យក តាមគោលការណ៍ខ្សែព្រំដែន មិនកែប្រែ Tti Possidetis

ផែនទី អ៊ុយក្រែន និងការផ្តាច់ទឹកដី៖ គោលការណ៍ខ្សែព្រំដែនមិនកែប្រែ ហាមឃាត់ការធ្វើសង្រ្កាម ផ្តាច់ទឹកដី ពង្រីកទឹកដី ប៉ុន្តែ ការផ្តាច់ទឹកដីនៅ អ៊ុយក្រែន ចូលជាទឹកដីរុស្សី តាមគោលការណ៍ បោះឆ្នោតសេរី គឺ ការបោះឆ្នោត តំណាងរាស្រ្តថ្នាក់សភាខេត្ត ដូច្នេះ ខេត្តនីមួយៗ មានសិទ្ធិសម្រេច ក្នុងការផ្តាច់ទឹកដីចូលទៅ ប្រទេសណាមួយ ដែលប្រជាជនពេញចិត្តតាមការធ្វើ ប្រជាមតិ។

ផែនទី ប្រព័ន្ធផ្លូវក្រវ៉ាត់ព្រំដែន កម្ពុជា ឡាវ ច្រក ត្រពាំងក្រៀល

ខ្សែព្រំដែន តំបន់ត្បូងឃ្មុំ ឆ្នាំ ១៨៩០ និង ឆ្នាំ ១៩២០

ខាងបក្សប្រឆាំង ក្រុមសមរង្សីពេលនេះកំពុងលើកឡើង រឿងកោះគុត កោះត្រល់ ព្រោះករណីតំបន់ CLV-DTA គឺជាការងាររបស់ ក្រុមគណបក្សប្រឆាំង កែមឡី រ៉ុងឈុន។ ខ្លឹមសារគោលនៃការប្រឆាំង គឺសុទ្ធតែដកស្រង់ចេញពី ស្នាដៃ រដ្ឋមន្រ្តីកិច្ចការព្រំដែនរបស់ ខ្មែរក្រហម ឈ្មោះ សារិន ឆាត។ សារិន ឆាត ត្រូវគេបណ្តុះបណ្តាលឲ្យមានគំនិតក្បត់ជាតិ តាំងពីក្មេង កាលគាត់រៀននៅ ខេត្ត តាកែវ គាត់ដូរឈ្មោះជាសំងាត់ទៅជា សារិន ឆាត។ គាត់បំរើ របបសង្គមរាស្រ្តនិយម តែ ធ្វើកិច្ចការបំរើរបប លន់ នល់ រហូតដល់មានរដ្ឋប្រហារ ដោយសាររឿង ចោទថា សម្តេចតាធ្វើឲ្យបាត់ទឹកដី។ ពេលបំរើរដ្ឋាភិបាលលន់ នល់ គាត់លួចជួយខ្មែរក្រហមជាសំងាត់ ដើម្បីផ្តួលរំលំរបប លន់នល់។ ពេលខ្មែរក្រហមឈ្នះសង្រ្គាម ១៩៧៥ គាតត្រឡប់ចូលស្រុកវិញ បំរើរដ្ឋាភិបាលខ្មែរក្រហម លើកទ័ពវាយចូល កោះត្រល់ កោះពូលូវ៉ៃ។ ពេលទ័ពវៀតណាមចាប់ទាហានខ្មែរក្រហម ៥០០ នាក់ធ្វើជាឈ្លើយសឹក វៀតណាមកោះហៅតំណាងខ្មែរក្រហមទៅ សួរនាំថា កោះត្រល់នៅកន្លែងណា? ព្រោះតាមឯកសារ លេខភូមិសាស្រ្ត GR ទាំង ស៊ាង ប៉េងសែ ទាំង សារិន ឆាត សុទ្ធតែ បោកប្រាស់ បន្លំយក កោះទន្សាយធ្វើជា កោះត្រល់។ ចំណុចអគតិទាំងនេះ បានជាសព្វថ្ងៃមាន មន្រ្តីស្ទើរគ្រប់បក្ស សុទ្ធតែមានជំនាញព្រំដែនរៀងខ្លួន ដូចជា អ៊ុំសំអាត សមរង្សី កែមឡី រ៉ុងឈុន កឹមសុខា...កឹមសុះ..

ខ្សែព្រំដែន តំបន់ត្បូងឃ្មុំ ឆ្នាំ ១៨៩០ និង ឆ្នាំ ១៩២០

ភូមិសាស្រ្តនយោបាយ កម្ពុជា ក្រោមនឹងអាណានិគម សៀម ចាម ចម្ប៉ាសាក់ វៀតណាម ឆ្នាំ ១៨៣៨

នាទីប្រវត្តិសាស្រ្ត និង ភូមិសាស្រ្តកម្ពុជា៖ នៅឆ្នាំ ១៨៣៨ កម្ពុជាបាត់បង់ភាពរដ្ឋឯករាជ្យ ដោយសារ កម្ពុជា រស់នៅក្រោមនឹងអាណានិគមន៍របស់ ចាម សៀម ចាមបាសាក់ ភ្នង ស្ទៀង ចាមកាត់ម៉ាឡេស៊ី។ នេះជា មូលហេតុ ព្រះមហាក្សត្រខ្មែរ បញ្ជូនសារសំងាត់ទៅស្តេច បារាំង ចូលមកជួយអន្តរាគមន៍ ព្រោះទឹកដី ភាគខាងកើត គឺជា តំបន់បារាំងគ្រប់គ្រង (ម្តុំ រដ្ឋពារាន្តស្សី ឬ ពារាំងសព្វថ្ងៃ ដែលយើងហៅថា បារាំង ៗៗ!!!)។ ពេលបារាំងចូលមកដល់ ក៍មានសង្រ្គាមជាមួយ ចាមបាសាក់ និង សៀម នេះក៍ជាមួលហេតុដែល ជំនាន់នោះមានចលនាប្រឆាំងបារាំង ព្រោះវាធ្វើឲ្យ ពួកគេបាត់បង់ផលប្រយោជន៍។ បច្ចុប្បន្ន នយោបាយពួកគេនៅដដែល គឺ ប្រឆាំង ចិន ប្រឆាំង វៀតណាម ព្រោះពួកគេគឺជា ចាម ម៉ាឡេស៊ី ជ្វា ព្នង ស្ទៀង ចារាយ រហូតទាមទារឲ្យ ដកចេញ CLV-DTA. (ផែនទី កម្ពុជា ឆ្នាំ ១៨៣៨)

