ព្រំដែន រតនគីរី
រដ្ឋបាល ខេត្ត រតនគីរី
តំបន់ មុំ ៣ កន្ទុយនាគ
មុំបី បង្គោលឡាក់កន្ទុយនាគ🐉 ព្រំប្រទល់រវាង3ប្រទេសជាប់គ្នា កម្ពុជា🇰🇭 ឡាវ🇱🇦 និង វៀតណាម🇻🇳។ ជនជាតិគេនាំគ្នាទៅលេងព្រោងព្រាត នៅឡើយតែយើង សឹងតែមិនស្គាល់ផង 🥹 ជួយ ស៊ែរម្នាក់១ផង ឲកូនខ្មែរស្គាល់ទាំងអស់គ្នា🇰🇭😍
[KAMPUCHEATHMEY] - ផ្លូវទៅតំបន់កន្ទុយនាគប្រសព្វ ៣ ប្រទេស កម្ពុជា-ឡាវ-វៀតណាម គ្រោងសាងសង់នៅឆ្នាំ ២០២៨ រដ្ឋាភិបាលគ្រោងនឹងសាងសង់ផ្លូវទៅតំបន់មុំ ៣ កន្ទុយនាគដែលប្រសព្វគ្នារវាងប្រទេស ៣ គឺកម្ពុជា-ឡាវ-វៀតណាមនៅឆ្នាំ ២០២៨។ ថ្លែងប្រាប់បណ្ដាញព័ត៌មានក្នុងសន្និសីទកាលពីម្សិលមិញនេះ លោក សាយ សាមាន ប្រធានមន្ទីរសាធារណការ និងដឹកជញ្ជូនខេត្តរតនគិរី បានឲ្យដឹងថា ក្នុងសន្និបាតបូកសរុបលទ្ធផលការងាររបស់ក្រសួងសាធារណការនិងដឹកជញ្ជូន ជួសមុខឲ្យថ្នាក់ដឹកនាំខេត្ត លោកបានធ្វើបទអន្តរាគមន៍ស្នើសុំការសាងសង់ផ្លូវចំនួនពីរខ្សែក្នុងខេត្តរតនគិរី។ លូវទាំងពីរខ្សែដែលលោកលើកសំណើយ៉ាងទទូចនោះគឺទីមួយផ្លូវទៅវ៉ឺនសៃ និងមួយខ្សែទៀតគឺផ្លូវទៅតំបន់មុំ ៣ កន្ទុយនាគប្រសព្វគ្នារវាងកម្ពុជា-ឡាវ-វៀតណាម។
ផែនទី ប្រទេស ចម្ប៉ាសាក់ ក្រោមអាណានិគមបារាំង ឆ្នាំ ១៨៩៣
ជាការឆ្លើយតបរដ្ឋមន្ត្រីក្រសួងសាធារណការបានសន្យានឹងរៀបចំឆាប់ៗ។ បើតាមលោក សាយ សាមាន ផ្លូវទៅតំបន់កន្ទុយនាគ ត្រូវបានរៀបចំចូលជាប្រព័ន្ធផ្លូវជាតិមានឈ្មោះផ្លូវជាតិលេខ ៧៨-៥។ លោកបន្តថា ផ្លូវនេះសរុបមានប្រវែង ១៩១ គ.ម ចែកចេញជា ៣ កំណាត់។ គឺទីមួយពីក្រុងបានលុងទៅភូមិតងណងលិប្រភេទជា DBST មានប្រវែង ២១.៩៥ គ.ម កំណាត់ទីពីរពីភូមិតងណងលិទៅដល់ស្រុកតាវែងជាផ្លូវល្បាយថ្មដែលមានប្រវែង ២៥.៩ គ.ម និងកំណាត់ទី ៣ ពីស្រុកតាវែងរហូតទៅដល់តំបន់កន្ទុយនាគមានប្រវែង ១៤៣.៩៦ គ.ម។ លោកបន្តថា ផ្លូវទៅតំបន់កន្ទុយនាគបច្ចុប្បន្នអាចធ្វើដំណើរបានត្រឹមស្រុកតាវែង បើចង់ធ្វើដំណើរបន្តដល់តំបន់មុំ ៣ កន្ទុយនាគត្រូវឆ្លងចូលប្រទេសវៀតណាម។ ដោយឡែកផ្លូវទៅវ៉ឺនសៃ លោក សាយ សាមាន ប្រធានមន្ទីរសាធារណការនិងដឹកជញ្ជូនខេត្តរតនគិរីបានបញ្ជាក់ថា ចែកចេញជាពីរកំណាត់ គឺចេញពីអូរជុំទៅវ៉ឺនសៃជាផ្លូវក្រាលគ្រួសក្រហមមានប្រវែង ២៨.៥២ គ.ម និងមួយកំណាត់ទៀតជាផ្លូវដីបន្តរហូតដល់ត្រពាំងក្រៀលព្រំប្រទល់កម្ពុជាឡាវមានប្រវែង ១០៤,៤៥ គ.ម។ សរុបផ្លូវទាំងមូលមានប្រវែង ១៣២,៩៧ គ.ម។ លោកបញ្ជាក់ថា ផ្លូវទៅវ៉ឺនសៃជាគម្រោងផ្លូវជាតិ ដែលនឹងគ្រោងចាប់ផ្តើមអនុវត្តការសាងសង់នៅឆ្នាំ ២០២៧។ ដោយឡែកផ្លូវទៅតំបន់មុំ ៣ កន្ទុយនាគប្រសព្វគ្នារវាងកម្ពុជា-ឡាវ-វៀតណាម គ្រោងចាប់ផ្ដើមអនុវត្តការសាងសង់នៅឆ្នាំ ២០២៨ ប៉ុន្តែអាចលឿនជាការគ្រោងទុកដោយផ្អែកតាមស្ថានភាពជាក់ស្ដែង៕
«សមុទ្រពពក» ដែលស្ថិតក្នុងតំបន់កន្ទុយនាគ នៃឧទ្យានជាតិវីរៈជ័យ មានរូបរាងតែនៅរដូវវស្សាប៉ុណ្ណោះ។ សម្រស់ «សមុទ្រពពក» សក្បុសដូចសំឡី អមដោយអាកាសធាតុត្រជាក់ គួបផ្សំនឹងសំឡេងសត្វយំ ជាទីទេសចរណ៍ធម្មជាតិដ៏មនោរម្យមួយសម្រាប់អ្នកទេសចរ។ យ៉ាងណាក៏ដោយ លោក ថុន ស៊ូខុន អនុប្រធានការិយាល័យឧទ្យានជាតិ នៃមន្ទីរបរិស្ថាន ខេត្តរតនគិរី បានអះអាងថាទីតាំងដែលអាចគយគន់ សមុទ្រពពក ដ៏ល្វឹងល្វើយនេះ មិនសូវមានទេសចរទៅដល់ឡើយ ព្រោះចម្ងាយឆ្ងាយ និងលំបាកក្នុងការធ្វើដំណើរ។ លោក ថុន ស៊ូខុន លើកទឹកចិត្តឱ្យទេសចរដែលចង់ទៅទស្សនា «សមុទ្រពពក» ទាក់ទងទៅមន្ត្រីបរិស្ថានខេត្ត ដើម្បីសម្រួលក្នុងការធ្វើដំណើរ។ សូមទស្សនារូបភាព ដែលថតដោយក្រុមការងារប្រចាំការនៅតំបន់កន្ទុយនាគ និងបានផ្ដល់ឱ្យសារព័ត៌មានThmeyThmey25 ដោយលោក ថុន ស៊ូខុន អនុប្រធានការិយាល័យឧទ្យានជាតិ នៃមន្ទីរបរិស្ថានខេត្តរតនគីរី៖
The Cambodia Daily 09th-4-2022 អាជ្ញាធរខេត្តក្រចេះ អះអាងថា ស្ពានមិត្តភាពក្រចេះ-ប៊ិញយឿង នឹងបង្កលក្ខណៈងាយស្រួលក្នុងការតភ្ជាប់ផ្លូវគមនាគមន៍ ដឹកជញ្ជូនទំនិញ និងការធ្វើដំណើររបស់ប្រជាជនរវាងខេត្តក្រចេះ ជាមួយច្រកព្រំដែនអន្តរជាតិកម្ពុជា-ឡាវ និងកម្ពុជា-វៀតណាម។ ប៉ុន្តែអ្នកឃ្លាំមើលបញ្ហាព្រំដែនរិះគន់ថា ស្ពាននោះជាមធ្យោបាយបង្ហូរជនអន្តោប្រវេសន៍វៀតណាមខុសច្បាប់ចូលទឹកដីកម្ពុជាតែប៉ុណ្ណោះ។ អភិបាលខេត្តក្រចេះ លោក វ៉ា ថន កាលពីថ្ងៃទី០៦ ខែមេសា ឆ្នាំ២០២២ បានលើកឡើងក្នុងពិធីសម្ពោធស្ពានបេតុងមិត្តភាពក្រចេះ-ប៊ិញយឿង ឬស្ពានអណ្ដែងដូន ស្ថិតនៅព្រំប្រទល់ខេត្តក្រចេះ និងខេត្តប៊ិញយឿង ជាមួយអនុប្រធានគណៈកម្មាធិការខេត្តប៊ិញយឿង ប្រទេសវៀតណាម លោក ង្វៀន វ៉ាន់យ៉ាញ់ ថាស្ពាននេះបង្ហាញឱ្យឃើញពីទំនាក់ទំនងមិត្តភាព សាមគ្គីភាព កិច្ចសហប្រតិបត្តិការរវាងកម្ពុជា-វៀតណាម កាន់តែមានភាពល្អប្រសើរទៅថ្ងៃមុខ។ ស្ពាននេះមានប្រវែងជិត ៤០ម៉ែត្រ ស្ថិតនៅលើផ្លូវខេត្តលេខ៣៧៧ នៃខេត្តក្រចេះ។ លោក វ៉ា ថន អះអាងថា ទំនាក់ទំនងខាងវិស័យសេដ្ឋកិច្ច សង្គមកិច្ច វប្បធម៌ ខេត្តក្រចេះជាមួយភាគីវៀតណាម តែងបង្កលក្ខណៈងាយស្រួលដល់ពលរដ្ឋនៅតាមតំបន់ព្រំដែន និងដល់អាជីវករ ពាណិជ្ជករ ដែលត្រូវឆ្លងកាត់ក្នុងការទិញ លក់ទំនិញ ការសួរសុខទុក្ខញាតិមិត្ត និងការចេញចូលដើម្បីព្យាបាលជំងឺ ជាដើម។
