ទំនប់ទឹកអន្លង់ជ្រៃ មានវិសាលភាពផ្ទៃទឹកធំទូលាយ នាំខ្យល់បក់ត្រសៀកៗមកប៉ះកាយា ជាទីមនោរម្យសម្រាប់ទទួលទានអាហារថ្ងៃត្រង់ ដែលវេចខ្ចប់ពីផ្ទះជាលក្ខណៈគ្រួសារ ជួបជុំមិត្តភក្តិ ឬក្រុមការងារនាឱកាសនៃដំណើរកម្សាន្តបុណ្យទានក្នុងខែភ្ជុំបិណ្ឌ និងចុងសប្តាហ៍ផងដែរ។
ទំនប់ទឹកអន្លង់ជ្រៃ មានទីតាំងស្ថិតនៅក្នុងភូមិអន្លង់ជ្រៃ ឃុំប្រាំបីមុំ ស្រុកថ្ពង ខេត្តកំពង់ស្ពឺ។ លោកអ្នកអាចចេញពីទីរួមខេត្តកំពង់ស្ពឺ ចម្ងាយប្រមាណ៤៨គីឡូម៉ែត្រ។ ប្រសិនបើជិះហួសតំបន់ទំនប់បន្តិចប្រមាណ៥ ឬ៦គីឡូម៉ែត្រ លោកអ្នកនឹងទៅដល់វាលផ្កាពណ៌លឿងដ៏ស្រស់បំព្រងក្នុងចម្ការអំពៅរបស់ក្រុមហ៊ុនលោកឧកញ៉ា លី យ៉ុងផាត់។ ទំនប់អន្លង់ជ្រៃ បានសាងសង់ពីជំនាន់ខ្មែរក្រហម បានប្រែក្លាយជាទំនប់វារីអគ្គិសនីថ្មី តាំងពីឆ្នាំ២០១២ ដែលទួលទំនប់មានប្រវែង ៦,២០គីឡូម៉ែត្រ ហើយផ្ទៃទឹកអាងទំនប់អន្លង់ជ្រៃ នារដូវវស្សាអាចមានផ្ទៃទឹកទំហំប្រមាណ៤៧៩គីឡូម៉ែត្រការ៉េ។ ទីនេះជាប្រភពដ៏សំខាន់សម្រាប់ផ្តល់ទឹកធ្វើកសិកម្ម និងប្រភពផ្ដល់ថាមពលអគ្គិសនីរបស់ស្រុកថ្ពង ផងដែរ។ ក្រៅពីជាទីលម្ហែកាយនោះ ទំនប់ទឹកអន្លង់ជ្រៃ គឺជាទីផ្តល់ថាមពលអគ្គិសនីយ៉ាងសំខាន់សម្រាប់ ប្រជាពលរដ្ឋទូទាំងស្រុកថ្ពង បានប្រើប្រាស់គ្រប់គ្រាន់ ក្នុងរដូវវស្សា តែនៅរដូវប្រាំងវិញ មិនបានគ្រប់គ្រាន់ទេ ដោយសារទឹកតិចពុំអាចផ្តល់ចរន្តខ្លាំងក្នុងការបង្កើតថាមពលអគ្គិសនីដូចរដូវវស្សាឡើយ។ ចំពោះតម្លៃថាមពលអគ្គិសនីមានតម្លៃ៨០០រៀល ក្នុង១គីឡូវ៉ាត់ ខណៈតម្លៃអាចនឹងចុះថ្លៃជាងនេះនៅពេលខាងមុខ។ ក្រៅពីនេះទំនប់អន្លង់ជ្រៃ ក៏ជាទីកន្លែងសម្រាប់ប្រារឰពិធីបុណ្យអុំទូកផងដែរ។ នៅក្នុងខែវិច្ឆិកា ដែលជារដូវកាលប្រារព្ធបុណ្យអុំទូក ជារៀងរាល់ឆ្នាំរបស់ស្រុកថ្ពង គឺភ្ញៀវទេសចរមកលេងយ៉ាងច្រើនកុះករ។ ថ្មីៗនេះ ក៏បានលេចឮព័ត៌មានថា មានក្រុមហ៊ុនឯកជននានា ចង់សហការកែច្នៃតំបន់នេះ ឲ្យក្លាយជាតំបន់រមណីយដ្ឋានកសិ-ទេសចរណ៍ផងដែរ