ករណីយល់ច្រលំ បង្គោលព្រំដែន ចេះដើរ

ផែនទី បង្គោលព្រំដែន ច្រកទ្វារ អូរយ៉ាដាវ បង្គោលមេ លេខ ២៩ និង ៣០

ពលរដ្ឋជាង៤០០នាក់ បន្តធ្វើទស្សនកិច្ចនៅព្រំដែនទិសឦសានជើងទី៥ ដើម្បីស្វែងយល់ពីការពិតជាក់ស្តែងនៃកិច្ចការពារបូរណភាពទឹកដី និងអធិបតេយ្យភាពជាតិ 2024-10-12 08:04pm ប្រភព Freshnews (ទិសឦសាន)៖ ដំណើរទស្សនកិច្ចសិក្សាស្វែងយល់ទិសប៉ែកឦសាន សម្រាប់ជើងទី៥ នៅថ្ងៃទី១២ ខែតុលា ឆ្នាំ២០២៤នេះ ប្រជាពលរដ្ឋជាង៤០០នាក់ បានបន្តចូលរួមធ្វើទស្សនកិច្ចនៅលើតម្រាយផ្លូវបន្ទាត់ព្រំដែន ខេត្តត្បូងឃ្មុំ, ខេត្តក្រចេះ និងមណ្ឌលគិរី ដើម្បីស្វែងយល់ពីការពិតជាក់ស្តែងនៃកិច្ចការពារបូរណភាពទឹកដី និងអធិបតេយ្យភាពជាតិកម្ពុជា សម្រាប់ដំណើរទស្សនកិច្ចជើងទី៥នេះ ដោយក្បួនរថយន្តនៃដំណើរទស្សនកិច្ច បានចេញដំណើរពីរាជធានីភ្នំពេញ នៅ ម៉ោង៤កន្លះព្រឹកថ្ងៃសៅរ៍ ទី១២ ខែតុលា ឆ្នាំ២០២៤ ក្នុងតម្រាយផ្លូវដែលបានកំណត់រួច គឺឆ្ពោះទៅកាន់ ខេត្តត្បូងឃ្មុំ, ខេត្តក្រចេះ និងខេត្តមណ្ឌលគិរី ហើយនឹងត្រូវវិលត្រឡប់មករាជធានីភ្នំពេញវិញ នៅយប់ថ្ងៃទី១២ ខែតុលាដដែល។ ដំណើរទស្សនកិច្ចទៅកាន់ប៉ែកឦសាននេះ ត្រូវបានរៀបចំ និងសម្របសម្រួលយ៉ាងរលូនដោយក្រុមការងារ ដែលដឹកនាំដោយលោក នេត្រ ភក្ត្រា រដ្ឋមន្ត្រីក្រសួងព័ត៌មាន, លោក ឡាំ ជា រដ្ឋមន្ត្រីទទួលបន្ទុករដ្ឋលេខាធិការដ្ឋានកិច្ចការព្រំដែន ព្រមទាំងថ្នាក់ដឹកនាំខេត្ត និងអាជ្ញាធរក្នុងភូមិសាស្ត្រខេត្តពាក់ព័ន្ធ ក៏ដូចជាមន្ត្រីជំនាញខាងព្រំដែនផងដែរ។ ដំណើរទស្សនកិច្ចនេះ គឺបានពិនិត្យមើលឃើញដោយផ្ទាល់អំពីជីវភាពរស់នៅល្អប្រសើររបស់ប្រជាជន ក្នុងមូលដ្ឋានស្ថានភាពភូមិសាស្ត្រពិតជាក់ស្តែងក្នុងមូលដ្ឋាន ជាពិសេសគឺទីតាំងបង្គោលព្រំដែនរវាងកម្ពុជា-វៀតណាម នៅក្នុងតំបន់ភូមិសាស្ត្រនេះ អមដោយការអត្ថាធិប្បាយពន្យល់យ៉ាងលម្អិតដោយថ្នាក់ដឹកនាំនិងមន្ត្រីជំនាញពាក់ព័ន្ធការងារព្រំដែន ការងារបោះបង្គោលខណ្ឌសីមាព្រំដែនគោក និងការថែរក្សាការពារអធិប តេយ្យភាពជាតិ បូរណភាពទឹកដីកម្ពុជា។ មិនតែប៉ុណ្ណោះ ប្រជាពលរដ្ឋដែលបានធ្វើដំណើរទស្សនកិច្ច ក៏បានស្វែងយល់ផងដែរ អំពីស្ថានភាពពិតនៃសង្គម-សេដ្ឋកិច្ច និងវិស័យហេដ្ឋារចនាសម្ព័ន្ធក្នុងមូលដ្ឋានដែលមានការអភិវឌ្ឍជាក់ស្តែងយ៉ាងច្រើន និងជាបន្តបន្ទាប់។ ក្នុងតម្រាយផ្លូវទស្សនកិច្ចក្នុងភូមិសាស្ត្រខេត្តទាំង៣នេះ អ្នកចូលរួមទាំងអស់មានឱកាសអញ្ជើញទៅពិនិត្យ មើលដោយផ្ទាល់នូវបង្គោលព្រំដែនក្នុងទីតាំងដែលជាទីតាំងបង្គោលមេ ព្រមទាំងអញ្ជើញទៅពិនិត្យមើលដោយផ្ទាល់នូវ ទីតាំងបង្គោលសំខាន់ៗផ្សេងៗទៀត ដែលជាទីតាំងបង្គោលបំពេញបន្ថែម និងទីតាំងបង្គោលតម្រុយព្រំដែន។ ដំណើរទស្សនកិច្ចប៉ែកឦសាននេះ គឺជាសាក្សីរស់ដោយប្រជាពលរដ្ឋ ស្តីពីការពិតនិងស្ថានភាពជាក់ស្តែងនៃការងារព្រំដែន ការគ្រប់គ្រងនិងការពារទឹកដីរបស់រាជរដ្ឋាភិបាលកម្ពុជា។ ប្រជាពលរដ្ឋកម្ពុជាច្រើនឡើងៗ ជាពិសេសអ្នកដែលបានទៅដល់តំបន់ក្រវាត់ព្រំដែនដោយផ្ទាល់រួចហើយ បានចែករំលែកបទពិសោធន៍ល្អអំពីដំណើរទស្សនកិច្ចនេះដែលពោរពេញដោយការផ្តល់នូវចំណេះដឹង និងភាពសប្បាយរីករាយ ជាពិសេសការបង្កឱកាសបង្កើនសាមគ្គីភាពជាតិកម្ពុជាឱ្យកាន់តែរឹងមាំ សម្រាប់ចូលរួមថែរក្សាបូរណភាពទឹកដីឱ្យស្ថិតនៅគង់វង្សជាដរាបមិនឱ្យបាត់សូម្បី ១មីលីម៉ែត្រឡើយ។ ជាងនេះទៀត សកម្មភាពនៃដំណើរទស្សនកិច្ចដែលទទួលបានការសាទរពីប្រជាពលរដ្ឋ និងយុវជនទាំងអស់ដែលបានចូលរួម ត្រូវបានផ្សព្វផ្សាយយ៉ាងទូលំទូលាយទាំងក្នុង និងក្រៅប្រទេសកម្ពុជា ហើយត្រូវបានចាត់ទុកជាដំណើរទស្សនកិច្ចកម្រ ព្រោះជាទស្សកិច្ចពលរដ្ឋលើកដំបូងបង្អស់សម្រាប់កម្ពុជា ឬអាចថាក្នុងតំបន់ទាំងមូលក៏ថាបាន។ ដំណើរទស្សនកិច្ចប្រជាពលរដ្ឋនេះបានក្លាយជាទឡ្ហីករណ៍រស់ដ៏សំខាន់បញ្ជាក់ពីភាពច្បាស់លាស់ប្រាកដប្រជា និងឆន្ទៈមុះមុតរបស់រាជរដ្ឋាភិបាលកម្ពុជាក្នុងការបន្តបេសកកម្ម ដើម្បីការពារអធិបតេយ្យភាពជាតិ បូរណភាពទឹកដី និងបន្តធានាសុខសន្តិភាព និងស្ថិរភាពសង្គម-សេដ្ឋកិច្ចសម្រាប់ជាប្រយោជន៍ដល់ជាតិ និងប្រជាជនកម្ពុជាទាំងអស់។ គួរជម្រាបថា ចាប់តាំងពីរាជរដ្ឋាភិបាល បានប្រកាសរៀចំដំណើរទស្សនកិច្ចរបស់ប្រជាពលរដ្ឋខ្មែរមកកាន់តំបន់ទិសឦសាន គឺមានប្រជាពលរដ្ឋ មកពីគ្រប់ស្រទាប់វណ្ណៈ បានចុះឈ្មោះ ដើម្បីបានមកពិនិត្យដោយផ្ទាល់ពីស្ថានភាពនៅតាមបន្ទាត់ព្រំដែន។ តាមរយៈចុះមកឃើញផ្ទាល់ភ្នែក ប្រជាពលរដ្ឋបានអះអាងថា ការបំពុលព័ត៌មានរបស់ក្រុមប្រឆាំងជុំវិញបញ្ហាព្រំដែន គ្មានប្រសិទ្ធភាពឡើយ, ពួកគាត់បានឃើញនឹងភ្នែកច្បាស់លាស់ រាជរដ្ឋាភិបាលកម្ពុជាបានការពារនូវបូរណភាពទឹកដី និងអធិបតេយ្យភាពជាតិ ហើយអ្វីដែលក្រុមជ្រុលនិយមនិយាយពីបញ្ហាព្រំដែន និងការបំភ្លៃលើការបាត់បង់ទឹកដី គឺគ្រាន់តែជាការភូតកុហកដែលគេមិនដែលជឿម្តងណាឡើយ។ សូមរំលឹកជូនថា ដំណើរទស្សនកិច្ចនេះត្រូវបានបើកទូលាយសម្រាប់សាធារណជនទូទៅទាំងអស់ពីគ្រប់មជ្ឈដ្ឋានឱ្យចូលរួម ដោយឥតគិតថ្លៃ ដោយត្រូវបំពេញព័ត៌មានងាយៗតាមការចុះឈ្មោះអនឡាញ និងដោយអនុវត្តគោលការណ៍៖ ចុះឈ្មោះមុន បានចូលរួមមុន។ រីឯថវិកាសម្រាប់ការចំណាយ គឺជាការឧបត្ថម្ភដោយ សម្ដេចធីបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុនី ព្រមទាំងមានការចូលរួមពីសប្បុរសជន។ ថវិកានេះជាថវិកាផ្ទាល់ដោយឡែក របស់សម្តេចធិបតី និងលោកជំទាវ ដែលថវិកានេះ មិនពាក់ព័ន្ធនឹងថវិកាជាតិ ឬមូលនិធិកសាងហេដ្ឋារចនាសម្ព័ន្ធក្រវាត់ព្រំដែនឡើយ៕

ប្រភព ទទក បងប្អូនប្រជាពលរដ្ឋជិត ៤០០នាក់ បានចូលរួមក្នុងដំណើរទស្សនកិច្ចទិសឦសានសប្តាហ៍ទី ៥ ដើម្បីស្វែងយល់ពីការពិតជាក់ស្ដែងនៃកិច្ចការពារបូរណភាពទឹកដីនិងអធិបតេយ្យភាពជាតិកម្ពុជា បងប្អូនប្រជាពលរដ្ឋជិត៤០០នាក់ បន្តចូលរួមធ្វើទស្សនកិច្ចទិសឦសានសប្ដាហ៍ទី៥ ដើម្បីស្វែងយល់ពីការពិតជាក់ស្ដែងនៃកិច្ចការពារបូរណភាពទឹកដីនិងអធិបតេយ្យភាពជាតិកម្ពុជាត្រូវបានរៀបចំឡើងនៅថ្ងៃទី១២ ខែតុលា ឆ្នាំ២០២៤។ ក្បួនរថយន្តនៃដំណើរទស្សនកិច្ចបានចេញដំណើរពីរាជធានីភ្នំពេញ នៅម៉ោង៤កន្លះព្រឹកថ្ងៃសៅរ៍ ទី១២ ខែតុលា ឆ្នាំ២០២៤ ក្នុងតម្រាយផ្លូវដែលបានកំណត់រួច គឺឆ្ពោះទៅកាន់ខេត្តត្បូងឃ្មុំ ខេត្តក្រចេះ និងខេត្តមណ្ឌលគីរី។ ក្នុងដំណើរទស្សនកិច្ចនេះ មានការធ្វើបទបង្ហាញយ៉ាងពិស្ដារ អំពីលក្ខណៈភូមិសាស្ត្រ បង្គោលព្រំដែន និងជីវភាពរស់នៅរបស់ប្រជាពលរដ្ឋតាមបណ្ដោយខ្សែបន្ទាត់ព្រំដែន ពីឯកឧត្តម នេត្រ ភក្រ្តា រដ្ឋមន្ត្រីក្រសួងព័ត៌មាន ឯកឧត្តម ប៉ែន កុសល្យ អភិបាលខេត្តត្បូងឃ្មុំ និងឯកឧត្តម ឡាំ ជា រដ្ឋមន្ត្រីប្រតិភូទទួលបន្ទុករដ្ឋលេខាធិការដ្ឋានកិច្ចការព្រំដែន ។ សូមជម្រាបថា បន្ទាប់ពីទស្សនកិច្ចនៅចំណុចបង្គោលព្រំដែនលេខ ១៣០ ស្ថិតក្នុងឃុំអន្លង់ជ្រៃ ស្រុកពញាក្រែក ក្នុងខេត្តត្បូងឃ្មុំរួចរាល់ហើយគណៈប្រតិភូ និងប្រជាពលរដ្ឋដែលបានចុះឈ្មោះក្នុងដំណើរទស្សនកិច្ចនេះ បានបន្តដំណើរទៅកាន់ចំណុច បង្គោលព្រំដែនលេខ ៦៩ ច្រកទ្វារអន្តរជាតិត្រពាំងស្រែ ស្ថិតក្នុងស្រុកស្នួល ខេត្តក្រចេះ ក្នុងនោះដោយមានការទទួលស្វាគមន៍ពីតំណាងរដ្ឋបាលខេត្តក្រចេះ។ បន្ទាប់មកបន្តដំណើរឆ្ពោះទៅកាន់គោលដៅចុងក្រោយដែលស្ថិតក្នុងទឹកដីនៃខេត្តមណ្ឌលគិរី ត្រង់ចំណុច បង្គោលព្រំដែនលេខ ៦៥ ស្រុកកែវសីមា។ ក្នុងតម្រាយផ្លូវទស្សនកិច្ចក្នុងភូមិសាស្ត្រខេត្តទាំងបីនេះ អ្នកចូលរួមទាំងអស់មានឱកាសអញ្ជើញទៅពិនិត្យមើលដោយផ្ទាល់នូវបង្គោលព្រំដែននៅក្នុងទីតាំងដែលជាទីតាំងបង្គោលមេ ព្រមទាំងទីតាំងបង្គោលសំខាន់ៗផ្សេងៗទៀត ដែលជាទីតាំងបង្គោលបំពេញបន្ថែម និងទីតាំងបង្គោលតម្រុយព្រំដែន។ ដំណើរទស្សនកិច្ចប៉ែកឦសាននេះ គឺជាសាក្សីរស់ដោយប្រជាពលរដ្ឋ បានដឹងពីការពិតនិងស្ថានភាពជាក់ស្តែងនៃការងារព្រំដែន ការគ្រប់គ្រងនិងការពារទឹកដី របស់រាជរដ្ឋាភិបាលកម្ពុជា។ ប្រជាពលរដ្ឋកម្ពុជាច្រើនឡើងៗ ជាពិសេសអ្នកដែលបានទៅដល់តំបន់ក្រវាត់ព្រំដែនដោយផ្ទាល់រួចហើយ បានចែករំលែកបទពិសោធន៍ល្អៗអំពីដំណើរទស្សនកិច្ចនេះ ដែលពោរពេញដោយការផ្តល់នូវចំណេះដឹង និងភាពសប្បាយរីករាយ ជាពិសេសបានបង្កឱកាសបង្កើនសាមគ្គីភាពជាតិកម្ពុជាឱ្យកាន់តែរឹងមាំ សម្រាប់ចូលរួមថែរក្សាបូរណភាពទឹកដីឱ្យស្ថិតនៅគង់វង្សជាដរាបមិនឱ្យបាត់សូម្បី ១មីលីម៉ែត្រឡើយ។ ជាងនេះទៀត សកម្មភាពនៃដំណើរទស្សនកិច្ចដែលទទួលបានការសាទរពីប្រជាពលរដ្ឋ និងយុវជនទាំងអស់ដែលបានចូលរួម ត្រូវបានផ្សព្វផ្សាយយ៉ាងទូលំទូលាយទាំងក្នុងនិងក្រៅប្រទេសកម្ពុជា ហើយត្រូវបានចាត់ទុកជាដំណើរទស្សនកិច្ចកម្រ ព្រោះជាទស្សកិច្ចពលរដ្ឋលើកដំបូងបង្អស់សម្រាប់កម្ពុជា ឬអាចថាក្នុងតំបន់ទាំងមូលក៏ថាបាន។ ដំណើរទស្សនកិច្ចពលរដ្ឋនេះបានក្លាយជាទឡ្ហីករណ៍រស់ដ៏សំខាន់បញ្ជាក់ពីភាពច្បាស់លាស់ប្រាកដប្រជា និងឆន្ទៈមុះមុតរបស់រាជរដ្ឋាភិបាលកម្ពុជាក្នុងការបន្តបេសកកម្ម ដើម្បីការពារអធិបតេយ្យភាពជាតិ បូរណភាពទឹកដី និងបន្តធានាសុខសន្តិភាព និងស្ថិរភាពសង្គម-សេដ្ឋកិច្ចសម្រាប់ជាប្រយោជន៍ដល់ជាតិ និងប្រជាជនកម្ពុជាទាំងអស់។ការពិតកាន់តែរីកធំ ការបំភ្លៃកាន់តែរួមតូច! បងប្អូនប្រជាពលរដ្ឋបានចុះស្វែងយល់ពីស្ថានភាពជាក់ស្តែងក្នុងខេត្តភាគឦសានទាំងកិច្ចអភិវឌ្ឍន៍ និងការការពារបូរណភាពទឹកដី ទោះបីក្រុមជ្រុលនិយមព្យាយាមបំភ្លៃ បំផ្លើស បំភ័ន្តយ៉ាងណាក៏ដោយ តែការពិតជាក់ស្តែង បងប្អូនជឿលើភ្នែករបស់គាត់។ទស្សនកិច្ចទិសឦសានជើងទី៥ បងប្អូនប្រជាពលរដ្ឋបានថ្លែងថា ឮ ១០០០ ដងមិនស្មើនឹងឃើញ ១ ដង ហើយការភូតកុហកនិងបំភ្លៃការពិតនៅលើបណ្តាញសង្គមគ្មានតម្លៃសម្រាប់ការជឿជាក់របស់គាត់ទេ គឺពួកគាត់បានជឿជាក់លើរាជរដ្ឋាភិបាលកម្ពុជាការពារបានទឹកដីកម្ពុជាឱ្យបានគង់វង្សស្ថិតស្ថេរជាមួយយុទ្ធសាស្ត្រដ៏ឈ្លាសវៃ។ សូមរំលឹកជូនថា ដំណើរទស្សនកិច្ចនេះត្រូវបានបើកទូលាយសម្រាប់សាធារណជនទូទៅទាំងអស់ពីគ្រប់មជ្ឈដ្ឋានឱ្យចូលរួម ដោយឥតគិតថ្លៃ ដោយត្រូវបំពេញព័ត៌មានងាយៗតាមការចុះឈ្មោះអនឡាញ និងដោយអនុវត្តគោលការណ៍៖ ចុះឈ្មោះមុន បានចូលរួមមុន។ រីឯថវិកាសម្រាប់ការចំណាយ គឺជាការឧបត្ថម្ភដោយ សម្ដេចមហាបវរធីបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុនី ព្រមទាំងមានការចូលរួមពីសប្បុរសជន។ ថវិកានេះជាថវិកាផ្ទាល់ដោយឡែក របស់សម្តេចធិបតី និងលោកជំទាវ ដែលថវិកានេះ មិន ពាក់ព័ន្ធនឹងថវិកាជាតិ ឬមូលនិធិកសាងហេដ្ឋារចនាសម្ព័ន្ធក្រវាត់ព្រំដែនឡើយ៕