អភិបាលខេត្តរូបនេះបញ្ជាក់ថា ទំនាក់ទំនងមិត្តភាពជាប្រពៃណីលើកិច្ចសហប្រតិបត្តិការ ស្ថិតស្ថេរយូរអង្វែង មិត្តភាពជិតស្និទ្ធរវាងខេត្តប៊ិញយឿង នៃសាធារណរដ្ឋសង្គមនិយមវៀតណាម និងខេត្តក្រចេះ នៃព្រះរាជាណាចក្រកម្ពុជា គឺជាការសហប្រតិបត្តិការជួយឧបត្ថម្ភគ្នាទៅវិញទៅមក ក្នុងការអភិវឌ្ឍរួមរបស់អាជ្ញាធរនៃប្រទេសទាំងពីរទៅថ្ងៃអនាគត។ ការអះអាងនេះ ធ្វើឡើងក្នុងពិធីសម្ពោធស្ពានបេតុង ស្ថិតនៅព្រំប្រទល់រវាងខេត្តក្រចេះ និងខេត្តប៊ិញយឿង ប្រទេសវៀតណាម ដើម្បីជួយសម្រួលដល់ការធ្វើគមនាគមន៍របស់ប្រជាជននៃប្រទេសទាំងពីរ។ ខេត្តក្រចេះ គឺជាខេត្តមួយស្ថិតក្នុងចំណោមខេត្តបីផ្សេងទៀត គឺខេត្តរតនគិរី ខេត្តមណ្ឌលគិរី និងខេត្តស្ទឹងត្រែង ដែលត្រូវបានរដ្ឋាភិបាលកម្ពុជាដាក់បញ្ចូលទៅក្នុងតំបន់ត្រីកោណអភិវឌ្ឍន៍កម្ពុជា ឡាវ វៀតណាម (Development Triangle Area) ឬតំបន់កន្ទុយនាគដែលបានព្រមព្រៀងគ្នាបង្កើតឡើងកាលពីឆ្នាំ១៩៩៩ ដោយរដ្ឋាភិបាលកម្ពុជា ឡាវ និងវៀតណាម។ ប្រធានក្រុមប្រឹក្សាភិបាលនៃ ចលនាពលរដ្ឋដើម្បីប្រជាធិបតេយ្យ លោក ម៉ែន ណាត បានប្រាប់សារព័ត៌មាន The Cambodia Daily នៅថ្ងៃទី៧ មេសា ថា ការតភ្ជាប់បណ្ដាញគមនាគមន៍រវាងប្រទេស និងប្រទេសជារឿងល្អសម្រាប់ការទំនាក់ទំនងគ្នាដោយស្មើមុខ ប៉ុន្តែទំនាក់តាមបែបឈ្លានពានរបស់វៀតណាម មកលើកម្ពុជាសព្វថ្ងៃនេះ គ្រាន់តែបង្កលក្ខណៈងាយស្រួលឱ្យវៀតណាម ក្នុងការនាំចេញទំនិញ ហើយជាពិសេសបង្ហូរជនអន្តោប្រវេសន៍វៀតណាមខុសច្បាប់ ចូលទៅកម្ពុជាក្នុងខេត្តទាំង៤ នៃតំបន់ត្រីកោណអភិវឌ្ឍន៍នេះតែប៉ុណ្ណោះ។
លោកបន្ថែមទៀតថា ជាងនេះទៀត តំបន់ត្រីកោណអភិវឌ្ឍន៍នេះ ត្រូវបានវៀតណាមប្រើប្រាស់សាកល្បង ជាតំបន់ឥណ្ឌូចិនទី២ ក្នុងការគ្រប់គ្រងកម្ពុជា តាមរយៈនយោបាយប្រជាសាស្ត្រ សេដ្ឋកិច្ច និងនយោបាយ ជាដើម។ ហើយប្រសិនបើវៀតណាម អនុវត្តផែនការនេះជោគជ័យ វៀតណាមនឹងពង្រីកផែនការនេះទូទាំងប្រទេសកម្ពុជាតែម្តង។ លោក ម៉ែន ណាត ព្រមានថា កម្ពុជា ត្រូវតែដកខ្លួនចេញពីគម្រោងតំបន់ត្រីកោណអភិវឌ្ឍន៍នេះជាដាច់ខាត ព្រោះគម្រោងនេះគ្រាន់តែជាផែនការរបស់វៀតណាម ក្នុងការឈ្លានពានព្រំដែន សេដ្ឋកិច្ច និងនយោបាយប្រជាសាស្ត្រលើកម្ពុជាប៉ុណ្ណោះ។ ដូច្នេះកម្ពុជា មិនទទួលបានផលចំណេញពីគម្រោងនេះទេ គឺមានតែខាតបង់ប៉ុណ្ណោះ។ លោកបន្តថា ខេត្តខ្មែរដែលស្ថិតក្នុងតំបន់ត្រីកោណនេះ ពុំមានការរីកចម្រើនទេ ប៉ុន្តែព្រៃឈើប្រណិតរបស់ខ្មែរនៅខេត្តទាំងនោះ មានតែហិនហោចទៅៗ ដូចជាធនធានរ៉ែ និងព្រៃឈើដែលមានតម្លៃមហាសាលរបស់ខ្មែរ នឹងត្រូវបាត់បង់ជាបន្តបន្ទាប់ នៅពេលដែលជនជាតិវៀតណាម អាចចូលទៅរស់នៅរហូតមានសិទ្ធិកាន់កាប់ស្របច្បាប់ពេញលេញ បន្ទាប់ពីពួកគេបានរស់នៅអស់ជាច្រើនជំនាន់នៅទីនោះ។ ក្រុមអ្នកឃ្លាំមើលសង្គមលើកឡើងថា ប្រសិនបើប្រទេសវៀតណាម គ្រាន់តែបញ្ជូនប្រជាជនរបស់ខ្លួនត្រឹមតែ ១លាននាក់ ចូលមកធ្វើការ និងរកស៊ីក្នុងខេត្តទាំង៤ របស់កម្ពុជា ដែលមានពលរដ្ឋខ្មែរសរុបត្រឹមតែ ៥០ ម៉ឺននាក់នោះ ក៏ជនជាតិវៀតណាមច្រើនជាងពលរដ្ឋខ្មែរ ដល់ទៅពាក់កណ្ដាលទៅហើយ។ ដូច្នេះ ពិតជាគ្រោះថ្នាក់ខ្លាំងណាស់សម្រាប់កម្ពុជា ខណៈបរទេសឈ្លានពានមួយនេះ នៅតែចិញ្ចឹមមហិច្ឆតារំលោភកាន់កាប់កម្ពុជា ជាប់មិនដាច់រហូតដល់ពេលនេះ៕
2024-03-11 03:47pm (រតនគិរី)៖ ក្រុមការងារចម្រុះថ្នាក់ខេត្តរតនគិរី បានបើកប្រតិបត្តិការរយៈពេល៤ថ្ងៃ គឺចាប់ពីថ្ងៃទី៧ ដល់ទី១០ ខែមីនា ឆ្នាំ២២៤ ដោយឃាត់ខ្លួនជនជាតិវៀតណាមចំនួន២៦នាក់ ដែលលួចចូលដីកម្ពុជា ដោយខុសច្បាប់ ព្រមទាំងរឹបអូសបានគ្រឿងចក្រជាច្រើនគ្រឿង ដែលបម្រើឱ្យសកម្មភាពវ៉ៃព្រៃជីកកាយយករ៉ែមាស ស្ថិតក្នុងភូមិសាស្ត្រស្រុកតាវែង និងស្រុកអណ្តូងមាស (តំបន់កន្ទុយនាគ)។ ក្រុមការងារចម្រុះថ្នាក់ខេត្តនេះ ដឹកនាំដោយលោក ម៉ា វិចិត្រ អភិបាលរងខេត្ត អមដោយតំណាងមេបញ្ជាការកម្លាំងប្រដាប់អាវុធទាំង៣, អភិបាលស្រុកអណ្តូងមាស, ស្រុកតាវែង, ប្រធានមន្ទីររ៉ែ និងថាមពលខេត្ត មន្ត្រីឧទ្យានជាតិ ខណ្ឌរដ្ឋបាលព្រៃឈើ និងមន្ត្រីពាក់ព័ន្ធមួយចំនួនទៀត។ ទាក់ទិនទៅនឹងក្រុមការងារចម្រុះចុះស្រាវជ្រាវទប់ស្កាត់ និងបង្ក្រាបបទល្មើសធនធានធម្មជាតិក្នុងភូមិសាស្ត្រស្រុកអណ្តូងមាស និងស្រុកតាវែង ខាងលើនេះដែរ លោក ស៊ូ សិរី អភិបាលរងខេត្ត និងជាអ្នកនាំពាក្យសាលាខេត្តរតនគិរី បានថ្លែងប្រាប់ភ្នាក់ងារ Fresh News នៅរសៀលថ្ងៃទី១១ ខែមីនា ឆ្នាំ២០២៤ យ៉ាងខ្លីថា៖ «ឱ្យសួរទៅលោក ម៉ា វិចិត្រ ព្រោះគាត់ដឹកនាំក្រុមការងារគាត់អត់បានជ្រាបទេតែលោក ម៉ា វិចិត្រ ទូរស័ព្ទចូលច្រើនដងអត់ទទួល»។ ចំណែកឯលោក កែវ ភក្តី ព្រះរាជអាជ្ញារង និងជានាំពាក្យអយ្យការអមសាលាដំបូងខេត្តរតនគិរី នៅរសៀលថ្ងៃដដែលឱ្យដឹងថា ក្រុមការងារកំពុងធ្វើការស៊ើបអង្កេត ពួកគាត់ជាជនបរទេសមន្ត្រីអន្តោប្រវេសន៍ និងមន្ត្រីជំនាញកំពុងចាត់ចែង។ ប្រភពព័ត៌មានផ្សេងទៀតបានបង្ហើបប្រាប់ឱ្យដឹងថា បើគ្មានការគប់គិតពីមន្ត្រីយោធា, មន្ត្រីនគរបាល, មន្ត្រីបរិស្ថានឈរជើងនៅតំបន់ខាងលើទេ គឺជនជាតិវៀតណាមជាច្រើននាក់ និងគ្រឿងចក្រជាច្រើនគ្រឿងចូលទៅធ្វើសកម្មភាព វ៉ៃព្រៃជីកកកាយ យករ៉ែមាសរង្គើដី ព្រៃព្រឹក្សាក្នុងតំបន់កន្ទុយនាគ ដោយងាយស្រួលនោះទេ ព្រោះជនជាតិវៀតណាម មិនស្គាល់ផ្លូវចូលទៅតំបន់នោះទេពោលគឺ «ខ្មោចស្រុកឱ្យដៃ, ខ្មោចព្រៃវាហ៊ាន» ដូច្នេះសូមសមត្ថកិច្ចថ្នាក់លើ មេត្តាចុះត្រួតពិនិត្យការងារសមត្ថកិច្ចខិលខូចមួយចំនួននៅខេត្តរតនគិរី៕