ទំនប់ទឹកអន្លង់ជ្រៃ ទីលម្ហែកាយដ៏ប្រពៃ ឯទឹកដីកំពង់ស្ពឺ ត្រៀមស្វាគមន៍អ្នកដំណើរជិតឆ្ងាយ រដូវបុណ្យភ្ជុំបិណ្ឌក្រុងច្បារមនៈ ដោយមានវិសាលភាពផ្ទៃទឹកធំទូលាយ នាំខ្យល់បក់ត្រសៀកៗមកប៉ះនឹងកាយា តំបន់ទំនប់ទឹកអន្លង់ជ្រៃ ជាទីមនោរម្យសម្រាប់ការទទួលទានអាហារថ្ងៃត្រង់ ដែលវេចខ្ចប់ពីផ្ទះដាក់តាមរថយន្ត ជាលក្ខណៈគ្រួសារ ជួបជុំមិត្តភក្តិ ឬក្រុមរួមការងារ នាឱកាសនៃដំណើរកម្សាន្តធ្វើបុណ្យទានរដូវកាលបុណ្យភ្ជុំបិណ្ឌ ក៏ដូចជានៅថ្ងៃចុងសប្តាហ៍ផងដែរ។
អមដោយទេសភាពជួរភ្នំ មានពពករសាត់យ៉ាងសក្បុសពីចម្ងាយ តំបន់ទំនប់ទឹកអន្លង់ជ្រៃ មានទីតាំងស្ថិតនៅក្នុងភូមិអន្លង់ជ្រៃ ឃុំប្រាំបីមុំ ស្រុកថ្ពង ខេត្តកំពង់ស្ពឺ។ការធ្វើដំណើរអាចចេញពីទីរួមខេត្តចម្ងាយប្រមាណ ៤៨ គីឡូម៉ែត្រ។ ប្រសិនបើជិះហួសតំបន់ទំនប់បន្តិចទៀតប្រមាណ ៥ ឬ៦ គីឡូម៉ែត្រ អ្នកដំណើរនឹងទៅដល់វាលផ្កាពណ៌លឿងដ៏ស្រស់បំព្រងជាចម្ការអំពៅរបស់លោកឧកញ៉ា លី យ៉ុងផាត់។
លោកគៀត គន្ធា ជាអ្នកមើលប្រចាំការមេភ្លើងនៅទំនប់ទឹកទឹកអន្លង់ជ្រៃ បានបង្ហើបឲ្យដឹងពីការស្តារសាងសង់ទំនប់សល់ពីជំនាន់ខ្មែរក្រហមមកនោះ ឲ្យក្លាយជាទំនប់វារីអគ្គិសនីថ្មីថា៖ «ទំនប់វារីអគ្គិសនីនេះ សាងសង់តាំងពីឆ្នាំ ២០១២ ដែលទួលទំនប់មានប្រវែង ៦,២០ គីឡូម៉ែត្រ ហើយផ្ទៃទឹកអាងទំនប់អន្លង់ជ្រៃ នារដូវវស្សាអាចមានផ្ទៃទំហំប្រមាណជា ៤៧៩ គីឡូម៉ែត្រការ៉េ។ ទីនេះជាប្រភពដ៏សំខាន់សម្រាប់ផ្តល់ទឹកធ្វើកសិកម្ម និងប្រភពផ្តល់ថាមពលអគ្គិសនីរបស់ស្រុកថ្ពងផងដែរ»។
លោកបន្តថា៖ «ក្រៅពីជាទីលម្ហែកាយនោះ ទំនប់ទឹកអន្លង់ជ្រៃ គឺជាទីផ្តល់នូវប្រភពផ្តល់ថាមពលអគ្គិសនី យ៉ាងសំខាន់សម្រាប់ប្រជាពលរដ្ឋទូទាំងស្រុកថ្ពង ប្រើប្រាស់គ្រប់គ្រាន់នៅរដូវវស្សា តែនៅរដូវប្រាំងវិញមិនបានគ្រប់គ្រាន់ទេដោយសារមានទឹកតិចពុំអាចផ្តល់ចរន្តខ្លាំងក្នុងការ បង្កើតថាមពលអគ្គិសនីបានច្រើនដូចនៅរដូវវស្សានោះឡើយ»។
ចំពោះថាមពលអគ្គិសនីវិញ លោកបានបញ្ជាក់ថា មានតម្លៃ ៨០០ រៀល ក្នុង ១ គីឡូវ៉ាត់ ខណៈតម្លៃអាចនឹងចុះថ្លៃជាងនេះនៅពេលខាងមុខ។