17-09-2024 ក្រសួងសាធារណការនឹងដឹកជញ្ជូន ក្រុមការងាររាជរដ្ឋាភិបាលចុះមូលដ្ឋានខេត្តមណ្ឌលគិរី] - ឯកឧត្តម ឈួន វិន ប្រធានក្រុមការងាររាជរដ្ឋាភិបាលចុះមូលដ្ឋានខេត្តមណ្ឌលគិរី និងថ្នាក់ដឹកនាំខេត្តមណ្ឌលគិរី អញ្ជើញចុះពិនិត្យ បង្គោលព្រំដែនលេខ 65 លេខ65 (13) លេខ65 (38) និងចុះពិនិត្យផ្លូវខ្សែក្រវាត់ព្រំដែនស្រុកកែវសីមា ដល់ស្រុកស្នួល ខេត្តក្រចេះ ឯកឧត្តម ឈួន វិន ប្រធានក្រុមការងាររាជរដ្ឋាភិបាលចុះមូលដ្ឋានខេត្តមណ្ឌលគិរី និងថ្នាក់ដឹកនាំខេត្តមណ្ឌលគិរី អញ្ជើញចុះពិនិត្យបង្គោលព្រំដែនលេខ 65 លេខ65(13) លេខ65(38) និងចុះពិនិត្យផ្លូវខ្សែក្រវាត់ព្រំដែនស្រុកកែវសីមា ដល់ស្រុកស្នួល ខេត្តក្រចេះ មណ្ឌលគិរី៖ នាព្រឹកថ្ងៃអង្គារ ទី១៧ ខែកញ្ញា ឆ្នាំ២០២៤ ឯកឧត្តម ឈួន វិន រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តមណ្ឌលគិរី ឯកឧត្តម ម៉ែន ង៉ុយ ប្រធានក្រុមប្រឹក្សាខេត្តមណ្ឌលគិរី ឯកឧត្តម ថង សាវុន អភិបាលនៃគណៈអភិបាលខេត្តមណ្ឌលគិរី រួមដំណើរដោយមន្ត្រីជំនាញ និងអាជ្ញាធរពាក់ព័ន្ធ បានអញ្ជើញចុះពិនិត្យបង្គោលព្រំដែនលេខ 65 លេខ65(13) លេខ65(38) និងចុះពិនិត្យផ្លូវខ្សែក្រវាត់ព្រំដែនស្រុកកែវសីមា ខេត្តមណ្ឌលគិរី ដល់ស្រុកស្នួល ខេត្តក្រចេះ រវាងព្រំដែនកម្ពុជា-វៀតណាម។

សាលាក្រុងភ្នំពេញ ២៣ ខែ កញ្ញា ឆ្នាំ ២០២៤ ម៉ោង ១៤:៣៨ ខេត្តមណ្ឌលគីរី ៖ ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ សូមអោយប្រជាពលរដ្ឋខ្មែរទាំងអស់ជឿជាក់លើការដឹកនាំរបស់សម្តេចតេជោ ហ៊ុន សែន អតីតនាយករដ្ឋមន្ត្រី និងជាប្រធានព្រឹទ្ធសភា នៃកម្ពុជា និងបន្តដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ដោយប្រជាពលរដ្ឋរស់នៅតំបន់ព្រំដែន នៃខេត្តទាំង៤ និងតំបន់ផ្សេងទៀត នឹងទទួលបាននូវការអភិវឌ្ឍរីកចម្រើនដូចគ្នា ។ ការលើកឡើងបែបនេះរបស់លោកអភិបាលរាជធានីភ្នំពេញ បានធ្វើឡើងនាព្រឹកថ្ងៃទី២៣ ខែកញ្ញា ឆ្នាំ២០២៤នេះ ឯកឧត្ដម និងលោកជំទាវ ដឹកនាំមន្ត្រីរាជការចំណុះអោយរដ្ឋបាលរាជធានីភ្នំពេញ ជិត៥០០នាក់ ចុះធ្វើទស្សនកិច្ចនៅបង្គោលដែនលេខ៦៥ ឡាប៉ាខេ (កម្ពុជា-វៀតណាម) ក្នុងភូមិអូអាម ឃុំស្រែខ្ទុំ ស្រុកកែវសីម៉ា ខេត្តមណ្ឌលគីរី ពោលគឺក្រោយឯកឧត្ដម និងលោកជំទាវ បានដឹកនាំប្រតិភូសាលារាធានីភ្នំពេញ ចុះសួរសុខទុក្ខ និងចែកអំណោយដល់កងទ័ពជួរមុខ នៅ បញ្ជាការដ្ឋានកងពលធំអន្តរាគមន៍លេខ៣ កងពលតូចអន្តរាគមន៍លេខ៩ កងពលតូចអន្តរាគមន៍លេខ១២៨ និងកងនគរបាលជាតិវរសេនាតូចការពារព្រំដែនលេខ៧៩៣ ស្ថិតនៅក្នុងភូមិសាស្ត្រ ខេត្តព្រះវិហារ និងភូមិសាស្ត្រ ខេត្តស្ទឹងត្រែង កាលពីថ្ងៃទី២២ កញ្ញា ម្សិលម៉ិញ ។ ឯកឧត្ដម ឃួង ស្រេង បានមានប្រសាសន៍លើកឡើងថា កាលដែលឯកឧត្ដមដឹកនាំមន្ត្រីរាជការ ចំណុះអោយរដ្ឋបាលរាជធានីភ្នំពេញ ចុះមកពិនិត្យមើលបង្គោលព្រំដែន លេខ៦៥ ឡាប៉ាខេនេះ គឺក្នុងគោលបំណង ដើម្បីអោយមន្ត្រីទាំងអស់ បានឃើញពីស្ថានភាពព្រំដែន ពិតប្រាកដ គឺមិនមានការរំកិល ឬរំលោភយកដី ដូចការញ៉ុះញ៉ុងពីក្រុមជ្រុលនិយមឡើយ។ ក្រោយពីបានឃើញពីស្ថានភាពពិតជាក់ស្តែងហើយ សូមបងប្អូនយកទៅផ្សព្វផ្សាយតគ្នា ជូនប្រជាពលរដ្ឋ នៅក្នុងរាជធានីភ្នំពេញ ថា ព្រំដែនកម្ពុជា ត្រូវបានថែទាំយ៉ាងគត់មត់ បូរណៈភាពទឹកដី ត្រូវបានរក្សាបានយ៉ាងល្អប្រសើរ ក្នុងការដឹកនាំរបស់សម្ដេចតេជោ និងសម្ដេចធិបតី។ នេះជាសារមួយ សូមផ្ញើជូនដល់ប្រជាពលរដ្ឋទាំងអស់ និយាយដោយឡែក ប្រជាពលរដ្ឋក្នុងរាជធានីភ្នំពេញ តែបើនិយាយជារួម សូមអោយប្រជាពលរដ្ឋ នៅក្នុងព្រះរាជាណាចក្រកម្ពុជា មានជំនឿជឿជាក់លើការដឹកនាំរបស់សម្ដេចធិបតី។ រាជរដ្ឋាភិបាល ក្រោមការដឹកនាំរបស់អតីតនាយករដ្ឋមន្ត្រី គឺសម្ដេចតេជោ ហ៊ុន សែន ក៏ដូចជានីតិការទី៧ នៃរដ្ឋសភា ដែលបន្តដឹកនាំដោយសម្ដេចធិបតី បានថែទាំយ៉ាងគត់មត់ នៅទឹកដី និងបូរណាភាពទឹកដី ដោយចាប់ពីថ្ងៃរំដោះ ៧មករា រហូតដល់បច្ចុប្បន្ននេះ ទឹកដីកម្ពុជា មិនទាន់បាត់មួយមីលីម៉ែត្រណាឡើយ ។ ឯកឧត្ដមបន្តថា សម្តេចទាំងទ្វេ បានដកអាវុធចេញពីសត្រូវ ធ្វើកិច្ចការងារដោយជំហ៊ានបោះទៅមុខ ក្នុងការអភិវឌ្ឍជូនជាតិមាតុភូមិ មិនទុកឲ្យប្រជាពលរដ្ឋ នៅក្នុងតំបន់ណាមួយ ដាច់ឯកកោដោយមិនមានការអភិវឌ្ឍនោះទេ សុំមានការជឿជាក់ និងខិតខំប្រឹងប្រែងទាំងអស់គ្នា។អ្វីដែលសំខាន់ គឺប្រជាពលរដ្ឋយើងទាំងអស់គ្នា រួមចិត្តតែមួយ ឯកភាព ជាឯកច្ឆ័នការពារឱ្យខានតែបាន នូវសន្តិភាព ទោះក្នុងតម្លៃណាក៏ដោយ សន្តិភាពជាតម្លៃសារវន្ត ដែលមិនអាចបាត់បង់បានទេ ចង់បានការអភិវឌ្ឍ ត្រូវថែទាំសន្តិភាពនេះ អោយបានរឹងមាំ ស្ថិតថេ ទៅថ្ងៃអនាគត ដើម្បីយុវជនរបស់យើងស្គាល់នូវភាពសុខសាន្ត និងការរីកចម្រើន ។ ឯកឧត្ដមអភិបាលរាជធានីបន្តថា ការខិតខំប្រឹងប្រែងបោះបង្គោលព្រំដែន សម្តេចយល់ច្បាស់ណាស់ថា បោះបង្គោលព្រំដែន ដើម្បីធ្វើឱ្យកន្លែងព្រំដែននេះ ជាតំបន់អភិវឌ្ឍន៍។ ប្រទេសមានប្លង់រឹង កាលណាបោះបង្គោលព្រំដែនហើយ បានន័យថា ប្រទេសមានប្លង់រឹង ដូចផ្ទះយើង ដីយើង មានប្លង់រឹង អញ្ចឹងមិនអាចរំលោភបានទៀតទេ នៅពេលយើងមានបង្គោលព្រំដែនពិតប្រាកដ។ នេះជាមោទនៈភាពរបស់ជាតិខ្មែរ ដែលបានបាត់បង់សន្តិភាពជាង៥០០ឆ្នាំកន្លងមក ។ ឯកឧត្ដម ឃួង ស្រេង ក៏បានអំពាវនាវអោយបងប្អូនប្រជាពលរដ្ឋទាំងអស់ ត្រូវរួមគ្នាជាធ្លុងមួយ រក្សាសន្តិភាពអោយបានគង់វង់ ដើម្បីអោយកម្ពុជាឈានទៅសម្រេចបាននូវចក្ខុវិស័យ ក្លាយជាប្រទេសមានចំណូលមធ្យមកម្រិតខ្ពស់នៅឆ្នាំ ២០៣០ និងក្លាយជាប្រទេសមានចំណូលខ្ពស់នៅឆ្នាំ២០៥០ ៕