(វៀតច័ន្ទ,ឡាវ)៖ ឧត្តមសេនីយ៍ឯក សៀក សុជាតិ រដ្ឋលេខាធិការក្រសួងការពារជាតិ បានឡើងថ្លែងបទអន្តរាគមន៍ នៅក្នុងកិច្ចប្រជុំកំពូលសភា CLV-DTA លើកទី១ ស្ដីពីការពង្រឹងតួនាទីភារកិច្ច នៃរដ្ឋសភាក្នុងការលើកកម្ពស់ កិច្ចសហប្រតិបត្តិការគ្រប់ជ្រុងជ្រោយរវាងកម្ពុជា-ឡាវ-វៀតណាម ដែលធ្វើឡើងរដ្ឋធានីវៀងច័ន្ទ ប្រទេសឡាវ ថ្ងៃទី៤-៧ ខែធ្នូ ឆ្នាំ២០២៣នេះ។
សូមបញ្ជាក់ថា កិច្ចប្រជុំកំពូលសភា CLV បានបើកជាផ្លូវការនៅព្រឹកថ្ងៃទី៥ ខែធ្នូ ឆ្នាំ២០២៣នេះ ក្រោមអធិបតីភាពឯកឧត្តមបណ្ឌិត សាយ សំផន ភុមវិហាន (XAYSOMPHONE Phomvihane) ប្រធានរដ្ឋសភាឡាវ, សម្តេចរដ្ឋសភាធិបតី ឃួន សុដារី ប្រធានរដ្ឋសភាកម្ពុជា និងឯកឧត្តម ថងលុន ស៊ីសុលីត (THONGLOUN Sisoulith) ប្រធានរដ្ឋឡាវ។
នៅក្នុងបទអន្តរាគមន៍ខាងលើនេះ ឧត្តមសេនីយ៍ឯក សៀក សុជាតិ រដ្ឋលេខាសធិការក្រសួងការពារជាតិ តំណាងឧបនាយករដ្ឋមន្រ្តី ទៀ សីហា រដ្ឋមន្រ្តីក្រសួងការពារជាតិ បានលើកឡើងនូវចំណុចសំខាន់ៗរួមមាន៖
*ទី១៖ ក្រសួងការពារជាតិ នៃព្រះរាជាណាចក្រកម្ពុជា, ក្រសួងការពារប្រទេស នៃសាធារណរដ្ឋសង្គម និយមវៀតណាម និងសាធារណរដ្ឋប្រជាធិបតេយ្យប្រជាមានិតឡាវ បាននិងកំពុងបន្តពង្រីកភាពជាដៃគូ សហប្រតិបត្តិការ ជាយុទ្ធសាស្ត្រក្នុងគោលបំណងដើម្បីរិតចំណងសាមគ្គីភាព មិត្តភាព ក្នុងការបន្តពូនជំនូវ កម្លាំងសាមគ្គីភាព មិត្តភាពជាប្រពៃណី និងភាពជាអ្នកជិតខាងល្អនឹងគ្នាដែលយើងមានតាំងពីយូលង់ ណាស់មកហើយ ក្នុងឱកាសនេះយើងនឹងបន្តសាមគ្គីភាព សហការរួមគ្នា ឱ្យកាន់តែរឹងមាំនិងស៊ីជម ថែមទៀតស្របតាមស្មារតីនៃក្រសួងការពារជាតិនៃប្រទេសទាំងបី «ក្នុងការពង្រឹងភាពជាដៃគូដើម្បីសន្តិភាព និងវិបុលភាព»។
*ទី២៖ កិច្ចប្រជុំកំពូលសភា CLV-DTA លើកទី១ ស្តីពីការពង្រឹងតួនាទីភារកិច្ច នៃរដ្ឋសភាក្នុងការលើក កម្ពស់កិច្ចសហប្រតិបត្តិការគ្រប់ជ្រុងជ្រោយរវាងកម្ពុជា-ឡាវ-វៀតណាម នាពេលនេះគឺជាឱកាសសម្រាប់ យើងទាំងអស់គ្នា ក្នុងការពង្រឹងទំនាក់ទំនងមិត្តភាពល្អប្រសើរជាប្រពៃណីជាអ្នកជិតខាងល្អ និងផ្តល់ផល ប្រយោជន៍ឱ្យគ្នាទៅវិញទៅមករវាងប្រទេស និងប្រជាជនយើងទាំងអស់គ្នា។
លើសពីនេះទៅទៀតកិច្ច ប្រជុំកំពូលសភា CLV-DTA លើកទី១ សំដៅពង្រឹងកិច្ចសហប្រតិបត្តិការរវាងប្រទេសយើងទាំង៣ ដែលមាន ព្រំដែនជាប់គ្នាមិនត្រឹមតែបង្ហាញច្បាស់ពីសារៈសំខាន់យុទ្ធសាស្ត្រ នៃកិច្ចសហប្រតិបត្តិការ លើគ្រប់វិស័យក្នុង តំបន់ប៉ុណ្ណោះទេ ប៉ុន្តែថែមទាំងបានចូលរួមចំណែកដល់ការតភ្ជាប់អាស៊ាន និងការពង្រឹងសហគមន៍ អាស៊ានផងដែរ ពិសេសការកាត់បន្ថយគម្លាតនៃការអភិវឌ្ឍក្នុងតំបន់ ការលើកកម្ពស់សុខមាលភាព និង ជីវភាពរស់នៅរបស់ប្រជាជនយើង។
*ទី៣៖ ជាការពិតណាស់ នៅក្នុងក្របខ័ណ្ឌ នៃកិច្ចសហប្រតិបត្តិការលើវិស័យសន្តិសុខការពារជាតិ ក្រសួងការពារប្រទេសយើងទាំង៣ សម្រេចបាននូវសមិទ្ធផលជាច្រើន ក្នុងការចូលរួមសហប្រតិបត្តិការ រក្សាសន្តិសុខ របៀបរៀបរយតាមបណ្ដោយព្រំដែន កសាងនូវភាពជាអ្នកជិតខាងល្អ ការពង្រឹងមិត្តភាព ជាប្រពៃណី និងការពង្រឹងកិច្ចសហប្រតិបត្តិការប្រកបដោយចីរភាព ដើម្បីធានានូវអនាគតតំបន់មួយ ដែលមាន សន្តិភាព ស្ថិរភាព និងវិបុលភាព។
ជាក់ស្ដែង នៅក្នុងរយៈពេលប៉ុន្មានឆ្នាំចុងក្រោយនេះ ទោះបីមានការរីករាលដាលនៃជំងឺកូរីដ-១៩ជាសកល ប៉ុន្តែកងទ័ពនៃប្រទេសយើងទាំង៣នៅតែបន្ត រឹតចំណងសាមគ្គីភាព សហការរួមគ្នាយ៉ាងស្អិតរមួត ក្នុងភាពជាអ្នកជិត ខាងល្អ មិត្តភាពជាប្រពៃណីបន្ត លើកកម្ពស់ទំនាក់ទំនងជាដៃគូយុទ្ធសាស្ត្រគ្រប់ជ្រុងជ្រោយ និងយូរអង្វែងសំដៅពង្រឹងនិងពង្រីកចំណង សាមគ្គីភាព មិត្តភាព ស្មារតីសាមគ្គីភាពជាភាតរៈ និងកិច្ចសហប្រតិបត្តិការលើ វិស័យការពារជាតិ។ កងទ័ពប្រទេសយើងទាំងបី បាននឹងកំពុងខិតខំពង្រឹងកិច្ចសហប្រតិបត្តិការឱ្យកាន់តែស៊ីជម្រៅលើកិច្ច ការតំបន់គាំទ្រគ្នាទៅវិញទៅមកក្នុងក្របខណ្ឌទ្វេភាគី និងពហុភាគី។
*ទី៤៖ កិច្ចសហប្រតិបត្តិការកម្រិតការពារជាតិ ក៏មានជំនួបកំពូលនាពេលថ្មីៗនេះរវាង នាយឧត្តមសេនីយ៍ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ នៃព្រះរាជាណាចក្រកម្ពុជា ជាមួយរដ្ឋមន្ត្រីក្រសួងការពារប្រទេស នៃសាធារណរដ្ឋសង្គមនិយមវៀតណាម និងជំនួបរវាង អគ្គមេបញ្ជាការ នៃកងយោធពលខេមរភូមិន្ទ និងអគ្គសេនាធិការ កងទ័ពប្រជាជនឡាវ ដែលផ្ដោតសំខាន់ទៅលើការត ភ្ជាប់ទំនាក់ទំនងល្អរវាងកងទ័ព នឹងកងទ័ព ប្រជាជន នឹងប្រជាជន និងដើម្បីពង្រឹងនូវកិច្ចសហប្រតិបត្តិ ការរក្សានូវ សន្តិភាព ស្ថិរភាព និងវិបុលភាព របស់ប្រជាជនយើងនៃប្រទេសទាំងបី។
*ទី៥៖ ជាមួយគ្នានេះ យើងនៅតែមានការជួបប្រជុំពិភាក្សាគ្នាតាមរយៈយន្តការដែលមានស្រាប់ នៃប្រទេសទាំង៣ យើងរួមគ្នាជាមួយនឹងការពង្រឹងកិច្ចសហប្រតិបត្តិការប្រយុទ្ធប្រឆាំងនឹងការជួញ ដូរមនុស្ស បទល្មើសគ្រឿងញៀន បទល្មើសឆ្លងដែន បទល្មើសព្រៃឈើ ឧក្រិដ្ឋកម្មឆ្លងដែន ព្រមទាំងការ ជួយសម្របសម្រួលដល់ប្រជាពលរដ្ឋនៃប្រទេសយើងទាំង៣ ក្នុងការធ្វើដំណើរឆ្លងកាត់ព្រំដែនទទួលបាន លទ្ធផលជាផ្លែផ្កា។