ទោះបីពុំទាន់មានការកែច្នៃបន្ថែមឲ្យមានលក្ខណៈទាក់ទាញ បែបជាតំបន់ទេសចរណ៍លម្ហែកាយនៅឡើយក្តី តែទីនេះឃើញបណ្តុំទេសភាពព្រៃព្រឹក្សាចោលម្លប់ត្រជាក់ និងអាចសង់ជាក្យូសលម្ហែកាយតាមទួលទំនប់ សម្រាប់ផ្តល់សេវាកម្មភ្ញៀវមកកម្សាន្តថតរូបលេង និងទទួលទានអាហារ។លោក គៀត គន្ធា ក៏ប្រាប់ពីសក្តានុពលនៃការទាក់ទាញភ្ញៀវទេសចរទៅលម្ហែនៅតំបន់ទំនប់អន្លង់ជ្រៃនេះដែរថា៖ «សម្បូរទេសចរទាំងជិត និងឆ្ងាយ ចូលទៅលម្ហែកាយ ទទួលទានបាយវេចខ្ចប់ដាក់តាមរថយន្ត ជាលក្ខណៈគ្រួសារ ជួបជុំមិត្តភក្តិ ឬក្រុមរួមការងារ នៅរដូវកាលបុណ្យភ្ជុំបិណ្ឌ និងនៅថ្ងៃចុងសប្តាហ៍ (សៅរ៍ និងអាទិត្យ) ក៏សម្បូរទេសចរមកកម្សាន្តលេងផងដែរ»។
លោកបញ្ជាក់ទៀតថា៖ «ក្រៅពីនេះ ទំនប់អន្លង់ជ្រៃ ក៏ជាទីកន្លែងសម្រាប់ប្រារព្ធពិធីបុណ្យអុំទូកដែរ នៅក្នុងខែ វិច្ឆិកា ដែលជារដូវកាលប្រារព្ធបុណ្យអុំទូក ជារៀងរាល់ឆ្នាំរបស់ស្រុកថ្ពង គឺមានភ្ញៀវមកលេងយ៉ាងច្រើនកកកុញ។ ថ្មីៗនេះ ក៏បានលេចឮថា មានក្រុមហ៊ុនឯកជននានា ចង់សហការកែច្នៃឲ្យក្លាយជាតំបន់រមណីយដ្ឋានកសិទេសចរណ៍ផងដែរ»៕
(កំពង់ឆ្នាំង)៖ ដោយសារការបើកទ្វារទឹកនៅ ទំនប់អន្លង់ជ្រៃ ខេត្តកំពង់ស្ពឺ និងទឹកភ្លៀងធ្លាក់មកជាបន្ដបន្ទាប់ បានធ្វើឲ្យជន់លិចផ្លូវជាតិលេខ៥ ចន្លោះគីឡូម៉ែត្រលេខ៣៩-៤០ ស្ថិតក្នុងស្រុកកំពង់ត្រឡាច និងស្រុកសាមគ្គីមានជ័យ ខេត្តកំពង់ឆ្នាំង នៅព្រឹកថ្ងៃទី២២ ខែកក្កដា ឆ្នាំ២០២២នេះ។
លោក ឆាយ លាភា ប្រធានមន្ទីរសាធារណការ និងដឹកជញ្ជូនខេត្តកំពង់ឆ្នាំង បានឲ្យដឹងថា ដោយសារតែទឹកភ្លៀងធ្លាក់មកខ្លាំង អាជ្ញាធរបានបង្ខំចិត្តបើកទ្វារទំនប់អន្លង់ជ្រៃ ដើម្បីបញ្ចៀសការបាក់ដោយប្រការណាមួយ ដូច្នេះហើយបានធ្វើឲ្យទឹកធ្លាក់មកខាងក្រោម និងជន់លិចផ្លូវជាតិលេខ៥តែម្ដង។ លោកបន្ដថា ប្រសិនបើមេឃនៅផ្នែកខាងលើ បន្តធ្លាក់ភ្លៀង ទឹកជំនន់នេះអាចនឹងលិចផ្លូវជាតិនៅចំណុចខាងលើនេះបន្តទៀត។