ចុះផ្សាយនៅថ្ងៃ៖ 03/06/2010 - 13:47 RFI អាជ្ញាធររារាំងក្រុមតំណាងរាស្ត្រសមរង្ស៊ីមិនឲ្យទៅកន្លែងបោះបង្គោលព្រំដែន អាជ្ញាធរប៉ូលីស និងអ្នកភូមិ បានរារាំង ឈរពាំងផ្លូវក្រុមអ្នកតំណាងរាស្ត្រគណបក្សសមរង្ស៊ី រួមនឹងសកម្មជនអ្នកគាំទ្រ មិនឲ្យធ្វើដំណើរចុះទៅពិនិត្យ បង្គោលតម្រុយព្រំដែនកម្ពុជា-វៀតណាម លេខ ២៧០ នៅព្រឹកថ្ងៃទី៣មិថុនានេះ។ បង្គោលតម្រុយព្រំដែន លេខ ២៧០ នៅភូមិអញ្ចាញ ស្រុកបូរីជលសា ខេត្តតាកែវ ត្រូវបានអ្នកភូមិមួយចំនួន និងគណបក្សសមរង្ស៊ី អះអាងថា បានបោះចូលលើដីស្រែរបស់កសិករខ្មែរ។ ក្នុងដំណើរឆ្ពោះទៅកាន់តំបន់ព្រំដែនកម្ពុជាវៀតណាម ក្នុងខេត្តតាកែវ នៅថ្ងៃនេះ ក្រុមអ្នកតំណាងរាស្ត្រគណបក្សសមរង្ស៊ី រួមទាំងសកម្មជនគាំទ្រ និងអ្នកកាសែត សរុបជិត ១០០ នាក់ បានចេញពីភ្នំពេញ តាមរថយន្ត។ ប៉ុន្តែនៅពេលអាជ្ញាធរសមត្ថកិច្ច រាំងបិទផ្លូវ ដោយដាក់ត្រាក់ទ័រកាត់ស្ពានផងនោះ ពួកគេបានធ្វើដំណើរតាមម៉ូតូ កាត់វាលស្រែ ហើយពេលខ្លះត្រូវដើរថ្មើរជើង និងឆ្លងកាត់ទឹកព្រែក។ នៅតាមផ្លូវ មានការរារាំងឃាត់ដំណើរពីសំណាក់អាជ្ញាធរសមត្ថកិច្ច និងក្រុមអ្នកភូមិ ដោយបង្កជារូបភាព នៃការខូចត្រាក់ទ័រ ហើយដាក់នៅពាំងផ្លូវ កណ្តាលស្ពាន មិនឲ្យរថយន្តបើកឆ្លងកាត់ និងរារាំង មិនឲ្យក្រុមអ្នកតំណាងរាស្ត្រគណបក្សប្រឆាំងឆ្លងកាត់ស្ពាន ជាដើម។ រាល់ពេលនៃការរារាំងបិទផ្លូវទាំងនោះ មានការសួរនាំ ជាពាក្យសំដីបន្តិចបន្តួច តែមិនមានការប៉ះទង្គិចដល់ថ្នាក់ប្រើអំពើហិង្សា បង្ករបួសស្នាមនោះទេ។ សមត្ថកិច្ចប៉ូលីសការពារព្រំដែន បានអះអាងថា ការរារាំងឃាត់ដំណើរនេះ ដោយសារតែក្រុមតំណាងរាស្ត្រគណបក្សសមរង្ស៊ីពុំមានលិខិតបំពេញបេសកកម្ម និងលិខិតអនុញ្ញាតដើម្បីចុះទៅកាន់តំបន់បោះបង្គោលតម្រុយព្រំដែន ដែលកំពុងដំណើរការដោយរដ្ឋាភិបាលកម្ពុជា-វៀតណាម។ ក៏ប៉ុន្តែ លោក យឹម សុវណ្ណ អ្នកតំណាងរាស្ត្រ និងជាអ្នកនាំពាក្យគណបក្សសមរង្ស៊ី ដែលធ្វើដំណើរចុះទៅកាន់តំបន់ព្រំដែន ក្នុងខេត្តតាកែវ បានប្រាប់ក្រុមអ្នកកាសែត ដែលចុះតាមយកព័ត៌មានដោយផ្ទាល់ថា ការរារាំងដំណើររបស់ក្រុមអ្នកតំណាងរាស្ត្រគណបក្សសមរង្ស៊ីនេះ អាចមានអាថ៌កំបាំងលើដំណើរការបោះបង្គោលកំណត់ព្រំដែន។ ការបោះបង្គោលតម្រុយព្រំដែននោះ អាចចូលលើដីប្រជាពលរដ្ឋខ្មែរ ដូចការលើកឡើងរបស់ក្រុមអ្នកភូមិពិតមែន។ ម្យ៉ាងទៀត នៅតាមបណ្តោយព្រំដែនកម្ពុជា-វៀតណាម មានកន្លែងខ្លះ ការបោះបង្គោលព្រំដែនបានចូលលើដីប្រជាពលរដ្ឋខ្មែរ។ ចំណែកបុរសអ្នកភូមិអញ្ចាញ ឃុំជ័យជោគ ជាប់ព្រំដែន-វៀតណាម បានអះអាងថា ដីស្រែរបស់គាត់ ត្រូវបានអាជ្ញាធរបោះបង្គោល ចូលប្រហែលជា ៣០០ ម៉ែត្រ ហើយបើគិតទៅដីស្រែគាត់ត្រូវបាត់បង់ប្រហែលជា ៣ ហិកតា ដោយសារការបោះបង្គោលកំណត់ព្រំដែន។ យ៉ាងណាក៏ដោយ ក្នុងដំណើរការបោះបង្គោលតម្រុយព្រំដែនកម្ពុជា-វៀតណាម លេខ ២៧០ នៅភូមិអញ្ចាញ ឃុំជ័យជោគ ស្រុកបូរីជលសា ខេត្តតាកែវ ត្រូវបានលោកទេសរដ្ឋមន្ត្រី វ៉ា គីមហុង ទទួលបន្ទុកកិច្ចការព្រំដែនរបស់រដ្ឋាភិបាលកម្ពុជា គូសបញ្ជាក់ថា មិនមានការបោះចូលលើដីស្រែរបស់ប្រជាកសិករខ្មែរទេ។ ដីនៅតំបន់នោះ ជាវាលស្មៅ និងមិនមានកម្មសិទ្ធិរបស់ជនណាម្នាក់ឡើយ៕