ជាក់ស្ដែងនៅបំណាច់ខែធ្នូ ឆ្នាំ២០២៣នេះ នឹងមានរៀបចំជំនួបប្រាស្រ័យមិត្តភាព ការពារជាតិថ្នាក់រដ្ឋមន្ត្រីនៃប្រទេសយើងទាំង៣ កម្ពុជា-ឡាវ-វៀតណាម "CLV” លើកទី១ និងការធ្វើលំហាត់ សុខាភិបាល កងទ័ពទាំង៣ប្រទេស នៅចំណុចត្រីកោណមរកត "តំបន់កន្ទុយនាគ"។
*ទី៦៖ ខ្ញុំមានជំនឿជឿជាក់យ៉ាងម៉ុតមាំថា ក្រោយពីកិច្ចប្រជុំកំពូលសភា CLV-DTA លើកទី១ ស្ដីពីការ ពង្រឹងតួនាទីភារកិច្ច នៃរដ្ឋសភាក្នុងការលើកកម្ពស់កិច្ចសហប្រតិបត្តិការជាដៃគូគ្រប់ជ្រុងជ្រោយរវាង កម្ពុជា-ឡាវ-វៀតណាម នាពេលនេះ កងទ័ពប្រទេសយើងពិតជាមានមោទនភាព និងមានភាពចាំបាច់ ជាដៃគូយុទ្ធសាស្ត្រក្នុងការត្រៀមខ្លួនឱ្យបានល្អដើម្បីពង្រឹងការទំនាក់ទំនង និងកិច្ចសហប្រតិបត្តិការឱ្យ កាន់តែមានភាពជិតស្និទ្ធ ក្នុងភាពជាអ្នកជិតខាងល្អរវាងប្រទេសទាំង៣ ដែលជាមូលដ្ឋានគ្រឹះសម្រាប់ ឈានទៅរកការអភិវឌ្ឍន៍លើគ្រប់វិស័យនិងផ្ដល់ភាពសុខសាន្តរបស់ប្រទេសជាតិយើង។
កងទ័ពប្រទេស យើងទាំងបីបន្តខិតខំលើកកម្ពស់កិច្ចសហប្រតិបត្តិការលើវិស័យការពារជាតិ ទាំងនយោបាយ សន្តិសុខ សណ្ដាប់ធ្នាប់របៀបរៀបរយតាមបណ្ដោយព្រំដែន ថែមទាំងមានការទំនាក់ទំនងការទូតយោធា ឱ្យកាន់តប្រសើរឡើងថែមទៀតទៅតាមពិធីសារដែលយើងមានស្រាប់បន្តព្យាយាមប្រឹងប្រែងបន្ថែមទៀតនូវតម្រូវការដ៏ចាំបាច់នានា ដើម្បីឱ្យកិច្ចសហប្រតិបត្តិការរបស់យើងឈានឡើងដល់កម្រិតកាន់តែខ្ពស់ និង កាន់តែស៊ីជម្រៅ សមស្របទៅនឹងបំណងប្រាថ្នារបស់ប្រជាជនយើងទាំងអស់គ្នានាពេលអនាគត។
*ទី៧៖ ជាការពិតស្ថានភាពក្នុងតំបន់ និងពិភពលោកនារយៈពេលប៉ុន្មានឆ្នាំកន្លងមកនេះ យើងពិនិត្យ ដោយសារតឃើញថា បន្ទាប់ពីការផ្ទុះរីករាលដាលនូវជម្ងឺកូវីដ-១៩ និងការប្រឈមនឹងភាពមិនប្រាកដប្រជាការប្រកួតប្រជែងភូមិសាស្ត្រនយោបាយពីសំណាក់ប្រទេសមហាអំណាច បានធ្វើឱ្យមានសង្គ្រាមផ្ទុះឡើង នៅតំបន់អឺរ៉ុប "អ៊ុយក្រែន-រុស្ស៊ី" នៅមជ្ឈិមបូព៌ា "អីស្រាអែល-ហាមាស" ព្រមទាំងវិបត្តិពហុសណ្ឋាន និងពហុវិស័យ បានធ្វើឱ្យបាត់បង់សណ្តាប់ធ្នាប់សន្តិសុខលើពិភពលោក និងមានផលប៉ះពាល់ដល់ស្ថាន ភាពសេដ្ឋកិច្ចជាសកល។
បញ្ហាប្រឈមសន្តិសុខមិនប្រពៃណី ដូចជាការប្រែប្រួលអាកាសធាតុ និង ឧក្រិដ្ឋកម្មតាមប្រព័ន្ធអ៊ីនធឺណេតកាន់តែមានភាពធ្ងន់ធ្ងរ ធ្វើឱ្យកិច្ចខិតខំប្រឹងប្រែងក្នុងការអភិវឌ្ឍន៍កំពុង ជួបនឹងការលំបាក។ បន្ថែមលើនេះគ្រោះមហន្តរាយ ដែលបណ្តាលមកពីការប្រែប្រួលអាកាសធាតុ និង បញ្ហាប្រឈមផ្នែកសន្តិសុខបែបប្រពៃណី និងមិនប្រពៃណីផ្សេងទៀត ក៏នៅតែជាកង្វល់សម្រាប់យើងទាំងអស់គ្នា។
*ទី៨៖ ជាការឆ្លើយតបទៅនឹងបញ្ហាប្រឈមនានាដូចបានលើកឡើងខាងលើទាមទារឱ្យកងទ័ពនៃប្រទេស យើងទាំង៣ ពង្រឹងកិច្ចសហប្រតិបត្តិការរួមជាមួយគ្នាឱ្យកាន់តែរឹងមាំថែមទៀតដើម្បីអាចដោះស្រាយបញ្ហាទាំងនេះប្រកបដោយប្រសិទ្ធភាពខ្ពស់បំផុត។
រាជរដ្ឋាភិបាល ក្រសួងការពារជាតិនៃព្រះរាជាណាចក្រកម្ពុជា បានសង្កត់ធ្ងន់ពីគោលជំហររបស់ខ្លួនក្នុងការ "ឯកភាពដើម្បីកិច្ចសហប្រតិបត្តិការ” មិនមែន “ឯកភាពដើម្បី ប្រឈមមុខដាក់គ្នានោះទេ ដូចនេះប្រទេសយើងទាំងបី ត្រូវព្យាយាមពង្រឹងដល់ការទំនាក់ទំនងលើ វិស័យការទូតយោធា មិត្តភាព ភាតរៈភាព ក្នុងនាមជាប្រទេសភូមិផងរបងជាមួយគ្នា។
២០២៣ រតនគិរី៖លោក ញ៉ែម សំអឿន អភិបាលខេត្តរតនគិរី និងជាប្រធានគណៈបញ្ជាការឯកភាពខេត្តណែនាំដល់កងកម្លាំងការពារព្រំដែននៅតំបន់មុំ៣កន្ទុយនាគ ខិតខំបំពេញភារកិច្ចបន្ថែមទៀត ដើម្បីការអភិវឌ្ឍប្រទេសជាតិរីកចម្រើន។ ការថ្លែងនេះរបស់ លោក ញ៉ែម សំអឿន នៅព្រឹកថ្ងៃទី៨ ខែ កុម្ភៈ ឆ្នាំ២០២៣ ក្នុងពិធីប្រគល់ម៉ូតូម៉ាក វេវ ចំនួន៣គ្រឿងជូនអង្គភាពចំនួន៣ដែលកំពុងឈរជើងការពារព្រំដែននៅតំបន់មុំ៣កន្ទុយនាគ(កម្ពុជា-វៀតណាម-ឡាវ) ។ ក្នុងនោះអង្គភាព យោធា១គ្រឿង អង្គភាពនគរបាល ១គ្រឿង និងអង្គភាពឧទ្យាននុរក្ស១គ្រឿង។
ក្នុងឱកាសនេះដែរមេបញ្ជាការកងកម្លាំងទាំងបី បានថ្លែងអំណរគុណយ៉ាងជ្រាលជ្រៅចំពោះលោកអភិបាលខេត្ត ដែលយកចិត្តទុកដាក់គិតគូរដល់កងកម្លាំងនគរបាលការពារព្រំដែនដោយបានផ្តល់ម៉ូតូ១គ្រឿង ដើម្បីជាមធ្យោបាយជិះបម្រើការងារការពារសន្តិសុខជូនជាតិ និងប្រជាពលរដ្ឋ៕
*ទី៩៖ យើងត្រូវតែផ្ដល់អាទិភាពដល់តម្លៃសន្តិភាពខ្ពស់ជាងអ្វីៗទាំងអស់។ ហេតុនេះនៅក្នុងបរិបទ បច្ចុប្បន្នយើងត្រូវលើកកម្ពស់កិច្ចសហប្រតិបត្តិការលើវិស័យ បច្ចេកទេស បច្ចេកវិទ្យា និងវិទ្យាសាស្ត្រ ការបង្កើនចំណេះដឹងផ្នែក បច្ចេកវិទ្យា ការអភិវឌ្ឍន៍ធនធានមនុស្ស ការពង្រឹងកិច្ចសហប្រតិបត្តិការគ្រប់ ជ្រុងជ្រោយរវាងក្រសួងការពារប្រទេសទាំង៣ មានសារៈសំខាន់និងចាំបាច់ក្នុងការទំនាក់ទំនងជា ប្រពៃណី សាមគ្គីភាព ការយោគយល់ ការជឿជាក់ ជាអត្ថប្រយោជន៍រួម និងការអភិវឌ្ឍន៍ប្រកបដោយចីរភាព។
ជាមួយគ្នានេះ យើងត្រូវពង្រឹងការអនុវត្តនូវពិធីសារ រចនាសម្ព័ន្ធដែលមានស្រាប់យើងបង្កើតឡើង នូវ ផែនការប្រចាំឆ្នាំនីមួយៗ គឺជាការងារចាំបាច់ជម្រុញកិច្ចសហប្រតិបត្តិការលើវិស័យការពារជាតិ និងវិស័យផ្សេងៗទៀតឱ្យមានការរីកចម្រើនឈានឡើងមួយកម្រិតទៀត។