Hout Songhak ទាក់ទងនឹងទ្វារទឹកអន្លង់ជ្រៃស្ថិតនៅខេត្តកំពង់ស្ពឺ ត្រូវបានមន្រ្តីធនធានទឹក បានបញ្ជាក់ថា «ទ្វារទឹកនេះ ជាទ្វារទឹកស្វ័យប្រវត្តិ ដែលជាអាងទឹក ទំនប់ ដី មាន ប្រវែង រហូតដល់ ជាង ៦ គីឡូម៉ែត្រ រក្សា ទឹក ទុក បាន ដល់ ជាង ១៥០ លាន ម៉ែត្រ។ នៅពេលណាទឹកឡើងលើស ១៥០លានម៉ែត្រូគូប និងដើម្បីរក្សាតួទំបន់ហ្នឹងបាន កុំឲ្យវាបាក់ដូច្នេះទ្វារទឹកអន្លង់ជ្រៃ ត្រូវបានបើកដោយស្វ័យប្រវត្តិ ដើម្បីបង្ហូរទឹកចេញ ហើយនៅពេលទឹកហូរចេញ និងអាចរក្សាតួទំបន់នេះបានទ្វារទឹកហ្នឹង ក៏ត្រូវបានបិទជាស្វ័យប្រវត្តិដោយខ្លួនឯង»៕
Sorn Sopheak-ស៊ន សុភក្រ្ត ទឹកលិចផ្លូវជាតិលេខ៥ ចាប់ផ្តើមស្រុកហើយ ! ឡានតូចអាចធ្វើដំណើរបាន តែឡានធំឲ្យតាមផ្លូវវៀងស្រុកឧដុង្គ! ទឹកជន់លិចផ្លូវជាតិលេខ៥ ព្រំប្រទល់កំពង់ស្ពឺ និងកំពង់ឆ្នាំង ស្រកហើយ ក្រោយទ្វារទឹកទំនប់អន្លង់ជ្រៃ ត្រូវបានបិទវិញដោយស្វ័យប្រវត្តិ, រថយន្តតូចអាចធ្វើដំណើរបាន, រថយន្តធំធ្វើដំណើរតាមផ្លូវវៀងស្រុកឧដុង្គ
ខេត្តកំពង់ឆ្នាំង :ភ្លៀងនៅតែបន្តធ្លាក់ជារៀងរាល់ថ្ងៃធ្វើអោយស្ថានភាពទឹកមានការកើនឡើងនៅផ្នែកខាងលើគ្រាដែលមន្ទីធន់ធានទឹកនិងឧុតុនិយមខេត្តកំពង់ឆ្នាំងប្រញ្ញាប់ធ្វើការជូនដំណឹងបន្ទាន់ដល់អាជ្ញាធស្រុកសាមគ្គីមានជ័យ.ឃុំ.ភូមិ .ស្តីបើកទ្វារទឹកទាំង៣នៅអាងទឹកអន្លង់ជ្រៃ ត្រូវបានបង្ហូរចុះមកផ្នែកខាងក្រោមមកតាមដង ស្ទឹងក្រាំងពន្លៃ និងឃុំមួយចំនួនជាប់ដងស្ទឹងផ្នែកខាងក្រោមត្រូវបង្កើនការប្រុងប្រយ័ត្នខ្ពស់ដែលអាចនិងជន់លិចផ្នែកខាងក្រោមៗ ។
ប្រធានមន្ទីធន់ធានទឹកនិងឧតុនិយមខេត្តកំពង់ឆ្នាំលោក .ដោកប៊ុនថុន.បានអោយដឹងនៅថ្ងៃទី០៩ ខែកញ្ញា ឆ្នាំ ២០២១ នេះថាអាងទឹកទំនប់អន្លង់ជ្រៃ បានឡើងដល់កម្រិតកំពស់៣ម៉ែត្រ ដល់កម្រិតទ្វារទឹក ដែលត្រូវបានបើកទ្វារទាំងអស់ បង្ហូរទឹកទៅតាមដងស្ទឹងក្រាំងពន្លៃធ្លាក់មកផ្នែកខាងក្រោមៗ ។
មន្ទីធន់ធានទឹកនិងឧុតុនិយមបានជូនដំណឹងដល់រដ្ឋបាលស្រុកសាមគ្គឺមានជ័យឃុំ.ភូមិដែលជាប់ដងស្ទឹងត្រូវបង្កើនការប្រុងប្រយ័ត្ន ខ្ពស់ដើម្បីត្រៀមបង្ការក្នុងការទប់ស្កាត់ និងផ្សព្វផ្សាយពត៌មាននេះជូនដល់ប្រជាពលរដ្ឋដែលរស់នៅតាមដងស្ទឹង។