18-08-2024Kampucheathmey] - ផ្លូវក្រវាត់ព្រំដែនជាង ១០០ គីឡូម៉ែត្រតភ្ជាប់គ្នាយ៉ាងប្រទាក់ក្រឡាពីខេត្តត្បូងឃ្មុំ ដល់ខេត្តមណ្ឌលគិរី អាជ្ញាធរមូលដ្ឋានក្នុងឃុំ ២ ធ្នូ ស្រុកស្នួល ខេត្តក្រចេះបានឲ្យកម្ពុជាថ្មីដឹងថា ផ្លូវក្រវាត់ព្រំដែនមួយខ្សែសាងសង់ឆ្លងកាត់ខេត្តក្រចេះតភ្ជាប់ពីស្រុកពញាក្រែកព្រំប្រទល់ខេត្តត្បូងឃ្មុំ ទៅស្រុកកែវសីមាខេត្តមណ្ឌលគីរី ផ្តល់លទ្ធភាពអាចឲ្យពលរដ្ឋធ្វើដំណើរពីតំបន់មួយទៅតំបន់មួយបានយ៉ាងងាយស្រួល។មេឃុំ ២ ធ្នូ លោក ទន់ គង់ បានគូសបញ្ជាក់ថា រដ្ឋាភិបាលបានស្ថាបនា ផ្លូវក្រវាត់ព្រំដែនប្រវែងជាង ១០០ គីឡូម៉ែត្រចាប់ពីព្រំប្រទល់ខេត្តត្បូងឃ្មុំ ក្នុងស្រុកពញាក្រែក កាត់តាមស្រុកស្នួលខេត្តក្រចេះ បន្តរហូតដល់ស្រុកកែវសីមាព្រំប្រទល់ខេត្តមណ្ឌលគិរី។ តាមរយៈផ្លូវក្រវាត់ព្រំដែនសាងសង់ក្រាលដោយក្រួសក្រហម បានសម្រួលដល់ការរស់នៅនិងការធ្វើដំណើររបស់ពលរដ្ឋឆ្លងកាត់ពីតំបន់មួយទៅតំបន់បានយ៉ាងងាយស្រួល។ នៅលើខ្សែផ្លូវក្រវាត់ព្រំដែនប្រវែងជាង ១០០ គីឡូម៉ែត្រនេះ ក៏មានការសាងសង់ស្ពានមួយឆ្លងកាត់ព្រែកទីមាំងបន្តភ្ជាប់ជាមួយផ្លូវក្រួសក្រហម។ មេឃុំ ២ ធ្នូបានលើកឡើងថា តាមផ្លូវក្រវាត់ព្រំដែនបច្ចុប្បន្ន មានពលរដ្ឋរាប់រយគ្រួសារកំពុងតាំងទីលំនៅ ដោយប្រកបរបរធ្វើចម្ការ និងដាំដុះដំណាំផ្សេងៗ តាមរយៈដីសម្បទានសង្គមកិច្ចផ្តល់ពីរាជរដ្ឋាភិបាល។ ខេត្តក្រចេះបានបញ្ចប់ការបោះបង្គោលព្រំដែនជាមួយប្រទេសវៀតណាមសរុបមានចំនួន ១៥៦ បង្កោល ដោយមានបង្គោលធំ ១២ និងបង្គោលតូចចំនួន ១៤៤។ លោក មេឃុំ ២ ធ្នូបានបញ្ជាក់ថា មូលដ្ឋានការពារទឹកដីសំខាន់គឺមានបង្គោលព្រំដែនច្បាស់លាស់ មានផ្លូវក្រវាត់ព្រំដែន រួមទាំងការចែកដី ដល់ពលរដ្ឋរស់នៅតាមបន្ទាត់ព្រំដែន ដែលជាគ្រឹះរបងការពារទឹកដីយ៉ាងរឹងមាំ។ លោកបន្តដោយក្តីរំពឹងទុកថា នៅថ្ងៃខាងមុខតំបន់ព្រំដែននឹងកាន់តែរីកចម្រើនទៅមុខ តាមរយៈគោលនយោបាយជំរុញការអភិវឌ្ឍហេដ្ឋារចនាសម្ព័ន្ធផ្សេងៗនៅតាមព្រំដែន ដែលនឹងជំរុញឲ្យពលរដ្ឋមករស់នៅកាន់តែច្រើន។ ក្នុងឱកាសចូលរួមក្នុងពិធីជួបសំណេះសំណាល និងពិសាភោជនាហាររៀបចំឡើងដោយសមាគមឧកញ៉ាកម្ពុជា និងសមាគមអ្នកអភិវឌ្ឍន៍លំនៅឋានកម្ពុជា កាលពីរសៀលថ្ងៃទី ០២ ខែសីហា ឆ្នាំ២០២៤ នាយករដ្ឋមន្ត្រីកម្ពុជា សម្តេចធិបតី ហ៊ុន ម៉ាណែត បានអះអាងថា ផ្លូវក្រវាត់ព្រំដែនដែលកម្ពុជាបានសាងសង់ កន្លែងខ្លះមានចម្ងាយត្រឹម ១០ ទៅ ៣០ ម៉ែត្រពីបង្គោលព្រំដែនប៉ុណ្ណោះ។ សម្តេចធិបតី ហ៊ុន ម៉ាណែត បានថ្លែងថា តាមរយៈផ្លូវក្រវាត់ព្រំដែន ពលរដ្ឋអាចជិះធ្វើដំណើរមើលឃើញបង្គោលព្រំដែនបានយ៉ាងកៀក ដែលកន្លែងខ្លះមានចម្ងាយត្រឹម ១០ ទៅ ៣០ ម៉ែត្រប៉ុណ្ណោះ។ប្រមុខដឹកនាំកម្ពុជាបានបន្តថា ក្នុងពេលជួបជជែកជាមួយប្រជាពលរដ្ឋរស់នៅតាមបន្ទាត់ព្រំដែនកាលពីពេលថ្មីៗនេះ ពលរដ្ឋបានលើកពីការស្ថាបនាផ្លូវតាមក្រវាត់ព្រំដែន ដែលពីមុនអត់ទាន់មានផ្លូវ ពលរដ្ឋចង់ធ្វើដំណើរពីភូមិមួយទៅភូមិមួយ ត្រូវសុំផ្លូវចូលតាមទឹកដីប្រទេសវៀតណាម។ ប៉ុន្តែក្រោយមានផ្លូវក្រវាត់ព្រំដែន ពលរដ្ឋអាចធ្វើដំណើរពីភូមិមួយទៅភូមិមួយដោយមិនបាច់សុំផ្លូវចូលតាមប្រទេសវៀតណាមទៀតទេ។ ពលលរដ្ឋខេត្តក្រចេះ ស្ទឹងត្រែង មណ្ឌលគិរី និងរតនគិរី នឹងត្រូវតភ្ជាប់គ្នាតាមរយៈផ្លូវក្រវាត់ព្រំដែន ខណៈដែលមេដឹកនាំកម្ពុជា បានចារឱ្យកងវិស្វកម្មខិតខំពុះពារបន្តស្ថាបនាផ្លូវក្រវាត់ព្រំដែនឱ្យទៅដល់ តំបន់មុំ ៣ កន្ទុយនាគ។ នាយករដ្ឋមន្រ្តីកម្ពុជាក៏បង្ហាញវឌ្ឍនភាពនៃការស្ថាបនាផ្លូវក្រវាត់ព្រំដែនតាមបណ្តាខេត្តភាគឦសាន ដែលក្នុងនោះខេត្តក្រចេះបានស្ថាបនាផ្លូវក្រវាត់ព្រំដែនបញ្ចប់ទាំងស្រុង។ ខេត្តមណ្ឌលគិរីសាងសង់បានប្រវែង ១៥៥ គីឡូម៉ែត្រលើប្រវែងផ្លូវ ៣១៩ គីឡូម៉ែត្រ និងខេត្តរតនគីរីបានប្រវែង ៨៩ គីឡូម៉ែត្រលើប្រវែងផ្លូវ ២២០ គីឡូម៉ែត្រ និងកំពុងបន្តជំរុញសាងសង់ឲ្យដល់តំបន់កន្ទុយនាគ។ ទាក់ទងកិច្ចការពារបូរណភាពទឹកដី សម្តេចធិបតីបានបានគូសបញ្ជាក់ថា ត្រូវតែបោះបង្គោលព្រំដែនឲ្យបានច្បាស់លាស់។ សម្តេចបានលើកឡើងយ៉ាងដូច្នេះថា «បង្គោលព្រំដែនពីមុនក្នុងខេត្តភាគឦសានមិនមានទេ។ បង្គោលព្រំដែនមានតែពីកំពតទៅកំពង់ចាម ហើយពីកំពង់ចាមទៅកន្ទុយនាគខេត្តរតនគិរីអត់មានទេ មានតែព្រំដែនរដ្ឋបាល។ ប៉ុន្តែយើងបានបោះបង្គោលព្រំដែនពីឆ្នាំ ២០០៧ មក។ ការបោះបង្គោលដើម្បីកំណត់ព្រំប្រទេសនិងប្រទេស»។ នៅក្នុងរយៈពេល ២៥ ឆ្នាំ នៃការបោះបង្គោលព្រំដែននៅខេត្តភាគឦសានជាប់ជាមួយប្រទេសវៀតណាម ពីឆ្នាំ២០០៦ ដល់ ២០១៨ ខេត្តក្រចេះបានបោះបង្គោលព្រំដែនមេបានចំនួន ១១ បង្គោល និងបង្គោលព្រំដែនបំពេញបន្ថែមបានចំនួន ១៤៤ បង្គោល។ ខេត្តមណ្ឌលគិរី ពីឆ្នាំ ២០០៧ ដល់ ២០១៨ បានបោះបង្គោលមេបានចំនួន ៣៥ បង្គោល និងបង្គោលបំពេញបន្ថែមបានចំនួន ៣៧៥ បង្គោល និងបង្គោលតម្រុយបានចំនួន ១១ បង្គោល និងខេត្តរតនគិរី បោះបង្គោលមេបានចំនួន ៤០ បង្គោល បង្គោលបំពេញបន្ថែមបានចំនួន ១៥៣ បង្គោល និងបង្គោលតម្រុយបានចំនួន ៤ បង្គោល។សម្តេចថា បង្គោលរាប់រយដែលបានបោះមកនេះ ដើម្បីបញ្ជាក់ពីសុឆន្ទៈរបស់រាជរដ្ឋាភិបាលក្នុងការពារបូរណភាពទឹកដី ដើម្បីអនាគតវែងឆ្ងាយសម្រាប់អ្នកជំនាន់ក្រោយ។ មិនត្រឹមតែបោះបង្គោលព្រំដែននោះទេ បើតាមនាយករដ្ឋមន្រ្តីកម្ពុជា រាជរដ្ឋាភិបាលក៏មានគោលនយោបាយអភិវឌ្ឍន៍នៅតាមតំបន់ព្រំដែន ដើម្បីលើកទឹកចិត្តនិងជំរុញឲ្យពលរដ្ឋឲ្យទៅរស់នៅកាន់តែច្រើន។ ឆ្លើយតបទៅសំនួររបស់កម្ពុជាថ្មីនៅក្នុងសន្និសីទពីវឌ្ឍនភាព ៥ ឆ្នាំរបស់ក្រសួងការពារជាតិនៅទីស្តីការគណៈរដ្ឋមន្រ្តីកន្លងទៅ លោក ឈុំ សុជាតិ អ្នកនាំពាក្យក្រសួងការពារជាតិបានបញ្ជាក់ថា «ឥលូវនេះយើងអាចធ្វើដំណើរមួយជុំស្រុកខ្មែរបាន។ បើយើងធ្វើដំណើរពីខេត្តកោះកុង អាចដើរមួយជុំប្រទេសតាមផ្លូវក្រវាត់ព្រំដែន គ្រាន់តែកន្លែងខ្លះផ្លូវរងការខូចខាតដោយអន្លើដែលត្រូវធ្វើការជួសជុល តែនិយាយរួមគឺ ៩០% យើងអាចធ្វើដំណើរបាន»។ លោក ឈុំ សុជាតិ បានបន្តថា ក្រៅពីការបំពេញការងារស្នូលលើកិច្ចការពារសន្តិសុខជាតិ កងយុទ្ធពលខេមរភូមិន្ទបានរួមចំណែកកសាងហេដ្ឋារចនាសម្ព័ន្ធ ក្នុងនោះបានស្ថាបនាផ្លូវយុទ្ធសាស្ត្រតាមបន្ទាប់ព្រំដែនជាមួយប្រទេសជិតខាងបានរាប់រយគីឡូម៉ែត្រ។ កាលពីឆ្នាំ ២០០៩ រដ្ឋាភិបាលបានបញ្ចេញថវិកាជាតិក្នុងការស្ថាបនាផ្លូវយុទ្ធសាស្ត្រតាមបណ្តោយព្រំដែនកម្ពុជា-ថៃ ចាប់ពីខេត្តបន្ទាយមានជ័យរហូតដល់ខេត្តស្ទឹងត្រែងមានប្រវែងសរុប ១.២៨៧ គីឡូម៉ែត្រ ដែលបានដាក់សម្ពោធនៅឆ្នាំ ២០១២។ បើតាមលោក ឈុំ សុជាតិ ការស្ថាបនាផ្លូវតាមក្រវាត់ព្រំដែន ជាយុទ្ធសាស្រ្តក្រៅពីជួយសម្រួលកងកម្លាំងឈរជើងការពារបូរណភាពទឹកដី និងបានចូលរួមលើកស្ទួយជីវភាពពលរដ្ឋរស់នៅតាមបន្ទាត់ព្រំដែន៕

ហេតុផល នៃការគាំទ្រ ឬ ប្រឆាំង លើកករណី រដ្ឋាភិបាល សន្ធិសញ្ញាព្រំដែន ការបោះបង្គោលព្រំដែន ការធ្វើរបងព្រះដែន ការធ្វើ MOU អភិវឌ្ឍន៍រួមគ្នា កម្ពុជា វៀតណាម ឡាវ, កម្ពុជា ថៃ ឡាវ ភូមារ

ដោយ ទីន ហ្សាការីយ៉ា 2020-08-27 រដ្ឋាភិបាល ប្រគល់ផែនទីថ្មី ខ្នាត ១/២៥ ០០០ ឲ្យអាជ្ញាធរយកទៅប្រើប្រាស់ជាឯកសារព្រំដែនផ្លូវការជាមួយប្រទេសវៀតណាម រដ្ឋាភិបាល លោក ហ៊ុន សែន ប្រគល់ផែនទីថ្មីខ្នាត មួយលើម្ភៃប្រាំពាន់ (១/២៥.០០០) ឲ្យអាជ្ញាធរ ជាតំណាងស្ថាប័នជាតិ និងអភិបាលខេត្តជាប់ព្រំដែនវៀតណាម សរុប ៣៥ស្ថាប័ន យកទៅប្រើប្រាស់ ជាផ្លូវការ។ គណបក្សប្រឆាំង ថ្កោលទោសការប្រើប្រាស់ផែនទីថ្មីនេះ ដោយអះអាងថា ខុសពីផែនទីដើមរបស់បារាំង និងធ្វើឲ្យបាត់បង់ដីខ្មែរ តាមព្រំដែន ជាងបីពាន់ ៣.០០០ហិកតារ។ រដ្ឋមន្ត្រីក្រសួងការពារជាតិ លោក ទៀ បាញ់ ប្រាប់ក្រុមអ្នកសារព័ត៌មានថា ផែនទីខ្នាត ១/២៥.០០០នេះ គឺ ជាជោគជ័យដ៏អស្ចារ្យសម្រាប់ឯកសារជាតិ ដែលមានសារសំខាន់ធំធេង។ លោកបានព្រមាន មិនអត់ឱនឲ្យនរណាម្នាក់ ដែលហ៊ាន ចោទប្រកាន់ថា ការផលិត និងបោះពុម្ពផែនទីខ្នាត ១/២៥.០០០ នេះ ធ្វើឱ្យបាត់ទឹក បាត់ដីខ្មែរឡើយ ព្រោះលោកអះអាងថា ទម្រាំផលិតបានផែនទីនេះ ទុកជាឯកសារសម្រាប់ប្រើប្រាស់នោះ រដ្ឋាភិបាលមានការលំបាកខ្លាំងណាស់។ ទោះជាយ៉ាងណា លោក ទៀ បាញ់ ប្រាប់ថា រដ្ឋាភិបាលមិនទាន់មានគម្រោងជាក់លាក់ ក្នុងការយកផែនទីខ្នាត ១/២៥.០០០ នេះ ទៅតម្កល់នៅអង្គការសហប្រជាជាតិនៅឡើយទេ៖ «សម្រាប់ឲ្យគ្នាយើងទាំងអស់គ្នានេះ ប្រើប្រាស់ គឺនេះហើយ ជាផែនទីពិតប្រាកដ ដែលយើងបានធ្វើ។ ពីមុនមក មិនដែលមានទេ បានឃើញច្បាស់លាស់ នៅក្នុងភូមិសាស្ត្រ ឬក៏លើទឹកដីជាក់ស្ដែងនីមួយៗ ព្រមជាមួយនេះ យើងបានភាពជាក់លាក់ហើយ យើងបានបោះបង្គោល ជាការសម្គាល់ជាជាក់លាក់នេះ មិនដែលធ្វើបានទេ ពីមុនមក។ លើកនេះ យើងធ្វើបាន ហើយមានចែងពិតប្រាកដ។ នៅថ្ងៃនេះ ដែលបានប្រគល់ (ផែនទីខ្នាត ១/២៥.០០០) ឲ្យតាមស្ថាប័នទៅ ជាមោទនភាពខ្លាំងណាស់។ យើងមានមូលដ្ឋានរឹងមាំ ក្នុងការដោះស្រាយបញ្ហារបស់យើង»។ លោក ទៀ បាញ់ បានចោទប្រកាន់អ្នករិះគន់ផែនទីថ្មីនេះថា ជាក្រុមបក្សប្រឆាំងជ្រុលនិយម ហើយចោទប្រកាន់ទាំងងងឹតងងល់ ព្រោះ លោកអះអាងថា កម្ពុជា មានបញ្ហាព្រំដែនមិនមែនតែជាមួយប្រទេសវៀតណាមទេ គឺមានទាំងជាមួយប្រទេសថៃ និងឡាវ តែបែរជានិយាយ តែបញ្ហាព្រំដែនជាមួយវៀតណាម។ មន្ត្រីជាន់ខ្ពស់របបក្រុងភ្នំពេញរូបនេះ អះអាងទៀតថា ទម្រាំមាន ការឯកភាពគ្នា លើផែនទីខ្នាត១/២៥.០០០ នេះ គឺរដ្ឋាភិបាល បានឆ្លងកាត់នីតិវិធីផ្លូវច្បាប់ទាំងអស់ ដោយទទួលបានការអនុម័តយល់ព្រមពីសភា។ ថ្វីបើលោក ទៀ បាញ់ អះអាងបែបនេះក្តី ក៏កន្លងមកស្ថាប័ននីតិបញ្ញត្តិ នៃរបបក្រុងភ្នំពេញ មិនធ្លាប់ផ្សព្វផ្សាយ ព័ត៌មាននៃការអនុម័តយល់ព្រមឲ្យរដ្ឋាភិបាលប្រើប្រាស់ផែនទីថ្មី ខ្នាត ១/២៥.០០០ ពីមុនមកទេ។ តែយ៉ាងណា សភាឯកបក្សបានអនុម័ត យល់ព្រម លើសន្ធិសញ្ញាព្រំដែនឆ្នាំ២០១៩ ដែលជាសន្ធិសញ្ញាថ្មីមួយទៀតបំពេញបន្ថែមលើសន្ធិសញ្ញាកំណត់ព្រំដែនរដ្ឋឆ្នាំ១៩៨៥ និងសន្ធិសញ្ញាបំពេញបន្ថែមឆ្នាំ២០០៥ ដែលទង្វើនេះ ត្រូវបានក្រុមអ្នកឃ្លាំមើល អះអាងថា ជាការរំលោភលើកិច្ចព្រមព្រៀងសន្តិភាពទីក្រុងប៉ារីស និងបំពានរដ្ឋធម្មនុញ្ញ។ ផែនទីថ្មី ខ្នាត ១/២៥.០០០ ទើបត្រូវបានប្រកាស នៅដើមខែសីហានេះ នៅពេល គណៈកម្មាធិការចម្រុះកិច្ចការព្រំដែនរបស់រដ្ឋាភិបាល បានទៅទទួលយកផែនទីខ្នាតថ្មី ជាសម្ងាត់ ពីរដ្ឋាភិបាលវៀតណាម នៅច្រកព្រំដែនម៉ុកបាយ (Moc Bai) ខេត្តតៃនិញ (Tay Ninh) ជាប់ខេត្តស្វាយរៀង។ រដ្ឋាភិបាល អះអាងថា ផែនទីខ្នាត មួយលើម្ភៃប្រាំពាន់ (១/២៥.០០០) នេះ ត្រូវបានចម្លងចេញពីផែនទីបោន (Bonce) ខ្នាតមួយលើមួយរយពាន់ (១/១០០.០០០) បន្សល់ទុកពីអាណានិគមបារាំង។ ផែនទីថ្មីនេះ បង្ហាញពីខ្សែបន្ទាត់ និង ព្រំដែនគោក រវាង កម្ពុជា និងវៀតណាម ប្រហែល ៣១៥បង្គោល ស្មើនិង ៨៤ភាគរយ នៃប្រវែងព្រំដែនគោកសរុប ជាងមួយពាន់ (១ ២៤៥) គីឡូម៉ែត្រ ដែលត្រូវបោះបង្គោលព្រំដែនសរុបចំនួន ៣៧១បង្គោល។ អាស៊ីសេរី មិនអាចសុំការបញ្ជាក់បន្ថែមពីតំណាងគណៈកម្មាធិការចម្រុះកិច្ចការព្រំដែនកម្ពុជា បានទេ នៅថ្ងៃទី២៧ សីហា ដោយសារ លោក វ៉ា គឹមហុង និងអ្នកស្រី កុយ ពិសី មិនទទួលទូរស័ព្ទ។ ទោះជាយ៉ាងណា លោកនាយករដ្ឋមន្ត្រី ហ៊ុន សែន កាលពីថ្ងៃទី១៥ សីហា បានធានាពីភាពត្រឹមត្រូវនៃផែនទីថ្មីនេះ ដោយអះអាងថា បានផ្ទៀងផ្ទាត់ម្ដងមួយសន្លឹក ដោយយកចិត្តទុកដាក់ ហើយបោះពុម្ព ដោយប្រទេសដាណឺម៉ាក។ លោក ហ៊ុន សែន អះអាងថា ផែនទីថ្មី នឹងធ្វើឲ្យកម្ពុជា ចំណេញដី ពីប្រទេសវៀតណាម ទំហំជាង ២.០០០ហិកតារ ហើយលោកថា ការប្រគល់ផែនទីខ្នាត១/២៥.០០០ឲ្យទៅតំណាងស្ថាប័នជាតិ ដើម្បីប្រើប្រាស់ជាឯកសារផែនទីផ្លូវការ សម្រាប់កម្ពុជា៖ «ផែនទីដែលយើងប្រើ មូលដ្ឋានដើមរបស់យើង ផែនទីខ្នាត ១/១០០.០០០ ដែលបោះពុម្ពដោយក្រុមភូមិសាស្ត្រឥណ្ឌូចិន គួបផ្សំជាមួយនឹងផែនទីUTM របស់អាមេរិក ខ្នាត ១/៥០.០០០។ ប៉ុន្តែ ដើម្បីធានាជាមួយនឹងការបោះបង្គោលជាក់លាក់ យើងត្រូវមានផែនទីមួយ ខ្នាត ១/២៥.០០០ ហើយបោះពុម្ពដោយប្រទេសដាណឺម៉ាកឯណោះ មិនមែនបោះពុម្ពដោយប្រទេសវៀតណាមទេ។យើងបានផ្ទៀងផ្ទាត់ជាមួយគ្នាក្នុងពេលដែលខ្ញុំចុះហត្ថលេខា ផ្ទៀងផ្ទាត់ជាមួយគ្នា អំពីគ្រប់សន្លឹកផែនទីទាំងអស់។ អ៊ីចឹងខាងវៀតណាមត្រូវទទួលប៉ុន្មានច្បាប់ ខាងយើងត្រូវទទួលប៉ុន្មាន? ស្មើភាពគ្នា»។ ផ្ទុយពីការអះអាងរបស់មេដឹកនាំរបបក្រុងភ្នំពេញ អ្នកជំនាញកិច្ចការព្រំដែន នៃគណបក្សប្រឆាំង មានមូលដ្ឋាន នៅសហរដ្ឋអាមេរិក បានថ្កោលទោស ការប្រើប្រាស់ផែនទីថ្មីនេះ ដោយអះអាងថា ផែនទីថ្មី ធ្វើឲ្យបាត់បង់ដី តាមខ្សែបន្ទាត់ព្រំដែន សរុបជាង ៣.០០០ហិកតារ។ ប្រធានគណៈកម្មាធិការកិច្ចការព្រំដែន និងអន្តោប្រវេសន៍ នៃគណបក្សសង្គ្រោះជាតិ លោក អ៊ុំ សំអាន រកឃើញថា ផែនទីថ្មី ខ្នាត ១/២៥.០០០ គូសវាស ជាឯកតោភាគី ដោយវៀតណាម គ្រាន់តែយកទៅបោះពុម្ព នៅប្រទេសដាណឺម៉ាកប៉ុណ្ណោះ។ លោកបន្តថា ផែនទីថ្មីនេះ បានដោះដូរខ្សែបន្ទាត់ ព្រំដែនសម័យអាណានិគមបារាំង ដោយរបបក្រុងភ្នំពេញ បានយកដីខ្មែរ តាមព្រំដែន ច្រើនទីតាំង ទៅដូរយកដីខ្មែរ ដែលវៀតណាមរំលោភបំពានមកវិញ ជាហេតុធ្វើឲ្យបាត់ដី តាមព្រំដែនសរុបជាង ៣ ០០០ហិកតារ។ លោក លើកឧទាហរណ៍ថា ដូចជា ករណីប្ដូរដីខ្មែរនៅតំបន់ផ្សេង ទៅយកដីខ្មែរ ក្នុងនៅភូមិកំណើតរបស់ប្រធានរដ្ឋសភា លោក ហេង សំរិន ជាដើម។ លោក អ៊ុំ សំអាន ប្ដេជ្ញាថា គណបក្សប្រឆាំង នឹងបន្តការតស៊ូមតិ គ្រប់រូបភាព ទាំងក្នុងឆាកជាតិ និងអន្តរជាតិ ដើម្បីទាមទារឲ្យរបបក្រុងភ្នំពេញ សើរើការបោះបង្គោលព្រំដែនវិញ៖ «គាត់ប្រគល់អាផែនទីខុសច្បាប់ ទៅឲ្យអនុវត្ត ធម្មតាទេ វាបាត់ដីខ្មែរយើង។ យកទៅអនុវត្ត អត់មានការពារដីខ្មែរយើងឲ្យបានគង់វង្សទេ។ អនុវត្ត ដើម្បីប្រគល់ដីខ្មែរយើង ទៅឲ្យយួនហ្នឹងឯង ព្រោះព្រំដែនហ្នឹង កំណត់ជាថ្មី ទៅតាមផែនទីថ្មីហ្នឹង។ មិនកំណត់ទៅតាមផែនទី ដែលធ្វើឡើងដោយបារាំង គឺផែនទីបោន (bonce) ខ្នាត ១/១០០.០០០ ដែលមានចំនួន២៦ផ្ទាំងទេ។ ផែនទីខ្នាត ១/២៥.០០០ នេះ មិនមែនជាផែនទី ដែលបម្លែងពីផែនទីបោន ខ្នាត១/១០០.០០០របស់បារាំងទេ ហើយក៏មិនមែនផែនទី បម្លែងពីផែនទីខ្នាត ១/៥០.០០០ របស់ទាហានអាម៉េរិកាំងដែរ គឺផែនទី គេគូសថ្មី តែម្ដង ទៅតាមការបោះបង្គោលបាន ៨៤ភាគរយ។ អាការបោះបង្គោល ៨៤ភាគរយ ហ្នឹង បោះទៅ តាមសន្ធិសញ្ញា ១៩៨៥ សម័យយួនគ្រប់គ្រង»។ រដ្ឋាភិបាលកម្ពុជា និង ប្រទេសវៀតណាម នៅសេសសល់ ការបង្គោលព្រំដែន ១៤ភាគរយទៀត ស្មើនឹង ៥៦បង្គោល ឋិតនៅ ខេត្តរតនគិរី មណ្ឌលគិរី ត្បូងឃ្មុំ ស្វាយរៀង ខេត្តកណ្ដាល និងខេត្តតាកែវ។