*ទី១០៖ ក្នុងស្មារតីនេះក្នុងនាមក្រសួងការពារជាតិ នៃព្រះរាជាណាចក្រកម្ពុជា ខ្ញុំសូមគាំទ្រចំពោះ ស្មារតីកិច្ចប្រជុំកំពូលសភា CLV-DTA លើកទី១ ស្ដីពីការពង្រឹងតួនាទីភារកិច្ច នៃរដ្ឋសភាក្នុងការលើកកម្ពស់ កិច្ចសហប្រតិបត្តិការ គ្រប់ជ្រុងជ្រោយរវាងកម្ពុជា-ឡាវ-វៀតណាម នាពេលនេះ។ ក្រសួងការពារជាតិកម្ពុជា បានប្ដេជ្ញាចូលរួមចំណែកដល់ការគិតគូរអំពីចក្ខុវិស័យទិសដៅទៅអនាគតការរៀបចំដៃគូយុទ្ធសាស្រ្តនិងផែនការសកម្មភាពទាំង ឡាយ សម្រាប់អនុវត្តកម្មវិធីនានានៃកិច្ចសហប្រតិបត្តិការរបស់យើង។
2023-01-11 11:05pm
អភិបាលខេត្តរតនគិរី ដឹកនាំមន្ត្រីក្រោមឱវាទ ចុះសួរសុខទុក្ខកងកម្លាំងឈរជើង នៅតាមខ្សែបន្ទាត់ព្រំដែនតំបន់កន្ទុយនាគ
(រតនគិរី)៖ លោក ញ៉ែម សំអឿន អភិបាលខេត្ត និងជាប្រធានគណៈបញ្ជាការឯកភាពខេត្តរតនគិរី និងលោកស្រី អមដំណើរដោយអភិបាលរងខេត្ត,លោកមេបញ្ជាការកងកម្លាំងទាំង៣ប្រភេទ, លោក លោកស្រីប្រធានមន្ទីរ អង្គភាពជុំវិញខេត្តមួយចំនួន នៅថ្ងៃទី១១ ខែមករា ឆ្នាំ២០២៣ បានអញ្ជើញចុះសួរសុខទុក្ខ កងកម្លាំងឈរជើង នៅតាមខ្សែបន្ទាត់ព្រំដែនកម្ពុជា-វៀតណាម-ឡាវ (តំបន់មុំ៣កន្ទុយនាគ)។
លោក ញ៉ែម សំអឿន បានថ្លែងនូវការកោតសរសើរ និងវាយតម្លៃខ្ពស់ចំពោះវីរៈកងទ័ពទាំងអស់ ដែលបានយកចិត្តទុកដាក់ ខិតខំការពារបូរណទឹកដីជាពិសេសចូលរួមគាំទ្រយ៉ាងសកម្ម ក្នុងការអនុវត្ត នូវបទបញ្ជាយ៉ាងម៉ឺងម៉ាត់របស់ប្រមុខរាជរដ្ឋាភិបាល និងក្រសួងសុខាភិបាល ក្នុងការចូលរួមថែរក្សាសន្តិសុខ សណ្តាប់ធ្នាប់សាធារណៈ នៅតាមខ្សែបន្ទាត់ព្រំដែនឱ្យមានស្ថេរភាពល្អប្រសើរ នាពេលកន្លងមក ។
លោកបានផ្តាំផ្ញើដល់អាជ្ញាធរដែនដី កងកម្លាំង ទាំងអស់ត្រូវបន្តពង្រឹងការចេញល្បាតតាមភូមិសាស្ត្រខ្សែបន្ទាត់ព្រំដែន ដើម្បីបង្ការទប់ស្កាត់ ការលបលួចឆ្លងដែនចូលមកកម្ពុជាដោយខុសច្បាប់ និងត្រូវបន្តកិច្ចសហប្រតិបត្តិការល្អជាមួយភាគីមិត្ត តាមគ្រប់មូលដ្ឋានព្រមទាំងពង្រឹងស្មារតីជាតិ ការពារទឹកដី ស្របតាមការកំណត់របស់គណៈកម្មការកិច្ចការពារព្រំដែន ដែលបានបោះបង្គោលព្រំដែនរួច ដោយមិនត្រូវរំលោភលើបូរណភាពទឹកដីគា្នទៅវិញទៅមក។ ជាពិសេសចូលរួមសហការជាមួយកម្លាំងនគរបាលការពារព្រំដែន និងមន្ត្រីឧទ្យាននុរក្សការពារ និងទប់ស្កាត់រាល់បទល្មើសធនធានធម្មជាតិនានា ដែលអាចកើតមានតាមព្រំដែន និងសូមឱ្យកងកម្លាំងរបស់យើងទាំងអស់ ត្រូវថែរក្សាសុខភាពរបស់ខ្លួនឱ្យបានល្អពីព្រោះរដូវនេះជារដូវរងារអាកាសធាតុចុះត្រជាក់ក្រែងមានមានជំងឺដង្កាត់ផ្សេងៗ។
ក្នុងឱកាសនេះ លោកញ៉ែម សំអឿន និងលោកស្រី បាននាំយកអំណោយជាគ្រឿងឧបភោគ បរិភោគ ជូនដល់កងកម្លាំងទាំងបីរួមមាន៖ កម្លាំងយោ ធានិងនគរបាលក្នុងមួយអង្គភាពទទួលបាអង្ករ៧បេ, មី១, ៥កេស, ទឹកត្រី១០យួរ, ទឹកស៊ីអ៊ីវ១៩យួរ, ស្កសរ១១គីឡូ, ខ្ទឹមសរ៥គីឡូ, ខ្ទឹមក្រហម៥ គីឡូ, អំបិល៥៣គីឡូ, ប្រេងឆា៥លីត្រ, ប៊ីចេង៧គីឡូ, ត្រីខ១៤យួរ, ទឹកក្រូច៤កេស, ភេជ្ជៈខារាបាវ២កេស និងថវិកា២លាន៦០ម៊ឺនរៀល។ ដោយឡែកកម្លាំងមន្រ្តីបរិស្ថាន (ឧទ្យាននុរក្ស) ទទួលបានអង្ករ៣បេ, មី១កេស, ទឹកត្រី៧យួរ, ទឹកស៊ីអ៊ីវ១៧យួរ, ស្កសរ៧គីឡូ, ខ្ទឹមសរ៥, ខ្ទឹមក្រហម៥គីឡូ, អំបិល៣៥គីឡូ, ប្រេងឆា៥លីត្រ, ប៊ីចេង៦គីឡូ, ត្រីខ១២យួរ, ទឹកក្រូច២ក្រូចកេសនិងថវិកា១លាន៥០ម៊ឺនរៀល។
ជាមួយគ្នានេះដែរ លោកអភិបាលខេត្តសន្យាផ្តល់ជូនម៉ូតូចំនួន៣គ្រឿង ដល់អង្គភាពទាំង៣ ក្នុង១អង្គភាព១គ្រឿងផងដែរ៕
*ទី១១៖ កិច្ចប្រជុំនេះបានឆ្លុះបញ្ចាំងពីការប្តេជ្ញាចិត្តរួមគ្នាក្នុងការពង្រឹង និងពង្រីកទំនាក់ទំនងល្អ ចំណងមិត្តភាព សាមគ្គីភាព ក្នុងកិច្ចសហប្រិតិបត្តិការល្អរវាងប្រទេសទាំង៣ ឱ្យកាន់តែរឹងមាំ ស្អិតល្មួត និងមានប្រសិទ្ធភាពឡើងថែមទៀត ដើម្បីជាផលប្រយោជន៍នៃប្រជាជនប្រទេសយើងទាំង៣។
*ទី១២៖ ជាទីបញ្ចប់ ខ្ញុំសូមជូនពរដល់កិច្ចប្រជុំកំពូលសភា CLV-DTA លើកទី១ ស្តីពីការពង្រឹងតួនាទី ភារកិច្ចនៃរដ្ឋសភាក្នុងការលើកកម្ពស់កិច្ចសហប្រតិបត្តិការគ្រប់ជ្រុងជ្រោយ រវាងកម្ពុជា-ឡាវ-វៀតណាម នាពេលនេះ ខ្ញុំសូមឱ្យទទួលបានជោគជ័យដ៏ត្រចះត្រចង់ថែមទៀត៕
ខេត្តរតនគិរី ៖ ជនសង្ស័យជនជាតិឡាវម្នាក់ ត្រូវបានកងកម្លាំងឈរជើងនៅតំបន់កន្ទុយនាគ មានប៉ុស្តិ៍នគរបាលការពារព្រំដែនលេខ៤០៧ កម្លាំងយោធានៃកងអនុសេនាតូចទី៣ និងកម្លាំងបរិស្ថាន បានត្រួត ពិនិត្យ និងឃាត់ខ្លួនពីបទចរាចរណ៍សារធាតុញៀន ។
រកឃើញឈើល្មើសច្បាប់ចំនួន១៨៨៧កំណាត់ ស្មើនឹងរាប់ពាន់ម៉ែត្រគូប នៅតំបន់កន្ទុយនាគ អាវុធហត្ថផ្ទៃប្រទេស អល់អែកអនុវត្តន៍ច្បាប់ ដោយសារមន្ត្រីជំនាញថាជាឈើចាស់ កម្លាំងសមត្ថកិច្ចចម្រុះជាង២០០នាក់ ដឹកនាំបញ្ជាផ្ទាល់ពីឧត្តមសេនីយ៍ឯក ហុង វិណុល មេបញ្ជាការរងកងរាជអាវុធហត្ថជាតិ បានបើកប្រតិបត្តិការទ្រង់ទ្រាយធំ ចុះទៅតំបន់កន្ទុយនាគ(ឧទ្យានជាតិវិរៈជ័យ)ខេត្តរតនគិរីចាប់ពីថ្ងៃទី០២ ដល់ថ្ងៃទី១៦ ខែមករា ឆ្នាំ២០២០ ដើម្បីស្រាវជ្រាវ រុករកបទលើ្មសព្រៃឈើនៅក្នុងតំបន់នោះ ដោយរកឃើញឈើល្មើសច្បាប់ ជិត២០០០កំណាត់ បើគិតជាចំនួនរាប់ពាន់ម៉ែត្រគូប តែហាក់នៅអល់អែកមិនទាន់សម្រេចចិត្តថានឹងចាត់វិធានការច្បាប់បែបណានៅឡើយទេ ដោយសារមន្ត្រីជំនាញរដ្ឋបាលព្រៃឈើ វាយតម្លៃថាជាឈើចាស់ខូចគុណភាព ប្រើការមិនកើត ដែលធ្វើឲ្យមានការសង្ស័យថាជាការវាយតម្លៃនេះបង្កប់ដោយភាពខុសប្រក្រតី។ បើតាមសេចក្តីរាយការណ៍ពីកម្លាំងចម្រុះម្នាក់សុំមិនបញ្ចេញឈ្មោះ ដែលបានចូលរួមក្នុងបេសកកម្មប្រតិបត្តិការនេះ បានឲ្យដឹងថា ប្រភេទឈើធំៗចម្រុះ ត្រូវបានកងកម្លាំងរុករកឃើញនៅក្នុងទីតាំងជាច្រើនកន្លែង សរុបមានចំនួន១៨៨៧កំណាត់ ដោយចំនួន៩២២កំណាត់ រកឃើញក្នុងតំបន់ឧទ្យានជាតិវិរៈជ័យ ក្នុងស្រុកតាវែង(តំបន់កន្ទុយនាគ)ស្ថិតក្រោមការទទួលខុសត្រូវ និងការពារដោយមន្ត្រីឧទ្យានុរក្សរបស់ក្រសួងបរិស្ថាន និងចំនួន៩៦៥ដុំទៀតរកឃើញនៅក្នុងបរិវេណដីក្រុមហ៊ុនស្រ៊ុននុភាសុភីក្នុងស្រុកអណ្តូងមាស ហើយបើតាមការប៉ាន់ស្មានជំហ៊ានតំបូងឈើខុសច្បាប់ដែលបានរកឃើញទាំងអស់ គឺមានចំនួនរាប់ពាន់ម៉ែត្រគូបឯណោះ។
គំនរឈើជាច្រើនកន្លែង ដែលត្រូវបានកម្លាំងចម្រុះរុករកឃើញនេះ ភាគច្រើនគឺនៅចំណុចក្បែរបង្គាលព្រំដែនលេខ១០ ចំងាយប្រហែល១០គីឡូម៉ែត្រពីខ្សែក្រវ៉ាត់ព្រំដែនកម្ពុជាវៀតណាម ជាប្រភេទឈើចម្រុះ ប្រភេទលេខ១និងលេខ២ ដូចជា ប្រភេទឈើ គគីរ កកោះ ដួងចែម ត្រាច ផ្តៀក និងឈើទាល ដែលសុទ្ធតែមានប្រវែងជាមធ្យម១០ម៉ែត្រ និងមានមុខកាត់ធំៗ។ បើតាមសេចក្តីរាយការណពីជនជាតិវៀតណាមម្នាក់ឈ្មោះ ថ ដែលធ្លាប់រកសុីក្នុងតំបន់នោះ បានឲ្យដឹងថា ឈើទាំងអស់នេះក្រុមឈ្មួញជនជាតិវៀតណាម ត្រៀមដឹកចេញទៅកាន់ប្រទេសវៀតណាម នៅពាក់កណ្តាលខែមករា ព្រោះពួកគេបានឈូសឆាយផ្លូវរួចរាល់ សម្រាប់ចូលគ្រឿងចក្រមកដឹកឈើចេញ តាមក្បែរបង្គោលព្រំដែនលេខ១០ និងបានផ្តល់លុយរាប់សែនដុល្លារ ឲ្យមេឈ្មួញឈើល្បីឈ្មោះដុះស្លែម្នាក់ប្រចាំខេត្តរតនគិរី យកមករត់ការសូកប៉ាន់មន្ត្រីមានអំណាចពាក់ព័ន្ធក្នុងខេត្តនេះ ដូចប៉ុន្មានឆ្នាំមុនៗដែលពួកគេធ្លាប់បានធ្វើ។ជនជាតិវៀតណាមរូបនោះបានឲ្យដឹងដែរថា ឈើទាំងនោះ ជាឈើចាស់ដែលគេកាប់កាត់ចុងកាត់គល់ប្រមូលទុកតាំងពីឆ្នាំមុន និងឈើមួយចំនួនសល់ពីការដឹកចេញវៀតណាមមិនទាន់កាលពីឆ្នាំ២០១៧។ តែកាលពីដើមឆ្នាំ២០១៨ ព័ត៌មានកាប់បំផ្លាញព្រៃនៅតំបន់កន្ទុយនាគត្រូវបែកការណ៍ ដោយត្រូវកម្លាំងអាវុធហត្ថផ្ទៃប្រទេសជាច្រើននាក់ចុះបំពេញបេសកកម្មស្រាវជ្រាវ និងរុករកបទល្មើសព្រៃឈើ នៅក្នុងតំបន់នោះ ទើបសកម្មភាពដឹកឈើចេញទៅវៀតណាមទ្រង់ទ្រាយធំ ត្រូវបានផ្អាកមកទល់នឹងពេលនេះ។ ក្រៅពីនោះ នៅមានជនជាតិវៀតណាមចំនួន២ក្រុម លួចធ្វើសកម្មភាពធ្វើអាជីវកម្មរ៉ែមាសនៅទីតាំងផ្សេងៗគ្នាក្នងបរិវេណ អតីតដីសប្បទានរបស់លោកឧកញ៉ាទ្រី ភាព តាំងពីឆ្នាំ២០១៦ ក្រោយពីក្រុមហ៊ុននេះប្រកាសប្រគល់ដីឲ្យរដ្ឋវិញ។ការធ្វើអាជីវកម្មរ៉ែមាសពីសំណាក់ជនជាតិវៀតណាមនៅក្នុងតំបន់កន្ទុយនាគបានដោយរលូននេះ គឺទំនងមានការឃុបឃិតពុករលួយពីសំណាក់មន្ត្រីនគរបាលវរៈការពារព្រំដែន និងមន្ត្រីមានអំណាចនៅក្នុងខេត្តរតនគិរីនេះផងដែរ ក្រោមការសម្របសសម្រួលពីអតីតមេការក្រុមហ៊ុនឧកញ៉ាទ្រី ភាព ម្នាក់ឈ្មោះ បូរ ដែលជាអ្នកមើលការខុសត្រូវ មើលថែទាំនិងដាំដុះដំណាំនៅក្នុងដីក្រុមហ៊ុនមួយនេះ។
ជាក់ស្តែងព័ត៌មានឈ្មួញរកសុីឈើនៅខេត្តកន្ទុមប្រទេសវៀតណាម ឈូសផ្លូវក្បែរបង្គោលព្រំដែនលេខ ១០ បំណងត្រៀមដឹកឈើខុសច្បាប់ចេញនៅពាក់កណ្តាលខែមករានេះ បានបែកធ្លាយ ដល់កម្លាំងអាវុធហត្ថទើប ទើបលោកនាយឧត្តមសេនីយ៍ សៅ សុខា បានចេញបញ្ជាឲ្យលោកឧត្តមសេនីយ៍ឯក ហុង វិណុល ជាមេបញ្ជាការងដឹកនាំកម្លាំងអាវុធហត្ថជាតិ និងសហការជាមួយគណៈបញ្ជាការខេត្តរតនគិរី មានកម្លាំងអាវុធហត្ថខេត្ត កម្លាំងស្នងការនគរបាលខេត្ត នគរបាលវរៈការពារព្រំដែន មន្ត្រីឧទ្យានុរក្ស មន្រីរដ្ឋបាលព្រៃឈើ ដែលមានកម្លាំងសរុបជាង២០០នាក់ ចុះបេសកកម្មស្រាវជ្រាវ និងរុករកយ៉ាងក្តៅគគុករយៈពេល១៤ថ្ងៃ ចាប់ពីថ្ងៃទី០២ មករា ដល់ថ្ងៃ១៦មករា ឆ្នាំ២០២០ កន្លងទៅថ្មីៗនេះ នៅក្នុងតំបន់ឧទ្យានជាតិវិរៈជ័យ(តំបន់កន្ទុយនាគ) ដោយរកឃើញឈើចាស់ខុសច្បាប់សរុបចំនួន១៨៨៧កំណាត់ ស្មើនឹងរាប់ពាន់ម៉ែត្រគូប។ ប៉ុន្តែដល់ពេលនេះ គណៈកម្មការបង្ក្រាបបទល្មើសព្រៃឈើថ្នាក់ជាតិ បានដកកងកម្លាំងចេញពីតំបន់កន្ទុយនាគអស់ទៅហើយ ឯចំណាត់ការផ្លូវច្បាប់យ៉ាងណា នៅមិនទាន់ដឹងនៅឡើយទេ គឺហាក់ដូចបិទបាំងព័ត៌មាន ដោយយោងថា មន្ត្រីរដ្ឋបាលព្រៃឈើវាយតម្លៃថាឈើទាំងអស់ដែលបានរកឃើញ ជាឈើចាស់ ខូចគុណភាព តែបើតាមកម្លាំងដែលចុះផ្ទាល់ថា មិនដូចការវាយតម្លៃរបស់មន្រ្តីរដ្ឋបាលព្រៃឈើនោះទេ គឺឈើនូវមានគុណភាពល្អនៅឡើយ បើខូចក៏ខូចតិចតួច ដោយយោងទៅលើមានដានពុះច្រៀកឈើទាំងនោះថ្មីៗ ពីសំណាក់ជនខិលខូច ក្នុងទីតាំងគំនរឈើ ពោលគឺឈើទាំងនោះនៅមានគុណភាពល្អច្រើន។ ម្យ៉ាងទៀត គ្រាន់តែកម្លាំងចម្រុះផ្តើមចេញ ដំណើរពីស្រុកអណ្តូងមាសភ្លាម ជនជាតិវៀតណាមរាប់សិបដែលសម្ងំយាមគំនរឈើ ធ្វើអាជីវកម្មរ៉ែមាស ដាក់អន្ទាក់ចាប់សត្វ ក្នុងតំបន់កន្ទុយនាគ បាននាំគ្នារើឥវ៉ាន់ចាកចេញទៅប្រទេសវៀណាម ភ្លាមៗដែរ ដែលមិនខុសអីពីខ្មោចស្រុកឲ្យដៃ ខ្មោចព្រៃដឹងមុន ឬអាចហៅម៉្យាងទៀតថា កម្លាំងចម្រុះដែលចុះបំពេញបេសកកម្មនេះ ប្រៀបដូចទៅដេញចាបមានម្ចាស់ កំពុងសម្ងំសុីស្រូវនោះទេ ។