ប្រធានមន្ទីធន់ធានទឹកនិងឧុតុនិយមបានបញ្ជាក់អផយដឹងថាការបើកទ្វាទឹកទាំង៣របស់អាងស្តុបទឹកអន្លុងជ្រៃនេះគឺដើម្បីបញ្ជៀសទឹកដែលមានការកើនឡើងដោយសារទឹកភ្លៀងដែលបន្តភ្លាក់មករាល់ថ្ងៃធ្វើអោយទឹកកើនឡើង ។
ប្រធានមន្ទីធនធានទឹកបានអោយដឹងបន្ថែមទៀតថាស្ថានភាពទឹកនៅក្នុងអាងស្តុកទឹកអន្លុងជ្រៃមិនទាន់ដល់កំរិតដែលត្រូវប្រកាស់អោយប្រុងប្រយត្ន័នៅឡើយទេ ។
ដោយឡែកស្ថានភាពទឹកទន្លេនៅស្ថានីយ៍ជលសាស្ត្រមាត់ទន្លេផ្សារក្រោមថ្ងៃនេះមានកម្ពស់៥.៦៩ម៉ែត្របើធៀបនិងឆ្នាំ២០២០ទឹកមានកម្ពស់៥.១០ម៉ែត្រដផយកម្រិតទឹកភ្លៀងបាន៨ស្រុកនិងមានកម្រិត១.២-៤៨ម.ម.៤៨ម.មនៅក្នុងស្រុករលាប្អៀរ ៕
ស្ទឹង នៅកម្ពុជា
- ស្ទឹងកំចាយ (ខេត្តកំពត)
- ស្ទឹងកំពង់ក្រសាំង (ខេត្តឧត្តមានជ័យ)
- ស្ទឹងក្រាំងពន្លៃ (ខេត្តកំពង់ឆ្នាំង)
- ស្ទឹងជីនិត (ខេត្តកំពង់ឆ្នាំងនិងខេត្តកំពង់ធំ)
- ស្ទឹងជីក្រែង (ខេត្តសៀមរាប)
- ស្ទឹងដូនទ្រី (ខេត្តបាត់ដំបង)
- ស្ទឹងតាំងក្រសាំង(ខេត្តកំពង់ធំ)
- ស្ទឹងប៉ៃលិន (ខេត្តប៉ៃលិន, ខេត្តបាត់ដំបង និងខេត្តបន្ទាយមានជ័យ) ស្ទឹងនេះហូរប្រសព្វគ្នាជាមួយស្ទឹងកុយ និងស្ទឹងកំរៀង ក្នុងតំបន់ប្រទល់ឃុំស្ទឹងត្រង់ ខេត្តប៉ៃលិន និងឃុំកំប្រង់ ខេត្តបាត់ដំបង រួចហូរចូលស្ទឹងបវេល និងបន្តហូរចូលស្ទឹងមង្គលបូរី
- ស្ទឹងបរិបូរ(ខេត្តកំពង់ឆ្នាំង)
- ស្ទឹងមង្គលបុរី (ខេត្តបន្ទាយមានជ័យ)
- ស្ទឹងពោធិ៍សាត់ (ខេត្តពោធិ៍សាត់)
- ស្ទឹងព្រែកត្នោត (ខេត្តកំពង់ស្ពឺ ខេត្តកណ្តាល និងរាជធានីភ្នំពេញ)
- ស្ទឹងព្រះនេត្រព្រះ (ខេត្តបន្ទាយមានជ័យ)
- ស្ទឹងរលួស (ខេត្តសៀមរាប)
- ស្ទឹងសង្កែ (ខេត្តប៉ៃលិន និងខេត្តបាត់ដំបង)
- ស្ទឹងសិរីសោភ័ណ (ខេត្តបន្ទាយមានជ័យ)
- ស្ទឹងសៀមរាប (ខេត្តសៀមរាប)
- ស្ទឹងសែន (ខេត្តព្រះវិហារ និងខេត្តកំពង់ធំ)
- ស្ទឹងស្ទោង (ខេត្តកំពង់ធំ និងខេត្តព្រះវិហារ)
- ស្ទឹងស្រែង (ខេត្តឧត្តមានជ័យ និងខេត្តសៀមរាប)
- ស្ទឹងស្លាគូ (ខេត្តកំពង់ស្ពឺ)
- ស្ទឹងស្វាយចេក(ខេត្តបន្ទាយជ័យ)
- ស្ទឹងហាវ (ក្រុងព្រះសីហនុ)
- ស្ទឹងអាតៃ (ខេត្តពោធិ៍សាត់និងខេត្តកោះកុង)