រដ្ឋធម្មនុញ្ញមាត្រា២ និងមាត្រា៥៥ ចែងថា បូរណភាពទឹកដីព្រះរាជាណាចក្រកម្ពុជា មិនអាចរំលោភបានដាច់ខាត ក្នុងព្រំដែនរបស់ខ្លួន ដែលមានកំណត់ក្នុងផែនទីខ្នាត ១/១០០.០០០ ធ្វើនៅចន្លោះឆ្នាំ ១៩៣៣-១៩៥៣ ហើយត្រូវបានទទួលស្គាល់ជាអន្តរជាតិនៅចន្លោះ ឆ្នាំ១៩៦៣-១៩៦៩។ សន្ធិសញ្ញា និងកិច្ចព្រមព្រៀងទាំងឡាយណា ដែលមិនស្របនឹងឯករាជ្យ អធិបតេយ្យ បូរណភាពទឹកដី អព្យាក្រឹតភាព និងឯកភាពជាតិ ត្រូវលុបចោល។

ទោះយ៉ាងណា លោកនាយករដ្ឋមន្ត្រី ហ៊ុន សែន ធ្លាប់អះអាងហើយថា រដ្ឋាភិបាល នឹងមិនសើរើ ការបោះបង្គោលព្រំដែន ជាមួយប្រទេសវៀតណាម ឡើងវិញទេ៕

បញ្ជាការដ្ឋានវិស្វកម្ម អគ្គបញ្ជាការ - Engineering Force Command, HC of RCAF 6 October at 02:11 · ដំណើរទស្សនកិច្ច នាទិសឦសានលេីតម្រាយផ្លូវខេត្តរតនគិរី និងខេត្តស្ទឹងត្រែង ប្រជាពលរដ្ឋបានឃេីញច្បាស់ និងកាន់តែជឿជាក់លើរាជរដ្ឋាភិបាលកម្ពុជាក្រោមការដឹកនាំរបស់សម្ដេចមហាបវរធិបតី ===== (រតនគិរី-ស្ទឹងត្រែង) ៖ ជាលើកទី៤ ហើយក្រុមមគ្គុទ្ទេសក៍ នៃបញ្ជាការដ្ឋានវិស្វកម្ម អគ្គបញ្ជាការ ដែលដឹកនាំដោយឯកឧត្ដម ឧត្តមសេនីយ៍ត្រី សុង សុមនោ ប្រធានក្រុមមគ្គុទ្ទេសក៍ បន្តធ្វើបទបង្ហាញជូនបងប្អូនប្រជាពលរដ្ឋក្នុងដំណើរទស្សនកិច្ច នាទិសឦសាន នាថ្ងៃសៅរ៍៣កេីត និងថ្ងៃអាទិត្យ៤កេីត ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹង ថ្ងៃទី៥-៦ ខែតុលា ឆ្នាំ២០២៤ នៅលើទឹកដីចំនួន២ខេត្តគឺ ខេត្តរតនគិរី និងខេត្តស្ទឹងត្រែង ដែលមានចំនួនចូលរួមសរុប ២៥០នាក់ ។

ក្រោយពីបងប្អូនប្រជាពលរដ្ឋបានចូលរួមក្នុងដំណើរទស្សនកិច្ច នាទិសឦសានលេីតម្រាយផ្លូវខេត្តរតនគិរី និងខេត្តស្ទឹងត្រែង និងស្តាប់នូវការធ្វើបទបង្ហាញរបស់ឯកឧត្តម ឧត្តមសេនីយ៍ត្រី សុង សុមនោ ប្រធានក្រុមមគ្គុទ្ទេសក៍ និងជាស្នងការ ស្នងការដ្ឋានប្រតិបត្តិការវិស្វកម្ម អំពីសកម្មភាពនានា រួមទាំងវីរភាពដ៏អង់អាចក្លាហានរបស់កងកម្លាំងវិស្វកម្មរួចមក បានធ្វើឱ្យបងប្អូនប្រជាពលរដ្ឋយល់កាន់តែច្បាស់អំពីសារសំខាន់នៃការកសាងផ្លូវក្រវាត់ព្រំដែន និងបង្គោលខណ្ឌសីមាព្រំដែន ក្នុងការការពារបូរណភាពទឹកដី និងអធិបតេយ្យភាពជាតិ ។

បងប្អូនប្រជាពលរដ្ឋបានអះអាងថាការញុះញង់-ការបំពុល-ការបំផ្លេីសបំភ្លៃព័ត៌មានរបស់ក្រុមប្រឆាំងជុំវិញបញ្ហាព្រំដែនគឺគ្មានប្រសិទ្ធភាពឡេីយ បងប្អូនប្រជាពលរដ្ឋបានឃេីញជាក់នឹងភ្នែកនូវបង្គោលព្រំដែន បានធ្វើដំណើរផ្ទាល់លេីផ្លូវក្រវាត់ព្រំដែន ហេីយបានបញ្ជាក់យ៉ាងច្បាស់ថា ប្រជាពលរដ្ឋទាំងអស់មានជំនឿជឿជាក់លើរាជរដ្ឋាភិបាលកម្ពុជា ដែលបានបន្តអភិវឌ្ឍន៍ប្រទេសជាតិ តាមបណ្តោយខ្សែក្រវាត់ព្រំដែន «ជាព្រំដែនសន្តិភាព មិត្តភាព សហប្រតិបត្តិការ និងការអភិវឌ្ឍប្រកបដោយចីរភាព»ហេីយប្តេជ្ញាដាច់ខាតការពារបូរណភាពទឹកដី និងអធិបតេយ្យភាពជាតិ មិនឱ្យបាត់បង់ដីសូម្បីតែ ១មីលីម៉ែត្រ ៕