សកម្មជនព្រៃឈើលើកឡើងថា គណៈកម្មការជាតិបង្ក្រាបបទល្មើសព្រៃឈើដឹកនាំដោយនាយឧត្តមសេនីយ៍ សៅ សុខា គួរតែចាត់ វិធានការផ្លូវច្បាប់ ដោយបើកស្រាវជ្រាវរកមុខអ្្នកពាក់ព័ន្ធដែលបានគប់គិត ផ្សំគំនិត បើកដៃឲ្យមានការកាប់បំផ្លាញព្រៃឧទ្យានជាតិវិរៈជ័យ ទ្រង់ទ្រាយធំបែបនេះ ដើម្បីយកមកផ្តន្ទាទោសតាមច្បាប់ មិនគួរជឿតែលើរបាយការណ៍ភូតកុហករបស់មន្ត្រីខិលខូចមួយចំនួននោះទេ ។ ជាពិសេសគឺដើម្បីលើកកម្ពស់កិត្យានុភាពរបស់គណៈកម្មការជាតិបង្ក្រាបបទល្មើសព្រៃឈើ ដូចបានធ្វើនាពេលកន្លងមក ដើម្បីរក្សាប្រយោជន៍ជូនជាតិមាតុភូមិ និងមុខមាត់របស់រាជរដ្ឋាភិបាលកម្ពុជា លើឆាកអន្តរជាតិ៕
2017-02-08 05:42pm (រតនគិរី)៖ ផ្លូវឆ្ពោះទៅកាន់ព្រំដែនកន្ទុយនាគឈូសឆាយបានប្រវែង ២៧គីឡូម៉ែត្រហើយ លើប្រវែងសរុប ១៥៩គីឡូម៉ែត្រ។ គ្រាដែលការងារឈូសឆាយកំពុងដំណើរការនោះ លោកឧត្តមសេនីយ៍ឯក សៀក សុជាតិ នាយកទីចាត់ការការពារព្រំដែន និង លោក ថង សាវុន អភិបាលខេត្តរតនគិរីនៅព្រឹកថ្ងៃទី០៨ ខែកុម្ភៈ ឆ្នាំ២០១៧នេះ បានអញ្ជើញចុះទៅពិនិត្យការងារឈូសឆាយ។ សូមបញ្ជាក់ថា បច្ចុប្បន្នបើចង់ទៅតំបន់ព្រំដែនកន្ទុយនាគ ដែលជាតំបន់ព្រំដែនរួមគ្នា នៃប្រទេសកម្ពុជា ឡាវ និងវៀតណាម គេមិនអាចទៅដល់នោះទេ គឺត្រូវធ្វើដំណើរតាមប្រទេសវៀតណាម។ តែទោះជាយ៉ាងណាបច្ចុប្បន្នរាជរដ្ឋាភិបាលកម្ពុជា កំពុងបើកការឈូសឆាយផ្លូវ នេះហើយ ហើយរំពឹងថា នឹងរួចរាល់ក្នុងពេលឆាប់ៗខាងមុខ។ បើតាមមន្រ្តីការឈូសឆាយផ្លូវទៅកាន់តំបន់កន្ទុយនាគជួបការលំបាកខ្លាំង ព្រោះមានការឆ្លងកាត់ភ្នំច្រើន។ ផ្លូវនេះក្រោយពីសាងសង់រួច រាល់នឹងជួយសម្រួលដល់ការធ្វើដំណើរទៅកាន់ព្រំដែន ហើយក៏ជួយសម្រួលការធ្វើដំណើរ និងដឹកកសិផលរបស់ប្រជាពលរដ្ឋខ្មែរ ដែលរស់នៅតំបន់នោះផងដែរ៕
រដ្ឋគ្រោងសាងសង់ផ្លូវជាតិថ្មី ០២ខ្សែ ដែលខ្សែទី១-ចេញពីខេត្តរតនគិរីទៅកាន់ស្រុកវើនសៃ និងខ្សែទី២-ឆ្ពោះទៅកាន់តំបន់កន្ទុយនាគក្នុងឆ្នាំ២០២៨ មានប្រវែងសរុបជាង ២០០គ.ម ដោយនឹងប្រើប្រាស់ថវិកាជាតិ។ នេះបើតាមសន្និសីទសារព័ត៌មានស្ដីពី “ភាពជោគជ័យក្នុងរយៈពេល ៥ឆ្នាំកន្លងមក” របស់រដ្ឋបាលខេត្តរតនគីរីកាលពីថ្ងៃទី៤ ខែមេសា ឆ្នាំ២០២៣។ បើតាមលោកប្រធានមន្ទីរសាធារណការ និងដឹកជញ្ជូនខេត្តរតនគិរី បានឱ្យដឹងថា រដ្ឋមិនត្រឹមតែសាងសង់ផ្លូវទៅស្រុកវើនសៃប៉ុណ្ណោះទេ តែថែមទាំងភ្ជាប់ទៅអូរក្រៀល ខេត្តស្ទឹងតែ្រងផងដែរ។ ក្នុងនោះ ផ្លូវនេះចែកចេញជា ០២កំណាត់ គឺកំណាត់ទី១ ជាប្រភេទក្រួសក្រហមចេញពីអូរជុំ ទៅស្រុកវើនសៃមានប្រវែង ២៨,៥២ គ.ម និងមួយកំណាត់ទៀត ជាកំណាត់ផ្លូវដី ចេញទៅដល់ព្រំប្រទល់កម្ពុជាឡាវមានប្រវែង ១០៤,៤៥ គ.ម ដោយសរុបទាំងពីរកំណាត់នេះមានប្រវែង ១៣២,៩៧គ.ម។ លោកប្រធានមន្ទីរ បានបញ្ជាក់ថា រដ្ឋាភិបាលគ្រោងសាងសង់ផ្លូវនេះតាំងពីឆ្នាំ២០២២មកម្ល៉េះ តែដោយសារស្ថានភាពសេដ្ឋកិច្ច និងសង្គម គម្រោងនេះ ក៏ប្តូរទៅសាងសង់ក្នុងឆ្នាំ២០២៧ វិញ។ ដោយឡែក ចំពោះគម្រោងផ្លូវទៅកាន់តំបន់កន្ទុយនាគ ជាគម្រោងស្ថិតក្នុងប្រព័ន្ធផ្លូវជាតិឈ្មោះថា ផ្លូវ ៧៨ដកប្រាង្គ ដែលមានប្រវែង ១៩១គ.ម ក៏គ្រោងនឹងសាងសង់ក្នុងឆ្នាំ២០២៨ ផងដែរ។ ផ្លូវនេះចែកចេញជា ០៣ប្រភេទ គឺ ១). ចែកចេញជាប្រភេទ dbst ពីក្រុងបានលុង ដល់ភូមិតងណងឡិ ប្រវែង ២១,៩៥គ.ម ២). ពីភូមិតងណងឡិទៅស្រុកតាវែង ជាប្រភេទល្បាយថ្មមានប្រវែង ២៥,៩ គ.ម និង ៣). ពីស្រុកតាវែងទៅដល់តំបន់កន្ទុយនាគ ១៤៣,៩៩គ.ម។ លោកបានបញ្ជាក់បន្ថែមថា ផ្លូវទៅវើនសៃនឹងចាប់ផ្តើមក្នុងឆ្នាំ២០២៧ រីឯផ្លូវទៅតំបន់កន្ទុយនាគ នឹងចាប់ផ្តើមក្នុងឆ្នាំ២០២៨ ប៉ុន្តែអាចនឹងចាប់ផ្តើមមុនឆ្នាំទាំងនោះ អាស្រ័យលើថ្នាក់ដឹកនាំ។ គួរបញ្ជាក់ថា ផ្លូវទៅតំបន់កន្ទុយនាគ ធ្វើដំណើរបានត្រឹមតែស្រុកតាវែងទេ បើចង់ទៅដល់ទីនោះ ត្រូវធ្វើដំណើរពីប្រទេសវៀតណាមមកវិញ។
២០២៣ ខេត្តរតនគិរី បានបញ្ចប់ការបោះបង្គោលព្រំដែនជាមួយខេត្តអត្តពឺរបស់ឡាវពេញលេញទាំងស្រុង។ នេះបើតាមការអះអាងរបស់លោក ញ៉ែម សំអឿន អភិបាលនៃគណៈអភិបាលខេត្តរតនគិរីនៅក្នុងសន្និសីទជោគជ័យរបស់រដ្ឋបាលខេត្តនៅទីស្ដីការគណៈរដ្ឋមន្ត្រីដែលរៀបចំឡើងកាលពីម្សិលមិញនេះ។
លោក ញ៉ែម សំអឿន អភិបាលខេត្តរតនគិរីបានបញ្ជាក់ថា ខេត្តរតនគិរីមានព្រំប្រទល់ជាប់ខេត្តអត្តពឺរបស់ឡាវប្រវែង ១៦៥ គីឡូម៉ែត្រ។ ការបោះបង្គោលព្រំដែនបានបញ្ចប់ពេញលេញ ហើយនៅពេលខាងមុខក៏គ្រោងនឹងបើកច្រកទ្វារព្រំដែនបន្ថែមទៀតរវាងខេត្តជាប់ព្រំដែនទាំងពីរ។
លោកអភិបាលខេត្តបញ្ជាក់បន្ថែមថា តាមការសិក្សាមានទីតាំងចំនួនពីរសម្រាប់បើកច្រកទ្វារព្រំដែនគឺនៅបង្គោលព្រំដែនលេខ ១០៣ និងលេខ ១៤៥។
នៅបង្គោលលេខ ១០៣ ជាប់គ្នារវាងស្រុកវ៉ឺនសៃ និងស្រុកភូវង្សរបស់ឡាវ។ ពីស្រុកវ៉ឺនសៃមានចម្ងាយជាង ៣០ គីឡូម៉ែត្រ និងពីស្រុកភូវង្សរបស់ឡាវមានចម្ងាយជាង ២០ គីឡូម៉ែត្រ។ មានទីតាំងមួយទៀតគឺនៅបង្គោលលេខ ១៤៥ នៅកៀកតំបន់មុំ ៣ កន្ទុយនាគ (ព្រំដែនប្រសព្វគ្នាកម្ពុជា-ឡាវ-វៀតណាម)។
ការបើកច្រកទ្វារព្រំដែននៅបង្គោលលេខ ១៤៥ ផ្តល់ផលចំណេញទាំងសេដ្ឋកិច្ច និងសន្តិសុខជាតិ តាមរយៈអ្នកទេសចរដែលអាចធ្វើដំណើរទៅកម្សាន្តឆ្លងកាត់ឧទ្យានជាតិវីរជ័យដែលមានទេសភាពស្អាត ត្រជាក់ ហើយណាមួយក៏កៀកនៅតំបន់មុំ ៣ កន្ទុយនាគចម្ងាយតែជាង ២០ គីឡូម៉ែត្រ ដែលបងប្អូនក៏អាចទៅសួរសុខទុក្ខវីរការពារព្រំដែននៅទីនោះថែមទៀតផង។ លើសពីនោះទីតាំងទីនោះក៏អត់សូវប៉ះពាល់ដល់បរិស្ថានដែរ តែបើបើកច្រកនៅបង្គោលព្រំដែនលេខ ១០៣ ប៉ះពាល់តំបន់ស្នូលបរិស្ថានច្រើន។ តែការសម្រេចយ៉ាងណា រដ្ឋបាលខេត្តនឹងធ្វើរបាយការណ៍រួមទៅរដ្ឋាភិបាលដើម្បីសម្រេចចុងក្រោយ។
ទាក់ទងបញ្ហាព្រំដែនវៀតណាម លោក ញ៉ែម សំអឿន បានលើកឡើងថា ខេត្តរតនគីរីបានបញ្ចប់ការបោះបង្គោលព្រំដែនជាមួយប្រទេសវៀតណាមចាប់ពីបង្គោលលេខ ០ (កន្ទុយនាគ) រហូតដល់បង្គោល ៣០ (ច្រកអូរយ៉ាដាវ)។ ដោយឡែកចាប់ពីបង្គោលលេខ ៣១ ដល់បង្គោលលេខ ៤០ ព្រំប្រទល់ខេត្តមណ្ឌលគិរីនៅកំពុងចរចាដោះស្រាយនៅឡើយ។
លោកបន្តថា នៅតំបន់ដែលនៅមិនទាន់បោះបង្គោលព្រំដែន ភាគីទាំងពីរនៅតែរក្សាសន្តិសុខ សហការទំនាក់ទំនងគ្នាទៅវិញទៅមកជាធម្មតា មិនមានបញ្ហាអីនោះទេ។ ទាក់ទងកន្លងមកធ្លាប់កើតមានករណីដែលកសិករវៀតណាមបានជីកស្រះនៅតំបន់មិនទាន់កំណត់ជាក់លាក់ ខាងកម្ពុជាស្នើឲ្យលុបវិញមកដល់ពេលនេះបានដោះស្រាយបញ្ចប់មិនមានបញ្ហាអីទៀតនោះទេ។
ខេត្តរតនគិរី ស្ថិតនៅភាគឦសាន្តមានចម្ងាយពីរាជធានីភ្នំពេញ ៥៨៨ គីឡូម៉ែត្រ មានព្រំប្រទល់ខាងលិចជាប់ខេត្តស្ទឹងត្រែង ខាងកើតជាប់នឹងខេត្តយ៉ាឡាយ និងខេត្តកន្ទុម នៃសាធារណរដ្ឋសង្គមនិយមវៀតណាមប្រវែង ២១០គ.ម ខាងជើងជាប់នឹងខេត្តអត្តពឺនៃសាធារណរដ្ឋប្រជាធិបតេយ្យប្រជាមានិតឡាវប្រវែង ១៦៥គ.ម និងខាងត្បូងជាប់ខេត្តមណ្ឌលគិរី។ ភូមិសាស្ត្រខេត្តជាតំបន់ខ្ពង់រាបសម្បូរភ្នំ ជ្រោះជ្រលងដងអូរ និងព្រៃឈើគ្រប់ប្រភេទ ហើយមានទន្លេឆ្លងកាត់ចំនួន ០២ គឺទន្លេសេសាន និងទន្លេស្រែពក។
ខេត្តមានផ្ទៃដីសរុប ១០.៧៨២ គីឡូម៉ែត្រក្រឡា រដ្ឋបាលដែនដីត្រូវបានចែកជា ០១ ក្រុង ០៨ស្រុក ៤៦ឃុំ ០៤សង្កាត់ និង២៤៣ភូមិ។
សេដ្ឋកិច្ចរបស់ខេត្តរតនគិរីពឹងផ្អែកលើវិស័យ ៣ សំខាន់ គឺ ទេសចរណ៍ ធនធានរ៉ែ និងកសិឧស្សាហកម្ម។ ផ្អែកតាមទិន្នន័យមូលដ្ឋានឆ្នាំ ២០២២ ប្រជាជនក្នុងខេត្តសរុបមានជាង ២២ម៉ឺននាក់ ក្នុងនោះ ៨២ ភាគរយប្រកបរបរកសិកម្មជាចម្បង៕
២០១៧ រតនគិរីនឹងកាន់តែកែប្រែមុខមាត់ថ្មីនៅក្រោយពេលផ្លូវមួយខ្សែស្ថាបនា រួចរាល់តាមបណ្ដោយខ្សែក្រវ៉ាត់ព្រំដែនកម្ពុជាវៀតណាមឡាវ
ខេត្តរតនគិរី ៖ ខេត្តរតនគិរីនឹងត្រូវគេរំពឹងថា នឹងមានផ្លូវមួយខ្សែយ៉ាងល្អប្រណីត ក្រោមការស្ថាបនារបស់រាជរដ្ឋាភិបាលកម្ពុជា ដែលផ្ឡូវនោះ បាននិងកំពុងស្ថាបនាឡើងកាត់ព្រៃភ្នំ ជ្រោះជ្រលងដងអូរ កាត់ភាពលំបាកគ្រប់ដំណាក់កាល តាមបណ្តោយខ្សែបន្ទាត់ព្រំដែនកម្ពុជា វៀតណាម ដោយចាប់ផ្តើមពីចំណុចបង្គោលព្រំដែនលេខ៣០ ដល់តំបន់មុំបី កន្ទុយនាគ ។
តាមប្រសាសន៍ប្រធានក្រុមបច្ចេកទេសបោះបង្គោលខ័ណ្ឌសីមាប្រចាំខេត្តរតនគិរី លោក ណែម បូរា បានប្រាប់នៅល្ងាចថ្ងៃទី០៨ កុម្ភៈនេះថា ផ្លូវដែលនឹងស្ថាបនានោះ មានចម្ងាយ១៦០គីឡូម៉ែត្រ បច្ចុប្បន្នកំលាំងវិស្វកម្មត្រាសសេបានចម្ងាយ២៧គីឡូម៉ែត្រហើយ ។
កាលពីព្រឹកម្សិលមិញថ្ងៃទី០៨ កុម្ភៈ ឯកឧត្តម សៀក សុជាតិ នាយកទីចាត់ការការពារព្រំដែន នៃអគ្គបញ្ជាការកងយោធពលខេមរភូមិន្ទ និងឯកឧត្តម ថង សាវុន អភិបាលខេត្តរតនគិរី បានអញ្ជើញចុះពិនិត្យការស្ថាបនាផ្ឡូវនោះជាក់ស្តែង ។
ផ្លូវស្ថាបនាថ្មី តាមក្រវាត់ព្រំដែនកម្ពុជា វៀតណាម ដែលមានប្រវែង ១៦០គីឡូម៉ែត្រ ចាប់ពីបង្គោលសីម៉ាលេខ៣០ ច្រកទ្វារអន្តរជាតិស្រុកអូរយ៉ាដាវ ក្នុងខេត្តរតនគិរី ទៅទល់នឹងមុំបីកន្ទុយនាគ កម្ពុជា វៀតណាម ឡាវ ត្រូវបានស្ថាបនាដោយ កម្លាំងវិស្វកម្ម ត្រាស់សេរបាន២៧គីឡូម៉ែត្រហើយ។
ឯកឧត្តម សៀក សុជាតិ ដែលចុះពិនិត្យការដ្ឋានផ្ទាល់ មានប្រសាសន៍ថា កម្ពុជាដឹកនាំដោយសម្តេចតេជោ ហ៊ុន សែន តែងគិតគូរជានិច្ចចំពោះការអភិវឌ្ឍន៍តាមតំបន់ព្រំដែន ដើម្បីប្រែក្លាយតំបន់ព្រំដែន អោយក្លាយទៅជាតំបន់សន្តិភាព មិត្តភាព និងការអភិវឌ្ឍន៍ ។
ជាក់ស្តែង ការឈូសឆាយស្ថាបនាផ្ឡូវ ១៦០គីឡូម៉ែត្រពីខេត្តរតនគិរី ប្រទេសកម្ពុជា ទៅខេត្តយ៉ាឡាយ ប្រទេសវៀតណាម ដែលចាប់ផ្តើមស្ថាបនាឡើង ពីចំណុចបង្គោលប្ពំដែនលេខ៣០ ឆ្ពោះទៅកាន់តំបន់មុំបី (កន្ទុយនាគ) នេះស្រាប់ ។
លោកថា ផ្លូវនេះគឺឈូសឆាយស្ថាបនាឡើងដោយកំលាំងវិស្វកម្ម នៃកងយោធពលខេមរភូមិន្ទ បច្ចុប្បន្នឈូសឆាយត្រាសេសបានចម្ងាយ២៧គីឡូម៉ែត្រហើយៗ នឹងបន្តឈូសឆាយអោយដល់តំបន់មុំបីកន្ទុយនាគ តាមផែនការរបស់រាជរដ្ឋាភិបាល ។
ឯកឧត្តម មានប្រសាសន៍បន្តថា ផ្លូវនេះជំហានដំបូងគឺយើងធ្វើការក្រាលគ្រួសក្រហមសិន ហើយនឹងឈានទៅក្រាលបេតុង ឬក្រាលកៅស៊ូបន្តទៀតនាពេលអនាគត ហើយផ្លូវក្រវ៉ាត់ព្រំដែននេះ ជាផ្លូវយុទ្ធសាស្ត្រ សំរាប់ការពារបូរណភាពទឹកដី និងបំរើផលប្រយោជប្រជាពលរដ្ឋ ដែលរស់នៅតាមតំបន់ព្រំដែននេះផងដែរ ។
ជាមួយនឹងការរំពឹងថា នឹងទទួលបានផ្ឡូវល្អប្រណីតមួយខ្សែនេះ ខេត្តរតនគិរីត្រូវគេសម្លឹងឃើញថា នឹងកាន់តែកែប្រែមុខមាត់ថ្មី ទាំងវិស័យសេដ្ឋកិច្ច ទេសចរណ៍ វិស័យសិក្សាធិការ វប្បធម៌ជាដើម។ល។ មិនតែប៉ុណ្ណោះនៅពេលដែលផ្លូវនេះស្ថាបនារួច សង្ឃឹមថានឹងមានភ្ញៀវទេសចរណ៍ធ្វើដំណើរទៅកាន់តំបន់កន្ទុយនាគ ដែលជាតំបន់ធ្លាប់ត្រូវគេនិយាយថា ជារមណីយដ្ឋានធម្មជាតិដ៏ល្អប្រណីត ដែលភ្ញៀវទេសចរណ៍មិនដែដលបានទៅដល់សោះ៕
ដោយ យឹម សារិទ្ធិ
តំបន់ មុំបី កន្ទុយនាគ 