គណៈកម្មការកិច្ចការព្រំដែន និងអន្តោប្រវេសន៍នៃគណបក្សសង្រ្គោះជាតិ បង្គោលព្រំដែនសព្វថ្ងៃបោះតាមបង្គោលព្រំដែនចំនួន៧២បង្គោលដែលបោះចន្លោះឆ្នាំ១៩៨៦-១៩៨៨ សម័យវៀតណាមត្រួតត្រាកម្ពុជា មិនបានបោះតាមបង្គោលបារាំងចំនួន១២៤បង្គោលនោះទេ។ ជាក់ស្តែងដូចរូបថតទី១ (រូបថតពីក្រុមស្រាវជ្រាវដឹកនាំដោយលោកបណ្ឌិត សុខ ទូច) បង្គោលព្រំដែនធំហើយថ្មីជាបង្គោលព្រំដែនថ្មីដែលបោះសម័យបច្ចុប្បន្ន ហើយបង្គោលព្រំដែននេះបោះនៅជាប់នឹងបង្គោលព្រំដែនតូចហើយចាស់ដែលជាបង្គោលព្រំដែនបោះចន្លោះឆ្នាំ១៩៨៦-១៩៨៨ សម័យវៀតណាមត្រួតត្រាកម្ពុជា។ រូបថតទី២ជាបង្គោលព្រំដែនបោះនៅចន្លោះឆ្នាំ១៩៨៦-១៩៨៨ តាមសន្ធិសញ្ញាព្រំដែនខុសច្បាប់ឆ្នាំ១៩៨៥ សម័យវៀតណាមត្រួតត្រាកម្ពុជា មានចំនួន៧២បង្គោល។ ការបោះបង្គោលព្រំដែនសម័យបច្ចុប្បន្ន ដែលទើបបោះបាន៨៤% ស្មើនឹង ៣១៥បង្គោល គឺបោះតាមសន្ធិសញ្ញាបំពេញបន្ថែមឆ្នាំ២០០៥ ដែលយកតាមសន្ធិសញ្ញាព្រំដែនខុសច្បាប់ឆ្នាំ១៩៨៥ សម័យវៀតណាមត្រួតត្រាកម្ពុជា។ វៀតណាមបានបោះបង្គោលព្រំដែនជាឯកតោភាគីនាទសវត្សទី៨០ ព្រោះវៀតណាមបានកាន់កាប់និងត្រួតត្រាកម្ពុជានាសម័យនោះ។ ហេតុនេះកាបោះបង្គោលព្រំដែនសព្វថ្ងៃ ដែលបោះតាមបង្គោលព្រំដែនដែលវៀតណាមបោះអោយយើងនាទសវត្សទី៨០ គឺធ្វើអោយកម្ពុជាបាត់បង់ទឹកដីជាច្រើនគីឡូម៉ែត្រការ៉េ តាមបណ្តោយព្រំដែន។

ខែតុលា 12, 20240

គណបក្សនយោបាយ និងសម្ព័ន្ធភាពបណ្តុំសមាគមអង្គការសង្គមស៊ីវិល ចុះទស្សនកិច្ចនូវច្រកអូរយ៉ាដាវ និងពិនិត្យមើលបង្គោលព្រំដែនលេខ៣០

នាថ្ងៃទី១២ ខែតុលា ឆ្នាំ២០២៤ នេះ មេដឹកនាំគណបក្សនយោបាយចំនួន ៨ និងសម្ព័ន្ធភាពបណ្តុំសមាគមអង្គការសង្គមស៊ីវិល ចំនួន ១២ រួមទាំងអតីតមន្ត្រីគណបក្សប្រឆាំងបានចុះទស្សនកិច្ចនូវច្រកអូរយ៉ាដាវ និងពិនិត្យមើល បង្គោលព្រំដែនលេខ៣០ ភូមិប៉កធំ ឃុំប៉កញ្ញៃ ស្រុកអូរយ៉ាដាវខេត្តរតនគីរី។

ដំណើរទស្សនកិច្ចនេះ ក៏មានការចូលរួមពីសំណាក់លោក ហេង ប៊ុននី ជាអភិបាលស្រុកព្រមទាំងលោក សឹម លីមជាប្រធានទីស្នាក់ការត្រួតពិនិត្យច្រកព្រំដែនផងដែ។

ឯកឧត្តម ហ៊ាង គឹមស្រឿន ប្រធានគណបក្សមហាសាមគ្គីជាតិខ្មែរ បានបញ្ជាក់ថា ការចុះទៅទស្សនកិច្ចតំបន់អភិវឌ្ឍន៍ភាគឦសាន នៃប្រទេសកម្ពុជាចំនួន ៤ខេត្ត គឺខេត្តក្រចេះ ស្ទឹងស្រែងរតនគីរី និងខេត្តមណ្ឌលគីរី រយៈពេល ៤ថ្ងៃ គឺចាប់ពីថ្ងៃទី១០-១៣ ខែតុលា ឆ្នាំ២០២៤។ ទស្សនកិច្ចនេះក្នុងគោលបំណងមើលពីការបោះបង្គោលព្រំដែន មើលការកសាងហេដ្ឋារចនាសម្ព័ន្ធតាមបណ្តោយព្រំដែន និងមើលការរស់នៅនិងការរីកចំរើនរបស់ប្រជាពលរដ្ឋនៅទីនោះ។

បញ្ហាប្រវត្តិសាស្រ្តខ្មែរ៖ ប្រជាជនខ្មែរត្រូវបានជនជាតិបរទេស បំភ្លៃពី ជនល្មើស ទៅជា ជនរងគ្រោះ ដូចជា ចក្រភពចម្ប៉ា គ្រប់គ្រងខ្មែរអស់រាប់ពាន់ឆ្នាំ បែរជា បំភ្លៃប្រវត្តិសាស្រ្តទៅជា ចម្ប៉ារលាយអស់ដី គ្មាននគរ គ្មានប្រទេស គេបង្រៀនខ្មែរឲ្យ ងើបឡើង ប្រឆាំង យួន ប្រឆាំងវៀតណាមឈ្លានពានទៅវិញ។ ពេញ មួយឆ្នាំនេះ អ្នករៀបចំគោលនយោបាយ Policy Makers នៅអាមេរិក បារាំង កាណាដា ដែលសុទ្ធតែជា ជនបរទេស បន្លំជាខ្មែរក្រោម រៀបចំជា សេណារីយោ ផ្សព្វផ្សាយឲ្យខ្មែរក្នុងប្រទេស ផ្ទុះកំហឹងប្រឆាំងរដ្ឋាភិបាលស្របច្បាប់ ដោយសារ នៅ ឡាវ និង វៀតណាម ជាប្រទេស ផ្តាច់ការ មិនអនុញ្ញាតិឲ្យមាន បាតុកម្ម សហជីព សិទ្ធិមនុស្ស ចេញតវ៉ា ដូច្នេះ ពួកគេខ្ចីដៃខ្មែរ សម្លាប់ខ្មែរ ដោយផ្សាយរូបភាព កាប់បំផ្លាញព្រៃឈើ រូបភាពព្រៃសប្បទានតំបន់ CVL-DTA..... សព្វថ្ងៃ ប្រជាជន ចាម រស់នៅ វៀតណាម មានការរីកចម្រើនខ្លាំងណាស់ ព្រោះមាន អាមេរិក អឺរ៉ុប ចូលមក វិនិយោគទុនទីនោះ តែគ្មានសិទ្ធិ បំបែករដ្ឋ គឺ មានតែ ការ បង្ករជំលោះ បង្ករសង្រ្គាម កម្ពុជា វៀតណាម ពេលនោះ ជនជាតិ ភ្នំ ចម្ប៉ា ដេហ្គានឹងមានឪកាសចេញទ័ពចូលមក បង្រ្កាបទ័ពខ្មែរ រូចសំងំក្នុងព្រៃ ប្រកាសឯករាជ្យ នៅតំបន់ CLV-DTA .

ផែនទី ប្រទេស ចម្ប៉ា វៀតណាម អណ្ណាម កូសាំងស៊ីន ឡាវ និងបញ្ហាបោះបង្គោលព្រំដែន

ឯកឧត្តមបានបន្តថា ទាក់ទងដំណើរទស្សនកិច្ចនេះ កាលពីថ្ងៃទី១០ ខែតុលា ឆ្នាំ២០២៤ បានចុះទៅពិនិត្យមើលបង្គោលព្រំដែនលេខ ៦៩ ស្ថិតនៅក្នុងខេត្តក្រចេះ។ នៅថ្ងៃទី១១ ខែតុលា ឆ្នាំ២០២៤ ចុះទៅទស្សនកិច្ចនៅច្រកដាក់ដាំ ភូមិពូឡេះ ឃុំដាក់ដាំ ស្រុកអូរាំង ខេត្តមណ្ឌលគិរី។ ហើយក៏បន្តដំណើមកកាន់ បង្គោលព្រំដែនលេខ ៤៨ ដែលឋិតនៅក្នុង ភូមិពូទឺត ឃុំប៊ូស្រា ស្រុកជ្រាដា ខេត្តមណ្ឌលគិរី។ នៅថ្ងៃទី១២ ខែតុលា ឆ្នាំ២០២៤ បានចុះទស្សនកិច្ចនូវច្រកអូរយ៉ាដាវ និងពិនិត្យមើល បង្គោលព្រំដែនលេខ៣០ ភូមិប៉កធំ ឃុំប៉កញ្ញៃ ស្រុកអូរយ៉ាដាវខេត្តរតនគីរី។

ផែនទី តំបន់ កូសាំងស៊ីន COCHINCHINE

ចំណែកឯកឧត្តម គង្គ់ ប៊ុនធឿន ប្រធានគណបក្សចលនាប្រជាធិបតេយ្យ ដែលបានចុះពិនិត្យមើលបង្គោលព្រំដែនបានបញ្ជាក់ថា មិនមានការរំកិលដូចការចោទប្រកាន់របស់ក្រុមប្រឆាំងជ្រុលនិយមមួយក្តាប់តូចនោះទេ។ មិនមានការរំកិល និងមិនមានភាពលំអៀងទៅខាងណានោះទេ។

សូមជម្រាបថា គណបក្សនយោបាយ , សម្ព័ន្ធភាពបណ្តុំសមាគមអង្គការសង្គមស៊ីវិល រួមទាំងអតីតមន្ត្រីគណបក្សប្រឆាំង បានចុះទៅទស្សនកិច្ចតំបន់អភិវឌ្ឍន៍ភាគឦសាននៃប្រទេសកម្ពុជាចំនួន ៤ខេត្ត គឺខេត្តក្រចេះ ស្ទឹងត្រែងរតនគីរី និតខេត្តមណ្ឌលគីរី រយៈពេល ៤ថ្ងៃ គឺចាប់ពីថ្ងៃទី១០-១៣ ខែតុលា ឆ្នាំ២០២៤។ ទស្សនកិច្ចនេះក្នុងគោលបំណងមើលពីការបោះបង្គោលព្រំដែន មើលការកសាងហេដ្ឋារចនាសម្ព័ន្ធតាមបណ្តោយព្រំដែន និងមើលការរស់នៅនិងការរីកចំរើនរបស់ប្រជាពលរដ្ឋនៅទីនោះ។